ԵԿԵՂԵՑԻ

Կիրակնօրյա խոսքից. ❤️‍🔥 Նա երիտասարդ տարիքից ձգտում էր հետևել Աստծուն և չէր դիմում կռապաշտությանը: Նա ամբողջ երկրում վերացրեց բազմաթիվ կուռքերն ու բարձրավայրերը և խրախուսեց ժողովրդին պաշտել միայն Տիրոջը: Նա իշխաններ, քահանաներ և ղևտացիներ ուղարկեց Հուդայի քաղաքները, որպեսզի ժողովրդին սովորեցնեն յռփԱստծո օրենքը։ Սա եզակի նախաձեռնություն էր թագավորների օրոք ոյե։ Նա ամրացրեց երկրի պաշտպանությունը և կառուցեց ամրություններ, սակայն իր վստահությունը չէր դնում միայն ռազմական ուժի վրա։ Բ Մնացորդաց 20:1–30 Հովսափատի հաղթանակը 1. Թշնամիները գալիս են Հուդայի դեմ — 1–4 Մովաբացիների, ամմոնացիների և նրանց հետ միացած մարդկանց մեծ բանակը գալիս է պատերազմելու Հուդայի դեմ։ Հովսափատը վախենում է, բայց իր վախի մեջ Աստծուն է դիմում։ Նա որոշում է ամբողջ ժողովրդին հավաքել և ծոմ պահել ու աղոթել Աստծուն։ 2. Հովսափատի աղոթքը — 5–12 Հովսափատը ժողովրդի առաջ աղոթում է Աստծուն։ Նա հիշեցնում է, որ Աստված նախկինում օգնել է Իսրայելին և տվել է նրանց այս երկիրը։ Հովսափատն ասում է, որ երբ իրենց դժվարություն է պատահում, իրենք Աստծուն են աղաղակում, և Նա լսում է։ Վերջում ասումա «Մենք չգիտենք՝ ինչ անենք, բայց մեր աչքերը Քեզ են ուղղված»։ Այս խոսքը ցույց է տալիս Հովսափատի հավատը․ նա հասկանում է, որ իր ուժերով չի կարող հաղթել։ 3. Աստծո պատասխանը — 13–17 Ամբողջ ժողովուրդը կանգնած է Աստծու առաջ։ Այդ ժամանակ Աստծու Հոգին գալիս է Հազիելի վրա, և նա հայտնում է Աստծու խոսքը. «Մի՛ վախեցեք և մի՛ զարհուրեք այս մեծ բազմությունից, որովհետև պատերազմը ձերը չէ, այլ Աստծունը»։ Աստված ասում է, որ նրանք պետք է դուրս գան թշնամու դեմ, բայց իրենք չպետք է վախենան, որովհետև Աստված նրանց հետ է և Ինքը պիտի կռվի նրանց փոխարեն։ 4. Հովսափատի արձագանքը 18–19 Հովսափատը և ամբողջ ժողովուրդը խոնարհվում են Աստծու առաջ և երկրպագում։ Ղևտացիները սկսում են բարձր ձայնով փառաբանել Աստծուն։ 5. Փառաբանողները բանակի առջև — 20–21 Հաջորդ առավոտ Հովսափատը ժողովրդին քաջալերում է. «Հավատացեք ձեր Աստծուն և հաստատուն կմնաք»։ Հետո նա բանակի առջև երգիչներ է դնում, որպեսզի փառաբանեն Աստծուն։ Նրանք երգում են, որ Աստծու ողորմությունը հավիտյան է։ Այսինքն՝ նրանք պատերազմի են գնում ոչ թե միայն զենքի ու ուժի վստահությամբ, այլ Աստծուն ապավինելով և Նրան փառաբանելով։ 6. Աստված հաղթում է թշնամիներին — 22–24 Երբ նրանք սկսում են փառաբանել Աստծուն, Աստված խառնաշփոթ է առաջացնում թշնամիների մեջ։ Մովաբացիներն ու ամմոնացիները սկսում են կռվել իրենց դաշնակիցների դեմ և ոչնչացնում են միմյանց։ Երբ Հուդայի մարդիկ հասնում են այնտեղ, տեսնում են, որ թշնամիները արդեն կործանված են։ Հուդայի ժողովուրդը նույնիսկ չի ստիպված լինում սովորական ձևով պատերազմել։ 7. Թշնամու ունեցվածքը — 25–26 Հովսափատն ու ժողովուրդը հավաքում են թշնամիների թողած շատ ավար՝ այնքան, որ այն հավաքելու համար երեք օր է պահանջվում։ Չորրորդ օրը նրանք հավաքվում են և օրհնում Աստծուն։ Այդ պատճառով այդ վայրը կոչվում է Բերաքայի հովիտ, այսինքն՝ օրհնության հովիտ։ 8. Ժողովուրդը վերադառնում է ուրախությամբ — 27–28 Հովսափատն ու ժողովուրդը վերադառնում են Երուսաղեմ ուրախությամբ, որովհետև Աստված նրանց հաղթանակ էր տվել։ Նրանք մտնում են Երուսաղեմ՝ տավիղներով, քնարներով և փողերով, և գնում են Տիրոջ տուն։ 9. Վերջնական արդյունքը — 29–30 Երբ մյուս ժողովուրդները լսում են, որ Տերն է կռվել Իսրայելի թշնամիների դեմ, նրանք վախենում են։ Հովսափատի թագավորությունը հանգիստ է ունենում, որովհետև Աստված նրան խաղաղություն է տալիս բոլոր կողմերից։