RTA Dari - رادیوتلویزیون ملی

د غزې روغتیا وزارت وایي، چې نن سهار (شنبه، د چنګاښ ۲۳مه) د غزې په خان یونس ښار کې د بې‌ځایه شویو پر خيمو د صهیونیستي رژیم د بریدونو له امله لږ تر لږه ۷۱ فلسطینیان شهیدان او ۲۸۹ نور ټپیان شوي. د راپورنو له مخې؛ دغه بریدونه پر المواصي سیمه شوي، کومه چې د اسراییلي اشغالګرو له لوري د غیرې نظامیانو لپاره د امن سیمې په نوم ځانګړې شوې وه. بل لوری د فلسطیني بې‌ځایه شويو لپاره د ملګرو ملتونو د مرستې رسونې اژانس (انروا) تېره ورځ د یوې خبرپاڼې په خپرولو سره ټینګار کړی، چې اوس مهال غزه کې د اوسېدو لپاره هېڅ سیمه خوندي نه پاتې. #ملي‌تلویزیون

د افغانستان بین المللي بانک (AIB) رییس ابراهیم محب د ریاست‌الوزرا له اداري مرستیال مولوي عبدالسلام حنفي سره په لیدنه کې ویلي، دغه بانک پام کې لري، چې د بانکدارۍ د برنامو سربېره د روغتیا، ودانیزو موادو د تولید او هوټلدارۍ برخو کې پانګونه وکړي. ورته مهال د ریاست‌الوزرا اداري مرستیال د خصوصي بانکونو رول د هیواد د پرمختګ او پراختیا لپاره حیاتي بللی او زیاته کړې یې ده، چې اسلامي امارت له خصوصي سکتور څخه د ملاتړ په موخه د دوی لپاره لازمې اسانتیاوې برابروي. #ملي‌تلویزیون

د ریاست‌الوزرا اقتصادي معاونیت وایي، چې د پانګونې بین‌الوزارتي کمېټې نوبتي غونډې کې د ننګرهار په حصار شاهي او شیخ مصري صنعتي پارکونو کې د لمریزې برېښنا د تولید طرحې تایید او د منظورۍ لپاره اقتصادي کمېسیون ته وړاندې شوې. د یاد معاونیت په وینا؛ دې غونډه کې دغه راز د خصوصي سکټور له لوري کابل او کندهار کې د معیاري نخاس او مسلخونو د جوړولو د وړاندې شوې طرحې په تړاو ټاکل شوې کمېټې ته دنده سپارل شوې، څو د دې طرحې د تخنیکي مسایلو په اړه خپل راپور په ټاکل شوې نېټه د پانګونې بین‌‌الوزارتي کمېټې ته وړاندې کړي. #ملي‌تلویزیون

د کانونو او پټرولیم وزیر ملا هدایت‌الله بدري کابل کې د ترکمنستان له سفیر خواجه عوضوف سره په لیدنه کې د ټاپي پروژې د پرمختګ پر تړاو د خبرو سربېره، د دې پروژې د چارو په چټکتیا ټينګار کړی. ملا هدایت الله بدري دې لیدنه کې ویلي، اسلامي امارت لېواله دی، څو د یادې پروژې عملي چارې ژر تر ژره پیل شي. #ملي‌تلویزیون

د بغلان ولایت امنیې قومندانۍ مسولین وایي، چې نن (شنبه، د چنګاښ ۲۳مه) د دې ولایت ډنډې غوري ولسوالۍ اړوند خواجه‌ الوان سیمه کې د ترافیکي پېښې له امله د یوې مېرمنې په ګډون شپږو کسانو ژوند بایللی او پینځه نور ټپیان شوي. د مسولینو په وینا؛ د بغلان مرکز پلخمري ښار کې د موټرسایکل او موټر د ټکر له امله هم یوه تن ژوند بایللی دی. #ملي‌تلویزیون

#د_نن_لنډ_او_مهم_خبرونه د افغان او چینایي شرکتونو ترمنځ د ۲۵ میلیونه ډالرو په ارزښت له افغانستان څخه چین ته د پنبې صادراتو تړون لاسلیک شو. #ملي‌تلویزیون

نعت شریف:

خاورې دې د ځمکې وای خو ستاسو د کوڅې دې وای.

غږ: محمد‌نسیم هلال #ملي‌تلویزیون لخوا وړاندې کیږي.

د ریاست‌الوزرا اقتصادي مرستیال ملا عبدالغني برادر اخوند په مشرۍ جوړه شوې غونډه کې د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث شوی. دې غونډه کې د اوبو او انرژي وزارت د استازي په مشرۍ، د کانونو او پټرولیم وزارت، برېښنا شرکت، د امارتي شرکتونو د انسجام خپلواکې ادارې او ګلبهار پاور له استازو څخه جوړې شوې کمېټې ته دنده سپارل شوې، څو د یاد شرکت له لوري د ۱۰۰ میګاواټه ګازي برېښنا د تولید وړاندې شوې طرحې په اړه تخنیکي بحثونه وکړي او راپور یې په ټاکلي وخت د ریاست‌الوزرا اقتصادي معاونیت له مقام سره شریک کړي. د ریاست‌الوزرا اقتصادي معاونیت وایي، چې ګلبهار پاور خصوصي شرکت به د دغه طرحې له مخې په لومړی ۱۰۰ میګاواټه او بیا په تدریجي ډول تر ۷۰۰ میګاواټه ګازي برېښنا تولید کړي. #ملي‌تلویزیون

د کډوالو او بېرته راستنېدونکو چارو وزارت وایي، چې د روانې میاشتې ( چنګاښ) له ۱۹مې تر ۲۱مې نېټې ۸زره او ۳۷۷ افغان کډوال له ایرانه او یو زر او ۳۵۳ له پاکستان څخه هېواد ته راستانه شوي. د یاد وزارت په وینا؛ له یو شمېر راستنو شویو کډوالو سره نغدي مرسته شوې او یو شمېر نور یې د اړینو مرستو ترلاسه کولو په موخه مرستندویه سازمانونو ته ورپېژندل شوي دي. #ملي‌تلویزیون