The Queen of chess♟♟

وثيقة ملكية الدولة مفيهاش اراضي و سواحل بس لا دي مليانة من خيرات ربنا وكلها موجهة للديون 👌🏻 هنقول ايه بقا ياما صرخنا آن الاوان تبعد عن صندوق النقد لكن أسمع إن أسمعت حيا اكاذيب بتتداول القرارات بتندرس 10 مرات .. النمو بيزيد .. الاقتصاد بيتحسن و كل يوم خسارة جديدة في مكان شكل 👌🏻 📌 طب احنا في ايدينا ايه نعملوه 🤔 ولا حاجة يا فندم و لا اجهزة سيادية و لا اجهزة كهربية عشان متتعبوش قلبي بالسؤال المعتاد وثيقة ملكية الدولة و القانون 480 بيحصن الملاك الجدد للدولة ضد اي تحرك او تدخل لا قانوني و لا غير قانوني دي ناس فاهمة انها مبتغلطش ابدا و لوحدها اللي عارفة المصلحة " قُلْ هَلْ نُنَبِّئُكُمْ بِالْأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا " صدق الله العظيم

📌 هل كل الفدادين دي هتتباع بيع نهائي لأ .. في اراضي التابعة لوزارة الاسكان هتتباع بيع نهائي و الفدادين التابعة لصناديق اخري زي صندوق مصر السيادي و التابعة لبنك الاستثمار القومي معروضة للشراكة مع المستثمرين 📌 طب حصيلة البيع بقا هتروح فين هيتسدد بيها عجز موازنة الديون يعني مش هنعمل بيها مصانع مثلا و نشغل الناس عارفين 9 مليار دولار يبنوا كام مجمع صناعي 🔸هديكم نموذج : كيما 2 بتاع الاسمدة ال 9 مليار دولار هيبنوا 12 كيما ▪ بطاقة انتاجية 14400 طن امونيا .. و 19000 طن يوريا يوميااااا ▪هيوفروا 23 الف فرصة عمل ثابتة و 62 الف فرصة عمل بتعاقد و 117 الف وظيفة مرتبطة خدمية ▪لما انتج الكميات دي يوميا يبقا شهريا هيكون عندي 120 الف طن امونيا فائض جاهز للتصدير سعر الطن 770 دولار " انهاردة " و 400 الف طن يوريا فائض جاهز للتصدير سعر الطن 450 دولار اجمالي العائد الشهري للتصدير 272.5 مليون دولار يعني سنوي 3.2 مليار دولار في 3 سنين يبقا 9.6 مليار دولار .. استرديت التكلفة و كسبان 600 مليون دولار كمان 🤷🏻‍♀️🤷🏻‍♀️ عملت مصانع .. شغلت الناس .. رفعت من مستواهم المعيشي .. كفيت احتياجات السوق باسعار رخيصة .. صدرت و قللت العجز في ميزان المدفوعات ايه بقا انا گ مصر هستفيده من ام الابراج و الفنادق و البلوكات الخرسانية و الزفت فوق دماغكم و دماغ اللي شار علينا بيكم 🤷🏻‍♀️🤷🏻‍♀️ و لااااا اي حاجة غير نزع ملكية ضفاف النيل من المصريين و نقلها لفئة معينة و مش مصريين كمان 🤷🏻‍♀️🤷🏻‍♀️ بلد بيدير اقتصادها واحد بتاع اسمنت و خلاطة .. هتبقا دولة صناعية بأمارة ايه ما لازم تبقا مقاول .. اتيتيود المعلم هريدي ابو الهدد بتاع فيلم الراقصة و الطبال 🤷🏻‍♀️🤷🏻‍♀️ و هياخدوا ال 9 مليار دولار يسددوا بيهم اعباء الدين في موازنة 2027 و بعدين في 2028 محتاجين يقترضوا 41 مليار دولار هتبيعوا ايه بقا .. كلاوينا ده اللي هيتفضل في البلد اصلا 🤷🏻‍♀️🤷🏻‍♀️ " زي طرح المطارات للقطاع الخاص .. تمام هيطوروهم و يشغلوهم و يدفعوا للحكومة قيمة عقود التشغيل بالدولار حلوووو هناخد القيمة دي نودوها فيييين بقاااا 👈🏻 لسداد عبء الدين بردوووو 😳 " و اللي يكيدك يا اخي و يركبك المرض ان يقولك ايه : القرار قبل ما يتاخد بيندرس 10 مرات 🙄 10 مرات و أستك 😒 📌 هل الجزر النيلية و المحميات لها نصيب في الكارثة دي ▪الجزر مش كلها محميات المحميات لا يجوز التعامل عليها انما كافة الجزر بعد ذلك املاك دولة بالتالي يجوز التصرف فيها بالبيع او حق الانتفاع او الاستثمار المباشر ▪زي جزيرة الوراق و امبابة بموجب القانون 480 يجوز نزع ملكية الاراضي من مالكيها و تخضع لما يسمي الخطة الحكومية لتطوير الجزيرة و دي شراكة بين الحكومة و بين مستثمرين الحكومة بتشارك بالارض .. و المستثمرين هيتكلفوا البنية التحتية و الانشاءات للفنادق و المنتجعات السياحية اللي هيتم انشاءها فيها و توزع الارباح بين الحكومة و المستثمر وفقا للنسب التقيمية 🔹الفنادق مش هتتباع .. هتكون مشروعات تدر دخل ثابت انما المنتجعات هتتباع وحدات سكنية وطبعا قانون تملك الاجانب هيتيح لاي حد انه يشتري 👌🏻 وثيقة ملكية الدولة اعدها إبليس شخصيا .. و حطها في اطار جميل انها هتجيب نهر دولارات نعوموا فيه " و روجتها شيطانة و اخدت مكافأتها منصب براتب مليون ونص شهريا 🤷🏻‍♀️🤷🏻‍♀️ .. و اقامة في نيويورك " و دي مش حقيقة .. مفيش منها عائد مستدام دي تفريط في حقوق و املاك ومقدرات الاجيال الحالية و الاجيال القادمة و ده مش من حق حد ♦و تيجي انهاردة تكلمني عن اللي الامارات بتعمله يؤذي امنك القومي الله 🤔 بيعتلها نص البلد ليييييه يا فندم السواحل و الاراضي الزراعية و المجمعات الصناعية الغذائية و الادوية و الفنادق و الاراضي الصحراوية و المستفيات و المعامل ومحطات الكهربا و لسه هتديها مطارات و فدادين زراعية و فدادين علي ضفاف النيل يا باشا انت عملت للمواطن الاماراتي اللي معملوش الشيخ زايد الكبير نفسه 🤷🏻‍♀️ ▪الاعلام المناوئ و اللي مولوا الارهاب و دعموه هيتحاسبوا الله 🤔 قطر اخدت فنادق اسوان كلها ده هشام طلعت اخد فندق بطلوع الروح و دفع تمنه رشاوي 🤷🏻‍♀️ و الديار القطرية لانشاء مدن في علم الروم و البحر الاحمر امن قومي ايه و بتاع ايه احنا هنهزر 😒😒 يا حبيبي الامارات اللي انت زاقق عليها اليوتيوبر و الفيسبوكية يشتموا فيها انهاردة انت بتشتري منها قمحك اللي هي زرعاه في ارضك .. لو قرر يصدره لغيرك هتعمل ايه🤷🏻‍♀️🤷🏻‍♀️ و وحياااااة امك بلاش عنتريات حنجورية و ناخد ارضناااااع دي مبقتش ارضك .. انت قابض تمنها و التحكيم الدولي يدفعك غرامات كمان لو قرروا يبيعوا انتاج محطات الكهربا بالاسعار العالمية مش التفاضلية هتعملهم ايه 🤔 ولا اي حااااجة 🤷🏻‍♀️🤷🏻‍♀️

🔵 #وثيقة_ملكية_الدولة: انا مكنتش حابة افتح الملف ده نهائي لانه ملف مشبوه و مش مريح و مخيف لكن بما ان بتسأل عليه ف تمام 👌🏻👌🏻 📌 وثيقة ملكية الدولة هي قانون مشبوه اتعمل في 2025 يتيح انهاء صفة 👈🏻 المال العام الغير جائز التصرف فيه او بيعه او التفريط فيه " و ده اللي متعارف عليه في مصر من ايام قدماء المصريين " الي ملكية خاصة للدولة بموجبه يجوز بيع الاراضي بكافة صفاتها .. بيع الاصول بكافة صفاتها و كذلك جواز طرحها للشراكة و حق الانتفاع و الاستثمار طويل الاجل سواء للمصريين او الاجانب ♦ليه القانون مشبوه لانه اختزل الدولة في بندين ▪ البند الاول :خطة الحكومة و المنفعة العائدة ماديا علي الحكومة و تحديد وجه الاستفادة من العائد في تخفيف عبء الدين " وطبعا اللي اعد الخطة هو صندوق النقد الدولي .. و ده كافي بالنسبة لي اني يكون القانون بالوثيقة مشبوهين " ▪البند التاني : موافقة الرئيس يعني القانون تجاهلنا گ شعب .. تجاهل الاجهزة السيادية و الاستخباراتية واعتبر موافقة الرئيس بديل عنهم .. تجاهل البرلمان " هو ملوش لازمة اه بس تجاهله " ف بقت الدولة عبارة عن الرئيس و الحكومة و انتقلت الملكية العامة لملكية خاصة بهمااااااا فقط 👌🏻 🔘 عشان اكون اكثر وضوح .. كل القوانين اللي تم تشريعها في البلد من 2018 لحد انهاردة قوانين مشبوهة سواء جديدة او تعديلات ▪ قانون تملك الاجانب ▪ قانون الجنسية ▪ قانون الاستثمار ▪تعديل قانون الاقتراض ▪تعديل قانون البورصة و الاستحواذات ف القانون 480 اللي تم تشريعه في 2025 لتحويل الملكية العامة لاملاك الرئيس و الحكومة يتصرفوا فيها كيفما شاؤوا و أينما شاؤوا ... ده قانون مشبوه و غير دستوري لأنه تجاهل موافقة او عدم موافقة الشعب ♦لما القانون تم الموافقة عليه ايه اللي حصل 👈🏻 الحكومة بدأت تحصر املاكها بقا عشان تتصرف فيها بالبيع .. بالمشاركة .. بحق الانتفاع المهم انها تجيب دولارات ليه 👈🏻 عشان تسدد ديونها .. اللي انا گ مواطن لم استفد منها شئ ▪ليه لم استفد منها شئ 👈🏻 لأن جودة حياتي لم تتحسن .. و انزلقت طبقات ل أصل الي الفقر 👌🏻 و الحكومة فسخت عقدها الاجتماعي معايا من طرف واحد .. بدون ما تاخد رأي و بقا التعليم و الصحة و الدعم مش مسئولية الحكومة بس ان الحكومة تعيش في رفاهية و تغير عربياتها بموديل السنة و تقترض وتاخد عمولات و حوافز علي الاقتراض و تدفع 8 مليار جنيه ايجار مقرها في العاصمة لشركة العاصمة و تصرف مكافآت للمستشارين الفرد الواحد ممكن يتجاوز ربع مليون جنيه ده مسئوليتك انت گ مواطن ▪ الحكومة مش هتصرف عليك من ضرايبك اللي انت بتدفعها لأنها ملتزمة بسداد فوايد الديون اللي ضرايبك كلها رايحة تسددها و كمان عندهم عجز 0.4% • طب و اقساط الديون نفسها 👈🏻 لا .. دي هتبيع اصولك عشان تسددها اللي هي مبقتش اصولك و لا املاكك .. بقت اصولها هي 👌🏻 ف لذلك انا بقالي سنة متجنبة الكلام في الملف ده لأني يا اقول الحقيقة كاملة .. يا اسكت 🤷🏻‍♀️ ♦نيجي للنقطة اللي انتوا بتسألوا فيها 👈🏻 ايه موضوع ضفاف النيل اللي هتتباع دي 🤔 وفقا لوثيقة ملكية الحكومة لأملاكنا گ شعب ف الحكومة حصرت مواقع مميزة علي النيل 110 موقع في القاهرة و 82 موقع في الجيزة باجمالي 192 موقع بإجمالي 745 فدان بقيمة 9 مليار دولار ▪ 3 مستثمرين خليجيين تقدموا لشراء 136 قطعة تقدموا لمين 👈🏻 صندوق التنمية الحضرية اللي بيتبع مين 👈🏻 وزارة الاسكان " اللي وزيرتها كان عليها قضية اختلاس و تربح سنة 2017 .. و لم يتم تبرئتها بل ردت الاموال المختلسة بضغط من وزير الاسكان وقتها مصطفي مدبولي .. هفضل اعيد و ازيد فيها لحد ما اموت لانه شئ غير منطقي 🤷🏻‍♀️" الوزارة بتتبع مين 👈🏻 الحكومة اللي هي الارض دي املاكها بموجب قانون 480 و الوثيقة يعني وفقا للقانون اللي اتقيف .. موقفهم سليم و زي الفل 👌🏻 📌 مين المستثمرين الخلايجة دول : شركات تابعة للصناديق السيادية في دولة قطر دولة الامارات دولة السعودية " هي قطر و الامارات بقوا دول امتي .. مش كانوا دويلات ااه فعلا 👈🏻 قبل ما يشتروا ارض مصر و يتوسعوا حدوديا عندك 👌🏻 " 📌 هل قيمة ال 9 مليار دولار دي قيمة عادلة للارض دي كلها ▪ لا طبعا هو مين اصلا اللي بيقيم 🤷🏻‍♀️ لكن ممكن تعرف القيمة ازااااي 👈🏻 احسب قيمة المتر السكني في المناطق دي للوحدات السكنية المطلة علي النيل حسبة كبيرة كده عملتها انا طلع الاجمالي 32 مليار دولار .. شيل 10 مليار دولار تكلفة مباني و بنية تحتية يتبقا 22 مليار دولار مش 9 مليار دولار خاااالص بس مننساش العمولات و الرشاوي و الاكراميات اللي محسوبة من قيمة الارض لكن مش ظاهرة في التقييم اومال الناس دي هتنيم ضميرها و تبيع وطنها مجانا .. لازم المنوم يكون يستحق 🤷🏻‍♀️

♦ اكمل قراية تجربة الصين ليه مش انا مش هطبق الا الجباية 🤷🏻‍♀️

و الاهم بقا 📌 ان في واحد متخلف عقليا اقنعكم ان النهضة الصينية قامت علي دماء وجوع الشعب و التضحية بالاجيال دي بردووو مشكلة انكم لا تقرأوا انا نفسي اعرف مين المستشار الاقتصادي الضلالي ده اللي مكملش شرح النهضة الاقتصادية للصين و اكتفي ب أول 5 صفحات من حياة ماو تسي تونج و مكملش بقا جرايمه في حق الشعب الجاهل لما يحب يعمل مثقف و يستعرض بمعلومات بيودي في داهية حرفيا و هيطلع في الاخر كان موظف تارجت في شركة مصر لتأمينات الحياة بس امه تعرف حد مهم .. ف بقا مستشار اقتصادي او تيلر بنك موقفش مرات وزير طابور فكافئوه انما مستحيييييل يكون بتاع اقتصاد من الاساس 🤷🏻‍♀️🤷🏻‍♀️ و ده سلو بلدنا اسناد الامور لغير اهلها انا عمري ما شوفت بلد في العالم كل المتخصصين في علم الاقتصاد رافعين ايديهم عن الحكومة .. و بينتقدوا الاقتصاد و بيقروا بالفشل الحكومي .. و بيوضحوا مدي تفاقم الاوضاع الاقتصادية و العواقب الوخيمة بعد ذلك لكل القرارات الخطأ و رئيسها و لااااا سامع لمخلوق فيهم و مكمل 🤷🏻‍♀️ اللي برا البلد و اللي جواها بيصرخوا ان كل ده غلط .. غلللللط ... يا عم انت غللللللط و مع ذلك العناد بالغ منتهاه 🤷🏻‍♀️ و يقولك الصين ونهضة الصين قال و انت داخل علي تضخم فنزويلا يا عم بلا هم بقا 😏😒

دي الاقوال اللي قالها دينج تشياو صاحب نهضة الصين مين بقا المتخلف عقليا اللي قالكم انه ضحي بجيل و اتنين عشان اوهامه تبقا وقائع .. انا معرفش الحقيقة 🤷🏻‍♀️🤷🏻‍♀️ 🔹انت عمرك ما هتحقق نهضة الصين .. لأنك ماشي عكس اتجاهها في كل شئ ▪دينج تشياو خصص اكبر دعم في تاريخ الصين للتعليم المجاني انت دمرت التعليم اساسا و قضيت علي الفرص التعليمية " هو انتوا مفكرين الشهادات الجامعية بتاعت المزابل التعليمية الخاصة و الاهلية دي شهادات اصلاااا " • الطفل المتغيب عن المدرسة 5 ايام كان بيستدعوا والديه في اقسام الشرطة و لو فقرا يتصرف لهم رواتب شهرية انت بقيت طااااارد لفكرة تعليم الاطفال فين مخصصاتك التعليمية اساسا انتوا بتستهبلوا اصلكم بلد ايه دي اللي عايزة تحقق نهضة .. تفرض 0.25% في الموازنة للبحث العلمي و 1.25% للتعليم عموما مجموعة مختلين نفسيا بيفرضوا مخصصات يستحقوا عليها المحاكمة لاكتر ملف لازم يتصرف عليه 😏 ▪الصين لحد انهاردة بتدعم الزراعة يوم 23 سبتمبر 2026 في عيد الحصاد الرئيس الصيني فرض 755 مليار يوان لدعم الزراعة • انت رفعت الدعم عن الزراعة و حررتها بناءا علي توجيهات اللي مستعبدك صندوق الغم • بترفع الدعم عن المحروقات اللي طبعااا هتأثر علي الزراعة • رفعت الدعم عن حصص الاسمدة • نزعت ملكية الاراضي الزراعية من الفلاحيين بعد ما سددوا اقساطها عشان تبيعها بالدولار • مشروع المليون و نص فدان اتنفذ منه 480 الف فدان 📌الغرير الاماراتية اخدت 181 الف فدان بشركة القناة للسكر بأصولها " مش ده مجمع السكر بتاع الافتتاح الكبير و طبلناله و صقفناله .. اخدته الامارات 😏" 📌الظاهر الاماراتية تستحوذ علي 116 الف فدان سددوا تمن 67 الف فدان و الباقي لسه و بيتفاوض علي 150 الف كمان 📌خيرات الراجحي واخدة 100 الف فدان في توشكي 📌 نادك الوطنية السعودية واخدة 75 الف فدان 📌الجابري للتنمية الزراعية السعودية واخدة 10 آلاف فدان شرق العوينات هو ده حلم الاكتفاء الذاتي و الزراعة اللي هتبقا واااااو بيعتوا الحلم عشان تسددوا تمن الوهم 🤷🏻‍♀️ " ده مثال من كل المشروعات الزراعية اللي راحت في الوبا .. راحت في الديون " ▪محدش في العالم محتاج حد يشرحله معجزة الصين الصناعية لقب رئيس الصين 👈🏻 رئيس مجلس ادارة مصنع العالم 🤷🏻‍♀️ ▪الدعم و الصرف علي الصناعات الدفاعية و التكنولوجيا كان اول خطوة تفوق فيها هو خلق اجيال من المتعلمين 🤷🏻‍♀️ ف انت انهاردة زبون عند الصين بتشتري منهم سلاح متطور ينافس السلاح الامريكي اللي عمله مش فضائيين .. عمله انسان زي و زيك دولته علمته كويس و صرفت عليه و انهاردة بقا من ملوك التكنولوجي في العالم ... و انت لسه عندك انترنت محدود و باقات 🤷🏻‍♀️🤷🏻‍♀️ ف بتقارن ايه ب ايه انت في طريق و الصين في الطريق تاني خاااالص و مفيش حاجة اسمها الصين جنت ثمار التنمية بعد 45 سنة ده لما يبقا واحد جاهل اقتصاديا .. عايز يحط التاتش بتاعه فبيحسب ان نجاح سنة 2010 كان قبله فقر و جوع من سنة 1978 📌 لا يا حبيبي مفيش الكلام ده : ▪سنة 1978 تم مضاعفة الاجور 3 اضعاف ▪الحكومة تحملت نفقات تعليم الابناء و اتجهوا لسياسة الطفل الواحد لان كان في عدد كبير من الاطفال 8 اضعاف كبار السن ▪الحكومة آلت ملكية الاراضي الزراعية للمزارع لكن لها الحق في شراء محصوله بأسعار تفاضلية مادام بياخد منها دعم لو ترك الدعم طواعية يحق له تصدير المحصول مباشرة ▪مشروع قومي عملاق حول المنازل لورش صغيرة و بقا مسئولية الحكومة تسويق المنتجات دي عالميا و فتح اسواق تصدير ▪انشاء مدارس في المصانع لتطوير الطالب و تدريبه و ضمان حصوله علي شهادة تعليمية جيدة مسمعناش عن دينج تشياو باع مجمع مصانع عشان يسدد ديونه موقفش مصنع حلوان للحديدو الصلب بدل ما يطوره عشان يبيعه وطبعا واحدة من خطوات تدمير القلعة دي هو القتل الممنهج لمجمع مصانع الكوك اللي كانت معتمدة عليه افران الحديد و الصلب 🤷🏻‍♀️ ما باعش القومية للاسمنت و خلي قطاع الاسمنت خاضع للحيتان .. فدمر القدرة الشعبية علي شراء العقار و انهاردة سوق العقار بينهار و التخارج منه 3 اضعاف الدخول فيه 🤷🏻‍♀️ ف انت بتقنع الناس بإيه يا حبيبي و انت عاجز عن توفير وظيفة لهم حكومة الصين ملتزمة بتعيين كل الناس في القطاعين العام و الخاص و قوانين حماية العامل و الموظف و لا البنتاجون 🤷🏻‍♀️🤷🏻‍♀️ الصين لحد اللحظة بتدعم ابناءها.. و رئيسها و حكومتها عارفين ان السيادة للشعب مش بيعايروا الشعب ان الحكومة بتتحمل العبء عنهم .. كأن الحكومة بتجيب من جيب امهم مثلا 🙄 انك فاشل في تحقيق ايرادات دي مشكلتك مش مشكلتي انك بتاخد ضرايب مش بستفيد منها حاجة گ مواطن عشان انت بتاخدها تسدد بيها ديون مشروعات خسرانة بسبب قرار التعويم .. دي بردو مآساتك مش مآساتي

🔵 #أكذوبة_التشابه_بالنهضة_الصينية : مع اقتراب اي تعويم ... رفع دعم .. بيع اصل من اصول البلد بتبدأ " بالأمر المباشر " ابواق انصاف المتعلمين من المبرراتية و الشمشرجية يتكلموا عن الصين و النهضة الصينية اللي جنت ثمارها بعد 45 سنة كل الحكومات الفاسدة بتكون ألتراس من الجهلة يعملها مكون مجتمعي دفاعي متقدرش الحكومات دي تلجأ لمتخصصين او متعلمين لسببين : ▪الاول : صاحب العلم عمره ما هيخون علمه ▪التاني : المتخصص كاشف فساد و لصوصية الحكومة وعمره ما هيكون جزء من هذا الفساد ♦ هل الصين تم بناءها علي جوع و دماء شعبها فعلا : عشان نجاوب السؤال ده لازم نفرق بين شخصيتين محوريتين في تاريخ الصين الحديث ماو تسي تونج & دينج تشياو بينج 📌 كل واحد فيهم كان عنده طموح انه يبني الصين و يحقق النهضة واحد اخد طريق الفكرة النازية اللي بتعتمد علي القتل غير المباشر للشعب عن طريق التجويع و الافقار 👈🏻 ماو تسي تونج و التاني شاف ان ليس هناك عار يدان به حاكم اكثر من عار فقر شعبه 👈🏻 دينج تشياو بينج 📌 الاتنين عملوا قفزة للامام في الصين لكن واحد فشل و نهضته باءت بالفشل و التوقف و ألقي في مزبلة التاريخ و صنف من مرتكبي الابادة في شعبه لأنه بسياساته الاقتصادية الفاشلة و خطأ قراراته اللي مكنش بيتوقف تسبب في واحدة من اسوأ مجاعات التاريخ و راح فيها عشرات الملايين من الشعب لذلك بيصنفوه قاتل غبي حسن النية 🔸 ماو تسي كان شايف انك لازم تجوع گ مواطن .. و تموت من الجوع كمان عااادي عشان طموحه ميطلعش غلط فقط من اجل انجاح افكاره .. لانه مخلص للصين و دي حقيقة هو كان مخلص جدااا و من اكبر انجازاته ▪ اعادة السيادة للاراضي الصينية ▪البنية التحتية اللي خدمت من جاء بعده و البنية التحتية هي الشئ الوحيد اللي نجح .. باقي مشروعاته باءت بفشل ذريع جوع شعبه و قتله جوعا وفقرا عشان افكار غير قابلة للتطبيق فعليا .. و اللي كان بيعارض الافكار دي كان مصيره الاعدام 🔹مفيش عهد يوصف بإنه ناجح و المعارضين فيه بيتم مطاردتهم و المثقفين فيه بيتم اسكاتهم بالقوة حتي لا ينكشف للشعب جهل الافكار لذلك قامت في عهده ثورة المثقفين و في ناس انتحرت امام العامة من اجل الدفاع عن مبادءها 🔹من 1958 ل 1962 حدثت ما يسمي بالقفزة الكبري العالم صحي علي حاكم صيني بينشئ صناعات و بيمد طرق و بيعمل مزارع كان شئ مبهر لكن في الظل : الشعب كان بيموت .. حدثت المجاعة الصينية الكبري لأن تمويل النهضة كان من المواطن مع اصرار علي جعل المواطن يضحي بالغذاء • مزارع بتنشأ و الفلاح مات جوعا لان الحكومة بتاخد انتاجه • صناعة يدوية شاقة و المقابل راتب يكفي وجبة واحدة و اخري تضحي بها من اجل الوطن و الثالثة من اجل المستقبل " ده كان شعاره النازي " ف العامل مات من الجوع العالم كله بدأ يلفظ الصين و ينبذها لأن فيها حاكم يبني الاوهام علي دماء شعبه و في منظمات طالبت بمحاكمته علي فكرة و تمسك بالحكم لحد ما غار في داهية سنة 1976 و هو تارك خلفه ارث من العذاب و فشل اقتصادي و انهيار عملة و مجاعة و فقر مدقع لذلك في اول صفحة في سرد تاريخه يقال عنه انه نجح في توزيع الفقر علي الجميع .. اتسم بقدرته علي تحقيق العدالة في الجوع و لم تتحسن حياة الصينيين في عهده .. بل افتقر الجميع و اصبحت الثروة في يد حاشيته و المحيطين به فقط محدش في العالم كان عارف يصنف الوضع الاقتصادي الصيني لأن الاشتراكية اللي كان بيردد انه بيطبقها محصلش فيها ابدا مجاعة علي مر تاريخها اساسا فكرة الاشتراكية قائمة علي توفير حياة افضل للمواطن بما يضمن العدالة للجميع .. هي اصلا اتعملت عشان تمنع القيصر رومانوف في روسيا انه يجوع شعبه من اجل حاشيته و تركز الثروة في يد مجموعة معينة من المواطنين ترتبط بشخص الحاكم ارتباط مصالح لاااا يعد رأسمالية و انها حتي تتصنف حكم ديكتاتورية الفرد المستنير .. مستحيل 🤷🏻‍♀️ لأن مفيش مستنير بيفشل الفشل المتلاحق ده .. ده مفيش مخ اصلا 🤷🏻‍♀️ هو كان عصر مرعب 👌🏻 🔸نقيضه تماما هو صاحب النهضة الحقيقية بقا دينج تشياو بينج اشهر مقولة له 👈🏻 لا يهم القطة سوداء او بيضاء .. المهم قدرتها علي اصطياد الفئران في اجابته سنة 1978 لما تولي الحكم عن شكل الاقتصاد هتعمله اشتراكي و لا رأسمالي مش مهم انك تحط برواز للوحة .. المهم ان اللوحة تكون جميلة 👌🏻 لذلك هو صاحب نظرية 👈🏻 اقتصاد السوق الاشتراكي ▪فتح الباب للاستثمارات لجذب رؤوس اموال لكن في نفس الوقت قال : سنسير سويا علي اربعة أرجل الزراعة .. الصناعة .. الدفاع الوطني .. العلوم و التكنولوچيا ▪ الفقر ليس اشتراكية .. و الغني فخر الاشتراكية يجب ان تقضي علي الفقر و تدفع المواطن باتجاه تحقيق الفخر ▪الدماء و الحياة اهم من الاموال التضحية بحياة الفرد من اجل جلب اموال للاقتصاد ليس بوطنية بل هو جريمة ▪لا تحدثوهم عن التضحية .. بل قدموا لهم ما يجعلهم يضحون لاجله

♦ الجوقة لازم تسخن عشان عندكم طلعة يلا🥁🪘🎷🪗 😏😏😏😏😏😏😏😏

📢 ندااااء عاجل لبتوع الطيبات ممكن تعيدوا نشر الفيديوهات تاني انقاذا لاخواتكم بتوع البيضات و الفرخات و الفينوات 🥹🥹

🔵 #تحالف_قوي_الشعب_في_اثيوبيا: 🔸7 قوي متمردة مسلحة قامت بالتحالف ضد أبي احمد 🔸الهدف 👈🏻 لهم مجموعة طلبات ▪ الاطاحة بالحكومة الفيدرالية و علي رأسها أبي احمد ▪ بناء عملية دستورية تشمل حقوق الجميع ▪ تكوين حكومة ائتلافية ▪ العدالة و الضم للقوي المهمشة ♦انا مبحبش ازيط .. لأن الموضوع لا يتحمل في اثيوبيا بيتم اتهام مصر انها هي الممولة للتحالف المشكلة انهم واقعين مع بعض من ايام ابرهة الحبشي 🤷🏻‍♀️🤷🏻‍♀️ و ده لا يشين مصر بالمناسبة 🔹يوم 24 اغسطس 2026 نير بركات وزير الاقتصاد الاسرائيلي اعلن عزم اسرائيل مساعدة اثيوبيا في تحقيق التنمية و التنمية لن تتم الا من خلال السدود المائية و اعتقد ان اسرائيل هي اللي ورا موافقة جورچينيا ميلوني رئيسة وزراء ايطاليا علي منح اثيوبيا منحة قدرها 400 مليون يورو لتمويل بناء سد جديد " منح مقدمة من 3 بنوك ايطالية في مقابل استثمارات تتشارك فيها اسرائيل مع هذه البنوك 👌🏻" سد كويشا علي نهر چيبي صحيح هو بعيد عن نهر النيل و ملوش علاقة بأي دولة من دول حوض النيل و نهر مستقل تماما لكن انت قصاد آلية تمويل جديدة بتضمنها الدولة مدللة الكوكب و مش قروض ... دي منح 🤷🏻‍♀️ 📌 ال 7 قوي المتحالفة ضد أبي احمد لاسقاطه مش دكاترة اسنان و لا طبقة مخملية مثقفة دول مجموعات من المتمردين المسلحين مكونين من ميليشيات و مرتزقة ▪ ااه طبعا ممكن تعتمد عليهم انهم يستنزفوا ابي احمد و موارده و يتم إلهاءه مؤقتا لكن لو تم اسقاطه بالفعل انت متضمنش حد فيهم ان كان زعيم الاورومو اساسا من دلوقت بيقول انه التحالف ده تحالف مؤقت 🤷🏻‍♀️ ف هل انت مشكلتك ابي احمد و لا اللي وراه 🤷🏻‍♀️ مشكلتك اللي وراه من يدين لهم ابي احمد بالولاء 📌 يبقا انا لو انا قاعدة بفكر في حل هيبقا خطوات : ▪ هدعم اسقاط حكومة ابي احمد ▪ اثناء الاستنزاف اللي بتقوم بيه قوي التحالف اكون بجهز بديل ل ابي احمد يدين لي انا بالولاء و يقدم للقوي المتمردة اللي يرضيهم " لأن اي حد يحط ثقته في ميليشيا ده بيضيع نفسه 👌🏻" ▪ بمجرد وصوله انتهي من اتفاقيات تسلمني انا تشغيل السد و اي سد ▪ اتواجد عنده اقتصاديا الدخول في صراع عسكري مع اثيوبيا قرار خاطئ .. بسبب اللي وراهم توجيه ضربة عسكرية جوية او غير جوية للسد هيلبسك في حيطة لأن الملايين اللي هيموتوا في السودان كفيلين انك تتحاكم گ مجرم حرب و تضيع البلد كلها وراك خلينا واقعيين في ناس في الكوكب مسموح لها بالحلول العسكرية .. و ناس تانية بيتمنوا انها تتهور عسكريا عشان يفنوا وجودهم 🤷🏻‍♀️ انا شخص لا يميل ابدا للحلول العسكرية لأنها مكلفة اقتصاديا جدااا لكن بفضل ال dirty works هتقولوا بقا اسطورة الشرف في زمن عز فيه الشرف و الشعارات الجوفاء دي يبقا اشربوا بقا مفيش شرف في عالم بدأ علي دماء اخ قتله اخوه و تأنيب الضمير اللي لحق بيه هو انه اغبي من الغراب مفيش شرف في عالم بيندفع فيه مليارات الاموال من اجل ابادة شعوب روح شوف الكونغو عشان الليثيوم و الكوبلت بيتم ابادتها ازااااي .. بيبيدوهم بفيروس مخلق .. بيقتلوا الامهات الحوامل المصابة بالموت الرحيم بدل ما يعالجوهم عشان يقطعوا نسلهم عزيزي .. هذا العالم قذر للغاية .. قذر للدرجة التي جعلت أرخص سلعة فيه هي دماء الأبرياء .. فلا ينبغي لك أن تكون ساذجا گ مثل الذي يتوضأ بالخمر فلا تقبل له صلاة .. و لا هو اصبح سكير 👌🏻👌🏻

🔘 القمامير المسمسمين دول الجواسيس المخابرات العامة علقتهم في طابا🙄 بعد ما دخلوا و صوروا و ملوا عدد محترم من الميكروفيلم لحساب اسرائيل من 7 شهور ♦ طبعا تم تداول الخبر و ناس نشرت تفاصيله بس هو في غلطة في العنوان 🙄 مش اسمهم جواسيس اسرائيليين تؤ تؤ اسمهم 3 فلسطينيين من قبيل العزازمة اللي اتجنست بالجنسية الاسرائيلية و باعوا عرضهم و ارضهم و تم تجنيدهم للتجسس علي مصر .. زي ما اتجند من قبيلتهم جنود في جيش الاحتلال و بيقتلوا في اهاليهم في غزة و الضفة و الجولان و جنوب لبنان عااادي اسمهم فلسطينيين انجاس اتنجس جدودهم بجنسية النجاسة🤷🏻‍♀️🤷🏻‍♀️ معلش نضع الامور في نصااااابها 🙄 اااه صح قبيلة العزازمة بتنتمي لعزام بن كلب دي مش شتيمة ده جدهم الكبير اسمه كلب 🙄

♦ إلحقونا يا ناااااس فرنسا بتروح مننا 🥹 الشهر اللي فات بريطانيا تقر دعم الديزل و الوقود و امبارح ألمانيا تخفض 14% من الضريبة علي الديزل عشان تخفض سعره و انهاردة فرنسا هتدعم الاسر ب 100 يورو شهريا في عز ازمتها الاقتصادية 📌اتفرج يا سيدي علي الدول المتخلفة اللي هترجع تقر استغفر الله العظيم الهباب ده اللي اسمه الدعم عشان تحافظ علي استقرار المواطن الاقتصادي و تخفف حدة الازمة 🤷🏻‍♀️🤷🏻‍♀️ فين الاقوال الخالدة لذكي بشتكها : الدولة بتتحمل العبء عن المواطن ما تتحمل الدولة .. هو مواطن اسرائيلي ... ما هي دولته و دي حقوقه 😒😒 اوروبا بتروح من بين ايدينا 🤷🏻‍♀️🤷🏻‍♀️ مش عارفين ازاي يدوسوا علي وش المواطن رايح جاي .. و يزيدوا غضب الناس تجاههم ياااااي جهلة امك قائد طابية ابووووك قائد ارثر اوووه نوووو تبقا مش من مستواناااا 😏😏

🔵 ده تقرير اعدته دويتشه فيله عن عدم قدرة المصريين خلاص انهم يدخلوا ولادهم جامعات " برغم من اني مبحبش الصحيفة دي و ليا معاهم مشكلات كتير .. بس مكدبوش المرة دي" ♦و ده محامي مجنون رفع قضية عشان يحافظ علي حقوق ولادنا في التعليم ليه بقول انه مجنون لأنه فاهم انه هيقدر يقف قصاد مافيا الدولار و يجيب حق ولادنا ضيعت نفسك و اسرتك وولادك يا استاذ سامح للاسف🤷🏻‍♀️ يرجعلك بس من نيويورك و هو يعلمك يعني ايه تتجرأ علي اسيادك الوافدين ابقا جهز اجابات بقا لما يتقبض عليك و يتحقق معاك الطيارة السوخوي و الدبابة الليوبارد و الكلاشينكوفات اللي جوا الدولاب دول مين ممولك بيهم عشان تحرض علي الدولة😏 بيدور علي احقية الطالب المصري في الحصول علي فرصة مؤهل عالي البييييه و مش هااامه كده 🤷🏻‍♀️🤷🏻‍♀️ متزعلش بقا اما الاستاذ نشأت الديهي يجيبلك صورك و انت قاعد مع ابو بكر البغدادي .. و لا الاستاذ احمد موسي يطلعلك صور المنشورات اللي كنت بتوزعها ضد الانجليز سنة 1912🙄🙄 قال حق الطالب المصري قااااال ده هزلت 🤷🏻‍♀️🤷🏻‍♀️ ابقا خد دوا السكر للاستاذ عبد الرحمن بتاع قضية وقف استقبال اللاجئين بعد ما تترحل لسجن العاشر بقا 😏

ده فعلا اللي حصل 👌🏻 🔸خد علي سبيل المثال مصر : من ساعة ما اتسحلنا في طوفان المؤامرة ده و احنا نازلين بالمنحني لتحت و لا قطر الملاهي و خسرنا في كل الاتجاهات 🔹 خلي ايران تتسلي علي دول الخليج وكبدها خساير كبيرة مش صغيرة ▪ ثم جاء الدور علي السعودية لاجبارها علي قبول التطبيع من خلال الضغط العسكري و ذهابها لاسرائيل لمساعدتها تارة .. وتارة اخري التوسل لامريكا هيجي وقت و يتحط قصاده الكارت ده مقابل الكارت ده 👌🏻 " اول بلد هتنضر اقتصاديا من اتمام التطبيع ده هي مصر علي فكرة لأن اول بند في اتفاقية التطبيع هو احتكار اسرائيل للقطاع الانشائي و العقاري و المقاولات في السعودية " ♦لا يسعنا الا اننا نقول ان كل حد حط ايده في ايد امريكا و لم ينتبه ان اليد الاخري بها خنجر هو ساذج و امريكا حاليا بتدفع الجميع تمن السذاجة و الغباء ده 😒😒 استعدوا بقا الايام الجاية لسماع صفقات سياسية كتير و كلها هتصب في صالح اسرائيل و امريكا و كله بمعاونة الاغبياء 👌🏻👌🏻

🔵 #ترامب_يعبث_بالعالم: ترامب وصل لمرحلة انه عايز يحكم العالم كله و يتحكم في موارد العالم كلها اتنين بس اللي معكننين عليه فلاديمير بوتين و تشي بينج " روسيا و الصين " الاتنين دول هما اللي مصممين علي استكمال خطة عالم متعدد الاقطاب و رافضين التبعية الامريكية ♦ بعد كلمة ترامب انهاردة تشعر انك امام شخص بيضع الرتوش الاخيرة لطموحاته 📌 علي الرغم من الترويج لان في حرب بين امريكا و ايران و العقوبات و المنبوذ اقتصاديا و عقوبات الطيران و حصار جوي الا ان مسعود بزشكيان اتسمحله يروح واشنطن .. و يلقي كلمة يهاجم فيها الجانب الامريكي " استكمالا للمسرحية " 😏 ▪ و لتاني مرة بيمنع ابو مازن من الذهاب لواشنطن " المفروض انه رئيس دولة .. ف مفيش حاجة توازي اهانة رئيس برفض منحه تأشيرة دخول دولة اخري 🤷🏻‍♀️ " لأن مش المفروض يفضل العالم يعيد و يزيد في قصة قفلها ترامب و نتنياهو لا في دولة فلسطينية و لا في فلسطين اصلا 🤷🏻‍♀️🤷🏻‍♀️ ▪ لكن مطلوب ان العالم يصدق مسرحية الحرب الايرانية و يفضل يتحايل علي ترامب انه يتفاوض عشان هرمز يتفتح و سلاسل امدادات الطاقة تعود لطبيعتها و هنا يقدر يملي شروطه وقت ما يحب 👌🏻 📌 حديثه عن رغبته باستبدال مجلس الامن بمجلس السلام اللي هو اخترعه ده حديث مرعب وجود قوي مناهضة ب فيتو ضد امريكا يمكن اللي لسه عامل فرامل شوية انما مجلس السلام اللي بيترأسه ترامب و اعضاءه 9 من اخطر الصهاينة تطرفا في العالم ده عايز يدير العالم سياسيا من تل ابيب و اقتصاديا من واشنطن 👌🏻 📌 كل من يخون بلده هو محتفي به امريكيا و ده ظهر في الاحتفاء بلقاء رئيسة فنزويلا بالوكالة الست دي ضربت اروع امثلة الخسة في 2026 في مقابل الوصول لكرسي الحكم فرطت في نفط فنزويلا اللي امريكا من 2008 هتموت عليه 🤷🏻‍♀️ بمجموعة اتفاقيات مجحفة اصبح لامريكا 80% من نفط فنزويلا ▪ و هنا نلاقي ارباح خيالية هيكونها ترامب نتيجة بيع النفط ده لاوروبا 👌🏻 ما هو هرمز مقفول 👈🏻 الكويت و قطر وسلطنة عمان واقفين انتاج بالقوة القاهرة باب المندب مقفول 👈🏻 الهند مش عارفة تورد لاوروبا النفط الروسي بنفس التدفق السابق الحوثيين بتعليمات امريكا بيضربوا السعودية 👈🏻 ف الانتاج السعودي متوقف الشتاء علي الابواب و اوروبا مفيش امامها الا الركوع للنفط الامريكي أيا كان مصدره " فنزويلي / عراقي / سوري " يعني ادعاء الاخلاق الاوروبية اللي هما اصلا مجموعة من الاستعماريين و اللصوص .. هينهار مع اول موجة برد تجتاح اوروبا 👌🏻 📌 المعابر الحدودية اللي بينشأها بين الدول الثلاث سوريا .. تركيا .. العراق هو بيعمل مسارات اخري للتجارة اللي هيتحكم فيها عشان وقت ما يحب يولع باب المندب و هرمز يبقا براحته .. ميتأثرش و وقت ما يحب يطفيهم يبقا بردو براحته 🤷🏻‍♀️🤷🏻‍♀️ 🔘 لما تقعد تربط التفاصيل ببعضها من اول 24 فبراير 2022 الضربة المفاجأة اللي قام بيها بوتين و احداث العام ▪ الاطاحة بحكومات اوروبية ▪ صعود اليمين واليسار المتطرفين في اوروبا ▪ الازمة الاقتصادية و التضخم اللي حل علي العالم و تأثر بيه المواطن الاوروبي اللي اكتشف زيف الرفاهية و كذلك المواطن الامريكي اللي كشفت عدم اتزان الكونجرس ▪ الاغلاقات الحكومية الامريكية الكتير اللي حصلت ▪ استنزاف السلاح الاوروبي لدرجة ان ألمانيا فقدت مخزون الدبابات ليوبارد و فرنسا فقدت مخزون صواريخ سيزر ▪ فقدان الدولار لجزء كبير من نصيبه في التجارة العالمية لدرجة انه انخفض في 2023 من 78% الي 56% و توالي انخفاضه ▪ الترويج للتجارة العالمية بالعملات المحلية ▪ صعود منظمات مكنش لها حظ وفير من السيطرة الاقتصادية قبل 2022 زي بريكس و شنغهاي ▪ فقدان السيطرة الاوروبية الامريكية علي دول اليورانيوم الافريقية و تحريرها اقتصاديا ▪ ظهور اتفاقية طريق الحرير للنور بشكل اكبر مع انشاء تمركزات اكتر لموانئ اللالئ المضيئة و تخطيط الصين لاختراق كافة الممرات المائية و المناطق اللوجيستية ده كان كفيل انه يسرع بتنفيذ المخطط بتاع طوفان الاقصي .. و اللي مؤجل من 2013 بسبب خلع حكم الاخوان من مصر 🔹لما تحط كل التفاصيل جنب بعضها تلاقي انه مكنش ينفع يتأجل ل 2025 لأن كان خلاص النظام الجديد متعدد الاقطاب بتحالفاته الجديدة كان قاب قوسين أو ادني 🤷🏻‍♀️🤷🏻‍♀️ ف لازم صناعة حدث عظيم يفرمله او يوقفه تماما و فعلا نجحوا لان كل خطط المنطقة الاقتصادية توقفت في كل الدول و الخطة الوحيدة اللي ماشية هي خطة توسعة خريطة اسرائيل 😒😒 ♦و ده يفسر هو ليه روسيا و الصين مغرسوش في العك ده و اكتفوا بمجرد حق الفيتو و عدم التصويت علي استمرار اطلاق النار حتي مساعدات مبعتوش و كذلك الهند اتعاملت مع الموضوع بمنتهي البراجماتية لأن الناس دي ادركت ان ده كمين عشان اللي يغرس فيه ميطلعش و يفضل مسحول و كللللل مكتسباته السابقة تضيع 🙄

♦ريأكت : أحزنني 🥹

🔵 صباح الخير عليكم : شوفتوا اللي بيحصل في ألمانيا 📌 مدينة برلين اللي هي العاصمة و اللي لها تاريخ كبير تفوز بحكمها مرشحة من أقصي اليسار " اليسار المتطرف " ألمانيا بقا بيحكمها اليمين المتطرف و اليسار المتطرف و هيصفوا مع بعض في النهائيات و أطرف متطرف في التطرطف هو اللي هيبقا المستشار 🔹لييييه الألمان تركت الاحزاب الاخري و راحت لأحزاب ممكن مستقبلا تقمع حريات المجتمع الالماني اتعود عليها 👈🏻 عشان برامجهم برامج حقيقية لحل أزمات المواطنين الاقتصادية 🔸تعالي بقا شوف الست هاااانم اللي فازت و برنامج الحزب إيليف إيرالب من اصل تركي ابوها هاجر من تركيا سنة 1980 بسبب الانقلاب.. و هي اتولدت سنة 1981 البرنامج : ◾ 220 الف وحدة سكنية العمدة السابق باعهم للشركات العقارية الخاصة و هما مجمدنهم و اللي بيبعوه .. بيحطوا عليه over price كبير جدااا و ده مشكل ازمة امام مواطني برلين الهاااانم هتستردهم من القطاع الخاص و تبيعهم بالتقسيط و التمويل العقاري الحكومي الميسر قال ايه 👈🏻 من حق الشباب الالماني اللي منتهج العزف عن الانجاب بسبب عدم توافر مسكن ... انه الحكومة تقدمله مسكن مناسب لدخله لأن الحكومة لما تبحث عن مصدر تمويل علي حساب المواطن يبقا تستحق المحاكمة لأ و الحملة الانتخابية عنوانها " برلين ليست للبيع " بتهاجم الحكومة عشان المواطن 🤔🤔 و رافضة برلين تبقا تحت تصرف الشركات العقارية اللي بتمص دم المواطن 🤔 الست دي اكيد اخوان 🤔 ◾برنامج الحزب بيعترف بارتفاع اسعار السلع الغذائية و انه مش هيقدر يخفض الاسعار دي كلها لكن بيتعهد انه هيقدم برنامج دعم لكل الاسواق حتي يتسني للمواطن الالماني تأمين فاتورة احتياجاته من الطعام و الشراب دون لحظة الخوف من سداد الفاتورة و وقف سلوك الشراء بالآجل لأن ده بيزود اعباء مديونية الاسرة ▪ الغريبة بقا يا اخي ان المنتمين للحزب او المؤيدين للبرنامج الانتخابي في ادارة الضرائب في المدينة عندهم حل انها تشارك في الدعم ده وبيقدموا مبادرة عن طريق حوافز ضريبية و خصومات من اجل تأمين فواتير شراء الاكل و الشرب 🤷🏻‍♀️ اتفضل يا سيدي الالمان و لا هامههم تهديدات روسيا و لا موقف امريكا المتخاذل و الرسوم الجمركية و لا اوروسولا فون دير لاين اللي كل يوم بتهددهم لو مبعتوش مساعدات لاوكرانيا هتضايقهم في بنك الاتحاد الاوروبي و بيتكاتفوا ازاي يأمنوا للمواطن الالماني أكله و شربه عشان دول مقومات الحياة منهم لله عايزين يسقطوا ألمانيا الست هانم بتتكلم في اكل و شرب بتحرض علي الرئيس و بتفتت الجبهة المهلبية 😒😒 ◾تسكت بقا إيليف ... لا ازاااي 🤷🏻‍♀️ ده البرنامج عنده خطة دعم لخفض اسعار المواصلات العامة لأن المواطن اللي المواصلات بتلتهم جزء كبير من مرتبه و دخل اسرته ده بيأثر علي احتياجاته من الاكل و الشرب و بالتالي ده نوع من انواع الاهانة لهذا المواطن وضد العدالة الاجتماعية 🤷🏻‍♀️🤷🏻‍♀️ دعم و تخفيض اسعار مواصلات و عدالة اجتماعية 🤔🤔 اااه انا قولت يا اخوان يا امها يهودية و ابوها ارمنلي 😒😒 ♦الواحد مش عارف الالمان دول بيفكروا ازاي بعد كل سنين الرفاهية اللي عاشوها مقدروش يتحملوا حكوماتهم 4 سنين و غيروا 2 مستشار و ضحوا بمكتسبات حقوقية في مقابل تأمين رواتبهم و حل ازماتهم الاقتصادية موجة الحر و عدم قدرة الحكومة علي توفير طاقة للتكييفات في الصيف بالاضافة لارتفاع تكلفة التدفئة في الشتا اللي فات اطاحت بكل الاحزاب اللي حكمت ألمانيا من بعد انهيار الرايخ التالت و صعدت احزاب متطرفة يمينا و يسارا لأنها عندها برامج و افكار تمويلية قادرة علي حل ازمة المواطن الاقتصادية معتمدة علي انتزاع ملكيات القطاع الخاص لحساب الدولة و التأميم و تعديل الهيكل الضريبي ان الغني يدفع و الفقير ياخد دعم المواطن الالماني المتحضر باع القيم الاوروبية و مبادئ التحرر و الحرية في مقابل انه مش متحمل فواتير الاكل و الشرب و الايجار و راح انتخابيا تجاه اللي عنده حلول مش اللي بيفتشه و يقلبه و يدوس عليه 👌🏻👌🏻 يا خسارة يا برلين البرلينيين طلعوا اخوان هو ازاي ميتريتس معندوش شمشرجية و لجان يطلعوا يشهروا بالناس اللي بتنتقده و تتخذ صف المواطن ضد الحكومة الفاسدة 🤔🤔 هما مش موثئفين وعندهم ثئافة و لا ايه 🤔 الست هانم بتقولك اكل و شرب و سكن اللي هي بديهيات الحياة 🤷🏻‍♀️ مش تسكت .. لاااا دي بتقول دعم 🙄 انتي بتقولي دعم يبقا انتي اللي قتلتي بابايا ااااه يا بابايا 😏😏

🔵 باااااااااس اتعشت علي كده 🙄🙄 كده الفراندة شطبت من اولها لاخرها 10 من 10 و نجمة ⭐⭐ 🙈🙈🙈

و بتتسائل عن اي أمن يتحدث الحرب شغالة .. المساعدات و القروض بتتسرق .. الفساد مستشري .. الجوع و البرد يحاصر الاوكرانيين .. العاملين لا يتقاضوا رواتب و انت و اسرتك غارقين في السيارات الفارهة و المجوهرات لدرجة ان أيلينا ارتدت حذاء كعبه مصنوع من الدهب هي الحقيقة الست مش مخلية .. و فضايح و طرقعة في كل حتة لدرجة ان الاتحاد الاوروبي بقا خايف منها لأنها كمان عملت حاجة مكنتش تيجي علي البال و اتكلمت في علاقة البيزنس اللي بتجمع زيلينيسكي و بوريس چونسون و اورسولا فون دير لاين 👌🏻👌🏻 مينديل حاليا ملاحقة أمنيا بتهمة الترويج للدعاية الروسية و التحريض علي الرئيس 🙄 📌كرافتشينكو بقا اللي هو المدعي العام جه المنصب اصلا و هو بيخدع زيلينيسكي يعني انت الرئيس العظيم .. انا معاك و اللي تؤمر بيه لحد ما اتعين لكن هو بالاساس جي معاه ملف فساد كبير 👈🏻 عجز 27 مليار دولار مساعدات قدمها الاتحاد الاوروبي لتعزيز الدفاعات الاوكرانية و اتسرقت و ملهاش اثر يعني الفارق بين الاموال المقدمة من الاتحاد الاوروبي و امريكا و الاموال اللي دخلت اوكرانيا بالفعل من اول الحرب 👈🏻 27 مليار دولار ▪راح اعد قائمة اتهام لكل مكتب مكافحة الفساد و اولهم رئيس المكتب سيمون كريفنوس " و ده ابن خال ايلينا زيلينيسكا " وطلب التحقيق معاهم لأن الاموال دي المفروض جالكم بيها مستندات ف راحت فين 🤔 فورا رد فعل زيلينيسكي انه اقاله بتهمة بث روح الاحباط للشعب الاوكراني في الظروف العصيبة " تفتيت الجبهة الداخلية 😂😂 .. الاتهام بتاع كل الفاسدين اللي في الكوكب 😂😂" روسلان غادر اوكرانيا لكن مش ساكت بيتتبع املاك العصابة .. و بيفضحهم و بيطالب بعزل هذا اللص و سجنه و اجراء انتخابات رئاسية تؤدي بعد ذلك لعقد اتفاقيات سلام و ان لازم زيلينيسكي يرجع الاموال المسروقة 🔘 في ظل الحرب و الهجمات الاوكرانية بيتقدم حزب روسيا الاتحادية برئاسة بوتين في انتخابات الدوما و بيحصد اكتر اصوات ناخبين و الجميع بيؤكد قناعته بما يفعله بوتين " علي فكرة معندهمش 200 جنيه و زيت و سكر .. و الروس بيحبوا فكرة الاستحقاقات السياسية و المشاركة فيها " هما عندهم قناعة انه يجب استعادة الاراضي السوفيتية من جديد اللي أضاعها جورباتشوف الخائن 👌🏻👌🏻 ♦الهجمات اللي طالت المصافي النفطية في روسيا هتأثر علي امدادات الطاقة و علي سعر برميل النفط و علي حجم المنتج من اوبك + ما تتعرض له السعودية + اغلاق مضيق هرمز ف العالم هيكون امام اسعار جديدة للطاقة و قلة معروض و ده هيخلي ترامب يضايق زيلينيسكي الفترة الجاية و هنسمع چي دي فانس و هو بيهاجمه .. و الجمهوريين في الكونجرس و هما بيطالبوا بوقف المساعدات و السلاح 👌🏻👌🏻 📌ده غير طبعا الرد الروسي ده بوتين هيحتفل بنتيجة الانتخابات في اوكرانيا 🙄 زيلينيسكي مصلحته الحرب تستمر عشان يفضل مستخبي بعصابته و بوتين مش مستعجل انها تخلص لأنه بينفذ اهداف معينة داخل اوروبا و ترامب مولع الكوكب كله و معتقد انه بيصنع السلام 🙄

🔵 #اكتساح_الانتخابات_والليلة_الليلاء : امبارح كان ليلة صعبة جدااااا علي موسكو صعبة لدرجة ان محدش من السكان في مناطق كتير كان فاهم في ايه 📌 اكبر هجوم اوكراني منذ بدء العملية العسكرية اكتر من 2000 مسيرة في نفس التوقيت انطلقت باتجاه مناطق مختلفة في موسكو الدفاعات الجوية استطاعت التصدي ل 1600 مسيرة لكن في 450 مسيرة و اكتر لم يستطيعوا التصدي لها منها مسيرات وقعت داخل الاراضي الاوكرانية .. و مسيرات تانية اصابت هايبرات و مخطة قطار و مصافي و شوارع 🔸خلينا عقلانيين و نقول ان ده حق مشروع لأوكرانيا انها تدافع عن نفسها لكنه بردو فيه تناقض بين تنسيق هجوم يستهدف منشآت الطاقة بعد تعهد زيلينيسكي لترامب بتوقف استهدافها و بوتين كمان اخد نفس التعهد و التزم و كده يبقا زيلينيسكي خرق الاتفاق و بين دعوته للسلام و طلبه من ترامب انه ينسق لقاء ثلاثي يجمعه ب بوتين " اه بوتين رفض و قال ان ولاية زيلينيسكي الرئاسية انتهت .. بالتالي هو لا يمثل اي صفة في اوكرانيا ... ف لو توصلنا لاتفاق معين .. بعد سنة هيجي الرئيس الجديد و يقول لأ اوكرانيا لم تتفق .. و زيلينيسكي بلا شرعية 🤷🏻‍♀️🤷🏻‍♀️ " ف منين انت بتدعو للسلام و توقف الحرب و بناءا علي طلبك من ترامب انه يبلغ بوتين بألا يستهدف منشآت الطاقة لأن حياة الاوكران بقت جحيم و منين بتنسق هجوم زي ده انت و كل العالم عارف انه مش هيعدي ابدااااا 🤔🤔 ♦السؤال ده هيجاوبنا عليه شخصيتين : ▪الاولي 👈🏻 يوليا مينديل و دي المتحدثة الرئاسية باسم زيلينيسكي من سنة 2019 ل سنة 2021 ثم تحولت لأبرز معارضيه و اسوأ كوابيسه لدرجة انه وقع عليها هي و اسرتها عقوبات ▪التاني 👈🏻 روسلان كرافيتشيكنو المدعي العام الاوكراني 📌 يوليا مينديل صحفية لما زيلينيسكي رشح نفسه في الانتخابات وقفت جنبه و دعمت الحملة بتاعته ... لانها كانت رافضة فساد الرئيس بيترو بورشينكو اللي بمجرد توليه السلطة روسيا اخدت القرم و من فساده مقدرش يعمل حاجة و ده خلي الشباب الاوكران يكونوا جبهة معارضة له و لما زيلينيسكي عمل حزب خادم الشعب .. ساعدوه و عاونوه و نجح في 2019 و جاب مينديل متحدث رئاسي 🔹بتقول انها تركت منصبها و استقالت لما اكتشفت ان هناك جهات خارج اوكرانيا هي التي آتت ب زيلينيسكي و ان تمويل حملته و حزبه كان تمويل خارجي و ان في خلال العامين اللي كانت فيهم لا تترك القصر الرئاسي حتي في اوقات النوم .. بدأت ترصد الفساد الذي اتي به زيلينيسكي و زوجته ▪في الوقت اللي الشعب بيعاني فيه من ظروف اقتصادية صعبة و الرواتب لا تكفي احتياجات الشتاء ايلينا زيلينيسكا كانت بتقتني المجوهرات بشكل اشبه بالسعار لدرجة انها عملت تاج دهب مرصع بالماس و موظفين الرئاسة بيتقاضوا نصف راتب لعجز الموازنة 👌🏻 و تحولت أيلينا من ناشطة مجتمعية ترتدي بنطال چينز و حذاء رياضي .. لسيدة اعمال يوميا بيوت الازياء العالمية تأتي لها بفواتير باهظة ▪اسرة زوجته فجأة بقت تملك شركات سياحة و تصدير حاصلات زراعية و طاقة ▪سبب الاستقالة انها وقع في ايديها اوراق و مستندات تقول ان القروض اللي منحها صندوق النقد الدولي لاوكرانيا تحولت الي حسابات خاصة و ان كل اللي عمله زيلينيسكي انه دهن وجه المنزل المتهدم بطلاء جديد .. بينما المنزل آيل للسقوط معملش حاجة في الاقتصاد كله كان ظاهريا فقط و لما واجهته نصحتها أيلينا بالاستقالة او هتنفيها و تسجنها مينديل فضلت ساكتة سنة حتي بعد الحرب فضلت ساكتة بردو .. عشان ظروف الحرب و عشان متفقدش الشعب الاوكراني عزيمته و يفضل يتصدي للعدوان الروسي لكن بعد مرور عامين من الحرب بدأت تهاجم زيلينيسكي جدااا .. و تفضحه تقريبا كل يوم بترقعله صداغه بالمعلومات اللي عندها و المعلومات اللي بيدعمها بيها اشخاص من داخل القصر و البرلمان ▪لدرجة انها اثارت ملف السلاح الاوروبي اللي بيبعه زيلينيسكي في السوق السودا في افريقيا و الصواريخ اللي باعها لاسرائيل و النفط اللي بيكذب و يقول ان الابار استهدفت و هو بيبيع انتاجها لامريكا و كندا و الاموال بيتم تحويلها لحساباته و حسابات زوجته ▪كمان فتحت ملف تسبب زيلينيسكي في انهيار القطاع المصرفي بعد يومين من اندلاع الحرب و ان هو وحزبه سحبوا الاحتياطي النقدي من البنك المركزي و حولوه لحسابات غير معروفه بمبرر انهم بيحموه لكن الاحتياطي لم يعد 🔸علي حسب كلامها : زيلينيسكي كاذب .. مهما يطلب السلام هو كاذب و هو حاليا اسوأ حاجة حصلت لأوكرانيا ... و من مصلحته ان الحرب تفضل دائرة لأنه منتفع ماليا منها و في نفس الوقت بمجرد توقف الحرب ربما يتم اعدامه علي كل السرقة و الخيانة اللي ارتكبها لذلك نجده دائما يحاول خلق اجواء من الرعب للاوكران .. ان استمراره هو الداعم الوحيد للأمن