Dasturlash hayoti️️ ️

Ro'yxatdan o'tishni talab qilmaydigan 5 ta bepul API (Portfolio uchun) Portfolio uchun loyiha qilyapsiz, lekin real ma'lumotlarni qayerdan olishni bilmayapsizmi? API kalit (API key) olish va ro'yxatdan o'tish bilan vaqt yo'qotmaslik uchun to'g'ridan-to'g'ri ishlaydigan tayyor API'lar ro'yxati: 🌦 1. Open-Meteo (Ob-havo) Hech qanday avtorizatsiyasiz dunyoning istalgan koordinatasi uchun aniq ob-havo ma'lumotlarini taqdim etadi. Ob-havo ilovasini yasash uchun eng qulay tanlov. 🔗 open-meteo.com 💱 2. Frankfurter (Valyuta kurslari) Yevropa Markaziy banki ma'lumotlari asosida ishlaydi. Valyuta kurslarini real vaqtda konvertatsiya qilish va tarixiy ma'lumotlarni olish uchun mutlaqo ochiq API. 🔗 frankfurter.app 🎬 3. TVmaze (Kino va seriallar) Global kino va seriallar bazasi. Qidiruv tizimi, aktyorlar, reytinglar va epizodlar haqidagi barcha ma'lumotlarni hech qanday kalitsiz beradi. Kino-sayt klonini yasash uchun ayni muddao. 🔗 [tvmaze.com/api](https://tvmaze.com/api) 📝 4. JSONPlaceholder (Test ma'lumotlari) Frontend qismini test qilish uchun klassika. Sizga tayyor foydalanuvchilar (users), maqolalar (posts), izohlar va rasmlar JSON massivini qaytaradi. 🔗 jsonplaceholder.typicode.com 🤖 5. RoboHash (Avatarlar va AI tasvirlar) Har qanday matn yoki foydalanuvchi ismini URL manzilga qo'shsangiz, unga moslashtirilgan unikal robot rasmini (avatar) generatsiya qilib beradi. Ilovangizdagi profil sahifasini jonlantirish uchun asqotadi. 🔗 robohash.org Reaksiya qoldiring: 🔥 — Portfolio uchun ajoyib resurslar! 👍 — Darhol saqlab qo'ydim. #foydali #api #frontend #backend #portfolio #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

🤖 AI Muhandis (Sun'iy Intellekt) bo'lishni niyat qilganlar uchun aniq "Yo'l xaritasi" Ko'pchilik AI sohasiga kirishga qiziqadi, lekin qayerdan boshlashni, qanday ketma-ketlikda o'qishni bilmaydi. Quruq nazariya emas, bozorda ish topish uchun amalda kerak bo'ladigan texnologiyalar ketma-ketligi bilan bo'lishaman. 1. Asosiy poydevor (Til va Matematika)

Python: AI sohasida deyarli barcha jarayonlar shu tilda yoziladi. Uni chuqur o'rganing. Matematika: Chiziqli algebra, ehtimollar nazariyasi va statistika asoslari. Bularsiz neyrotarmoqlar ichida nima bo'layotganini tushunib bo'lmaydi.

2. Ma'lumotlar bilan ishlash (Data Science)

Sun'iy intellekt ma'lumotlar bilan oziqlanadi. Shuning uchun Pandas va NumPy kutubxonalarida katta hajmdagi ma'lumotlarni tozalash, saralash va tahlil qilishni o'rganing. SQL bilimi ham juda muhim.

3. Mashinali o'qitish (Machine Learning - ML)

Asosiy yordamchi: Scikit-Learn. Bu bosqichda algoritmlar qanday ishlashini (Regressiya, Klassifikatsiya, qaror daraxtlari) qadamma-qadam amalda sinab ko'rasiz.

4. Chuqur o'rganish (Deep Learning)

Eng asosiy freymvorklar: PyTorch (hozirda eng talabgir va qulay) yoki TensorFlow. Bu yerda inson miyasiga o'xshab ishlaydigan sun'iy neyrotarmoqlarni qurishni o'rganasiz. Matnlar (NLP) va tasvirlar (Computer Vision) bilan ishlash asoslari shu yerda yotadi.

5. Zamonaviy AI (LLM va RAG)

Hozirgi kunda noldan model yaratishdan ko'ra, tayyor modellarni biznesga moslashtirish (backend orqali) trendda. Hugging Face, LangChain kabi texnologiyalar va RAG (Retrieval-Augmented Generation) arxitekturasini o'zlashtirsangiz, kompaniyalarga eng kerakli mutaxassisga aylanasiz.

🎁 Bularni qayerdan tekinga o'rganish mumkin? Fast.ai: Dasturchilar uchun kod orqali tushuntiriladigan eng amaliy Deep Learning kursi. Kaggle.com: Amaliyot qilish, tayyor dataset'lar topish va tekinga mini-kurslar o'qish uchun eng yaxshi platforma. Coursera (Andrew Ng): Machine Learning bo'yicha dunyodagi eng mashhur, fundamental bilimlarni beruvchi kurs. 🔖 Ketma-ketlik esdan chiqmasligi uchun postni saqlab qo'ying va kelajakda AI sohasiga kirishni niyat qilgan dasturchi do'stlaringizga yuboring. Reaksiya qoldiring: 🔥 — AI sohasiga qiziqaman, juda kerakli xarita! 👍 — Zo'r resurslar, saqlab oldim. #foydali #ai #suniy_intellekt #roadmap #python #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Google'ning eng kuchli sun'iy intellekt Gemini Pro obunasining qiymati 18 oyga 380$. Hozirgi aksiya orqali uni 18 oyga atigi 10$ evaziga olish mumkin. (Ishonchli to'lovni obuna muvaffaqiyatli olingandan keyin qilasiz, xohlasangiz.) ‼️ Linklar soni atigi 15 ta qoldi.

Obuna sizning rasmiy Google akkauntingizga olinadi.

Google AI tarkibida:

• Gemini Pro

• Video yaratish • Rasm yaratish

• Coding • Antigravity

• 5 TB bulutli xotira • +20 Imkoniyatlar

Olib berish narxi bir martalik 10$. To'lovni obuna muvaffaqiyatli olinganidan keyin qilishingiz mumkin. Kimga kerak bo'lsa @javohirberdiyev1 ga «Gemini PRO» deb yozing.

🌐 Frontend dasturchilar uchun 15 ta eng foydali Chrome plaginlari Ushbu ro'yxatdagi Chrome kengaytmalari (plaginlari) frontend dasturlash va loyihani test qilish jarayonini sezilarli darajada osonlashtiradi hamda tezlashtiradi. Bu yerda istalgan veb-saytdan CSS stillarini tayyor holda ko'chirib olishdan tortib, loyihaning SEO holatini tahlil qilish va optimallashtirishgacha bo'lgan ko'plab qiziqarli vositalar jamlangan. O'zingiz uchun keraklisini albatta topasiz! ➡️ To'liq ro'yxat bilan tanishish Reaksiya qoldiring: 🔥 — Brauzerim uchun juda kerakli kengaytmalar! 👍 — Saqlab qo'ydim, ish jarayonida asqotadi. #foydali #frontend #chrome #plagin #kengaytma #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Dasturlash asoslari va Algoritmlar Testni yechib ko'ring va dasturlash sohasidagi fundamental bilimlaringiz qay darajada ekanligini sinab ko'ring. 💻 @dasturlash_hayoti — bir xatoni tuzatib, ikkinchisiga tayyorlanish! 😅

🚀[DIQQAT] Sun’iy intellektda loyihalar tuzishni 2 kun BEPUL o‘rganing!!! 6 yil tajribaga ega xalqaro dasturchisi Komiljon Xamidjonov "Sun’iy intellektda 0 dan muhandislikgacha" qadamlarni BEPUL o‘rgatyapti 📅 BEPUL WEBINAR | 6-7-oktyabr soat 20:30 da Webinarda siz ✅Sun’iy intellektda natijagacha erishish qadamlari ✅Sun’iy intellektni ishlatish va Sun’iy intellekt orqali dasturlar tuzish ✅AI muhandis bo‘lib ishga kirish yo‘llari BEPUL o‘rgatiladi Havolani bosib dars yopiq kanalga hoziroq ulanishga ulguring chunki vaqt kam👇 👉 Hoziroq BEPUL ulanish 👉 Hoziroq BEPUL ulanish 👉 Hoziroq BEPUL ulanish

FRONTEND MENTOR uchun 2 dona bo'sh ish o'rinlari qoldi❗️ Andijonda eng tez rivojlanayotgan Meta IT markazimiz kengayayotgani sababli kuchli bilimga ega Frontend, Backend dasturchilarni jamoamizga taklif qilamiz! Markazimiz 15 ga yaqin IT soxalar bo'yicha ta'lim beruvchi innovatsion markaz hisoblanadi. 💵 Maosh: 500$+ 📍 Andijon shahri ⏱️ Ish vaqti: 9:00 - 18:00 , (6/1) Kompaniya: Meta IT School Talablar: HTML5, CSS3/Sass, JavaScript (ES6+), ReactJS/VueJS Vazifalar: — Ravon nutqqa ega bo‘lishi — Uyatchang bo'lmasligi — Boshqalarga bilimini erkin o'rgata oladigan — Bolalar bilan ishlashni yoqtiruvchi — Darslarni qiziqarli, tushunarli o‘tish — O'quvchilarga mukammal portfolio yig'ishda yordamlashish Taklif: — Senior Dasturchilar bilan doimiy networking — O'z vaqtida to'lanadigan va o'sib boruvchi maosh — Professional o‘sish — Kelajakda Team Lead / Head of Department darajasiga ko‘tarilish imkoniyati — Zamonaviy va qulay sharoitlarga ega ofis — O‘z ishining ustasi bo‘lgan va doim rivojlanadigan jamoa — Shaxsiy rivojlanish uchun masterclass va training'larda bepul qatnashish imkoniyati — Uzoq masofadan keluvchilar uchun yotoq joy 📞 Aloqa: +998 99 998 82 32 Rezyume yuboring: @metaitschool_admin

🔖 Loyihalaringiz uchun 485 ta tayyor SVG-ikonkalar to'plami! Frontend loyihalar uchun juda asqotadigan katta kolleksiya. Eng qulay tomoni shundaki — ikonkalarni shunchaki SVG formatida yuklab olishdan tashqari, ularni to'g'ridan-to'g'ri React, Vue, Angular yoki Svelte uchun tayyor komponent kodi ko'rinishida nusxalab (copy) olishingiz ham mumkin. ➡️ Kolleksiyaga o'tish Reaksiya qoldiring: 🔥 — Vaqtni tejash uchun ajoyib resurs! 👍 — Darhol saqlab qo'ydim. #foydali #frontend #svg #ikonkalar #react #vue #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

📌 PySphere — AI'ni no'ldan, bepul, o'zbek tilida! Assalomu alaykum! Men PySphere asoschisiman. Python'dan AI Agents'gacha bo'lgan to'liq yo'lni kanalimda mutlaqo bepul ulashyapman: 🐍 Python · SQL Data Analytics — NumPy, Pandas, Matplotlib Computer Vision — OpenCV, OCR Machine Learning — Scikit-learn LLM · RAG · AI Agents Real loyihalar + tayyor kodlar → GitHub portfolio 🚫 To'lov yo'q · ❌Yashirin shartlar yo'q 👇 Birinchi darsdan boshlang: 🌐 @pysphere_kanal 🗺 Kanal xaritasi

⚙️ React dasturchilar uchun eng foydali 10 ta kutubxona (library) E'tiboringizga zamonaviy React JS ilovalarini yaratishda juda asqotadigan 10 ta asosiy kutubxona to'plamini taqdim etamiz. Ushbu kutubxonalarning imkoniyatlarini o'zaro birlashtirish orqali siz bir xil turdagi zerikarli (rutin) ishlarga kamroq vaqt sarflaysiz. Natijada ancha ko'p funksiyali, yuqori tezlikda ishlaydigan va vizual jihatdan chiroyli ilovalarni yaratish imkoniga ega bo'lasiz. ➡️ To'liq ro'yxat bilan tanishish Reaksiya qoldiring: 🔥 — React'chilar uchun ayni muddao! 👍 — Foydali manba, darhol saqlab qo'ydim. #foydali #frontend #react #javascript #kutubxona #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Sun'iy intellektgacha bo'lgan davrning eng katta daxshati — endi bitta so'rov (prompt) bilan hal! Dasturchi va adminlar yaxshi biladi, AI lar hayotimizga kirib kelguniga qadar Regex (Regular Expressions) yozish qanday azob edi... Bitta matn ichidan pochta yoki telefon raqamlarini xatosiz ajratib oladigan kod yozish go'yoki jodugarlikning bir turi hisoblanardi. Oldin (Pre-AI davrida): 1. StackOverflow'da yarim soat tayyor yechim qidirardingiz. 2. Regex101 saytini ochib, mana bunga o'xshash tushunarsiz "iyerogliflarni" terardingiz: ^[a-zA-Z0-9_.+-]+@[a-zA-Z0-9-]+\.[a-zA-Z0-9-.]+$ 2. Ikki soat test qilib, "bo'ldi ishladi!" deganingizda, qandaydir g'alati formatdagi matnda baribir xato berardi. Asablar tamom... 🤯 Hozir (AI davrida): ChatGPT yoki Claude'ni ochib shunchaki bitta prompt yozasiz: 👉 "Menga matn ichidan faqat O'zbekiston raqamlarini (+998) va pochta manzillarini qirqib oladigan, Python'da ishlaydigan mukammal Regex yozib ber." Natija: 2 soniyada tayyor ishlaydigan kod va hatto u qanday ishlashi haqida chiroyli tushuntirish! AI bizning ishimizni tortib olmadi, u shunchaki biz yomon ko'rib, asab buzib bajaradigan qora ishlarni o'z bo'yniga oldi. Endi miyamizni keraksiz simvollarni yodlashga emas, haqiqiy arxitekturani o'ylashga ishlatsak bo'ladi! 😎 Siz-chi? Oldin soatlab qilib, hozir AI'ga 1 daqiqada qildirib yuborayotgan ishingiz qaysi? Izohlarda yozing! 👇 #Regex #SuniyIntellekt #Dasturlash #VaqtniTejash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Neyrotarmoqlar bilan ishlaydigan IT-mutaxassisning (ya'ni o'zimning) qisqacha xulosasi: ChatGPT — O'ziga o'ta ishonadigan Junior. Kodni shunaqa chiroyli yozib beradiki, ishonib ishlatib yuborasiz. Lekin qarasangiz tabiatda umuman yo'q kutubxonalarni (libraries) va eskirgan sintaksislarni chaqirib qo'ygan bo'ladi. Xatosini yuziga solsangiz, uzr so'rab, yana o'sha bug'ni o'zgaruvchilar (variable) nomini o'zgartirib qayta tashlab beradi. Claude — Juda aqlli, lekin asabga tegadigan darajada "qonunga itoatkor" Senior. Katta log-fayllarni analiz qilishda, kodni refaktoring qilishda tengsiz. Lekin oddiygina portlarni tekshiradigan skript so'rasangiz, "Kechirasiz, bu kiberhujumga kiradi, axloq normalariga to'g'ri kelmaydi" deb aql o'rgatib, leksiya o'qiydi. Gemini — Eng tezkor va doim onlayn "Google'ning erkatoyi". Yangi doklarni (docs) tez topib keladi. Lekin ba'zida shunaqangi API endpoint'larni to'qib tashlaydiki, xuddi shunday texnologiya bor deb ishonib qidirishni boshlaysiz... Keyin bilsangiz uni hali Google'ning o'zi ham kashf qilmagan bo'ladi. 😁 💻 @dasturlash_hayoti — bir xatoni tuzatib, ikkinchisiga tayyorlanish! 😅

🛡 SOC nima va u yerda kimlar ishlaydi? (Kiberxavfsizlik olamiga sayohat) Tasavvur qiling, yirik IT-kompaniya yoki bank binosida yuzlab kameralarni tinimsiz kuzatib o'tiradigan maxsus qo'riqlash xonasi bor. Kiberxavfsizlik dunyosida ana shunday "qo'mondonlik markazi" SOC (Security Operations Center — Xavfsizlik operatsiyalari markazi) deb ataladi. Bu bo'lim kompaniyaning barcha serverlari, tarmoqlari va ma'lumotlar bazasini 24/7 rejimida xakerlik hujumlaridan himoya qiladi. U yerda ishlovchi mutaxassislar (SOC Analyst) asosan 3 ta muhim vazifani bajaradi: 👀 Tinimsiz kuzatuv (Monitoring): Maxsus dasturlar orqali tizimdagi har bir shubhali harakatni poylash. Masalan, tunda kutilmaganda noma'lum davlatdan serveringizga ulanishga urinish bo'lsa, tizim darhol "qizil chiroq" yoqadi. 🕵️‍♂️ Tezkor tahlil (Triage): Tizim bergan signal chindan ham xakerlik hujumimi yoki shunchaki dasturdagi mantiqiy xatolik (bug) ekanligini tekshirish va saralash. ⚔️ Hujumni qaytarish (Incident Response): Agar hujum tasdiqlansa, zararlangan serverni zudlik bilan tarmoqdan uzish, parollarni yangilash va xakerning yo'lini to'sish. Dasturchilarga nima qizig'i bor? Backend dasturchilar yozgan API'lar, ma'lumotlar bazasi va serverlar xavfsizligini oxir-oqibat aynan SOC jamoasi nazorat qiladi. Kiberxavfsizlik — bu kod yozishdan charchagan, lekin IT'da qolishni xohlovchi analitik aql egalari uchun ajoyib va daromadli yo'nalish. Reaksiya qoldiring: 🔥 — Kiberxavfsizlik yo'nalishi judayam qiziq tuyuldi! 👨‍💻 — Men o'zimizning dasturlashdan (frontend/backend) ketmayman. #qiziqarli #kiberxavfsizlik #soc #infosec #it_kasblar 💻 @dasturlash_hayoti — bir xatoni tuzatib, ikkinchisiga tayyorlanish! 😅

AI (ChatGPT/Claude/Gemini) bilan ishlash uchun eng kerakli PROMPT'lar ro'yxati Sun'iy intellektdan aniq va sifatli javob olishning yagona siri — unga to'g'ri buyruq (prompt) bera olishda. Quyida har bir dasturchi, IT sohasi vakillari va umuman kompyuterda ishlovchilar uchun kundalik vazifalarni yengillashtiruvchi tayyor promptlarni jamladik: 1. Begona kodni tushunish va tahlil qilish uchun:

"Men [dasturlash tili, masalan: JavaScript] da yozilgan ushbu kodni tushunmayapman. Iltimos, uning qanday ishlashini qadamma-qadam, boshlang'ich dasturchi tushunadigan oddiy tilda tushuntirib ber: [kodni joylash]"

2. Kodni tozalash va optimallashtirish (Refactoring):

"Men yozgan ushbu kod to'g'ri ishlayapti, lekin uni 'Clean Code' tamoyillariga mos ravishda, o'qishga qulay, qisqa va optimalroq qilib qayta yozib ber. Nimalarni o'zgartirganingni qisqacha izohla: [kodni joylash]"

3. Xatoliklarni (Bug) topish va tuzatish:

"Dasturimda quyidagi xatolik (error) yuz berdi: [xatolik matni]. Bu xato nima uchun chiqayotganini tushuntir va uni to'g'rilash uchun eng maqbul yechimlarni (kod ko'rinishida) taklif qil."

4. Yangi texnologiya o'rganish (Shaxsiy Mentor):

"Men [texnologiya/freymvork nomi, masalan: Node.js] ni noldan o'rganmoqchiman. Menga ushbu texnologiyani o'zlashtirish uchun kunlarga bo'lingan, aniq va amaliyotga asoslangan 1 oylik o'quv rejasini (roadmap) tuzib ber. Har bir mavzu bo'yicha asosiy tushunchalarni yoz."

5. Professional xat yoki xabar yozish:

"Men mijozga (yoki jamoaga) loyiha holati haqida xat yozmoqchiman. Ushbu qoralama matnimni grammatik xatolardan tozalab, IT sohasiga mos, professional va ishonchli ohangda qayta yozib ber: [matningizni joylash]"

6. IT terminlarni oson tushunish uchun:

"[Murakkab termin, masalan: Docker va Kubernetes] nima ekanligini umuman IT sohasidan yiroq bo'lgan odamga tushuntirgandek, hayotiy o'xshatishlar (analogiyalar) yordamida tushuntirib ber."

🔖 Bu ro'yxatni o'zingizga saqlab oling va kerak bo'lganda foydalaning! Reaksiya qoldiring: 🔥 — Ajoyib ro'yxat, albatta saqlab qo'yaman! 😎 — GPT mening eng yaqin yordamchim. #foydali #ai #prompt #chatgpt #suniy_intellekt #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Flexer: CSS Flexbox uchun onlayn generator Flexbox orqali sahifa tuzilmalarini (setkalarini) yasash vazifasini ancha yengillashtiradigan vosita. Bu Flexbox qanday ishlashini vizual ko'rib, tezroq tushunib olmoqchi bo'lgan boshlang'ich dasturchilar uchun ham, kodni doim qo'lda yozishdan charchagan tajribali mutaxassislar uchun ham birdek foydali. O'zingizga kerakli holatni vizual tarzda sozlaysiz, tayyor CSS kodni nusxalaysiz va loyihangizga joylaysiz — tayyor! ➡️ Foydalanish Reaksiya qoldiring: 🔥 — Vaqtni tejash uchun zo'r yordamchi! 😎 — Men kodni doim o'zim yozishni afzal ko'raman. #foydali #frontend #css #flexbox #generator #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Ngrok — Lokal serveringizni bir soniyada internetga olib chiqing! Backend yozayotganda (localhost) API yoki Telegram botni test qilish uchun uni doim haqiqiy serverga (hosting/VPS) yuklash shart emas. Ngrok utilitasi orqali kompyuteringizdagi loyihaga bir zumda xavfsiz Public URL (HTTPS) olishingiz mumkin. Nima uchun bu vosita juda muhim? Telegram botlar: Webhook'ni to'g'ridan-to'g'ri o'z kompyuteringizga ulab test qilish uchun ideal. Jamoaviy ish: Siz yozgan API'ni frontendchi hamkasbingiz darhol o'z loyihasiga ulab ko'rishi mumkin. Terminalda bor-yo'g'i bitta buyruq yoziladi: ngrok http 8000 (port o'zgarishi mumkin). Munosabat bildiring: 🔥 — Bot yozganda doim shundan foydalanaman! 👍 — Zo'r narsa ekan, albatta ishlatib ko'raman. #foydali #backend #ngrok #api #server #dasturlash 💻 @dasturlash_hayoti — bir xatoni tuzatib, ikkinchisiga tayyorlanish! 😅

Backend'ni ancha vaqtdan beri kuchaytirmoqchi bo‘lganlar uchun yaxshi imkoniyat bor. Yandex Uzbekistan bepul Dev Camp dasturiga qabul boshladi. 10–31 oktyabr kunlari Toshkentda backend dasturlash, algoritmlar va sun’iy intellekt bo‘yicha uch haftalik intensiv bo‘lib o‘tadi. Bu yerda nafaqat o‘qish, balki Yandex dasturchilari va jamoa rahbarlari bilan muloqot qilish imkoniyati ham bo‘ladi. Eng yaxshi ishtirokchilar esa kompaniyada amaliyot o‘tash uchun qisqartirilgan saralovdan o‘tishlari mumkin. Dastur IT yo‘nalishlarida tahsil olayotgan talabalar va yaqinda oliy ta’lim muassasasini tamomlagan bitiruvchilar uchun mo‘ljallangan. Bunda yosh va ish tajribasiga nisbatan qat’iy talablar yo‘q. 👍 O‘zbekistonning boshqa hududlaridan saralovda eng yaxshi natija ko‘rsatgan ishtirokchilarning Toshkentga borib-kelish xarajatlari va yashashi Yandex tomonidan qoplanadi. Ishtirok etish bepul. ❗️Arizalar 30 sentyabrga qadar qabul qilinadi. Ishtirok etish uchun ariza to‘ldirish va kirish topshirig‘ini bajarish kerak.

🧹 GPT-6 Astra — changlar kushandasi! Sun'iy intellekt yordamida shunday ajoyib ilova yig'ildiki, u smartfon kamerasi orqali changyutgich bilan polning qayerlarini tozalaganingizni va qaysi qismlar qolib ketganini to'g'ridan-to'g'ri ekranda ko'rsatib turadi. Smartfon kamerasi tozalash jarayonini kuzatib boradi va real vaqt rejimida (real-time) toza bo'lgan hududlarni belgilab boradi. Uyni tozalashni xuddi kompyuter o'yiniga aylantirib yuboradigan ajoyib loyiha! 🔥 — AI imkoniyatlariga gap yo'q! #qiziqarli #ai #suniy_intellekt #gpt #ilova 💻 @dasturlash_hayoti — bir xatoni tuzatib, ikkinchisiga tayyorlanish! 😅

HTML va CSS'ni endi o'rganishni boshlaganlar bormi? Sohani endigina o'rganishni boshlaganlar, bu aynan sizlar uchun. Boshlang'ich bilimlarni eslab olish va o'zingizni sinab ko'rish uchun juda oson va qiziqarli savollar tayyorladim. Xato qilishdan qo'rqmang, asosiysi — harakat! 😉 👉 Testni bu yerda yeching Nechta to'g'ri javob topganingizni izohlarda yozib qoldiring! #test #html #css 💻 @dasturlash_hayoti — bir xatoni tuzatib, ikkinchisiga tayyorlanish! 😅