-|فى سردابى|↻

🖤

الموضوع بسيط.. مادامت النية حلوة، والقلب نضيف، والفعل مخلص لله يبقى مفيش مجهود، أو سعى، أو معافرة هيروحوا هدر.. والمطلوب؟.. التكملة بدون ما تيأس ولو للحظة.. والسبب؟.. ﴿إِنَّا لا نُضِيعُ أَجْرَ مَنْ أَحْسَنَ عَمَلا﴾.. السعى هيعمل حاجة من التلاتة.. يا إما هتنجح من أول مرة.. يا إما لو مانجحتش في لحظتها هيديك خبرة في اللي جاي.. يا إما هيخليك تتعلم إن مش هو ده الطريق اللي كان يستحق المجهود فتشوف طريق تاني غيره.. مفيش مجهود بيضيع في المطلق.

طبطبوا على بعض قبل فوات الآوان ،وحنّوا على بعض، الوقت مش في صالح حد ، طبطبوا قبل ما يجي الوقت اللي ما ينفعش فيه ندم ولا ينفع فيه سؤال ولا اطمئنان، ولا مواساة ... راعوا الظروف والمشاعر والتمسوا العُذر وخففّوا عن حبايبكم اختبارات الأيام والشدائد....

-هو أنت حبيت نادرة ليه الحب ده كله وهى ماحبتكش. =نقولولك وآنى سكران وتسامحينى ولا تستنى لما نفوق وتحاسبينى. -استغفر الله العظيم يارب ربنا يكفينا شر الحساب قول وآنى مسمحالك فايق وسكران يابحر =مفيش ست بتسامح بس هنقولولك آنى حبيت نادرة يا اصداف عشان مش بايدى ربنا هو صاحب الامر على القلوب مش انى ربنا امر قلبى بمحبتها ومأمرش قلبها غير بيوسف ،انى لو كان الامر بايدى يااصداف كنت حبيتك ..لكن من امتى القلوب بتعمل الصح ،القلوب بتعمل اللى مكتوب بس ياصدف ،غصب عنى مليش فى القلب امر متزعليش منى سامحينى. -مسمحالك ياعلى مفيش فى الحب غصب مع إن الحب غصب.!! أهو ده اللى صار ٢٠١٩

كوووول❤❤

" من السذاجة شوية إنك دايمًا تستنى المقابل من نفس المكان اللي اجتهدت فيه، ممكن تجتهد في الجامعة وتشيل مواد بس بعد ما تخلص تلاقي نفسك أول واحد اشتغلت في دفعتك، وممكن جدًا تجتهد في شغل ومديرك ما يشوفش ده بس مكان أحسن وأنسب منه يقدرك، وممكن تبذل مجهود خرافي في صداقة ووقت الشدة تلاقي المساندة من ناس تانية خالص! استمرارية السعي والأمانة بتضمن حتمية الوصول للمكان الصح والأنسب ليك مش بالضرورة للمكان اللي انت بتسعى ليه، وعمل الخير للغير بيضمنلك تلاقي ألف حد يساعدك غير اللي انت متعشم فيهم خالص. والحمد لله إن ربنا عالم بكل حاجة وبيجازي بالشكل الصح وفي الوقت المناسب .."

*متقارنش نفسك بحد.* كل واحد رزقه مكتوبله. و كل واحد مشوار حياته مختلف عن الي حواليه. المقارنة اتعودنا عليها من صغرنا لان اهالينا دايما بيقولولنا نبص علي سلوك اولاد خالاتنا او اولاد عمامنا او اخواتنا و يقارنونا بيهم عشان فاكرين ان ده هيدينا دافع نبقي احسن او نذاكر اكتر او نبقي ناجحين اكتر. فا موضوع المقارنة ده بيترسخ في ادمغتنا. متعملش كده في نفسك. المقارنة الوحيدة الي لازم تعملها هي مقارنة نفسك بنفسك امبارح و اليوم الي قبله و السنه الي فاتت. شوف انت اتحسنت في ايه و بقيت اوحش في ايه و اشتغل علي نفسك لنفسك. بس المقارنة بالغير مش هتعمل حاجه غير انها هتتعبك نفسياً و ممكن جداً توصلك لفقدان الامل بدري بدري عشان مش عارف ازاي توصل للي وصلّه حد تاني. قرارك انك هتشتغل علي نفسك و تحسن من نفسك لنفسك ده لوحده ممكن يوديك في حته احسن و ابعد بكتيير من فكرة انك تقارن نفسك بأي حد تاني.

- لماذا جهاد النفس صعب جدا يا شيخ ؟! = لأن الجزاء الجنة. وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى ۝ فَإِنَّ الْجَنَّةَ هِيَ الْمَأْوَى . اللهم تقبل توبتنا.

لو مش هنتعاطف غير مع الأمور اللى بتمسنا شخصيًا بس، فعلا محتاجين النظر فى إنسانيتنا.

اللى عينه مادمعتش ع اللى حصل وع المجزره اللى حصلت، قلبه محتاج يتعالج.