News Of Myanmar

မြန်မာ-တရုတ် နှစ်နိုင်ငံကြား ငြိမ်းချမ်းစွာအတူယှဉ်တွဲ နေထိုင်ရေးမူကြီး(၅)ရပ်သည် မျက်မှောက်ခေတ် နိုင်ငံတကာဆက်ဆံရေးနယ်ပယ်တွင် စံနမူနာတစ်ခုဖြစ်လာဟု နိုင်ငံတော်သမ္မတပြော ၁၉၅၄ ခုနှစ်ကချမှတ်ခဲ့သည့် မြန်မာ-တရုတ် နှစ်နိုင်ငံကြား ငြိမ်းချမ်းစွာအတူယှဉ်တွဲနေထိုင်ရေးမူကြီး (၅) ရပ်သည် မျက်မှောက်ခေတ် နိုင်ငံတကာဆက်ဆံရေးနယ်ပယ်တွင် စံနမူနာတစ်ခုဖြစ်လာသည်ဟု နိုင်ငံတော်သမ္မတ ဦးမင်းအောင်လှိုင်က ပြောသည်။ ယမန်နေ့ ဇွန် ၈ ရက်ညနေပိုင်းက နေပြည်တော်ရှိ ဥတ္တရသီရိကုန်တိုက်၊ ဂျေစီနီပလက်စ်ရုပ်ရှင်ရုံ၌ ကျင်းပသော "၂၀၂၆ ခုနှစ် တရုတ်ရုပ်ရှင်ပြပွဲရက်သတ္တပတ်အစီအစဉ်"ဖွင့်ပွဲတွင် အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။

အစ္စရေးဝန်ကြီးချုပ် နေတန်ယာဟုကို ဖမ်းဝရမ်းထုတ်ရန် ကြိုးပမ်းခဲ့သည့် အပြည်ပြည်ဆိုင်ရာ ရာဇဝတ်တရားရုံး ICC တရားစွဲဆိုရေးအရာရှိချုပ် လိင်ပိုင်းဆိုင်ရာ မလျော်သြဇာသုံးမှု စွပ်စွဲချက်များကြောင့် ရာထူးမှ ခေတ္တရပ်ဆိုင်းခံရ ခရင်မ်ခန်း (Karim Khan) သည် ၎င်းအပေါ် စွပ်စွဲထားသည့် မလျော်ကန်သော အပြုအမူများကို ငြင်းဆိုထားသော်လည်း အဆိုပါ စွပ်စွဲချက်များကို စုံစမ်းစစ်ဆေးနေစဉ်အတွင်း ၎င်း၏ တာဝန်ဝတ္တရားများမှ ဖယ်ရှားခြင်း ခံထားရသည်။ NOM

အာဖရိကတိုက်သား ရွှေ့ပြောင်းအခြေချနေထိုင်သူတစ်ဦးသည် ယမန်နေ့ညက ယူကေနိုင်ငံ​၏ အစိတ်အပိုင်းတခုဖြစ်သည့် မြောက်အိုင်ယာလန်၊ ဘဲလ်ဖတ်စ်မြို့တွင် အမျိုးသားတစ်ဦးအား ခေါင်းဖြတ်သတ်ရန် ကြိုးပမ်းခဲ့ပြီး ၎င်းကို ဆိုမာလီနိုင်ငံသား ဖြစ်နိုင်ကြောင်း မြောက်အိုင်ယာလန် ရဲတပ်ဖွဲ့က ယူဆထားသည်။ ထိခိုက်ဒဏ်ရာရရှိသူမှာ စိုးရိမ်ရသည့် အခြေအနေတွင် ရှိနေဆဲဖြစ်သည်။ ကျူးလွန်ရသည့် အကြောင်းရင်းကိုမူ လက်ရှိအချိန်ထိ မသိရသေးပေ။ NOM

ဧရာဝတီတိုင်းအစိိိိုးရအဖွဲ့မှ မြစ်ရေကြီးမှုအန္တရာယ် ကြိုတင်သတိပြုပြင်ဆင်ရန် အသိပေးနှိုးဆော်ချက်ထုတ်ပြန် NOM ဇွန် ၉၊ ၂၀၂၆ ဧရာဝတီတိုင်းအတွင်း လက်ရှိ မိုးသည်းထန်စွာ ရွာသွန်းမှုများနှင့်အတူ မြစ်ရေမျက်နှာပြင် မြင့်တက်လာနိုင်သည့် အခြေအနေများကြောင့် မြစ်ကမ်းနားနှင့် မြေနိမ့်ပိုင်းဒေသများတွင် နေထိုင်ကြသော မိဘပြည်သူများအနေဖြင့် ရေဘေးအန္တရာယ်ကို ကြိုတင်ကာကွယ် နိုင်ရန်အထူးဂရုပြုပြင်ဆင်ထားကြပါရန် အသိပေးနှိုးဆော်ချက်ကို ယနေ့ (ဇွန် ၉ ရက်)က ဧရာဝတီတိုင်းအစိုးရအဖွဲ့က ထုတ်ပြန်ထားကြောင်းသိရသည်။ ထုတ်ပြန်ချက်တွင် အရေးကြီးစာရွက်စာတမ်းများနှင့် ပစ္စည်းများ- မှတ်ပုံတင်၊ အိမ်ထောင်စုစာရင်း၊ ငွေကြေးနှင့် အဖိုးတန်ပစ္စည်းများကို ရေလုံသော အိတ်များဖြင့် သေချာစွာထုပ်ပိုးပြီး ရွှေ့ပြောင်းရလွယ်ကူသည့်နေရာတွင် အသင့်ထားရှိရန်၊ အလွယ်တကူစားသုံးနိုင်သော ရိက္ခာများ၊ သောက်ရေသန့်နှင့် ဆေးဝါးအချို့ကို (အနည်းဆုံး ၃ ရက်စာ) စုဆောင်း ထားရန်၊ လက်နှိပ်ဓာတ်မီး၊ ဖယောင်းတိုင်၊ မီးခြစ်နှင့် ဖုန်း Power Bank များကို အားပြည့်အောင် သွင်းထားပြီး အသင့်ဆောင်ထားရန်နှင့် ကလေးသူငယ်များ၊ သက်ကြီးရွယ်အိုများနှင့် မသန်စွမ်းသူများကို ရေဘေးလွတ်ကင်းရာ အမြင့်ပိုင်း သို့မဟုတ် နီးစပ်ရာရေဘေးခိုလှုံရာစခန်းများသို့ ကြိုတင်ရွှေ့ပြောင်း နေရာချထားရန်တို့ကို ထုတ်ပြန်ထားသည်။ အလားတူ ရေစီးသန်နေချိန်တွင် မြစ်ရေထဲဆင်းခြင်း၊ ရေကူးခြင်းနှင့် လှေစီးခြင်းများကို အထူးရှောင်ကြဉ်ရန်နှင့် ကလေးငယ်များကို ရေအနီးအနားသို့ လုံးဝ (လုံးဝ) သွားလာခွင့်မပြုရန်၊ ရေဘေးကာလတွင် အဆိပ်ရှိသတ္တဝါများ (မြွေ၊ ကင်းမြီးကောက်) ရေလွတ်ရာသို့ တက်လာတတ်သဖြင့် သတိပြုနေထိုင်အသ်််ိပေးထားသည်။ ဓါတ်ပုံ - ဧရာဝတီတိုင်းအစိိိိုးရအဖွဲ့ (ပုံဟောင်း)

ဒုတိယဝန်ကြီး ဦးဝင်းမြင့်ခိုင် သီလဝါအထူးစီးပွားရေးဇုန်ရှိ စက်ရုံများကြည့်ရှုစစ်ဆေး ဇွန် ၈၊ ၂၀၂၆ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးဝင်းမြင့်ခိုင်သည် ဇွန် ၅ ရက် မွန်းလွဲပိုင်းက ရန်ကုန်တိုင်းဒေသကြီး သန်လျင်မြို့နယ် သီလဝါအထူးစီးပွားရေးဇုန်ရှိ Hansae Myanmar Co., Ltd.၌ ပြည်ပသို့တင်ပို့ရန် အဝတ်အထည်အမျိုးမျိုးထုတ်လုပ်နေမှုကို ကြည့်ရှုစစ်ဆေးသည်။ ထို့နောက် Kianjoo Can Myanmar Co., Ltd. ၏ အလူမီနီယံထုတ်လုပ်သည့် စက်ရုံ၌ အလူမီနီယံဘူးခွံအမျိုးမျိုးထုတ်လုပ်နေမှုနှင့် Zifan Pyrex Myanmar Co., Ltd. ၌ ဆေးဝါးများထုတ်လုပ်နေမှုကို လှည့်လည်ကြည့်ရှုစစ်ဆေးပြီး ဆေးဝါးများ အရည်အသွေးပြည့်မီစေရေး အလေးထားဆောင်ရွက်ရန်၊ ပြည်ပသို့ တင်ပို့ရာတွင် နိုင်ငံတကာဈေးကွက်၌ ယှဉ်ပြိုင်နိုင်ရေး၊ စံချိန်စံညွှန်းအရည်အသွေးပြည့်မီစေရေးနှင့် ပြည်ပပို့ကုန်တိုးမြှင့်တင်ပို့နိုင်ရေး အလေးထားဆောင်ရွက်သွားကြရန်မှာကြားခဲ့ကြောင်း သိရသည်။

ကျိုက်ထိုမြို့နယ်တွင် အီလက်ထရောနစ်စနစ် မွေးဖွားမှုနှင့် သေဆုံးမှု မှတ်ပုံတင်ခြင်းလုပ်ငန်း (MBDR) သင်တန်းဖွင့်လှစ်   ဇွန် ၉၊ ၂၀၂၆   မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်တွင် လက်ထရောနစ်စနစ် မွေးဖွားမှုနှင့် သေဆုံးမှု မှတ်ပုံတင်ခြင်းလုပ်ငန်း (MBDR) သင်တန်းကို ယနေ့နံနက်ပိုင်းက မြို့နယ်ပြည်သူ့ကျန်းမာရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။   ဦးစွာ ပြည်သူ့ကျန်းမာရေးဦးစီးဌာနမှ မြို့နယ်ဆရာဝန်ကြီး ဒေါက်တာခွန်မောင်အိုးက အဖွင့်အမှာစကားပြောကြားပြီး (ကျန်းမာရေးမှူး-၁) ဦးထွန်းညီညီက သင်တန်းဖွင့်လှစ်ရသည့် ရည်ရွယ်ချက်များကို ရှင်းလင်းပြောကြားခဲ့သည်။   ဆက်လက်၍ အခမ်းအနားကို ကျင်းပရာ (ကျန်းမာရေးမှူး-၃) ဒေါ်ပိုးအိအိစိုးက သင်တန်းနှင့် ပတ်သက်သည့် အကြောင်းအရာများကို ရှင်းလင်းပြောကြားပြီး သင်တန်းနည်းပြ (၆) ဦးတို့က သင်တန်းသား/ သူ (၅၈) ဦးတို့အား (၃) ရက်ကြာ စာတွေ့လက်တွေ့ သင်‌ကြားပို့ချသွားမည်ဖြစ်ကြောင်း သိရသည်။

ထီးချိုင့်မြို့နယ်၊ စံပြရပ်ကွက်တွင် PDF အကြမ်းဖက်အဖွဲ့ ထောင်ထားသည့် မိုင်းအားတိုက်မိပေါက်ကွဲမှုကြောင့် အရပ်သားပြည်သူနှစ်ဦး ထိခိုက်ဒဏ်ရာရ NOM ဇွန် ၉၊ ၂၀၂၆ စစ်ကိုင်းတိုင်းဒေသကြီး၊ ထီးချိုင့်မြို့နယ်၊ မောင်းကုန်း ကျေးရွာနေ ဦးအောင်ကျော်တိုး (၃၉) နှစ်သည် ဇွန်လ ၈ ရက်နေ့ မွန်းလွဲ ၃ နာရီအချိန်၌ တစ်ရွာတည်းနေ မသွန်းဟေသီ (၂၀) နှစ်နှင့်အတူ မောင်းကုန်းကျေးရွာမှ ထီးချိုင့်မြို့နယ်၊ စံပြရပ်ကွက်သို့ မော်တော်ယာဉ်ဖြင့် သွားရောက်စဉ် အဆိုပါရပ်ကွက်ရှိ မြို့နယ်ဥပဒေရုံးအနီးအရောက် လမ်းဘေးမှ PDF အကြမ်းဖက်အဖွဲ့ထောင်ထား သည့် မိုင်းတစ်လုံးအား တိုက်မိပေါက်ကွဲခဲ့မှုကြောင့် ၎င်းတို့နှစ်ဦးတွင် မိုင်းပေါက်ကွဲစ ထိမှန်ဒဏ်ရာများရရှိခဲ့၍ ဆေးကုသနိုင်ရေး ထီးချိုင့်မြို့နယ် ပြည်သူ့ဆေးရုံသို့ ပို့ဆောင်ထားရှိကြောင်းသိရသည်။ NOM

ပုလောမြို့နယ်တွင် PDF အကြမ်းဖက်အဖွဲ့ ထောင်ထားသည့် မိုင်းပေါက်ကွဲမှုကြောင့် အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရ NOM ဇွန် ၉၊ ၂၀၂၆ တနင်္သာရီတိုင်းဒေသကြီး၊ ပုလောမြို့နယ်ပြည်သူ့ဆေးရုံသို့ ဇွန်လ ၈ ရက်နေ့ မွန်းလွဲ ၂ နာရီ ၄၅ မိနစ်အချိန်၌ မိုင်းပေါက်ကွဲစထိမှန်ဒဏ်ရာများဖြင့် အမျိုးသားတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မွန်းလွဲ ၁ နာရီအချိန်၌ ပုလောမြို့နယ်၊ ရှပ်ပုံကျေးရွာနေ ဦးမင်းပိုင်ဦး (၃၂) နှစ် သည် ၎င်း၏နေအိမ်မှ ဖော့ကျေးရွာသို့ ကျေးရွာချင်း ဆက်လမ်းအတိုင်း ဆိုင်ကယ်ဖြင့် ထွက်ခွာလာစဉ် ရှပ်ပုံကျေးရွာ၏ မြောက်ဘက် ၃ မိုင်ခန့်အကွာ အထက်ပေါင်းကျေးရွာအနီးအရောက် လမ်းဘေးမှ PDF အကြမ်းဖက်အဖွဲ့ထောင်ထားသည့် မိုင်းတစ်လုံး ပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်းသိရသည်။ NOM

အမေရိကန်က အီရန်ဘောလုံးပရိသတ်တွေရဲ့ ကမ္ဘာ့ဖလားလက်မှတ်တွေကို ပယ်ဖျက် — Al Jazeera အိမ်ရှင်အဖြစ် ပူးတွဲလက်ခံကျင်းပတဲ့ အမေရိကန်နိုင်ငံဟာ အီရန်အားပေးသူတွေ လာရောက်ကြည့်ရှုခွင့်ကို ဟန့်တားနှောင့်ယှက်ဖို့အတွက် FIFA က သတ်မှတ်ပေးထားတဲ့ အီရန်နိုင်ငံရဲ့ လက်မှတ်ခွဲတမ်းတွေကို ပြန်လည်ရုပ်သိမ်း (ပယ်ဖျက်) လိုက်တယ်လို့ အီရန်ဘောလုံးအဖွဲ့ချုပ်က ပြောကြားခဲ့ပါတယ်။ ဒီလုပ်ရပ်ဟာ "နိုင်ငံတကာပြိုင်ပွဲတွေရဲ့ စိတ်ဓာတ်" ကို ချိုးဖောက်ရာရောက်နေတာကြောင့် ကမ္ဘာ့ဘောလုံးအဖွဲ့ချုပ် (FIFA) အနေနဲ့ ဝင်ရောက်စွက်ဖက် ဖြေရှင်းပေးဖို့ အီရန်ဘက်က တောင်းဆိုထားပါတယ်။ NOM

၂၇ နှစ်အရွယ် SpaceX အာကာသကုမ္ပဏီ​၏ အင်ဂျင်နီယာတစ်ဦး မီလျံနာဖြစ်လာနိုင်ခြေရှိ — WSJ အသက် ၂၇ နှစ်အရွယ်ရှိပြီဖြစ်တဲ့ မေရီအယ်လင် မက်ဆဲလ်မန်း (Maryellyn Musselman) ဟာ SpaceX အာကာသကုမ္ပဏီရဲ့ ဒုံးပျံအစိတ်အပိုင်းတွေ ပြန်လည်ဆယ်ယူရေး ရေယာဉ်ပေါ်မှာ အင်ဂျင်နီယာအရာရှိအဖြစ် ၂ နှစ်ကြာ တာဝန်ထမ်းဆောင်ခဲ့ပြီး သူမရရှိတဲ့ လစာချက်လက်မှတ်တိုင်းရဲ့ ၁၀ ရာခိုင်နှုန်းကို ကုမ္ပဏီရဲ့ ရှယ်ယာတွေဝယ်ယူဖို့ ရင်းနှီးမြှုပ်နှံခဲ့ပါတယ်။ အခုအခါမှာတော့ SpaceX ကုမ္ပဏီဟာ အများပိုင်ကုမ္ပဏီအဖြစ် ရှယ်ယာတွေ စတင်ရောင်းချဖို့ (IPO) ပြင်ဆင်နေတာကြောင့် သူမပိုင်ဆိုင်ထားတဲ့ ရှယ်ယာတန်ဖိုးဟာ အမေရိကန်ဒေါ်လာ ၁ သန်း (မီလျံနာ) ကျော်အထိ တန်ကြေးရှိလာနိုင်ပါတယ်။ SpaceX ဟာ ၂၀၂၆ ခုနှစ်၊ ဇွန်လ ၁၂ ရက်နေ့မှာ စတော့စျေးကွက်အတွင်း သမိုင်းဝင် IPO အဖြစ် ရှယ်ယာတွေ စတင်ရောင်းချဖို့ ပြင်ဆင်နေတာဖြစ်ပြီး ကုမ္ပဏီရဲ့ တန်ကြေးဟာ ဒေါ်လာ ၁.၇၅ ထရီလီယံဝန်းကျင်အထိ ရှိလာနိုင်တယ်လို့ ခန့်မှန်းထားကြပါတယ်။ ဒါကြောင့် ကုမ္ပဏီရဲ့ ရှယ်ယာတွေကို ကြိုတင်ပိုင်ဆိုင်ထားကြတဲ့ ရေယာဉ်အဖွဲ့သားတွေ၊ ဂဟေဆော်သူတွေနဲ့ အင်ဂျင်နီယာတွေအပါအဝင် ဝန်ထမ်းအမြောက်အမြားဟာ ညတွင်းချင်း မီလျံနာတွေ ဖြစ်လာဖို့ ရှိနေကြပါတယ်။ NOM

လာအိုနိုင်ငံခြားရေးဝန်ကြီး သောင်ဆာဗန် ဖုန်ဗီဟန် (Thongsavanh Phomvihane) သည် မြန်မာနိုင်ငံခြားရေးဝန်ကြီး ဦးတင်မောင်ဆွေ၏ ဖိတ်ကြားချက်အရ ဇွန်လ ၁၂ ရက်မှ ၁၃ ရက်အထိ မြန်မာနိုင်ငံသို့ တရားဝင်အလည်အပတ်ခရီးစဉ် လာရောက်မည် ဖြစ်သည်။ အဆိုပါ ခရီးစဉ်သည် ဆယ်စုနှစ် ခုနစ်စုကျော် ကြာမြင့်ခဲ့ပြီဖြစ်သော နှစ်နိုင်ငံဆက်ဆံရေးကို ပိုမိုခိုင်မာစေရန်နှင့် အိမ်နီးချင်းကောင်း ပူးပေါင်းဆောင်ရွက်မှုများကို တိုးမြှင့်လုပ်ဆောင်ရန် ရည်ရွယ်သည်။ NOM

တွဲကားဝင်တိုက်မှုကြောင့်ပျက်စီးသွားသည့်ဓာတ်တိုင်များအား အစားထိုးတပ်ဆင်ဆောင်ရွက်နေကြောင်း YESC အသိပေး NOM၊ဇွန်၉၊၂၀၂၆ ရန်ကုန်မြို့၊ ဒညင်းကုန်းလမ်းမပေါ် (၆၄၆)တပ်ရှေ့ရှိ ယနေ့(ဇွန်၉ရက်)နံနက် ၈ နာရီ ၅၀ မိနစ်ခန့်က တွဲကား ဝင်တိုက်မှုကြောင့် ပျက်စီးသွားခဲ့သည့် 12M Concrete ဓာတ်တိုင်(၂)တိုင်အား အစားထိုးတပ်ဆင်ရန်ဆောင်ရွက်နေသောကြောင်း ရန်ကုန်လျှပ်စစ်ဓာတ်အားပေးရေးကော်ပိုရေး ရှင်း(YESC)မှ အသိပေးထုတ်ပြန်ထားသည်။ အဆိုပါတွဲကား ဝင်တိုက်မှုကြောင့် လှော်ကားခွဲရုံမှဓာတ်အားပေးထားသော (33)kV လှော်ကား-Ba ဖီဒါ၏ 12M Concrete ဓာတ်တိုင်(၂)တိုင်၏ အောက်ခြေကျိုးပဲ့ပျက်စီးခဲ့ရာပျက်စီးသွားသော ဓာတ်တိုင်(၂)တိုင်အားအစားထိုးတပ်ဆင်နိုင်ရေးအတွက် ခရိုင်/မြို့နယ်တို့မှ လျှပ်စစ်ကျွမ်းကျင်ဝန်ထမ်းများကဆောင်ရွက်လျှက်ရှိကြောင်းသိရသည်။ ထိုပြင် ဓာတ်အားပြတ်တောက်မှုမရှိစေရေးအတွက်လည်း နံနက် ၉ နာရီတွင် (33)kV MIP- ရွှေပေါက္ကံဖီဒါမှ ယာယီဓာတ်အားပြန်ပေးထားကြောင်း သိရသည်။

ရွှေကူသို့ပေးစာ ရွှေကူမြို့ကိုတိမ်းရှောင်ဖို့ KIAကစာထုတ်ပြန်တဲ့အထဲမှာ ထွက်ခွာကြဖို့ပြောထားသလို ထွက်ခွာရမယ့်လမ်းကိုလည်း ညွှန်ပြထားတယ်။ သူတို့သတ်မှတ်တဲ့လမ်းကလွဲရင် တာဝန်မယူပါပေါ့။ မြို့ကနေထွက်ခွါပါ။ ထွက်ခွာတဲ့အခါလည်း တော်လှန်-လမ်းကူး-စီသာ-မိုးကင့်လမ်းကိုသာအသုံးပြုရမည်တဲ့။ ဒါဟာဘာပြောချင်တာလဲဆိုတော့ မြို့လုံးကျွတ် စုဆောင်းရေးဆွဲဖို့အကြံပဲ။ ဒီရွှေကူမြို့လည်း သူတို့ဝင်တိုက်လို့ မနိုင်ဘူးဆိုတာသူတို့သိတယ်။ နိုင်ရင် စောစောကတည်းကတိုက်ပြီးနေပြီ။ အခုသူတို့အကြံက စာထုတ်မယ်။ လမ်းကြောင်းပေးမယ်။ အတိုက်ပြမယ်။ ထွက်လာသမျှကို စုဆောင်းရေးဆွဲမယ် ဒါသူတို့အကြံပဲ။ CDMမလုပ်တဲ့သူတွေကိုဖမ်းမယ်။ ငွေညှစ်မယ်။ လူငယ်တွေကိုတပ်သားသစ်စုဆောင်းမယ်။ တစ်ယောက်ချင်းလိုက်ဖမ်းနေရင်ကြာတယ်။ ဆည်ဝကဗျိုင်းစောင့်သလို အထဲကိုခါပြီးအထွက်မှာအကုန်ကျုံးဖို့ကြံနေတာပဲ။ ရွှေကူမြို့သားတွေ လုံးဝမထွက်ပါနဲ့။ ထွက်တာနဲ့လူကြီးမင်းတို့ချန်ထားသမျှ တံခါးရွက်ပါမကျန် တက်တက်စင်အောင်ပြောင်မှာပါ။ လူငယ်လူရွယ်တွေလည်း KIAကရှေ့တန်းပို့တာခံရပြီး အချောင်အသက်ပေးရမှာပါ။

ရွှေကူသို့ပေးစာ ရွှေကူမြို့ကိုတိမ်းရှောင်ဖို့ KIAကစာထုတ်ပြန်တဲ့အထဲမှာ ထွက်ခွာကြဖို့ပြောထားသလို ထွက်ခွာရမယ့်လမ်းကိုလည်း ညွှန်ပြထားတယ်။ သူတို့သတ်မှတ်တဲ့လမ်းကလွဲရင် တာဝန်မယူပါပေါ့။ မြို့ကနေထွက်ခွါပါ။ ထွက်ခွာတဲ့အခါလည်း တော်လှန်-လမ်းကူး-စီသာ-မိုးကင့်လမ်းကိုသာအသုံးပြုရမည်တဲ့။ ဒါဟာဘာပြောချင်တာလဲဆိုတော့ မြို့လုံးကျွတ် စုဆောင်းရေးဆွဲဖို့အကြံပဲ။ ဒီရွှေကူမြို့လည်း သူတို့ဝင်တိုက်လို့ မနိုင်ဘူးဆိုတာသူတို့သိတယ်။ နိုင်ရင် စောစောကတည်းကတိုက်ပြီးနေပြီ။ အခုသူတို့အကြံက စာထုတ်မယ်။ လမ်းကြောင်းပေးမယ်။ အတိုက်ပြမယ်။ ထွက်လာသမျှကို စုဆောင်းရေးဆွဲမယ် ဒါသူတို့အကြံပဲ။ CDMမလုပ်တဲ့သူတွေကိုဖမ်းမယ်။ ငွေညှစ်မယ်။ လူငယ်တွေကိုတပ်သားသစ်စုဆောင်းမယ်။ တစ်ယောက်ချင်းလိုက်ဖမ်းနေရင်ကြာတယ်။ ဆည်ဝကဗျိုင်းစောင့်သလို အထဲကိုခါပြီးအထွက်မှာအကုန်ကျုံးဖို့ကြံနေတာပဲ။ ရွှေကူမြို့သားတွေ လုံးဝမထွက်ပါနဲ့။ ထွက်တာနဲ့လူကြီးမင်းတို့ချန်ထားသမျှ တံခါးရွက်ပါမကျန် တက်တက်စင်အောင်ပြောင်မှာပါ။ လူငယ်လူရွယ်တွေလည်း KIAကရှေ့တန်းပို့တာခံရပြီး အချောင်အသက်ပေးရမှာပါ။

ဟော်မုဇ်ရေလက်ကြားအနီးတွင် အမေရိကန် အပါချီ Apache တိုက်ခိုက်ရေးရဟတ်ယာဉ်တစ်စီး ပျက်ကျသွား — ပစ်ချခံရခြင်းလား သို့မဟုတ် စက်ပိုင်းဆိုင်ရာချို့ယွင်းမှုကြောင့်လား ဆိုသည်ကို ရှင်းရှင်းလင်းလင်းမသိရသေး — NYT NOM

ဟုမ္မလင်းအနီးမြေငလျင်လှုတ် NOM၊ဇွန်၉၊၂၀၂၆ ၂၀၂၆ ခုနှစ်၊ ဇွန်လ ၉ ရက်နေ့၊ မြန်မာစံတော်ချိန် (၀၉) နာရီ၊ (၂၂) မိနစ်၊ (၄၅) စက္ကန့် အချိန်တွင် တမူးမြေငလျင်စခန်းမှ အရှေ့မြောက်ဘက် (၇၅) မိုင်ခန့်ကွာဝေးသော မြန်မာနိုင်ငံ ပြည်တွင်း (ဟုမ္မလင်းမြို့၏ အရှေ့မြောက်ဘက် (၁၉) မိုင်ခန့်အကွာ)၊ မြောက်လတ္တီတွဒ် (၂၄.၉၈) ဒီဂရီ၊ အရှေ့လောင်ဂျီတွဒ် (၉၅.၁၉) ဒီဂရီ၊ အနက် (၈၅) ကီလိုမီတာကို ဗဟိုပြု၍ ပြင်းအား၄.၁(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါ သည်။ Ref: မိုးလေဝသနှင့်ဇလဗေဒညွှန်ကြားမှုဦးစီးဌာန

တောင်ဥက္ကလာပမြို့နယ်တွင် သားအမိနှစ်ဦး ဓာတ်လိုက်၊ မိခင်သေဆုံး NOM၊ဇွန်၉၊၂၀၂၆ ရန်ကုန်တိုင်း‌ေဒသကြီး၊ တောင်ဥက္ကလာပမြို့နယ်၊ မြင်သာ(၁)လမ်းတွင် သားအမိနှစ်ဦး ဓာတ်လိုက်မှုဖြစ်ပွားခဲ့ရာ မိခင်ဖြစ်သူ သေဆုံးခဲ့ကြောင်း လူမှုကယ်ဆယ်ရေးအသင်းများထံမှ သိရသည်။ ဖြစ်စဉ်မှာ ဇွန်လ ၇ ရက် နံနက် ၇ နာရီခန့်က ဖြစ်ပွားခဲ့ခြင်းဖြစ်ပြီး ဓာတ်လိုက်နေသည့် မိခင်ဖြစ်သူအား သားဖြစ်သူက ဝင်ရောက်ကယ်ဆယ်စဉ် ဓာတ်လိုက်ဒဏ်ရာများ ရရှိခဲ့၍ သားဖြစ်သူအား ဓမ္မစိန်ရောင် လူနာတင်ယာဉ်ဖြင့် မြောက်ဥက္ကလာပ ပြည်သူ့ဆေးရုံသို့ ပို့ဆောင်ကုသပေးခဲ့ကြောင်း သိရသည်။ ဓာတ်လိုက်မှုဖြစ်ပွားရသည့် အကြောင်းရင်းကို သက်ဆိုင်ရာက စုံစမ်းစစ်ဆေးလျက်ရှိကြောင်း သိရသည်။

သမ္မတထရမ့် က သူ​၏အိမ်မက်ကမ္ဘာထဲကနေ၍ - "အီရန်က ကျွန်တော်တို့ လိုချင်သမျှ အရာအားလုံးကို ပေးလာတော့မှာပါ" NOM

ရှေးဟောင်းဝတ္ထုပစ္စည်းများကို တရားမဝင်မှောင်ခိုဝယ်ယူကြသူများရှိရာ ယင်းကဲ့သို့ အရောင်းအဝယ်ပြုလုပ်ကြခြင်းသည် ဥပဒေကို ချိုးဖောက်ခြင်းဖြစ်သည့်အလျောက် အရေးယူအပြစ်ပေး ခံကြရမည်ဖြစ်သည်။ သို့ဖြစ်ရာ ရှေးဟောင်းဝတ္ထုပစ္စည်း တရားမဝင် ရောင်းဝယ်မှုများကို ဝိုင်းဝန်းတားဆီး ကာကွယ်ကြရန်လိုသည်။ ရှေးဟောင်း ဝတ္ထုပစ္စည်းများကို အကြောင်းအမျိုးမျိုးဖြင့် တွေ့ရှိကြသူများသည် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာနသို့ တာဝန် သိစွာ လာရောက်အပ်နှံပါက လွှဲပြောင်းအပ်နှံသူကို အကျိုးခံစားခွင့် ရှိသူအဖြစ် သတ်မှတ်၍ အထက်ပါအတိုင်း ထိုက်ထိုက်တန်တန် ဂုဏ်ပြုချီးမြှင့်ငွေများ ချီးမြှင့်နေခြင်းဖြစ်ရာ မိမိတို့နိုင်ငံ၏ ရှေးဟောင်းယဉ်ကျေးမှုအမွေအနှစ် ဝတ္ထုပစ္စည်းများ၏ တန်ဖိုးကြီးမားမှုကို နားလည်သိရှိပြီး ကာကွယ်ထိန်းသိမ်းရာတွင် နိုင်ငံသားတာ၀န် ကျေပွန်စွာ ပါဝင်ကြရပါမည့်အကြောင်း။

ရှေးဟောင်းဝတ္ထုပစ္စည်းများ တန်ဖိုးထား တာဝန်သိစွာဖြင့် နိုင်ငံတော်သို့အပ်နှံ မြန်မာနိုင်ငံသည် ကျောက်ခေတ်၊ ကြေးခေတ်၊ သံခေတ်မှ သမိုင်းတင်သည့် ခေတ်အဆက်ဆက်တိုင်အောင် သမိုင်းကြောင်းရှည်လျားသည့် နိုင်ငံတစ်နိုင်ငံဖြစ်သည်နှင့်အညီ သမိုင်းအမွေအနှစ် ရှေးဟောင်းဝတ္ထုပစ္စည်းများစွာ ကြွင်းကျန်ရစ်လျက်ရှိပြီး မကြာခဏဆိုသလိုလည်း တွေ့ရှိနေကြသည်။ ရှေးဟောင်းပစ္စည်းများသည် နိုင်ငံနှင့်လူမျိုး၏ အတိတ်ကာလနှင့် ယဉ်ကျေးမှုအဆင့်အတန်းတို့ကို ပြန်လည်ဖော်ညွှန်း ပြသနေသည့် သက်သေအထောက်အထားများပင်ဖြစ်သည်။ ဝတ္ထုပစ္စည်းတစ်ခုသည် နှစ်ပေါင်း ၁၀၀ နှင့်အထက် သက်တမ်းရှိပြီး သမိုင်းခေတ်ကာလတစ်ခုကို ဖော်ညွှန်းပြသနိုင်ခြင်း၊ အသုံးပြုမှု၊ လက်ရာမြောက်မှု၊ ရှားပါးမှု၊ သမိုင်းတန်ဖိုးရှိမှုတို့ ပေါင်းစပ်နေခြင်းတို့ဖြင့် ၎င်းအား ရှေးဟောင်းဝတ္ထုပစ္စည်းအဖြစ် သတ်မှတ်သည်။ ရှေးဟောင်းဝတ္ထုပစ္စည်းများသည် ရှေးဟောင်းနေရာဒေသများနှင့် ဆက်စပ်ပြီး တည်ရှိနေခြင်းဖြစ်ရာ ကမ်းပါးပြိုခြင်း၊ ယာထွန်ခြင်း၊ ကျင်းတူးခြင်း၊ လမ်းပြင်ခြင်း စသည်အားဖြင့် ပြန်လည်ပေါ်ထွက်လာကြသည်။ ယင်းသို့တွေ့ရှိပါက ရှေးဟောင်းဝတ္ထုပစ္စည်းများ ဖြစ်သည်ကို မသိ၍ဖြစ်စေ၊ သိလျက်နှင့်ဖြစ်စေ ငွေကြေးရလိုဇောဖြင့် ချက်ချင်းဆိုသလို ပြန်လည်ထုခွဲ ရောင်းချလေ့ရှိကြသည်။ စင်စစ် ယင်းကဲ့သို့ ထုခွဲရောင်းချလိုက်ခြင်းသည် ဥပဒေကို ချိုးဖောက်၍ ပြစ်မှုကျူးလွန်လိုက်ခြင်းပင်ဖြစ်သည်။ မိမိတို့နိုင်ငံရှိ ရှေးဟောင်းဝတ္ထုပစ္စည်းများ အဓွန့်ရှည်တည်တံ့စေရန်၊ ပျက်စီးယိုယွင်းပျောက်ဆုံးခြင်းတို့မှ ကာကွယ်ရန်၊ ပြည်သူများအနေဖြင့် ရှေးဟောင်းဝတ္ထုပစ္စည်းများ၏ တန်ဖိုးမြင့်မားမှုကိုနားလည်၍ တာဝန်သိစိတ်ဖြင့် ကာကွယ်ထိန်းသိမ်းနိုင်စေရန်ဟူသော ရည်ရွယ်ချက်များဖြင့် ၂၀၁၅ ခုနှစ်တွင် ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေးဥပဒေကိုပြဋ္ဌာန်းခဲ့ပြီး ၂၀၁၆ ခုနှစ်တွင် နည်းဥပဒေကို ထုတ်ပြန်ခဲ့သည်။ သို့ဖြစ်ရာ ရှေးဟောင်းဝတ္ထုပစ္စည်းများကိုတွေ့ရှိပါက သက်ဆိုင်ရာသို့ သတင်းပေးပို့ခြင်းဖြင့် ဥပဒေကို လိုက်နာရာရောက်သကဲ့သို့ ထိုက်တန်သည့်ဆုကြေးငွေနှင့် ဂုဏ်ပြုမှတ်တမ်းလွှာ ချီးမြှင့်ပေးအပ်မှုတို့ကို ရရှိကြမည်ဖြစ်သည်။ ဆုကြေးဟုဆိုရာတွင် ဝတ္ထုပစ္စည်း၏ ကာလပေါက်စျေး၊ ခေတ်ကာလဆုကြေး၊ ခေတ်လက်ရာဆုကြေးတို့အပြင် အချို့ရှေးဟောင်းဝတ္ထုပစ္စည်းများဆိုလျှင် ရှားပါးလက်ရာ ထပ်ဆောင်းဆုကြေးကိုပါ ရရှိနိုင်ကြသည်။ ဆုကြေးထုတ်ပေးရာတွင်လည်း စတင်အပ်နှံချိန်မှ ရက်သတ္တနှစ်ပတ်မှ လေးပတ်အတွင်း ထုတ်ပေးခြင်းဖြစ်သည်။ ပြီးခဲ့သည့် ဇွန်လ ၄ ရက်နေ့က ရှေးဟောင်းဝတ္ထုပစ္စည်းများ လာရောက်အပ်နှံခြင်းအတွက် ဂုဏ်ပြုအခမ်းအနားကို အမျိုးသားပြတိုက်(နေပြည်တော်)၌ ကျင်းပခဲ့သည်။ အဆိုပါအခမ်းအနားတွင် ရှေးဟောင်းဝတ္ထုပစ္စည်းအပ်နှံသူ နှစ်ဦးတို့က ကုန်းဘောင်ခေတ်သတ္တုစပ်ပြား ၃၂၈ ပြားနှင့် ပျူခေတ်ငွေဒင်္ဂါး ၃၃၃ ပြားတို့ကို ရှေးဟောင်းသုတေသနနှင့် အမျိုးသားပြတိုက်ဦးစီးဌာနသို့ အပ်နှံခဲ့ကြသည်။ ယင်းသို့အပ်နှံရာတွင် ကုန်းဘောင်ခေတ်သတ္တုစပ်ပြား ၃၂၈ ပြားကို ဆုကြေးတွက်ချက်မှုအရ ကြေး ၂၅ ပိဿာအတွက် ကာလပေါက်ဈေး ကျပ် ၃၇၅၀၀၀၀၊ ခေတ်ကာလဆုကြေးအဖြစ် ကာလပေါက်ဈေး၏ ၅၀ ရာခိုင်နှုန်းဖြစ်သော ကျပ် ၁၈၇၅၀၀၀ စုစုပေါင်း ဆုကြေးကျပ် ၅၆၂၅၀၀၀ နှင့် ဂုဏ်ပြုမှတ်တမ်းလွှာ၊ ပျူခေတ် ငွေဒင်္ဂါး ၃၃၃ ပြားကို ဆုကြေးတွက်ချက်ရာတွင် ငွေဒင်္ဂါးပြားများ၏ စုစုပေါင်း အလေးချိန်အရ ကာလတန်ဖိုးကျပ် ၁၅၆၅၅၆၄၀၊ ခေတ်ကာလ ဆုကြေးအဖြစ် ကာလတန်ဖိုး၏ ၈ဝ ရာခိုင်နှုန်းဖြစ်သော ကျပ် ၁၂၅၂ ၄၅၁၂ ၊ ခေတ်လက်ရာ ဆုကြေးအဖြစ် ကာလတန်ဖိုး၏ ၈ဝ ရာခိုင်နှုန်းဖြစ်သော ကျပ် ၁၂၅၂၄၅၁၂ ၊ ရှားပါးလက်ရာ ထပ်ဆောင်းဆုကြေးအဖြစ် ကာလတန်ဖိုး၏ ၅ဝ ရာခိုင်နှုန်းဖြစ်သော ကျပ် ၇၈၂၇၈၂၀၊ စုစုပေါင်း ဆုကြေးငွေကျပ် ၄၈၅၃၂၄၈၄ နှင့် ဂုဏ်ပြုမှတ်တမ်းလွှာတို့ကို ချီးမြှင့်ခဲ့သည်ကို တွေ့ရသည်။