News Of Myanmar

🇦🇫🇦🇫 တာလီဘန်တို့က "ထိန်းချုပ်မှုရှိသော" အိမ်တွင်းအကြမ်းဖက်မှုကို တရားဝင်ခွင့်ပြု၊ အမျိုးသမီးများ မိဘအိမ်၌ ခိုလှုံခွင့်ကို ပိတ်ပင် အာဖဂန်နစ္စတန်နိုင်ငံတွင် ခင်ပွန်းဖြစ်သူများအနေဖြင့် ဇနီးသည်ကို ပြင်းထန်သော ဒဏ်ရာရရှိမှုမရှိစေဘဲ ရိုက်နှက်ခွင့် ပေးထားသည့် အိမ်တွင်းအကြမ်းဖက်မှုဆိုင်ရာ ဥပဒေတစ်ရပ်ကို အတည်ပြုလိုက်သည်။ အကယ်၍ ဒဏ်ရာပြင်းထန်ပါက ခင်ပွန်းဖြစ်သူမှာ ထောင်ဒဏ် ၁၅ ရက်အထိ ကျခံရမည်ဖြစ်သည်။ တစ်ချိန်တည်းမှာပင် အမျိုးသမီးများအနေဖြင့် ၎င်းတို့၏ မိဘများထံတွင် သွားရောက်ခိုလှုံခြင်းကို ပိတ်ပင်လိုက်သည်။ ခင်ပွန်းဖြစ်သူ၏ ခွင့်ပြုချက်မရှိဘဲ ဖခင်ဖြစ်သူထံ သွားရောက်ပါက ထောင်ဒဏ် ၃ လ အထိ ချမှတ်ခံရနိုင်ပါသည်။ News Of Myanmar NOM

🇺🇸👮‍♀️🔍အီရန်အတွက် သူလျှိုလုပ်ပေးမှုဖြင့် Google အင်ဂျင်နီယာ သုံးဦးကို FBI ဖမ်းဆီး အီရန်နိုင်ငံအတွက် သူလျှိုလုပ်ပေးခဲ့သည်ဟူသော စွပ်စွဲချက်ဖြင့် ဆီလီကွန်ဗယ်လီ (Silicon Valley) ရှိ Google အင်ဂျင်နီယာ သုံးဦးကို ဖမ်းဆီးလိုက်ကြောင်း FBI က ကြေညာခဲ့သည်။ News Of Myanmar NOM

မြဝတီမြို့တွင် ငွေကျပ် ၉,၂၈၉.၇ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိ ဖေဖော်ဝါရီ ၂၀၊ ၂၀၂၆ ဖေဖော်ဝါရီလ ၁၇ ရက်နေ့ ၀၇၀၀ အချိန် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မြဝတီမြို့၊ အမှတ်(၄)ရပ်ကွက်၊ ပြည်သာယာ(၄)လမ်းနေ အောင်လွင်(ခ)မောင်ထင်း ငှားရမ်းနေထိုင်သည့် နေအိမ်အား ဝင်ရောက်ရှာဖွေရာ ၎င်းနှင့်အတူ မရီရွှင်ကြည်း၊ ရဲဝင်းနိုင်(ခ)ရန်ကျုံးခံ၊ လောက်ချိန် နှင့် အားစော တို့အားတွေ့ရှိပြီး နေအိမ်အတွင်းမှ စိတ်ပြောင်းဆေးဝါးများဖြစ်သည့် ကက်တမင်း အလေးချိန် ၁၂.၁၅ ကီလို(ဒေသကာလတန်ဖိုးငွေကျပ် ၄၂၅၂.၅ သိန်း)၊ အက်တက်စီဆေးပြား ၂,၀၀၀ ပြား(ဒေသကာလတန်ဖိုးငွေကျပ်သိန်း ၁,၀၀၀)၊ Happy Water အလေးချိန် ၄၇၅ ဂရမ်(ဒေသကာလတန်ဖိုးငွေကျပ်သိန်း ၃၈၀)၊ အရောင်မှုန့် အလေးချိန် ၃ ကီလို(ဒေသကာလတန်ဖိုးငွေကျပ် ၁.၅ သိန်း)၊ ကက်တမင်းအရည် ၁.၁၉ လီတာ(ဒေသကာလတန်ဖိုးငွေကျပ် ၂၃.၈ သိန်း)၊ ဘိန်းစာရွက်ပြုတ်ရည် ၆ လီတာ(ဒေသကာလတန်ဖိုးငွေကျပ် ၁.၂ သိန်း)၊ Ethy Alchol ၇ လီတာ(ဒေသကာလတန်ဖိုးငွေကျပ် ၇၀,၀၀၀)နှင့် စိတ်ကြွရူးသွပ်ဆေးပြား ၈၇,၀၀၀ ပြား(ဒေသကာလတန်ဖိုးငွေကျပ်သိန်း ၁,၇၄၀)တို့အား တွေ့ရှိသိမ်းဆည်းရမိခဲ့ပြီး ဆက်လက်၍ ၀၈၃၀ အချိန် အောင်နိုင်(ခ)အားကျီ၊ မင်းသက်နိုင်(ခ)အားချိန်၊ အောင်ကျော်နိုင်(ခ) ယောင်ချုံယု၊ အောင်မင်းသူ(ခ)ကျူးယုံအန်း နှင့် နေမင်းထွေး(ခ)အားကျယ် တို့ငှားရမ်းနေထိုင်သည့် အဆိုပါရပ်ကွက်ရှိ နေအိမ်အတွင်းမှ ဘိန်းဆီခဲ အလေးချိန် ၅.၈ ကီလို(ဒေသကာလတန်ဖိုးငွေကျပ်သိန်း ၅၈၀)၊ စိတ်ပြောင်းဆေးဝါးများဖြစ်သည့် Happy Water အလေးချိန် ၅၀၀ ဂရမ်(ဒေသကာလတန်ဖိုးငွေကျပ်သိန်း ၄၀၀)၊ အိုက်စ်(မက်သ်အဖက်တမင်း) အလေးချိန် ၂၀၀ ဂရမ်(ဒေသကာလတန်ဖိုးငွေကျပ်သိန်း ၆၀)၊ အက်တက်စီဆေးပြား ၅၀၀ ပြား(ဒေသကာလတန်ဖိုးငွေကျပ်သိန်း ၂၅၀)၊ စိတ်ကြွရူးသွပ်ဆေးပြား ၃၀,၀၀၀ ပြား(ဒေသ ကာလတန်ဖိုးငွေကျပ်သိန်း ၆၀၀)၊ ဆက်စပ်ပစ္စည်းများနှင့်အတူ ထပ်မံတွေ့ရှိသိမ်းဆည်းရမိခဲ့သဖြင့် အောင်လွင်(ခ)မောင်ထင်း(၂၅)နှစ်၊ မရီရွှင်ကြည်း(၂၀)နှစ်၊ ရဲဝင်းနိုင်(ခ)ရန်ကျုံးခံ(၂၀)နှစ်၊ လောက်ချိန်(၃၉)နှစ်၊ အားစော(၃၃)နှစ်၊ အောင်နိုင်(ခ)အားကျီ(၂၆)နှစ်၊ မင်းသက်နိုင်(ခ)အားချိန်(၂၄)နှစ်၊ အောင်ကျော်နိုင်(ခ) ယောင်ချုံယု(၃၃)နှစ်၊ အောင်မင်းသူ(ခ)ကျူးယုံအန်း(၂၄)နှစ်နှင့် နေမင်းထွေး(ခ)အားကျယ်(၂၆)နှစ်တို့အား မြဝတီမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း CCDAC MYANMAR မှ ဖော်ပြအပ်ပါသည်။ News Of Myanmar NOM

🇮🇳 🛢 🇷🇺 "အမေရိကန်​၏ဖိအားများရှိနေသော်လည်း အိန္ဒိယက ရုရှားထံမှ ရေနံဆက်ဝယ်မည်" နိုင်ငံခြားသတင်းဌာနများ၏ အမျိုးမျိုးသော ခန့်မှန်းချက်များနှင့် အမေရိကန်အရာရှိများ၏ ထုတ်ပြန်ချက်များ ထွက်ပေါ်လာပြီးနောက်၊ ရုရှားနိုင်ငံဆိုင်ရာ အိန္ဒိယသံအမတ်ကြီး ဗီနေးကူးမားက ရုရှားစွမ်းအင်အရင်းအမြစ်များအပေါ် နယူးဒေလီ၏ နောက်ဆုံးဆုံးဖြတ်ချက်ကို ရုရှားမီဒီယာတစ်ခုနှင့် အင်တာဗျူးတွင် ပြောကြားခဲ့သည်။ ၎င်း၏ပြောကြားချက်အရ ဝါရှင်တန်(အမေရိကန်) ၏ ဖိအားများရှိနေသော်လည်း အိန္ဒိယနိုင်ငံအနေဖြင့် ရုရှားထံမှ ရေနံကို ဆက်လက်ဝယ်ယူသွားမည်ဖြစ်ကြောင်းသိရသည်။ News Of Myanmar NOM

🇸🇦☢️🇺🇸 ဆော်ဒီအာရေဗျနှင့် ချုပ်ဆိုမည့် နျူကလီးယား သဘောတူညီချက်တွင် အမေရိကန်က နိုင်ငတကာ အဏုမြူစွမ်းအင် အေဂျင်စီ (IAEA) ၏ စစ်ဆေးရေးလိုအပ်ချက်များကို ပယ်ဖျက်ပေးခဲ့ပြီး ယူရေနီယံသန့်စင်မှု တားမြစ်ချက်များကိုလည်း ချန်လှပ်ထားခဲ့ကြောင်း ရိုက်တာစတင်းဌာနက ဖော်ပြထားသည်။ ဤသဘောတူညီချက်သည် ဆော်ဒီ ၏ နျူကလီးယားကဏ္ဍ တိုးချဲ့မှုတွင် အမေရိကန်ကုမ္ပဏီများကို အဓိကနေရာမှ ပါဝင်ခွင့်ရရှိစေမည် ဖြစ်ပြီး ဆော်ဒီ၏ နျူကလီးယားလုပ်ငန်းစဉ်များအပေါ် ဝါရှင်တန်အား သိသာထင်ရှားသော သြဇာလွှမ်းမိုးမှု ရရှိစေမည်ဖြစ်သည်။ News Of Myanmar NOM

ပုဂ္ဂလိကရုပ်ရှင်ရုံငယ်များ(Private Cinema) ဖွင့်လှစ်ပြသနေမှုနှင့်ပတ်သက်၍ အသိပေးကြေညာချက် ဗီဒီယိုလုပ်ငန်းစိစစ်ကြီးကြပ်ရေးဗဟိုကော်မတီအနေဖြင့် အချို့သော စီးပွားရေးလုပ်ငန်းရှင်များသည် ပရိုဂျက်တာ/ TV အသုံးပြုပုဂ္ဂလိကရုပ်ရှင်ရုံငယ်များကို ဟိုတယ်/ တည်းခိုခန်းများကဲ့သို့ အခန်းကန့်ပြီး ဖွင့်လှစ်လာကြ၍ မလိုလားအပ်သော လူမှုရေးရှုပ်ထွေးမှုများဖြစ်ပေါ်လာနိုင်ကြောင်း စိစစ်တွေ့ရှိရသဖြင့် ပြသခွင့်လိုင်စင်များ ထုတ်ပေးမှုများရှိပါက ချက်ချင်းရုပ်သိမ်းသွားရန်နှင့် တရားမဝင်ပြသနေမှုများအား ရုပ်မြင်သံကြား နှင့်ဗီဒီယိုဥပဒေအရ အရေးယူဆောင်ရွက်သွားရန် တိုင်းဒေသကြီး / ပြည်နယ် ဗီဒီယိုလုပ်ငန်းစိစစ်ကြီးကြပ်ရေးကော်မတီများသို့ အကြောင်းကြားထားရှိပါသည်။ သို့ရာတွင် ရန်ကုန်တိုင်းဒေသကြီး၊ စမ်းချောင်းမြို့နယ်ရှိ RIO Private Cinema၊ နေပြည်တော်၊ ပျဉ်းမနားမြို့နယ်ရှိ The Vibe Mini Cinema အပါအဝင် အချို့သော Private Cinema များသည် ဆင်ဆာမဲ့ရုပ်ရှင်ဇာတ်ကားများကို အသုံးပြု၍ မလျော်ကန်စွာ တရားမဝင်ဆက်လက်ဖွင့်လှစ်လျက်ရှိကြောင်း စိစစ်တွေ့ရှိရပါသည်။ သို့ပါ၍ လုပ်ငန်းလိုင်စင်မရှိဘဲ ရုပ်ရှင်ရုံဖွင့်လှစ်ပြသခြင်း၊ ဆင်ဆာမဲ့ဇာတ်ကားများပြသခြင်းများ ဆက်လက်ပြုလုပ်ပါက တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ပါကြောင်း အသိပေးကြေညာအပ်ပါသည်။ ဗီဒီယိုလုပ်ငန်းစိစစ်ကြီးကြပ်ရေး ဗဟိုကော်မတီ News Of Myanmar NOM

ရွာငံမြို့နယ်၊ အုပ်တွင်းကျေးရွာတွင် နေအိမ်၌ ယောက်ဖဖြစ်သူနှင့်အတူရှိနေသော အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က သေနတ်ဖြင့်ပစ်သတ်သွား NOM ဖေဖော်ဝါရီ ၂၀၊ ၂၀၂၆ ရှမ်းပြည်နယ် (တောင်ပိုင်း)၊ ရွာငံမြို့နယ်၊ အုပ်တွင်းကျေးရွာနေ ဦးအောင်ကျန် (၄၂) နှစ်သည် ဖေဖော်ဝါရီလ ၁၇ ရက်နေ့ ည ၁၀ နာရီအချိန်၌ ၎င်း၏ နေအိမ်တွင်တစ်ရွာတည်းနေ ယောက်ဖဖြစ်သူ ဦးချမ်းဝင်း (၄၈) နှစ်နှင့်အတူ ရှိနေစဉ် PDF အကြမ်းဖက်သမားခြောက်ဦးက ဆိုင်ကယ်သုံးစီးဖြင့် ရောက်လာပြီး သေနတ်ဖြင့် ပစ်ခတ် သတ်ဖြတ်သွားခဲ့သဖြင့် ဦးအောင်ကျန်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ပြီး ဦးချမ်းဝင်းတွင် ထိခိုက်ဒဏ်ရာရရှိခဲ့ခြင်းမရှိကြောင်းသိရသည်။ News Of Myanmar NOM

🇵🇸🇵🇸🇵🇸"ဂါဇာတွင် လူအင်အား ၅,၀၀၀ ဆံ့ စစ်အခြေစိုက်စခန်းတစ်ခု တည်ဆောက်ရန် ထရမ့်အစိုးရ စီစဉ်နေကြောင်း မှတ်တမ်းများအရ သိရ" အစ္စရေး၏ လူမျိုးတုံးသတ်ဖြတ်မှု နှစ်နှစ်ကြာပြီးနောက် ဂါဇာတွင် လူအင်အား ၅,၀၀၀ ဆံ့ စစ်အခြေစိုက်စခန်း တည်ဆောက်ရန် ထရမ့်အစိုးရ စီစဉ်နေခြင်းမှာ ကျူးကျော်သိမ်းပိုက်မှုဖြစ်ကြောင်း ဝေဖန်ခံနေရ "ငြိမ်းချမ်းရေးဘုတ်အဖွဲ့" (Board of Peace) ဟု ခေါ်ဆိုသည့်အဖွဲ့၏ ကန်ထရိုက်မှတ်တမ်းများအရ ထရမ့်အစိုးရသည် ဂါဇာတွင် ဧရိယာ ၃၅၀ ဧကကျော် ကျယ်ဝန်းပြီး စစ်ဘက်ဝန်ထမ်း ၅,၀၀၀ အထိ ထားရှိနိုင်မည့် စစ်အခြေစိုက်စခန်းတစ်ခု တည်ဆောက်ရန် စီစဉ်နေကြောင်းသိရသည်။ ဤလုပ်ရပ်အပေါ် ကျူးကျော်သိမ်းပိုက်မှုအဖြစ် ဝေဖန်မှုများ ထွက်ပေါ်နေသည်။ The Guardian သတင်းဌာနက လေ့လာခွင့်ရခဲ့သည့် ဖိုင်မှတ်တမ်းများအရ အဆိုပါနေရာကို အပြည်ပြည်ဆိုင်ရာ တည်ငြိမ်ရေးတပ်ဖွဲ့ (ISF) အတွက် စစ်ဆင်ရေးအခြေစိုက်စခန်းအဖြစ် ရည်မှန်းထားခြင်းဖြစ်သည်။ အဆိုပါ ISF တပ်ဖွဲ့ကို ကတိပြုထားသည့် နိုင်ငံစုံတပ်ဖွဲ့ဝင်များဖြင့် ဖွဲ့စည်းသွားရန် စီစဉ်ထားသည်။ အဆိုပါ အစီအစဉ်တွင် အဆင့်လိုက် တည်ဆောက်သွားမည့် စစ်ဘက်ကင်းစခန်းတစ်ခု ပါဝင်ပြီး ၎င်းသည် အလျား ၁,၄၀၀ မီတာနှင့် အနံ ၁,၁၀၀ မီတာရှိကာ သံချပ်ကာကင်းမျှော်စင် ၂၆ ခု၊ လက်နက်ငယ်ပစ်ကွင်း၊ ဘန်ကာများနှင့် စစ်ဆင်ရေးသုံး စစ်ဘက်ဆိုင်ရာပစ္စည်း သိုလှောင်ရုံတစ်ခုတို့ ပါဝင်မည်ဖြစ်သည်။ အခြေစိုက်စခန်းတစ်ခုလုံးကို သံဆူးကြိုးများဖြင့် ဝိုင်းရံထားမည်ဖြစ်သည်။ အဆိုပါ ခံတပ်ကို အစ္စရေး၏ နှစ်ရှည်လများ ဗုံးကြဲမှုများကြောင့် ပျက်စီးနေသော သံတိုသံစများ ပြန့်ကျဲနေသည့် ဂါဇာတောင်ပိုင်းရှိ ခြောက်သွေ့သော မြေပြန့်လွင်ပြင်တွင် တည်ဆောက်ရန် လျာထားခြင်းဖြစ်သည်။ စစ်ပွဲဇုန်များတွင် အတွေ့အကြုံရှိသည့် နိုင်ငံတကာ ဆောက်လုပ်ရေးကုမ္ပဏီများမှ လေလံဆွဲသူ အုပ်စုငယ် တစ်ခုကို စီမံကိန်းဧရိယာသို့ ခေါ်ယူပြသခဲ့ပြီးဖြစ်ကြောင်း စီမံကိန်းနှင့် နီးစပ်သူတစ်ဦးက Guardian သို့ ပြောကြားခဲ့သည်။ "ငြိမ်းချမ်းရေးဘုတ်အဖွဲ့" သည် အစ္စရေး၏ လူမျိုးတုံးသတ်ဖြတ်မှု စစ်ပွဲကို အဆုံးသတ်ရန် အမေရိကန်ဦးဆောင်သော ငြိမ်းချမ်းရေးအစီအစဉ်၏ အစိတ်အပိုင်းတစ်ခုအဖြစ် ဂါဇာကမ်းမြောင်ဒေသ အုပ်ချုပ်ရေးကို ကြီးကြပ်ရန် တာဝန်ပေးထားခြင်းဖြစ်သည်။ ဂါဇာရှိ စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သည့် ရာဇဝတ်မှုများကြောင့် နိုင်ငံတကာ ရာဇဝတ်မှုခင်းတရားရုံး (ICC) မှ ဖမ်းဝရမ်းထုတ်ထားသည့် အစ္စရေးဝန်ကြီးချုပ် ဘင်ဂျမင် နေတန်ယာဟု ကဲ့သို့သော ပုဂ္ဂိုလ်များကိုလည်း ထရမ့်က အဆိုပါဘုတ်အဖွဲ့တွင် နေရာပေးထားသည်။ ကုလသမဂ္ဂ လုံခြုံရေးကောင်စီသည် ဂါဇာတွင် ယာယီအပြည်ပြည်ဆိုင်ရာ တည်ငြိမ်ရေးတပ်ဖွဲ့ (ISF) ကို တည်ထောင်ရန် ငြိမ်းချမ်းရေးဘုတ်အဖွဲ့ကို လုပ်ပိုင်ခွင့် ပေးထားသည်။ ကုလသမဂ္ဂ၏ အဆိုအရ ISF သည် ဂါဇာနယ်စပ် လုံခြုံရေးနှင့် ဒေသတွင်း ငြိမ်းချမ်းရေးကို ထိန်းသိမ်းရန် တာဝန်ယူရမည်ဖြစ်ပြီး အရပ်သားများကို အကာအကွယ်ပေးရန်နှင့် "စိစစ်ပြီးသော ပါလက်စတိုင်း ရဲတပ်ဖွဲ့" ကို လေ့ကျင့်ပေးရန်၊ ကူညီရန်လည်း ရည်ရွယ်ထားသည်။ စစ်အခြေစိုက်စခန်း ကန်ထရိုက်စာချုပ်ကို အမေရိကန် တာဝန်ရှိသူများ၏ အကူအညီဖြင့် ပြင်ဆင်ခဲ့ပြီး ငြိမ်းချမ်းရေးဘုတ်အဖွဲ့က ထုတ်ပြန်ခဲ့ခြင်းဖြစ်ကြောင်း လုပ်ငန်းစဉ်နှင့် နီးစပ်သူတစ်ဦးက ဆိုသည်။ စီမံကိန်းအရ စစ်သားများ ခိုလှုံရန်အတွက် လေဝင်လေထွက်စနစ် ကောင်းမွန်သည့် အလျား ၆ မီတာ၊ အနံ ၄ မီတာနှင့် အမြင့် ၂.၅ မီတာရှိသော ဘန်ကာကွန်ရက်များကို တည်ဆောက်မည်ဖြစ်သည်။ ကန်ထရိုက်တာသည် မြေအောက်လှိုဏ်ဂေါင်းများ သို့မဟုတ် ဟာလာဟင်းလင်းဖြစ်နေသော နေရာများ ရှိ၊ မရှိကို အဆင့်အလိုက် မြေပြင်တိုင်းတာ စစ်ဆေးမှုများ ပြုလုပ်ရမည်ဟု စာချုပ်တွင် ဖော်ပြထားသည်။ စစ်အခြေစိုက်စခန်း တည်ဆောက်မည့် မြေနေရာမှာ မည်သူပိုင်ဆိုင် သည်ကို ရှင်းရှင်းလင်းလင်း မသိရသေးသော်လည်း ဂါဇာတောင်ပိုင်း၏ နေရာအတော်များများမှာ လက်ရှိတွင် အစ္စရေး၏ ထိန်းချုပ်မှုအောက်တွင် ရှိနေသည်။ စစ်ပွဲအတွင်း ပါလက်စတိုင်း ၁.၉ သန်းအဓမ္မ နေရပ်စွန့်ခွာခိုင်းစေခြင်း ခံထားရသည်ဟု ကုလသမဂ္ဂက ခန့်မှန်းထားသည်။ ပါလက်စတိုင်း-ကနေဒါ ရှေ့နေနှင့် ငြိမ်းချမ်းရေး ဆွေးနွေးပွဲ ကိုယ်စားလှယ်ဟောင်းဖြစ်သူ ဒိုင်ယာနာ ဘတ်တူ (Diana Buttu) က အစိုးရ၏ ခွင့်ပြုချက်မရှိဘဲ ပါလက်စတိုင်း မြေပေါ်တွင် စစ်အခြေစိုက်စခန်း တည်ဆောက်ခြင်းမှာ ကျူးကျော်သိမ်းပိုက်မှုပင်ဖြစ်ကြောင်း ပြောကြားခဲ့ပြီး "ဒီစစ်အခြေစိုက်စခန်းကို ဆောက်ဖို့ ဘယ်သူ့ဆီက ခွင့်ပြုချက် ရခဲ့လို့လဲ" ဟု မေးခွန်းထုတ်ခဲ့သည်။ News Of Myanmar NOM

🇮🇷🇮🇷🇺🇳 အီရန်မှ ကုလသမဂ္ဂအထွေထွေအတွင်းရေးမှူးချုပ်ထံ ပေးပို့သောစာနှင့် ပတ်သက်၍ Reuters နှင့် Axios တို့၏ ဖော်ပြချက်အရ- "အီရန်အစ္စလာမ်မစ်သမ္မတနိုင်ငံသည် တင်းမာမှု သို့မဟုတ် စစ်ပွဲကို မလိုလားကြောင်းနှင့် မည်သည့်စစ်ပွဲကိုမျှ စတင်မည်မဟုတ်ကြောင်း အမြင့်ဆုံးအဆင့်များတွင် အကြိမ်ကြိမ် ပြောကြားခဲ့ပြီးဖြစ်သည်။ သို့ရာတွင် မိမိတို့နိုင်ငံအပေါ် စစ်ရေးအရ ကျူးကျော်မှုတစ်စုံတစ်ရာ ရှိလာပါက အီရန်သည် ကုလသမဂ္ဂပဋိညာဉ်စာတမ်း အပိုဒ် ၅၁ အရ မိမိကိုယ်ကိုယ် ခုခံပိုင်ခွင့်ကို ကျင့်သုံးပြီး ပြတ်ပြတ်သားသားနှင့် ထိုက်တန်စွာ တုံ့ပြန်သွားမည်ဖြစ်သည်။ ဤအခြေအနေများအောက်တွင်ဒေသတွင်းရှိ ရန်လိုသောအင်အားစုများ၏ အခြေစိုက်စခန်းများနှင့် ၎င်းတို့​၏ ပိုင်ဆိုင်မှုအားလုံးသည် အီရန်၏ ခုခံကာကွယ်မှုဆိုင်ရာ တုံ့ပြန်မှုဘောင်အတွင်း 'တရားဝင်ပစ်မှတ်များ' ဖြစ်လာမည်ဖြစ်ပြီးမမျှော်လင့်ထားသော သို့မဟုတ် ထိန်းချုပ်၍မရသော နောက်ဆက်တွဲကျိုးဆက်များအတွက် အမေရိကန်ပြည်ထောင်စုတွင် အပြည့်အဝနှင့် တိုက်ရိုက်တာဝန်ရှိမည်ဖြစ်သည်။" News Of Myanmar NOM

နဂါးအဖွဲ့က ဖမ်းဆီးခံရတဲ့ ခေါင်းဆောင်အချို့ကို NUG က သတ်ဖြတ်လျက်ရှိ။ - တိုက်ပွဲသတင်းစုံ NOM

AA စခန်းကုန်းတစ်ခုအား သိမ်းပိုက်ရရှိ (မြောက်စမ်း) ဖေ ၁၉ ရက်က ရခိုင်ပြည်နယ်၊ မြောက်စမ်းဒေသရှိ အကြမ်းဖက် AA စခန်းကုန်းအား လေကြောင်း၊ လက်နက်ကြီးပစ်ကူယူ၍ စီးနင်းဝင်ရောက်တိုက်ခိုက်ခဲ့ရာ ညနေ ၄ နာရီခန့်တွင် ရန်သူ့စခန်းအား သိမ်းပိုက်ရရှိခဲ့။ ဖြစ်စဉ်တွင် မိမိစစ်သည် ၁ ဦး ဒဏ်ရာရရှိပြီး ရန်သူ့ထံမှ - (၁) အကြမ်းဖက် AA ၅ လောင်း (၂) Type-81 သေနတ် ၄ လက် (၃) ကျည်အိမ် ၈ ခု၊ ကျည် ၆၇၀ တောင့် (၄) လက်ပစ်ဗုံး ၃ လုံး (၅) ပစ်ကျင်း/ဘန်ကာများ သိမ်းပိုက်ရရှိခဲ့သည်။ - ခွေးကျင်းထဲ ပုန်းနေလည်း မလွတ်ပါ။ တစ်ကုန်းပြီး တစ်ကုန်းလာမည်။ - 🏆Congratulations ပါ မြန်မာ့တပ်မတော်🏆 - တိုက်ပွဲသတင်းစုံ NOM

ရခိုင်ပြည်နယ်စစ်ဆင်ရေးသတင်း(၁) လက်ရှိရခိုင်ပြည်နယ်စစ်ဆင်ရေးမှာ မိမိတပ်မတော်ဟာ အသာစီးရရှိနေခဲ့တာ ခိုင်မာတဲ့ကာလတစ်ခုရောက်ရှိနေခဲ့ပါပြီ။ တပ်မတော်ဟာ ခံစစ်အမာအဆင့်မှနေ ထိုးစစ်အဆင့်ကို ရခိုင်ပြည်နယ်ရဲ့ နေရာတိုင်းမှာပြောင်းလည်းနိုင်ခဲ့ပြီး အောင်မြင်မှုတွေလည်း ရရှိနေပြီဖြစ်ပါတယ်။ (၁၉-၀၂-၂၀၂၆) မနေ့ကတော့ မိမိတို့တပ်မတော်ဟာ ရခိုင်ပြည်နယ်ရဲ့ မြောက်စမ်းစစ်ဒေသမှာ ရန်သူအခိုင်အမာခံစစ်ပြင်ထားတဲ့ စခမ်းကြီးတစ်ခုကိုရန်သူ့အလောင်း(၅)လောင်း လက်နက်ငယ်(၄)လက်အပြင် အခြားဆက်စပ်ပစ္စည်းများဖြင့် တိုက်ခိုက်သိမ်းပိုက်ရရှိခဲ့ပြီး အဆိုပါတိုက်ပွဲတွင် အောင်မြင်စွာတိုက်ခိုက်သိမ်းပိုက်ခဲ့သော ခလရ(၁၄)ကိုလည်း ဆုချီးမြှင့်မှုများရှိခဲ့ကြောင်း သိရှိရပါသည်။ ကိုခိုင်ဇော် 20/02/2026

ရခိုင်ပြည်နယ်စစ်ဆင်ရေးသတင်း(၁) လက်ရှိရခိုင်ပြည်နယ်စစ်ဆင်ရေးမှာ မိမိတပ်မတော်ဟာ အသာစီးရရှိနေခဲ့တာ ခိုင်မာတဲ့ကာလတစ်ခုရောက်ရှိနေခဲ့ပါပြီ။ တပ်မတော်ဟာ ခံစစ်အမာအဆင့်မှနေ ထိုးစစ်အဆင့်ကို ရခိုင်ပြည်နယ်ရဲ့ နေရာတိုင်းမှာပြောင်းလည်းနိုင်ခဲ့ပြီး အောင်မြင်မှုတွေလည်း ရရှိနေပြီဖြစ်ပါတယ်။ (၁၉-၀၂-၂၀၂၆) မနေ့ကတော့ မိမိတို့တပ်မတော်ဟာ ရခိုင်ပြည်နယ်ရဲ့ မြောက်စမ်းစစ်ဒေသမှာ ရန်သူအခိုင်အမာခံစစ်ပြင်ထားတဲ့ စခမ်းကြီးတစ်ခုကိုရန်သူ့အလောင်း(၅)လောင်း လက်နက်ငယ်(၄)လက်အပြင် အခြားဆက်စပ်ပစ္စည်းများဖြင့် တိုက်ခိုက်သိမ်းပိုက်ရရှိခဲ့ပြီး အဆိုပါတိုက်ပွဲတွင် အောင်မြင်စွာတိုက်ခိုက်သိမ်းပိုက်ခဲ့သော ခလရ(၁၄)ကိုလည်း ဆုချီးမြှင့်မှုများရှိခဲ့ကြောင်း သိရှိရပါသည်။ ကိုခိုင်ဇော် 20/02/2026

🤮"အကယ်၍ အီရန်သာ ပြိုလဲသွားမယ်ဆိုရင် ဂျူးလူမျိုးတွေဟာ ၄၇ နှစ်အတွင်း ပထမဆုံးအကြိမ်အဖြစ် ဘေးကင်းလုံခြုံစွာ နေထိုင်နိုင်ကြပါလိမ့်မယ်" — အမေရိကန် နီယိုကွန် (Neocon) စစ်လိုလားသူ အထက်လွှတ်တော်အမတ် လင်ဆေးဂရေဟမ်က ပြောကြား News Of Myanmar NOM

ဩစတြေးလျ OnlyFans မော်ဒယ်လ်တဦးဟာ ဘာလီကို အားလပ်ရက်အပန်းဖြေ ခရီးထွက်ချိန်အတွင်း အဝတ်အစားဆိုင်တခုကနေ ရေကူးဝတ်စုံတစုံကို ခိုးယူခဲ့ပြီးနောက် အသက်အန္တရာယ်ခြိမ်းခြောက်မှုတွေကိုပါ ရင်ဆိုင်နေရပါတယ်။ အသက် ၂၆ နှစ်အရွယ် Doyleရဲ့ ခိုးယူနေမှုကို CCTV မှာ တွေ့ရှိခဲ့ပြီးနောက် အွန်လိုင်းပေါ်မှာ ပျံ့နှံ့ခဲ့ကာ သူမက သူ့ရဲ့လုပ်ရပ်အတွက် တောင်းပန်မှုပြုလုပ်ခဲ့ပြီး ဒါကို အပျော်သဘောသာ လုပ်ခဲ့တာဖြစ်တယ်လို့လည်း ပြန်ဖြေရှင်းခဲ့ပါတယ်။ အဆိုပါ ရေကူးဝတ်စုံရဲ့ တန်ဖိုးဟာ ကန်ဒေါ်လာ ၂၁ သာ တန်ကြေးရှိတာ ဖြစ်ပါတယ်။ အဲဒီနောက်မှာ သူမက ဆိုင်ပိုင်ရှင်ဖြစ်သူကို ဒေါ်လာ ၁၁၂၀ အထိ လျော်ကြေးပေးခဲ့ပြီး အမှုကို ရပ်ဆိုင်းဖို့နဲ့ ကြေအေးဖို့ သဘောတူညီမှု ရယူခဲ့တယ်လို့ ရဲတပ်ဖွဲ့ ကပြောဆိုခဲ့ပါတယ်။ News Of Myanmar NOM

နောင်ချိုနှင့်ကျောက်မဲမြို့နယ်တို့တွင် PDF အကြမ်းဖက်အဖွဲ့ထောင်ထားသည့် မိုင်းများအားနင်းမိပေါက်ကွဲမှုကြောင့် တနေ့တည်း၌ပင် ကလေးငယ်တစ်ဦးအပါအဝင်ပြည်သူ ၈ ဦးမိုင်းစထိမှန်ဒဏ်ရာများရ NOM ဖေဖော်ဝါရီလ ၂၀၊ ၂၀၂၆ ရှမ်းပြည်နယ် (မြောက်ပိုင်း)၊ နောင်ချိုမြို့နယ်ပြည်သူ့ဆေးရုံသို့ ဖေဖော်ဝါရီလ ၁၈ ရက်နေ့ ညနေ ၄ နာရီ ၁၀ မိနစ်အချိန်၌ မိုင်းပေါက်ကွဲထိမှန်ဒဏ်ရာဖြင့် အမျိုးသားတစ် ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက် စစ်ဆေး၍ ဖြစ်စဉ်အား စိစစ်ခဲ့ရာ နံနက် ၉ နာရီအချိန်၌ နောင်ချိုမြို့နယ်၊ ယာပြင်ကျေးရွာနေ ဦးအောင်နိုင်ဝင်း (၃၇) နှစ်သည် ကျေးရွာအနီးရှိ ကြံစိုက်ခင်းအတွင်း အလုပ်လုပ်ကိုင်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင်မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ အလားတူ ညနေ ၄ နာရီ ၄၅ မိနစ်အချိန်၌ ရှမ်းပြည်နယ် (မြောက်ပိုင်း)၊ နောင်ချိုမြို့နယ် ပြည်သူ့ဆေးရုံသို့ မိုင်းပေါက်ကွဲထိမှန်ဒဏ်ရာများဖြင့် အမျိုးသားငါးဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ညနေ ၄ နာရီ ၁၅ မိနစ်အချိန်၌ နောင်ချိုမြို့နယ်၊ နောင်လင်ကျေးရွာနေသူများဖြစ်ကြသည့် ဦးလွင်မိုးဦး (၃၂) နှစ်၊ ကိုတွတ်ပီ (ခ) ဘိုဘိုထွန်း (၂၆) နှစ်၊ ဦးကျော်လွင်ဦး (၃၄) နှစ်၊ ဦးကျော်ဆန်းဝင်း (၃၂) နှစ်နှင့် မောင်သီဟအောင် (၁၆) နှစ်တို့သည့် ကျေးရွာအနီးရှိ ယာခင်းအတွင်း အလုပ်လုပ်ကိုင်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား ဦးလွင်မိုးဦးမှ နင်းမိပေါက်ကွဲခဲ့မှုကြောင့် ၎င်းတို့ငါးဦးတွင် မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်း သိရသည်။ အလားတူ ည ၆ နာရီအချိန်၌ ကျောက်မဲမြို့နယ်၊ အမှတ် (၈) ရပ်ကွက်ရှိ ကျောက်မဲခရိုင်ပြည်သူ့ ဆေးရုံကြီးသို့ မိုင်းပေါက်ကွဲစထိမှန်ဒဏ်ရာများဖြင့် အမျိုးသားတစ်ဦးနှင့် ကလေးငယ်တစ်ဦးတို့ ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ညနေ ၅ နာရီအချိန်၌ ကျောက်မဲမြို့နယ်၊ မန်စန်းကျေးရွာနေ ဦးစိုင်းစံညွန့် (၃၂) နှစ်သည် ၎င်း၏သမီးဖြစ်သူ မနန်းပန်းအိငင်း (၂) နှစ်အား ကျောပိုး၍ နေအိမ်အနောက်ဘက်ရှိ တောင်ယာခင်း အတွင်း အလုပ်လုပ်ကိုင်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းနှစ်ဦးတွင် မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်း သိရသည်။ News Of Myanmar NOM

သဲကုန်းမြို့နယ်စည်ပင်သာယာရေးအဖွဲ့ရုံးမှ ဆိုင်ကယ်ဖြင့်ပြန်လာသည့် စည်ပင်ဝန်ထမ်းတစ်ဦးကို PDF အကြမ်းဖက်သမားလေးဦးခန့်က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဖေဖော်ဝါရီ ၂၀၊ ၂၀၂၆ ပဲခူးတိုင်းဒေသကြီး၊ သဲကုန်းမြို့နယ်၊ စံပြကျေးရွာနေ သဲကုန်းမြို့နယ်စည်ပင်သာယာရေးအဖွဲ့ရုံးမှ လုပ်သား-၃ ဖြစ်သူ ကိုမိုးမင်း (၂၇) နှစ်သည် ဖေဖော်ဝါရီလ ၁၈ ရက်နေ့ နေ့လယ် ၁၂ နာရီ ၂၀ မိနစ်အချိန်၌ အဆိုပါရုံးမှ စံပြကျေးရွာသို့ ဆိုင်ကယ်ဖြင့် ပြန်လာစဉ် အင်ပင်လှကျေးရွာရှိ ရွာလယ်လမ်းအရောက် PDF အကြမ်းဖက်သမားလေးဦးခန့်က ဆိုင်ကယ်နှစ်စီးဖြင့် ရောက်လာပြီး ဆိုင်ကယ်အား တားဆီးကာ အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။ News Of Myanmar NOM

🇺🇸 🇮🇷 ယခုအပတ် ဂျီနီဗာမြို့တွင် ပြုလုပ်ခဲ့သည့် ဆွေးနွေးပွဲများအတွင်း အမေရိကန်၏ အဆိုပြုချက်ကို အီရန်က ပယ်ချခဲ့ပြီး ၎င်းအစား ၎င်းတို့၏ နျူကလီးယားအစီအစဉ်အပေါ် 'အနည်းငယ်မျှသာ လျှော့ပေါ့ပေးမှုများ' ကိုသာ ကမ်းလှမ်းခဲ့ကြောင်း သိရသည်။ လက်ရှိ အကျပ်အတည်းကို ကျော်လွှားနိုင်ရန် အလားအလာ မရှိသလောက်ဖြစ်ကြောင်း အမေရိကန်အရာရှိများက ပြောကြားခဲ့သည်ဟု Wall Street Journal က ဖော်ပြထားသည်။ News Of Myanmar NOM

🇮🇱🚀🏥 အစ္စရေးအကောင့်များသည် အီရန်ဆေးရုံများကို ဗုံးကြဲရန်အတွက် အများပြည်သူလက်ခံလာအောင် ကြိုတင်ဖန်တီးမှုများ ပြုလုပ်နေကြပြီဖြစ်သည်။ ၎င်းတို့က အဆင့်မြင့်အရာရှိကြီးများ (ယခုဖြစ်စဉ်တွင် တရားသူကြီးချုပ် Eje'i) သည် ဆေးရုံများအောက်တွင် ပုန်းအောင်းနေသည်ဟု စွပ်စွဲပြောဆိုနေကြသည်။ News Of Myanmar NOM