Fair Q & A✨

انا موزونتي ٨٧ وناويه اني اقدم السنه الجايه باطنه التخصصي جدة ، هل فيه احد عنده معلومات كم عدد المقاعد واذا شرط اني اكون ماخذه عندهم اليكتف او لا ؟ لان السي في حقي كله ديرما و لكن توجهي اختلف وما اخذت اشهر غير الكور في الامتياز و كلها بمدينتي اذا احد عنده نصائح اسويها خلال هذي السنه تزيد فرصة قبولي عطوني

اهلاً مشاري كيف حالك حبيت اشارككم تجربتي هالسنة ويمكن البعض يشوف الموضوع بسيط او مايشوف فيه شي يستاهل المشاركة لكن بالنسبة لي كانت تجربة غيرت فيني كثير كنت من الناس اللي دخلوا الماتش وهم متفائلين جدًا ومطمئنين إن الأمور بإذن الله بتكون في صالحي خصوصًا إن درجتي في الهيئة فوق الـ٩٠ وسيفي قوي ولله الحمد ومرتبة شرف أولى واخترت تخصص غير تنافسي والمقاعد كانت متوفرة في أكثر من مكان وفوق هذا كله كان الRTP مبهور مني وكل القسم مبهورين وكلهم طمنوني اني معهم والRTP كلمني اكثر من مره ان اسمي بالتوب عنده وكلام كثير لكن ما جاني ماتش لا في الفرست ولا في السكند وكانت صدمة كبيرة بالنسبة لي لأن النتيجة كانت بعيدة تمامًا عن كل توقعاتي والحقيقة إني ما كنت مستعدة نفسيًا لهالشي أبدًا تعبت كثير وبكيت وانهرت ووصلت لمرحلة حسيت فيها إني فقدت قدرتي على تحمل اللي صار كنت أشوف كل شيء بنيته قدامي وكأنه انهدم في لحظة وكنت أسأل نفسي إذا حتى الشي اللي كنت أظنه قريب ومضمون ما صار وش باقي لي لكن الحمدلله وسط كل هالتعب رجعت لربي أكثر رحت مكة وجلست هناك أسبوعين وكانت من أكثر الفترات اللي احتجت فيها أكون فيها مع نفسي ومع ربي تكلمت ودعيت وبكيت وطلعت كل اللي في خاطري وقلت كل الكلام اللي ما قدرت أقوله لأحد وشيئًا فشيئًا رجع قلبي مجبور وهدأت نفسي وصرت راضية أكثر من أي وقت مضى ما أقول إني فهمت ليش صار كل شيء ولا إني عرفت وش العوض اللي جاي لكن تعلمت إني مو محتاجة أعرف كل التفاصيل عشان أطمئن فإذا فيه أحد يمر بنفس الشعور خصوصًا اللي كان متأكد إن هالسنة هي سنته ثم انقلبت الأمور فجأة لا تستعجلون تفسير اللي صار على إنه خسارة ارجعوا لربكم أكثر وقربوا منه أكثر وقولوا له كل اللي في قلوبكم حتى الأشياء اللي ما تعرفون كيف تشرحونها لأحد أحيانًا الإنسان ما يحتاج إجابة قد ما يحتاج قلبه يهدأ ثقوا إن اللي كتبه الله لكم ما راح يفوتكم وإن تأخر الشيء مو معناته إنكم انحرمتم منه ويمكن الشي اللي نبكي عليه اليوم يكون هو نفسه الشي اللي نحمد الله عليه بعدين وأهم شيء لا تربطون قيمتكم بنتيجة ولا تعتبرون إن عدم حصولكم على اللي تمنيتوه يعني إنكم أقل من غيركم أو إن تعبكم ما كان كافي يمكن الطريق تأخر ويمكن تغير ويمكن الله يكتب لكم طريق ما كان في حساباتكم أصلًا لكن الخير يظل خيرًا حتى لو ما فهمناه في البداية أنا اليوم ما أقدر أقول إني أعرف وش بيصير بكرة لكن أقدر أقول إني صرت مطمئنة أكثر لفكرة إن تدبير الله أوسع من كل توقعاتي والعوض بإذن الله جاي بالطريقة والوقت والمكان اللي كتبه الله 🤍

فير تكفى لا تقول انتهى الماتش هذي السنة ما انتهى والله ما انتهى💔.. انا من السكند وشعوري حالياً كان الهيئة قالت لي جب نعالك والحقنا 😭😭😭😭

أنا موزونتي ٩٤ وموظف في القابضة من زمان ولا انقبلت لا فرست ولا سكند ماله دخل موظف وسبونسر هالسنة الوضع مهوي

فير ضروري نزلها أنا جاتني وظيفة طبيب عام فجدة براتب اقل من ١٠اذا احد يعرف سكن يكون رخيص بس نظيف بليززز

انا موزونتي 87 و خويي 89 موظفين مع القابضة الدفعة الجديدة ما انقبلنا لا فرست ولا سكند ماتش للعلم أنا اخذت اتاتشمنت معدلاتنا عالية جداً! حنا موظفين طيب ولا انقبلنا للعلم تخصص خويي مو تنافسي

يادكتور موزونتي ٨٩ قدمت السنه الماضيه ديرما وما انقبلت السنه هذي اخذت اتاتش ديرما ورفعت موزونتي ل٨٩ وما انقبلت في الفيرست السكند قلت خلاص خلي الطموح على جنب مالي نصيب دخلت مقابلات ميدسن في تجمع فيه تقريبا اكثر من ٢٠ مقعد وسنتر ثاني برايفت مارحت البرايفت عشان المشاكل اللي يمر فيه اخواننا لان اقول خلاص ماعاد اتحمل اي ضغط ومطالبات وشكاوي ثانيه طلعت النتايج انا مرفوض وش باقي اسوي يادكتور اكثر وش اسوي اشتغل كاشير في بنده ولا وش اسوي مو مشكلتي اني ماعندي عقد من اول وسبونسر والله مو مشكلتي

يا هلا والله ‏ألف مبروك! ‏فرحتك اليوم هي فرحة وطن بانضمامك إلى ⁧ #البورد_السعودي⁩ 👏. ‏أهلاً بك بين أكثر من 26,000 متدرب ومتدربة يشاركونك رحلة العلم والتعلم.

كم قروب سوينا هالسنة؟

الهيئة أعلنت عن أقل موزونة ترشحت ولا باقي؟

احس نصايح انه انتبه بياخذون السرفس والاتشمنت ماتنطبق على ذي السنة، لان شفنا ناس ماخذين اتاتش ولاخذوهم والسيرفس اخذوهم عشان السبونسر رغم حتى قرار الrtps يعني الموضوع كله يدور حول العقود ف الواحد يسوي اللي عليه فقط غير كذا كل شيء عبثي مافيه شيء منطقي

فير ممكن توصل صوتنا احنا عسكري الظهران وتبوك الدفعة الأولى الى الان ما عطونا عقود والديدلاين السبت!

انتهت القصة تعلموا من هالماتش للدفعات القادمة

اخواننا اللي اصغر مننا تكفون، اي احد مو سيرفس قديم لا يحط سناتر خاصة بالرغبات، واي احد ما عنده سبونسر لا يحطها بالرغبات، احضرو المقابلات و تعلمو و تدربو بس لا تحطونها، عشان ما يصير لكم زينا تكونون واثقين لان فيه تجمع او سنتر خارج الصحة يكلمكم و تاكدون معاه و تحطو جميع السناتر ك احتياط ولما يجي الخاص تزعلون و تنهارون لان عقودهم ماهي عقود طبيب صراحة ياليت تنتبهون باذن الله م يصير لكم زينا و لكن القابضة اكيد م راح تعطي عقود خاص.. الله يوفقكم دعواتكم لنا

دكتور للي يسألون عن هل يرجعون الفلوس في حال الانسحاب، أنا جاني قبول نهائي بورد ٢٤ وانسحبت يوم ٣٠ سبتمبر بسبب الايفاد ورجعوا المبلغ بعد سنتين بالضبط ، لكن ما كان فيه خيار انك ما تطالب برسوم الهيئة مثل الحين ، بالتوفيق للجميع

بخصوص الي حصل بالسكند ماتش بس حاب اوضح نقطة اولا الي صار بالسكند ماتش هالسنة غير آلية السكند ماتش المتعارف عليها بالسنة الماضية هذا كأنه تكملة للفرست ماتش ذلك لان مقاعد الفرست وديدلاين تأكيد المقاعد ما جاء الهيئة ما تعرف اذا كل الي بالفرست ماتش دفعو وسددوا للمقاعد ولا لا النقطة الثانية المقاعد المتبقية كلنا نعرف انه فيه مقاعد متبقية وببعض المناطق المقاعد كانت اكثر من مرشحين السكند يعني لو انقبلوا كل دفعة السكند لا يزال فيه مقاعد هذا غير انه ممكن ناس تنحسب من هنا الى 1 اكتوبر وتبقى مقاعد اكثر وهذا ينطبق على الي انقبل برغبه ما يبيها / البرايفت / العسكري في منهم ما وصلتهم خطابات رعاية للان كيف بعد هذا كله تقرر الهيئة انه " جميع المقاعد التدريبية امتلت" اذا في ماتش 25 ما امتلت المقاعد التدريبية الى يناير؟

احس كيوت مدري سنة ثانية طب

مساء الخير دكتور جديد عجائب وغرائب الماتش ال dio يقولي فيه حل توقعين تعهد ان تتدربين على حسابك وارفع تعهدك للهيئة ويمكن يقبلونك 🤪🤪

السلام عليكم ورحمة الله السؤال الأول: تعرفون مركز صحي حكومي فحص الدرن (السل) TST بالرياض؟ تكفون انا اعرف انه في منفوحة بس ابغى شيء اقرب في شمال الرياض السؤال الثاني: هل أقدر اطبع تقرير أوتار في أي مركز صحي حكومي ولا لازم ارجع لنفس المكان اللي سويت عندهم التحليل وما بنساكم من دعواتي الله يوفقكم ويسعدكم ويرزقكم ما تتمنون🥹🩷