IV Notes 💉

من التريكات اللي هتقع فيها إنك هتستنى تشوف الهيموجلوبين بتاع العيان 8 ولا 9 عشان تعوضه حديد على إعتبار إنك كدة اتأكدت إنه عنده أنيميا ... في حين إن الهيموجلوبين هو أخر parameter بيقع !! 😁 العيان لما بينقص عنده الحديد أول حاجة بتتأثر فيه هو ال Ferritin لأن طبيعي الهيموجلوبين مش هيقع منك أول ما الحديد يقل لأ هيروح ياخد من المخازن عشان كدة المخازن هيقل منها ال ferritin إنما الهيموجلوبين هيفضل متماسك ✊ بعد كدة ال serum iron هيبدأ يقع ⬇️ بعد كدة ال transferrin saturation هيبدأ يقع ⬇️ بعد كدة شكل ال RBC يبدأ يتأثر فالـ MCV & MCH تقع ⬇️ وأخيراً سقوط أخر جندي وهو ال Hemoglobin كعلامة أخيرة 🩸 #By_Dr_Mo #IV_Notes

بالبلدي خالص sepsis يعني سموم بكتريا ماشية في الدم تسببت في vasodilation فلما الماسورة تكون أوسع يكون الضغط جواه أقل ولو الضغط قل ال perfusion هيقل فيحصل shock 😰🦠 أما ال Dehydration وال bleeding يعني السائل اللي جوة المواسير قل يعني حصل Hypovolemia ولما السائل يقل الضغط يقل ولو الضغط قل ال perfusion يقل ويحصل shock 😰🩸 أما ال cardiogenic فهو إن الماتور ذات نفسه اللي بيضح السائل في المواسير تعب ومبقاش قوي زي الأول فضح السائل يقل فالضغط يقل وال perfusion يقل ويحصل shock 😰🫀 #By_Dr_Mo #IV_Notes

متحطش أي حاجة مع الدم في نفس الـ line 🩸 متحطش أي حاجة مع الدم في نفس الـ line 🩸 متحطش أي حاجة مع الدم في نفس الـ line 🩸 Normal saline is the exception 😎 #By_Dr_Mo #IV_Notes

لما تلاقي chest pain حيران في تفسيره بالأسباب التقليدية في عيان old age و smoker و hypertensive وكان العيان ده بيشتكي من Dysphagia + Hoarseness of voice ساعتها اعمله CXR هتشوف فيها widened mediastinum زي اللي قدامك ده ... مبروك انت شخصت Thoracic aortic aneurysm 👏👏 #By_Dr_Mo #IV_Notes

أولا خلينا نقول كلمتين ورد غطاهم عن الإجابة الصحيحة اللي هي ال urine culture العيان بعد ما بيخرج من العمليات متركبله قسطرة فأنت بتسأل نفسك يوميا (( هو انا محتاج القسطرة ؟ )) فيه في الرعايات اختصارة كدة للتسليم اسمها FAST HUGS BID ال I اللي فيها for Indwelling catheters يعني اي وصلة متركبة في العيان لازم كل يوم وأنا بستلم أشيك عليها هل شغالة ولا لأ أو infected ولا لأ وهل محتاجها ولا لأ لأن أي توصيلة من برة لجوة هي risk for infection الطبيعي ان العيان مش متقسطر ما لم يكون هناك حاجة للقسطرة فبقسطره العيان ده كل الإحتمالات فيه وارده بس ال UTI هي الأكثر منطقية في العيان ده لسبب إن إحتمالية باقي الاجابات في السيناريو ده ضعيفة وهنعرف دلوقتي إزاي هو أنا لو هعمل CT abdomen اعملها ليه ؟! عشان أدور على postoperative complications زي Intraabdominal abscess أو Biliary leak لكن لو Abscess غالباً الوجع يبقى في مكان العملية بالظبط ولو هو Biliary leak بييجي مع jaundice, nausea, vomiting ولو حصل Secondary bacterial peritonitis يبقى لازم ألاقي peritoneal signs زي rebound أو guarding وده مش موجود في المريض ده ... فالحقيقة مش المقطعية اللي أول حاجة تيجي على بالي في السيناريو ده هو أنا لو هعمل Wound culture اعملها ليه ؟ بتتشخص بيها surgical site infection وأعراضها: Swelling or Purulent discharge or Marked erythema لكن جرح المريض: Dry وفقط Mild erythema ده غير ان العملية كانت لسة من 3 أيام والجرح عشان يسبتك بالبلدي كدة محتاج وقت أكتر من كدة شوية ( وإن كان كل شئ وارد ) بس اللي عايز أقوله بردو مش ده اول حاجة هفكر فيها هو أنا لو هعمل CXR اعملها ليه ؟ آه Pneumonia فعلاً common بعد الجراحة لكن مفيش cough أو dyspnea أو pleuritic pain ومفيش crackles في الكشف و الـ wheezes اللي موجودة غالباً من COPD قديمة فـ مش مستبعد بنسبة 100% بس مش ده الأكثر إحتمالاً سبب sepsis في الوقت ده. هتقولي هو يعني ال UTI اللي منطقي انها تعمل DCL هرجع وأقولك اني نبهت قبل كدة كتير إن UTI صغننة في عيان old age كفيلة لوحدها تجيبهولك ب confusion وتلخبطك ومتلاقيش علامات UTI اصلا فأنت مضطر ان اي عيان جاي ب fever وكبير في السن انك تعمله مزرعة بول عشان تستثني هذة المشكلة فالعيان ده fever مع القسطرة و lower abdominal pain مع ال confusion يخلوك تفكر مبدئياً في UTI وتسحب مزرعة بول تتأكد وبعد ما تسحب المزارع تبدأ empirical antibiotics طبعا

من نسب الإجابات واضح إننا لازم نشرح الإجابات الخطأ أهم من الصح 😃 طيب في ضوء النسب دي حابب أوضح حاجتين : هو أنا ليه بجيبلك cases بتاعت عيانين مش direct ؟ مش عيان واضح كدة بيشتكي من شكوى واحدة او فيه علامة واحدة فانتي اجابتك واحدة وعلاجك واحد وفحوصاتك واحدة ! مبعملش كدة عشان انت عمرك ما هتشوف كدة في الواقع .. غالبا هتقابل عيان عنده أكتر من مشكلة قديمة و عليه أكتر من علامة استفهام حديثة .. انا عايزك تعيش الدور فعلا اللي هتقابله في الواقع ، زي صاحبنا اللي عندك ده هيبقى لسة خارج من عملية وعنده جرح في بطنه وهو اصلا صدره مش حلو في العادي ومزيق ومركب قسطرة وأموره مش باينلها ملامح وانت لازم تحدد السبب تاني حاجة هوانا ليه بديك خيارات ؟! أولا عشان الواقع هيديك خيارات 😅 هو العيان اللي قدامك ده مش انت في الواقع هتسأل نفسك يا ترى ده wound infection ولا leak ولا chest infection ولا UTI .. فانت في الواقع هحتار ما بينهم فعلا وأنا عايز أعيشك التجربة ... كمان عشان لو دخلت امتحان اي شهادة محترمة دلوقتي هتلاقي MCQ ما بين إجابات شبه صحيحة وانت بتختار الأصح، فأهه تكون نلت الحسنيين هظبط الإجابة وابعتلكم كمان شوية

هنزل شرح الإجابة كمان شوية اللي حابب يعك ومحرج ولأي استفسارات https://forms.gle/hZ1f4CQCNmtH1HNBA

صحصح معايا .. حالة جديدة 💉 مريض عنده 76 سنة، عامل Open Cholecystectomy من 3 أيام النهاردة عنده confusion و fever تاريخه المرضي HTN DM COPD Ex-smoker أدويته قبل الدخول كانت: Lisinopril Metformin Ipratropium لما كشفنا عليه لقيناه acutely ill و lethargic. الـ Vital signs: Temp: 39.5 HR: 108 RR: 22 BP: 110/84 هو alert لشخصه لكنه مش oriented للمكان والزمان. الـ examination فيه subcostal incision ناشف وفيها mild erythema Tenderness في lower abdomen بدون guarding أو rebound scattered expiratory wheezing مفيش crackles باقي الكشف normal. فيه urinary catheter شغال كويس و urine output normal. السؤال هنا… في المريض ده إيه أكتر وسيلة هتخليني أوصل للتشخيص ((بسرعة وبشكل أدق))؟ ايه الأقرب للصواب يعني

مريض جاي بـ Frothy non-bloody diarrhea مع مغص وانتفاخ ومن غير Fever، وكمان في History إنه شرب مية ملوّثة… دي كدة Giardiasis. الـ Giardia lamblia بتدخل الجسم عن طريق ابتلاع cysts من مية ملوثة زي البحيرات والترع والأحواض. الطفيل ده بيعمل malabsorption وعشان كده بنلاقي الإسهال foul-smelling، وgreasy، وfrothy زي ما بنشوف في الحالة دي بالظبط. طيب هل ده ممكن يكون Shigellosis؟ بصراحة لأ. ليه؟ لأن الـ Shigella بتعمل inflammatory mucoid-bloody diarrhea وبتيجي معاها High fever وTenesmus، وده كله مش موجود عند المريض. زائد إن الانتفاخ والغازات مش شائعين في Shigellosis. طيب Campylobacteriosis؟ برضه لأ. لأن الـ Campylobacter بيدي صورة Bloody inflammatory diarrhea مع Fever وأحيانًا بـ Pseudoappendicitis، وده كله مش ظاهر عنده. غير إن طريقة العدوى بتكون غالبًا من Undercooked meat, Unpasteurized milk أو Contact with infected animals… والكلام ده مش في الـ History. طب ما يمكن Salmonellosis؟ Salmonella عادة بتظهر بـ Watery diarrhea مع Fever وSevere vomiting وده برضه مش موجود. وكمان Salmonella بتتنقل عادة من Contaminated food خصوصا Poultry, raw eggs, unpasteurized dairy، مش من شرب مية ملوثة زي الحالة دي. وبرضه الانتفاخ والغازات مش شائعين فيها. الخلاصة Giardia = Gas + Greasy stools after contaminated water Frothy non-bloody diarrhea Bloating & flatulence History of drinking contaminated water Afebrile أي حاجة فيها bloody diarrhea + fever فكر في bacterial causes مش Giardia بالمرة نفتكر علاج ال Giardiasis Fluid replacement أهم حاجة متسيبش دماغك تسرح ناحية المضادات الحيوية وخلاص وتنسى أهم حاجة ال Dehydration ثم Metronidazole (Flagyl): 500mg oral/12h for 5 to 10 days OR Tinidazole (Protozole): 2 g oral single dose OR Albendazole (Vermizole) : 400 mg once daily oral for 5 days & Diet Low lactose , low fat

هنزل شرح الإجابة كمان شوية اللي حابب يعك ومحرج ولأي استفسارات https://forms.gle/hZ1f4CQCNmtH1HNBA

عيان 25 سنة داخل عليك الطوارئ مالك ؟ : بقالي خمس أيام بمغص في بطني وإسهال كام مرة في اليوم تقريباً وشكل الاسهال ولونه ؟ : خمس ست مرات والبراز سايب كدة ومصفر وفيه رغاوي كتير في أي مشاكل تانية طيب تعباك : اه دايما فيه انتفاخات كدة ونفسي بتغم عليا أحياناً طيب كلت حاجة شربت حاجة عملت أي حاجة شاكك فيها ؟ : انا لسة راجع من الاجازة كنت في الغردقة وشربت ماية كتير من البسين بصراحة معرفش اذا كان ممكن تعمل كدة ولا ايه في أي مشاكل مزمنة عندك ؟ لأ بتاخد أي علاج لأي سبب ؟ لأ بتسخن ؟ لأ ضغط كويس نبض كويس فحص البطن فيه mild tenderness & increased bowel sound تفتكر ايه نوع ال organism ؟ ( مش ملو كلام 😃 لما تعرف ال organism هتعرف تضربه ازاي 😁)

الذبحة المعوية 😁 أها زي ما سمعت كدة ال intestinal angina , حاجة كدة لا تفرق أي شئ عن ال angina العادية اللي انت تعرفها بتاعة القلب بس دي بدل ما هي chest pain اتحولت إلى abdominal pain و بدل ما هي بتحصل بسبب ال exertion بقت بتحصل post prandial بس الحقيقة عملياً انت مش هتتلخبط فيها مع ال angina انت هتتلخبط مع ال peptic ulcer 😒 لذلك ال criteria بتاعتها بتكون واخده من الاتنين ال stable angina & peptic ulcer واخدة من ال angina إنها بتيجي في ال old age , atherosclerotic patient زي واحد cardiac بالفعل بس ملهاش علاقة بالمجهود , بالأكل فقط وواخدة من ال peptic ulcer إنها post prandial epigastric pain , food aversion , weight loss ولكن في الحالة دي متقدرش ت exclude PU إلا لما تعمل upper GI endoscopy . ساعتها التشخيص بيتم بال Duplex or angiography طب ليه أصلا حصل post prandial pain ؟ هنا الميكانيزم متشابه مع ال angina وليس ال ulcer لأن حصل atherosclerosis في ال mesenteric artreies فالدم اللي رايح لل intestine بقى قليل فلما تزود المجهود عليها هتحتاج اكسجين أكتر ومش هتلاقي فتبدأ تحس ب severe pain زي بتاع ال angina كدة .. والأكل هو اللي بيمثل المجهود على الأمعاء لذلك ال pain يحصل في خلال ساعة من الأكل . old age , atherosclerotic patient , postprandial pain , weight loss , free upper endoscopy >> think about chronic mesentric ischemia #By_Dr_Mo #IV_Notes

السطر التاني انا مش فاهمه أوي لو المقصود بيه ان مبدأش مضادات حيوية قبل مزرعة ال CSF فده للأسف غلط ويعد من الجرائم الطبية .. وده اللي سلطنا عليه الضوء من كام يوم لما اتكلمنا عن المزارع والتوقيت المناسب لسحبها وإن المزرعة لو هتتسحب في ظرف دقائق معدودة كحال معظم المزارع فالصح طبعا انها تتسحب قبل بداية المضاد أما في حالة إن السحب هيتأخر لأي سبب زي العيان بتاعنا ده فكل ساعة تأخير للمضاد الحيوي بتزيد نسبة ال morbidity and mortality في العيان

ببساطة ميصحش نتكلم في التشخيص .. ليه بقى 🙄 Fever + Headache + neck regidity = Meningitis ✋🏻 هو أه مش شرط يكون متجمع في كل حالات ال meningitis بس لما يكون متجمع عيب أوي متخليش ال meningitis هي ال initial diagnosis بتاعك .. خلاص ؟ خلاااص 🙌🏻 سؤالنا هنا مش على التشخيص سؤالنا على ايه أهم وأنسب خطوة قادمة نعملها مع العيان ده دايما هتفكر في LP عشان تسحب تحاليل ومزارع CSF عشان تأكد تشخيصك لل meningitis وكمان تحاول تفرق بين ال organisms المختلفة اللي سببت ال infection ولكن دايما دايما دايما تذكر إن ال LP ليست بهذة الحنية ولا البراءة ال LP دي invasive procedure ليها precautions & contraindications من أهم الامور اللي لازم تتأكد منها قبل عمل ال LP هو إن مفيش زيادة في ال Intra-cranial pressure لأن لو حصل وانت عملت فتحة في طريق ال CSF وهو كان عليه ضغط عالي ايه اللي هيحصل ؟! بالمنطق كدة لو الضغط عالي فوق عند المخ وانت عملت فتحة من تحت فجأة المخ هيهرب من الضغط العالي اللي فوق للبراح اللي تحت فيحصل مايسمى بال brain herniation لأن طبعا المخ مش هيطلع من الجمجمة بس هيتزنق فيها والزنقة دي لو طالت ال brain stem انت عارف بقى هيحصل ايه مش محتاج أكمل 😁 عشان كدة لو في اي شك من قريب او من بعيد بأي حاجة ممكن تشككني في زيادة ال ICP لازم اعمل CT brain الاول واتأكد بكل السبل إن مفيش زيادة ضغط على المخ عشان اقدر أشك العيان LP طيب هو ايه العلامات اللي لو موجودة أشك في زيادة ضغط المخ ؟! Decreased consciousness Papilledema (fundoscopy) Projectile vomiting Cushing’s triad (HTN + bradycardia + irregular breathing) طيب ليه مش MRI ؟ يعني انت يبقى عندك أشعة بتخلص في دقيقتين وتروح لأشعة هتاخد منك ساعة على ما تعملها وتضيع الوقت ده كله على العيان .. هو اه الرنين هيبين اذا كان فيه حاجة موجودة فوق مزودة ضغط المخ بس مش هستفاد حاجة زيادة ( في الوقت الحالي ) عن ال CT brain لذلك اعمل مقطعية طبعا طب ليه مش EEG ؟ هو ايه دوره هنا معلش !! رسم مخ او رسم لكهرباء المخ عشان لو فيه شك في epilepsy ومش واضح على العيان فبحاول ألاقي اي epileptogenic focus في ال EEG .. إنما العيان ده ايه علاقته بال fits أصلاً ؟ ولا حاجة فملوش أي معنى انك تعمل رسم مخ هنا من كام يوم لو تفتكر اتكلمنا في موضوع سحب المزارع هل قبل المضاد ولا عادي مش هتفرق .. وقولنا طبعا نسحبها قبل المضاد أفضل ولكن بإستثناء وحيد وهي ال CSF culture في حالات ال suspected meningitis للسبب اللي عند المريض بتاعنا ده لو تاخد بالك قولتلك احنا سحبناله blood culture ثم بدأنا antibiotics ولكن ال CSF ده حوار وممكن يتأجل وممكن نعمل قبله CT brain وبالتالي حرام انك تأخر المضاد على العيان كل الوقت ده عشان تسحب مزرعة ، عالج العيان وكمل فحوصاتك براحتك

هنزل شرح الإجابة كمان شوية اللي حابب يعك ومحرج ولأي استفسارات https://forms.gle/hZ1f4CQCNmtH1HNBA

بما إننا جبنا سيرة الموضوع ده من كام يوم خلينا نرجع تاني ناخد حالة كدة ونشوف رأي الناس فيها 45-year-old man hypertensive on ramipril presenting with 👇🏻 🤕 Headache for 3 days, progressively worsening 🤢 Nausea present 🥶 Chills started last night + insomnia ❌ No vomiting or diarrhea 😓 Appears exhausted 🧠 Oriented to person & place only (not to time) 😴 Becoming increasingly somnolent 📈 Vital Signs 👇🏻 🌡 Temp: 39.5°C ❤️ Pulse: 67/min 🌬 RR: 17/min 🩹 BP: 127/77 mmHg 🩻 Physical Examination 😵 Photophobia 🦴 Nuchal rigidity 💉 Initial Management ✅ Blood cultures taken ✅ Empiric antibiotics: Vancomycin + Ceftriaxone started

هو أنا ممكن أقول إن الحالة اللي بنسميها السايكك مش هي الحالة المريضة نفسياً ... مش هي يا جماعة ولا في أي علاقة ما بينهم ❌ المرض النفسي زيه زي المرض العضوى هو فقط ضرب الكيميا بتاعة المخ زي ما ال arrythmia ممكن تحصل من ضرب الكيميا بتاعة القلب ... فلما يكون المريض جايلك وعنده History of neuropsychiatric disease ميصحش أبداً تعامله معاملة اللي بيستعبط أو اللي بيمثل .. حوله للي هيعرف يتعامل معاه أقل واجب 🤝 أنا ممكن كمان أقول إن ال panic attack دي مش حالة سايكك 😁 التشنجات اللي بتحصل في اليدين والوش بتاعة الحالة ال panic ال hyperventilated دي حقيقية مش تمثيل دي manifested tetany و ليها علاج عادي ... مش معنى إن المريض اتوتر بزيادة من حدث ما إنه كدة سايكك وهتنفضله 🥲 الحالة دي لو داخت ووقعت على الأرض فمش تمثيل ال hyperventilation بيعمل hypocapnia فبيعمل cerebral vasoconstriction فبيعمل hypoperfusion فبيعمل blurry vision and dizziness باثوفيسيولوجي والله هي مش بتمثل عليك 😃 خبرتك هتخليك تفرق ما بينهم مع الوقت بس ما بني على باطل فهو باطل، لو اعتبرت كل حالة داخلة عليك بتتشحتف إنها سايكك عمرك ما هتعرف تفرق ما بينهم ✋ #By_Dr_Mo #IV_Notes