IV Notes 💉

بما إننا جبنا سيرة الموضوع ده من كام يوم خلينا نرجع تاني ناخد حالة كدة ونشوف رأي الناس فيها 45-year-old man hypertensive on ramipril presenting with 👇🏻 🤕 Headache for 3 days, progressively worsening 🤢 Nausea present 🥶 Chills started last night + insomnia ❌ No vomiting or diarrhea 😓 Appears exhausted 🧠 Oriented to person & place only (not to time) 😴 Becoming increasingly somnolent 📈 Vital Signs 👇🏻 🌡 Temp: 39.5°C ❤️ Pulse: 67/min 🌬 RR: 17/min 🩹 BP: 127/77 mmHg 🩻 Physical Examination 😵 Photophobia 🦴 Nuchal rigidity 💉 Initial Management ✅ Blood cultures taken ✅ Empiric antibiotics: Vancomycin + Ceftriaxone started

هو أنا ممكن أقول إن الحالة اللي بنسميها السايكك مش هي الحالة المريضة نفسياً ... مش هي يا جماعة ولا في أي علاقة ما بينهم ❌ المرض النفسي زيه زي المرض العضوى هو فقط ضرب الكيميا بتاعة المخ زي ما ال arrythmia ممكن تحصل من ضرب الكيميا بتاعة القلب ... فلما يكون المريض جايلك وعنده History of neuropsychiatric disease ميصحش أبداً تعامله معاملة اللي بيستعبط أو اللي بيمثل .. حوله للي هيعرف يتعامل معاه أقل واجب 🤝 أنا ممكن كمان أقول إن ال panic attack دي مش حالة سايكك 😁 التشنجات اللي بتحصل في اليدين والوش بتاعة الحالة ال panic ال hyperventilated دي حقيقية مش تمثيل دي manifested tetany و ليها علاج عادي ... مش معنى إن المريض اتوتر بزيادة من حدث ما إنه كدة سايكك وهتنفضله 🥲 الحالة دي لو داخت ووقعت على الأرض فمش تمثيل ال hyperventilation بيعمل hypocapnia فبيعمل cerebral vasoconstriction فبيعمل hypoperfusion فبيعمل blurry vision and dizziness باثوفيسيولوجي والله هي مش بتمثل عليك 😃 خبرتك هتخليك تفرق ما بينهم مع الوقت بس ما بني على باطل فهو باطل، لو اعتبرت كل حالة داخلة عليك بتتشحتف إنها سايكك عمرك ما هتعرف تفرق ما بينهم ✋ #By_Dr_Mo #IV_Notes

لو إديت عيان كيس دم وحصل منه anaphylaxis فبعد ما الحالة تستقر اسأل عن : History of recurrent ( sinusitis, pneumonia, gastroenteritis ) لو كان موجود اعرف إن دي حالة IgA deficiency 🩸

" هو الصداع اللي عندك ده بيزيد الصبح بدري أول ما تقوم من النوم ويخف مع الوقت ؟ " ‼️ ده السؤال اللي بتسأله للعيان اللي جايلك يشتكي من صداع شديد وانت شاكك إنه بسبب زيادة ضغط المخ لأي سبب كان 🧠 السؤال هنا : هو ليه الصداع الناتج عن زيادة ال Intra-cranial pressure يزيد الصبح أو ما العيان يصحى من نومه 🙄 بالمنطق كدة واحدة واحدة 🤌🏻 - لما العيان ده يكون نايم flat تفتكر ال venous drainage هيقل ولا يزيد ؟ طبعا هيقل لأن العيان ده لما كان واقف على رجليه بفعل الجاذبية ده بيزود ال venous drainage أما وهو نايم إحنا كدة لغينا عامل الجاذبية فأصبح الدم متراكم فوق أكتر فال congestion زاد أكتر وبالتالي الضغط يزيد أكتر والصداع معاه بالتبعية ، ثم لما يصحى ويقوم يقف ويتحرك ال venous drainage يتحسن فالصداع يتحسن ✅ - لما العيان ده يكون نايم تفتكر جسمه محتاج مجهود كبير أو طاقة كتير ؟ّ! لأ طبعا ، ده بيكون في أقل حالاته إحتياجاً للطاقة وبالتالي مش هيحتاج أكسجين كتير وبالتالي ال parasympathetic بيعمل شوية hypoventilation فده بالتبعية بيقلل الأكسجين حاجة بسيطة ويزود ال Co2 حاجة بسيطة ، وانت فاكر كويس إن الأكسجين ده cerebral vasoconstrictor وال Co2 ده cerebral vasodilator فلما ال Co2 يزيد والعيان نايم هيحصل VD فال cerebral blood flow يزيد فالضغط يزيد فالصداع يزيد ، ولما العيان يصحى ويتنفس طبيعي يرجع يحصل VC فال flow يقل والضغط يقل والصداع يقل ✅ - فاكر المقطعية بتاعة العيان اللي عنده brain tumor اللي كان واضح فيها edema حوالين ال tumor ساعتها اتقالك حط ديكسا عشان ده اللي هيخفف ال edema دي 💉 أهه ده اللي بيحصل بردو مع إفراز الكورتيزون الطبيعي من الجسم بيخفف ال edema اللي حوالين ال mass الموجودة في المخ اللي بتسبب الصداع ... إمتى بقى الكورتيزون بيفرز ؟ الصبح بدري 🌞 ، طيب أمتى الكورتيزون يكون في أقل مستوياته ؟ بالليل والعيان نايم 🌒 عشان كدة العيان هيصحى من نومه بضغط زيادة وصداع زيادة ومع الصباح وزيادة مستويات الكورتيزون التورم هيقل والضغط هيصل والصداع هيقل ✅ أعتقد الأمور بقت makes sense شوية 🤨 #By_Dr_Mo #IV_Notes

المسألة كلها متعلقة بميزان المكاسب والخسائر 🤷🏻‍♂️Risk benefit ratio الطبيعي إنك هتسحب مزرعة الأول قبل ما تبدأ مضاد حيوي عشان المضاد اللي هتبدأه ممكن يعمل suppression للبكتيريا اللي موجودة والنتيجة متطلعش مظبوطة أوي 💢 ولكن تذكر دايماً إن هدفي حالة العيان لا تزداد سوءاً ولذلك أنا لازم ابدأ مضاد حيوي في ظرف ساعة من وقت دخول العيان عليك ⏰ تعالى نرسم سيناريوهات كل مزرعة 🦠 مثلاً العيان اللي شاكك إنه UTI هتاخد منه عينة بول في دقيقتين ثم تبدأ المضاد ولو رخم عليك وقالك أنا مش مزنوق قسطره وخد العينة اللي انت عايزها .. لو عيان chest infection هتلاقيه بيكح، خد منه عينة sputum في دقيقتين و ابعتها وابدأله المضاد الحيوي على طول ... العيان اللي انت عايز تسحبله blood culture حتى ، فهي هي نفس الشكة اللي هتشكه بيها عشان تسحبله معامل كاملة لأنه واضح انه عيان critical فالسحبة دي هتسحب معاها عينة الدم اللي هتحطها في ال media بتاعت مزرعة الدم في دقيقتين بردو وتبدأ المضاد بتاعك على طول 💉 ايه هي المزرعة اللي حواراتها كبيرة 😁 وليها contraindication & precautions ❌ ال CSF culture 🧠 فأنت عشان تعمل LP لعيان هتقعد تسأل نفسك يا ترى العيان بياخد antiplatelet ولا لأ ، طيب استنى نعمل عرض تخدير الأول ، طيب استنى نعمل CT brain الأول لا يكون فيه increased ICP شوية الحوارات دي هتاخد منك وقت ، وانت أصلا عايز تسحبها عشان suspected meningitis حاجة يعني fatal فهل يصح إنك تسيب ال brain بتاع العيان عريان للبكتيريا تعيث فيه فساداً عشان نسحب المزرعة قبل المضاد !! ما تتحرق المزرعة 😅 المهم المضاد 💊 وخد بالك أنا كلمتك عن نوع المزرعة اللي هي CSF culture إنما مش بتكلم عن الحالة كـ meningitis لأنك هتسحبله blood culture في دقيقتين عادي جداً قبل ما تبدأ المضاد الحيوي زي ما اتفقنا .. إنما الحوار اللي هيستهلك مننا وقت عشان نعرف نعمله يبقى مع نفسه يتعمل وقت ما يتعمل بس أنا هبدأ علاجاتي دلوقتي مفيش وقت ⏳ #By_Dr_Mo #IV_Notes

طبعاً انت عارف كويس إنك لو حابب تسحب مزرعة من عيان فالأفضل إنك تسحبها قبل بداية المضاد الحيوي 💉 بس أنا جايلك النهاردة في سؤال بيقولك : " ما هي المزرعة اللي لو أجلت المضاد الحيوي عشانها فأنت كدة ارتكب جريمة يعاقبك عليها ضميرك طول عمرك ؟ " 😥 #By_Dr_Mo #IV_Notes

ال neuropathic pain ده ألم ناتج عن مشكلة مضايقة عصب ما في منطقة ما من الجسم ولكن ما دون العصب معنديش أي مشكلة تانية مسببة ألم زي مثلا inflammation or ischemia لأ هو مجرد ألم ناتج عن nerve injury ⚡️ طيب زي أيه ؟ diabetic neuropathy 💥 post-herpetic neuralgia💥 prolapsed intervertebral disc💥 عيان سكر وانت عارف إنه مشاكل الأعصاب عندهم كتير 🫩 عيان كان عنده هيربس وزي ما أنت عارف الفيروس هنا ضارب العصب فطبعاً مؤلم 😓 عيان الإنزلاق الغضروفي في رقبته أو ضهره وما أكثرهم 🫣 الناس دي اتفصلت لوحدها أو الألم بتاعها إتفصل لوحده لأنه زي ما هو مميز في سببه فهو كمان مميز في علاجه ومش بيستجيب بقوة للمسكنات العادية 💊 بإختصار غير مخل عشان متوهش مني ، الجماعة دول انت هتشتغل معاهم بواحد من أربع أنواع من العلاجات 4⃣ ✳️ amitriptyline في السوق تريبتيزول ✳️ duloxetine في السوق ثيمباتكس ✳️ gabapentin في السوق جابتين ✳️ pregabalin في السوق ليريكا والصح إنك لما تبدأ في نوع بتبدأ بأقل جرعة ثم تبدأ تعلى لأقصى جرعة العيان يستحملها بدون side effects ولو مجابتش نتيجة توقفها وتجرب نوع تاني وليس إنك تضيفهم على بعض 🚫 وطبعاً انت دكتور واعي ومش محتاج أقولك إن علاج السبب أهم من كل اللي قولناه ده، فاللي مش مظبط سكره يظبطه ✅ , اللي عنده disc فميشلش حاجة تقيلة ✅ ، اللي عنده هيربس يعالجه ✅ ، السترس و قلة النوم طبيعي عمرها ما هتريح الأعصاب (( أرمي الكورة في ملعب العيان بتاعك عشان متشيلش الليلة لوحدك 😁 )) amitriptyline - Tryptizol 💊 منه تركيزات 10 و 25 وزي ما اتفقنا هتبدأ بأقل جرعة وتعيد التقييم كل أسبوع وتعلى وأخرك جرعة 100 once daily وبعض المصادر بتقول 150 بلاش مع عيان cardiac, glaucoma, BPH 👌👌👌👌 duloxetine - Cymbatex 💊 منه تركيزات 20 و 30 و 60 وزي ما اتفقنا هتبدأ بأقل جرعة وتعيد التقييم كل أسبوع وتعلى وأخرك جرعة ال 60 once daily بلاش مع عيان Hepatic 👌👌👌👌 gabapentin - Gaptin 💊 هتلاقي منه تركيزات من أول 100 لحد 800 وزي ما اتفقنا هتبدأ بأقل جرعة 100 at bedtime وتعيد التقييم كل أسبوع وتعلى وأخرك جرعة 3600 بس دي جرعات كبيرة صعب توصلها في الأغلب مش هتحتاج تعدي ال 900 يوميا وتاخد بالك إن فيه منه حاجات Immediate release ممكن تاخدها صبح وليل بس إحنا بنبدأ بجرعة الليل عشان بينيم ، وفيه منه Extended release من أول 300 وده بيتاخد once daily وبيغطي اليوم كله 👌👌👌👌 pregabalin - Lyrica 💊 هتلاقي منه تركيزات 50 و 75 و 150 و 300 وزي ما اتفقنا هتبدأ بأقل جرعة 25 at bedtime وتعيد التقييم كل أسبوع وتعلى وأخرك جرعة ال 600 بس دي جرعات كبيرة صعب توصلها في الأغلب مش هتحتاج تعدي ال 150 👌👌👌👌 وتاخد بالك من حاجة مهمة جدا، مش كل أسبوع هتغير دوا .. انت كل أسبوع هتعيد التقييم لرفع الجرعة، إنما الدواء محتاج مدة مش أقل من 6 أسابيع عشان تقيمه فعلاً إذا كان فعال ولا لأ ويكون كمان من ال 6 أسابيع دول اسبوعين على الأقل تكون على ال maximum tolerated dose ولازم تفهم الكلام ده للعيان بتاعك عشان ميزهقش منك ويفتكر إن كدة خلاص مفيش حل 🤝

س : هي ال Tetany دي بتحصل إمتى ؟ ج : مع ال Hypocalcemia . س : طيب هي ال Tetany دي عبارة عن أيه ؟ ج : عبارة عن spasms س : طيب هي ال spasms دي بتعبر عن Neuro stimulation or Neuro inhibition ؟ ج : ال spasms هي Neuro stimulation س : طيب هو ال calcium بيساعد في ال Neuro stimulation ولا ال Neuro inhibition ؟ ج : ال Calcium بيخش في ال Terminals بتاعة ال nerve fibers عن طريق ال ca channels ويفرقع ال vesicles اللي فيها ال neuro transmitters عشان تخرج لل synapses وتعمل action potential في الخلية اللي بعدها , لذلك ال calcium بيعمل neuro stimulation س : حلو يبقى المفروض بما أن ال calcium بيعمل neuro stimulation نقص ال calcium يعمل neuro inhibition ؟ ج : مظبوط س : وال tetany دي نقص calcium وبيحصل فيها spasms اللي هي neuro stimulation ! يبقى How come ؟؟ 😁 ج : هااا ! 😰 = طيب خلاص متعيطش هقولك 😀 مبدئياً عاوز أعرفك إن ميكانزيم نقل ال action potential اللي قولتله في ال synapses ده مظبوط زي ما في الرسمة الأولى كدة ولكن هل تعرف إن العصب ممكن يبقى طالع ب fiber واحدة من أول ال spinal cord لحد ما يوصل ال big toe تحت خالص , يعين مش هيعدي غير ب synapses واحدة بس في طريقة , أما ال fiber الواحدة عليها مليارات ال Na channels . سامعك ياللي بتقول وأيه علاقة الصوديوم إحنا كلامنا عن الكالسيوم .. اهدى وانا هقولك 😀 ركز معايا كدة في الرسمة التانية على الشمال ... ده جزء من سطح ال nerve fiber عليها Na channels و قنوات أخرى لعناصر أخرى ولكن مش هنذكرها عشان متهمناش دلوقتي , أثناء ال RMP جوة ال cell بيكون negative وبرة ال cell بيكون positive ... ال Na channels دي بتفتح فقط أثناء ما يحصل Action potential فتدخل جحافل من ال صوديوم جوة ال cell فال negativity تقل والشحنة الكهربية تقرب من ال threshold وينتج ال action potential وتقوم العضلة تنقبض . ولذلك أثناء الراحة عشان العضلة متنقبضش يبقى مينفعش أيونات الصوديوم تدخل جوة .. فربنا حمى الميكانيزم ده بطريقتين رقم واحد ان Na channels مقفولة أثناء ال RMP بس برغم إنها مقفولة إلا إن فيها فتحة صغيرة تقدر تعدي كميات قليلة من الصوديوم عشان كدة ربنا زودها بالميكانيزم التاني وهو إن ال Ca ions قاعدة كـ guard على ال Na channels مانعة أي أيونات موجبة إنها تخش من الفتحة الصغيرة دي لأن الموجب بيتنافر مع الموجب زي ما إحنا عارفين . تخيل بقى معايا إن حصل Hypocalcemia مفيش guard على ال Na channels فالصوديوم يقدر يدخل أثناء ال RMP فالشحنة الكهربية جوة تتجه ناحية ال threshold فينتج ال action potential والعضلة تنقبض حتى أثناء الراحة فيحصل ال spasms . بس خلاص End of text 😃 #By_Dr_Mo #IV_Notes

جيت في مرة وانت بتذاكر ال Tetany لقيت الدكتور بيقولك خد بالك يابني مش أي Hypocalcemia ممكن تعمل Tetany ... ال pH بتاعة ال Blood بتأثر في الموضوع ده 🙄 فعندك مثلا Hypocalcemia + Acidosis ميحصلش معاهم Tetany .. برغم إن Normocalcemia + Alkalosis يحصل معاها Tetany 🤔 وأنت أخدت المعلومة وانبسطت بيها كـ trick حلوة ونسيت تسأل الدكتور (( ليه ؟! )) أو حتى خطر على بالك تسأله بس من كتر الحاجات اللي مش مفهومة نفضت 😁 أنا دلوقتي هقولك ليه 😅 ركز معايا 🧐 ال Ca موجود في الدم في 3 صور : 👌 يا إما Free وده بيمثل 50% من نسبة ال total blood ca ✅ يا إما bounded to plasma ptns وده نسبته 40% ✅ يا إما combined with other elements زي الفوسفات وده نسبته 10% ✅ النوع الوحيد اللي الجسم ممكن يستفيد منه هو ال free أو ال ionized يعني فلما ال free يقل ممكن يحصل tetany .. أما لو ال free تمام يبقى مش هيحصل حتى لو الأنواع التانية قلت 🤝 تخيل معايا إن حصل Acidosis ده معناه إن ال Acids في ال Blood زادت , يعني ال free H زيادة في الدم .. وال H دي زيها زي ال ca ممكن تبقى free وممكن تبقى مرتبطة على ال plasma ptns , في ال acidosis ال H+ زيادة في الدم .. فنحاول نعمل compensation بإن ال H+ تطلع تقعد على سطح ال plasma ptns تلاقي مين على سطحها ؟ ال ca وهي أقوى منه تروح زقاه ومنزلاه في ال Blood وتقعد مكانه .. لذلك وبرغم إن فيه Hypocalcemia total إلا إن ال acidosis زودت ال free ca فمحصلش tetany 🚫 تخيل معايا إن حصل Alkalosis ده معناه إن ال Acids في ال Blood قليلة , يعني ال free H قليلة في الدم .. وال H دي زيها زي ال ca ممكن تبقى free وممكن تبقى مرتبطة على ال plasma ptns , في ال alkalosis ال H+ قليلة في الدم .. فنحاول نعمل compensation بإن ال H+ اللي موجودة على سطح ال plasma ptns تنزل تعوض ال acids القليلة في الدم فتسيب مكانها فاضي على ال Plasma ptns .. مين اللي يشوف المكان الفاضي على ال plasma ptns ويقعد عليه ؟ ال ca اللي هو اصلا كان free في ال blood يقوم يبقى bounded والجسم ميعرفش يستفيد منه ويبقى برغم إن ال total calcium is normal إلا إن ال free قليل فيحصل tetany 🥹 أحيانا Medicine makes sense أحيانا 😄 #By_Dr_Mo #IV_Notes

{بعيداً عن موضوعنا} أتذكر الوقت كويس .. كان في أجازة نصف السنة بتاعة أولى إعدادي لما قررت أصلح من نفسي فيما يخص الصلاة كان فيه توفيق عظيم من الله ليا في القرار وأسلوب الإصلاح , هداني لفكرة أنا مكنتش خبير ولا طبيب نفسي عشان أعرف إنها هتنجح ولكنها بفضل الله نجحت .. أحداثها بالظبط إني كنت ماشي في الشارع قررت أن ألتزم في صلاتي كما يجب وفي معادها بالظبط قدر المستطاع ومش هعمل اللي كنت بعمله قبل كدة من تأخير أو جمع أو نسيان في بعض الأحيان مع محاولات سابقة على إستحياء إني أصلح هذا الأمر .. بس مفلحتش الخطة كانت عبارة عن : كلما أسمع الأذان أرمي اللي في ايدي فورا بقوة ثم أفز من قعدتي بقوة ثم أتوجه على الحنفية وأتوضى فوراً وأصلي مباشرة , قررت إني هعمل هذا الفعل بهذا الأسلوب لمدة شهر ثم أشوف النتيجة وبعد 3 أسابيع بالظبط مكملتش شهر لاحظت إني على نهاية الشهر والله لا إرادياً وبدون أي عزم من نفسي ( نفسي غير مشتركة في القرار أصلا ) كلما سمعت الأذن زي اللعبة اللي فيها زمبلك أقوم من مجلسي ( بهدوء هذة المرة ) وأتوضأ ( بهدوء أيضاً هذة المرة ) وأصلي ثم التي كانت ثقيلة فيما قبل أصبحت كالروتين اللي لا أفكر فيه ولا أحمل همه على الإطلاق هيقابلنا تحديات جديدة فيما بعد لتحسين الأداء فيها ولكن توفيق ربنا الكبير أنا بعتبره تجلى في التجربة دي بقوة من حيث : - فقة الأولويات ( إذا كنت عايز أضبط ديني فمفيش حاجة ليها أولوية عن الصلاة ) - التركيز على الهدف بدون مشتتات ( برغم إن فيه حاجات كتير مهم أغيرها في ديني ودنياي إلا إني لما أردت بقوة أظبط حاجة مهمة ركزت عليها فقط لحين ما أنتهي منها ثم أشوف غيرها ) - الصبر ( هيأت نفسي لمعركة نفسية في البدايات فطلبت من نفسي الصبر لمدة مؤقتة ثم بعدها ربنا رزق بالتعود والقدرة النفسية على التحمل .. فاصبر ) أعتقد دي حيلة من الحيل النفسية اللي تقدر تلعب بيها على نفسك عشان تحقق أي هدف انت عايزه - لو صحيت بدري اسبوعين ورا بعض هتتعود على ده ومش هتحس فيه بتعب - لو ثبت لنفسك ساعة يومياً تقرأ فيها في كتاب يخص تخصصك الطبي بس بشرط لو الحرب العالمية قامت انت مش هتستغنى عن الساعة دي هتيجي أخر السنة ب 365 ساعة قراءة في تخصصك هتخليك استشاري والأهم من ده هتتعود على الفكرة دي بعد اسابيع قليلة ومش هتكون ثقيلة على قلبك " إنما العلم بالتعلم وإنما الصبر بالتصبر وإنما الحلم بالتحلم "

ال antiepileptics drugs كتيرة وكل واحد وليه مواقف محددة يتاخد فيها سواء كان حالة Acute or chronic بس أنا دلوقتي جاي أقولك على معلومة مركزة أوي عن تفضيل الأدوية في ال 1st line treatment لكل نوع من أنواع ال seizures في ال long term treatment 1- lamotrigine [ Lamictal ] (first-line treatment in focal seizures) 2- valproate [ Depakine ] (first-line treatment in generalized seizures) 3- ethosuximide [ Ethoxa ] (first-line treatment in absence seizures). 🧠🧠 #iv_notes #By_Dr_Mo

الفيتامينات في الرضاعة ! 💊💉🩸🌡 اللي حصل يا سيدي إن فيه مولود جديد وصل , راحوا سألوك بما أنك ضاكتور العيلة أيه الفيتامينات اللي الواد ده المفروض ياخدها يا ضاكتور ؟! 🧐🧐 انت سألتهم يا جماعة الخير الواد بيرضع طبيعي ولا صناعي ؟ طبيعي يا ضاكتور ملناش في شغل الفرافير والبزازات ده خلاص كدة لبن أمه فيه اللي يكفيه وزيادة ما عدا الأتنين دول (( D & K )) نسبتهم ضعيفة في لبن الأم عامة لذلك هنرزعه حقنة vit k أول ما يتولد وبعد كدة هنمشيه عليه vit D oral . وبمجرد ما خلصت كلامك لقيتهم بيقولولك الله يباركلك يا دكتور تسلم أصل الواد أصلا مولود قبل معاده وضعفان لوحده 😨 فقولتلهم لأاااااااا استنوا روحت رازعهم شوية حديد مع فيتامين د لأن العيل اللي إتولد preterm بتزودله iron لأن الحديد بيكون ناقص في ال preterm , إنما في العادي الرضيع مش هياخد حديد لأنه عنده مخزون كافي تماماً لحد سن 4 شهور بعد كدة بيبدأ ياخد حديد لحد ما يشد حيله في الأكل الغني بالحديد أثناء الفطام . فيما عدا ذلك فإن ال breast milk هو أفضل غذا للطفل وفيه كافة أنواع المواد الغذائية من protiens , CHO , fats , vitamins , elements , enzymes وأي شئ يخطر على بالك . طيب هو أنت ليه سألتهم الواد بيرضع طبيعي ولا صناعي ؟ لأن اللبن الصناعي هيبقى مضاف ليه vit D جاهز مش هتحتاج تزوده انت إلا في الحالات المرضية بقى . #By_Dr_Mo #IV_Notes

هو أيه الفرق بين ال plasma & serum ؟ 🤔🤔 بإختصار ال Blood بيتكون من : Cells + Plasma ال Plasma بتتكون من : Serum + coagulation factors وبالتالي ال serum يعني Plasma من غير coagulation factors ✋️✋️ وهنا كام سؤال مهم : يعني أيه Clot : يعني cells + fibrin يعني ايه coagulation : يعني coagulants تحول ال fibrinogen إلى fibrin وبالتالي هل ال Blood يقدر يعمل clot ؟ أه هل ال Blood يقدر يعمل coagulation ؟ أه هل ال plasma تقدر تعمل clot ؟ لأ لأن مفيش cells هل ال Plasma تقدر تعمل coagulation ؟ أه هل ال serum يقدر يعمل Clot or coagulation ؟ لأ لأن لا فيه cells ولا coagulants 🤝🤝 طيب ده يفيدنا عمليا ازاي ؟ نفترض انك بتاخد عينة blood عشان تفحصها او تنقلها او اي حاجة .. هل تفتكر انك محتاج تحط فيها anticoagulants؟ اه طبعا محتاج لان ال blood يحتوي على coagulation factors طيب نفترض انك بتاخد عينة serum هل محتاج تحط عليها anticoagulants ؟ لأ لان ال serum لا يحتوي على coagulation factors #By_Dr_Mo #IV_Notes

نقل الدم مش هو الحل للعيان اللي عنده أنيميا ❌ نقل الدم ده بيكون أخر مرحلة وبيكون مجرد support بسيط لجعل ال severe anemia لتكون mild anemia 👌 حتى أنا مبحاولش بيه أنهي ال Anemia لأن ال over transfusion ليه مشاكله اللي بتكون أكتر بكتير من مشاكل ال mild anemia 🤏 وهنا أنا مقصدش بال Over إن ال Hb بتاع العيان يبقى 18 ولا 20 ⬆️ لأ أنا أقصد كتر نقل وحدات الدم حتى لو خليت ال Hb في ال normal range وليكن 13 أو 14 فده بردو غلط ❌ الصح في نقل الدم إنك بتنقل أقل عدد وحدات ممكنة يمنع المريض من إنه يكون في severe anemia اللي هو Hb تحت 8 ⬇️ أو تديله دم وقائياً حتى لو Hb فوق ال 8 عشان هو داخل عمليات وفيها نزيف وانت متأكد انه هيهبط لل7 و 6 و 5 كمان ⬇️ أو إن ال severity دي تكون في شكل Anemic symptoms حتى لو ال Hb الرقم بتاعه moderate anemia 🤝 طيب وبعد ما أخلي العيان Hb فوق ال 8 هتصرف معاه إزاي ؟! هسيبه كدة !! 🙄 لأ طبعاً هتدور بقى على سبب المشكلة وتعالجها حديد قليل أو بينزف من coagulopathy أو CKD ومحتاج erythropoietin أو أي سبب آخر موجود في العيان ومسببله الأنيميا 🤚 #IV_Notes #By_Dr_Mo

الـ controloc والـ antodine بيشتغلوا عكس بعض 🏃‍♂️🏃 و ده من إمتى ان شاء الله 😀هقولك 🤌 لا يخفى عليكم طبعاً إننا دايماً لما بنوصف روشتة الكونترولوك pantoprazole بنكتب عليها (( قرص على الريق صباحاً قبل الأكل )) فأنت لما تحب توصف أنتودين famotidine للعيان بتستعيد المعلومة اللي انت تعرفها عن ابن عمه وبتقول (( قرص على الريق صباحاً قبل الأكل )) أنا آسف ده غلط ❎ خلونا بس نوضح الأول إن الجرعة الكلاسيك للكونترولوك مرة في اليوم وأحيانا هحتاج أوصفه مرتين؛ أما الأنتودين فالجرعة الكلاسيك بتاعته مرتين في اليوم بس أحيانا مش هحتاجه أكتر من مرة 👌 وخلونا نوضح كمان إن مش هيحصل ضرر للعيان في كل الأحوال سواء مع وصف الكونترولوك أو الأنتودين في أي وقت خلال اليوم ولكن إحنا بنتكلم إننا عاوزين أفضل effect للدواء اللي احنا بناخده لذلك بنقوله خد الكونترولوك الصبح على الريق (( ولكن )) لو هتوصفله أنتودين لمرة واحدة في اليوم الأفضل إنك تديهوله بالليل قبل ما ينام 😴 واحدة واحدة هفهمك جت إزاي 🤌 تعالى الاول نبدأ بالـ pantoprazole اللي إحنا وصفناه الصبح على الريق ونقول ليه الأفضل نوصفه الصبح على الريق 👈 أول حاجة في بوست قديم إحنا اتكلمنا فيه عن ميكانيزم شغل ال PPI & H2blockers عايزك ترجع تقرأه عشان نختصر الكلام , هتلاقي اللينك بتاعه في كومنت .. بعد ما تقرأه ارجعلي تاني ⏳ قرأته خلاص تمام 👍 الـ PPI بتشتعل على ال proton pump بتقفلها ودي هي الخطوة النهائية والرئيسية في إنتاج حامض المعدة وبالتالي لو قفلتها فأنا قفلت الطريق بالكامل 🚫 الـ proton pump دي بيتم إنتاجها يومياً .. إمتى ؟ الصبح مع أول وجبة .. طيب ده حصل إزاي !! المعدة بتقوم بإنتاج ال proton pump حسب ما يجيلها ال stimulus وال stimulus بتاعها هو الأكل وأول أكل في اليوم هو الفطار يبقى أو stimulus في اليوم هو الفطار يبقى أو إنتاج لل proton pump هيكون مع الفطار , انت بدأت تفهمني اهه 😁 للسبب ده إحنا بندي العيان الكونترولوك قبل الفطار بنص ساعة عشان يمتص كويس ومع بدأ دخول الأكل المعدة هتقوم هي في إنتاج ال proton pump فتلاقي الكونترولوك في وشها يسدها فوراً .. وهنا نطلع بمعلومة تانية إن يستحسن العيان يفطر بعد ما ياخد الحباية بنص ساعها عشان الدوا يلحق يلاقي proton pump يقفلها قبل ما يتكسر ويخرج من الجسم , لأن لو تم إنتاج ال proton pump بعد التخلص من الدواء للأسف مش هستفاد حاجة .. فبنقول للعيان خد الحباية على الريق وبعد نص ساعة لـ ساعة افطر 🥙🍟 واضح كدة 🤚 نيجي بقى لإبن عمه الأنتودين famotidine 💉 قولنا هو بيشتغل عن طريق قفل الـ Histamine receptors ومين اللي بيساعد ال histamine receptors على الشغل ؟ ال muscarinic receptors بتاعة ال parasympathetic system واضح كدة 🖐 أيه هو أكتر وقت ال parasympathetic شغال فيه ؟ بالليل وقت النوم 😴 يبقى أيه أكتر وقت ال histamine receptors اللي في المعدة هتشتغل فيه وتنتج أحماض ؟ بالليل وقت النوم 😴 يبقى أيه أكتر وقت هيكون مفيد وفعال فيه قفل ال histamine receptors لكي لا تنتج أحماض ؟ بالليل وقت النوم 😴 يبقى أيه هو أفضل وقت ندي فيه العيان ال H2 blockers اللي هو أنتودين ؟ بالليل وقت النوم 😴 خصوصاً مع الجماعة بتوع ال GERD اللي هيشتكولك ان أعراضهم بتزيد بالليل خصوصا وهما نايمين هنا هيكون كلامنا بيحقق أعلى نتائج 👌 ال Controloc الصبح 🤝 ال Antodine بالليل 🤝 #IV_Notes #By_Dr_Mo

عشان توفر على نفسك وقت ومجهود وتوفر على العيان وقت ومخاطر مهم جداً تعرف العيان بتاعك ده غالباً ايه ال complications اللي ممكن تحصله نتيجة الحالة المرضية اللي هو فيها , خلينا ناخد مثال وانت تفهم قصدي 🫰 عيان لسة عامل Aortic valve replacement ايه اللي احط عيني عليه أخاف ليحصله ؟ 🤔 1️⃣ Aortic regurgitation : due to unfit size of valve or improper position 2️⃣ Ischemic stroke : due to embolization of calcified valve 3️⃣ Myocardial infarction : due to obstruction of coronary ostia 👌 ده منظر ال Valve في الصورة يا إما حجمه مش مظبوط وهيعمل ارتجاع ⛔️ يا إما هيحصل عليه ترسيبات وتفك وتعمل stroke 🧠 يا إما هيسد فتحة ال coronary اللي هي قريبة من ال valve جدا وتعمل MI 🫀 🤝 أي شك ولو صغير في الأمور دي في عيان مغير صمام لازم تتاخد على محمل الخطورة والجد لأنه معرض ليهم أكتر من غيره فبدل ما تقعد تفكر في كتاب الباطنة كله لو جالك اشتكالك من أحد ال complications دي لأ وفر وقتك ووقته و focus على مشكلتك 🧐 #By_Dr_Mo #IV_Notes