انـتحال💜

لو ربنا أنعم عليك وبتقبض بعملة أجنبية غير عملة بلدك؛ دولار أمريكي، ريال سعودي أو أيا كان. فمش من المنطقي ولا من الإسلام إنك تفرح بزيادة سعر صرف العملات دي مقابل عملة بلدك؛ ظنا منك إنك هتفرق عنهم أو هتعديهم بمراحل! لأنك مش متفضل بشخصك عليهم بأي شيء ولا أحسن من ملايين الناس اللي لسا بتقبض أقل منك في حاجة؛ بل هو فضل الله عليك ورزقه الذي يرزقه لمن يشاء، واللي ممكن يسلب منك في غمضة عين وترجع بلدك وتلاقي نفسك بقيت تقبض زي كل الناس وساعتها الضربة هتكون موجعة أوي لك. اوع تقول: يلا نفسي، أو إن الابتلاء ده بعيدا عني فأنا كده كويس؛ الأنانية بتجعلك مخوخا جدا أمام الابتلاء. اللي تعمله إنك تحمد ربنا على نعمه كلها وتزود صدقتك شوية وتغدق على أهلك أكثر من الأول وتدعو لسائر الناس أن يوسع الله عليهم أرزاقهم. الرزاق هو الله، فلا تنس.