Homidjon Ishmatbekov

Ҳасан Басрий разияллоҳу анҳунинг айтган энг гўзал сўзларидан: Мен шундай қавмларни кўрдимки, уларнинг умуман айблари йўқ эди. Лекин улар одамларнинг айбларини гапира бошлашгач, Аллоҳ таоло уларда ҳам айбларни пайдо қилди. Яна мен шундай қавмларни ҳам кўрдимки, уларнинг кўп айблари бор эди. Лекин улар одамларнинг айбларини гапиришдан сақланганлари учун, Аллоҳ таоло ҳам уларнинг айбларини яширди.

"Солиҳ амал" атамаси Қуръони каримнинг етмишдан ортиқ ўрнида зикр этилган. مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ “Эркакми ё аёлми – кимда-ким мўмин бўлган ҳолида бирор солиҳ амал қилса, бас, Биз унга ёқимли ҳаёт бахш этурмиз ва уларни ўзлари қилиб ўтган гўзал (солиҳ) амаллари баробаридаги мукофот билан тақдирлаймиз (Наҳл сураси, 97-оят). Солиҳ амалнинг ўзи нима, деган савол туғилиши табиий. Чунки, солиҳ амал деганда доимо хаёлимизга намоз, рўза каби ибодатлар келади. Кўплаб ҳадисларда савобли ишлар қаторида зикр қилинадиган бир қанча солиҳ амаллар ҳақида баён қилинади. Масалан, одамларга озор етказмаслик, йўл юзида ётган нарсани четга олиб қўйиш, яхшиликка буюриш, ёмонликдан қайтариш ва яна қанчадан қанча бизнинг назаримизда оддийгина туюлган амалларга тарғиб этилади. Афсуски, кўпчилигимиз бу ишларга бепарво қараймиз. Аслида, инсоннинг амал дафтарини савобларга тўлдирадиган солиҳ амалларни ҳар куни, ҳар ерда қилиш имкониятига эгамиз. Фақат, бунга озгина диққат-эътибор ва ихлос бўлса кифоя. https://t.me/tuhur

Имом Ибн Ражаб Ҳанбалий раҳимаҳуллоҳ айтадилар: Банданинг Аллоҳ таолога тақарруб ҳосил қилиши мумкин бўлган энг буюк нафл амал, бу Қуръон тиловати ва уни тафаккур ила маъноларини англаб тинглашдир. Хаббоб ибн Арот бир кишига деди: Имконинг борича Аллоҳга қурбат ҳосил қил. Шуни билгинки, Аллоҳ таолога фақат унинг Ўзи яхши кўрган насаси билангина қурбат ҳосил қилишинг мумкин, у ҳам бўлса Унинг каломидир. Муҳибларнинг наздида ўз маҳбубасининг сўзини эшитишдан тотлироқ нарса бўлмайди. Зеро, уларнинг матлаблари ҳам, қалблари туядиган лаззат ҳам шудир. Жомеъул улум вал ҳикам – Ибн Ражаб Ҳанбалий https://t.me/tuhur

ҲАЖ АМАЛЛАРИ (Эҳромдан видагача) 1.  Эҳром кийиб “лаббайка” айтиш 2.  Етти марта Каъбани тавоф қилиш 3.  Етти марта Сафо ва Марва оралиғида юриш (саъй қилиш) 4.  Тарвия куни Минога чиқиш (Зулҳижжанинг 8 куни) 5.  Арафотда туриш (Зулҳижжанинг 9 куни, вуқуф) 6.  Муздалифада тунаш (Зулҳижжанинг 9 дан 10 га ўтар кечаси, мабит) 7.  Катта шайтонга тош отиш (Зулҳижжанинг 10 куни) 8.  Қурбонлик қилиш ва соч олдириш (Зулҳижжанинг 10 куни) 9.  Тавофи ифозани адо этиш 10.  Учала шайтонга тош отиш (ташриқ кунлари) 11.  Видолашув тавофи https://t.me/tuhur

Толқ ибн Ҳабиб раҳимаҳуллоҳ айтадилар: Аллоҳ таолонинг ҳаққи бандалар уни адо этаолмайдиган даражада жуда ҳам буюк ва неъматлари ҳам саноғига етиб бўлмайдиган даражада кўп. Лекин, сизлар тавба қилган ҳолингизда тонг оттиринг ва тавба қилган ҳолингизда кечга киринг. Ҳулиятул авлиё ва табақотул асфиё https://t.me/tuhur

🕌 Пайғамбаримиз яхши кўрган амаллар 🎤 Ҳомиджон домла Ишматбеков ⏱ 32 дақ 💾 29 мб

🕌 Зулм ва зўравонлик – қайтарилган амаллардан 🎤 Ҳомиджон домла Ишматбеков ⏱ 30 дақ 💾 28 мб

Ассаламу алайкум ва роҳматуллоҳ Жума айёмингиз муборак бўлсин Аллоҳ таоло айтади: يٰۤاَيُّهَا الَّذِيۡنَ اٰمَنُوۡۤا اِذَا نُوۡدِىَ لِلصَّلٰوةِ مِنۡ يَّوۡمِ الۡجُمُعَةِ فَاسۡعَوۡا اِلٰى ذِكۡرِ اللّٰهِ "Эй иймон келтирганлар! Жума куни намозга нидо қилинганда, Аллоҳнинг зикрига шошилинг..." (Жума сураси, 9-оят). Ушбу оятнинг тафсирида Қатода разияллоҳу анҳу: "шошилинг" деган жумлани "қалбингиз билан ва амалингиз билан" деб айтганлар. فَاِذَا قُضِيَتِ الصَّلٰوةُ فَانْتَشِرُوۡا فِى الۡاَرۡضِ وَابۡتَغُوۡا مِنۡ فَضۡلِ اللّٰهِ وَاذۡكُرُوا اللّٰهَ كَثِيۡرًا لَّعَلَّكُمۡ تُفۡلِحُوۡنَ "Бас, намоз тугагандан сўнг ер юзи бўйлаб тарқалинг ва Аллоҳнинг фазлидан талаб қилинг ва Аллоҳни кўп эсланг, шоядки ютуққа эришсангиз" (Жума сураси, 10-оят). Арок ибн Молик разияллоҳу анҳу жума намозини ўқиб бўлгач масжиднинг эшиги олдига келар эдилар ва: "аллоҳим, мен Сенинг чақириғинга жавобан келдим, фарзингни ўқидим, буюрганингдек намоздан сўнг ризқ талабида чиқдим. Бас, Ўз фазлингдан менга ризқ ато эт, албатта Сен ризқ берувчиларнинг энг яхшисисан", дер эди. Аллоҳумма солли ва саллим ва барик ала саййидина Муҳаммад. https://t.me/tuhur

Имом Бағовий раҳимаҳуллоҳ айтадилар: Дейдиларки, илмида тўртта нарсани топган киши етук олим бўлади: Аллоҳ билан ўртасида тақвони, халойиқ билан ўртасида тавозени, дунё билан ўртасида зуҳдни, нафси билан ўртасида мужоҳадани. Маъолимут танзил https://t.me/tuhur