الموجز المسيحي | CH FEED

5 حكايات عن مصر.. أبرز رسائل قداسة البابا للأطفال

اقرا البوست ده للاخر لو انت حد مهتم بكنيستك وخدمتك LOGOS Junior Forum ……………. طبعا كلنا شوفنا الحدث العظيم وكلام قداسه البابا عن مصر للأطفال بس أنا محتاج اتكلم معاك في نقطه مختلفه شويه القصه من أولها قداسه البابا جمع اطفال الكنايس سن ٥ و٦ ابتدائي وزرع فيهم زرعه جديده مش بس حب مصر وحب الكنيسه لكن زرع فيهم نظره جديده الاولاد دي لما تكبر هاتقول كلمه واحده احنا عندنا بطرك غير اللي بنسمع عنه في الميديا غير الحروب اللي بنسمعها عليه من قلوب معرفتش طعم المسيح ولا محبته احنا عندنا بطرك اب بطرك اخ بطرك حسناه اوقات صديق اصل فيه صفات ربنا ابوه حقيقيه تحسه انه اخ كبير بين اخوه كثيرين صديق الزق من الاخ اوقات كتير فيجي واحد معندوش قلب الاطفال يقولك ( انت بتطبل ) اقولك انت صعبان عليا قداسه البابا بيبني جيل جيل يتزرع في الحب بمعناه الجميل والحقيقي جيل يتزرع فيه الانتماء جيل قلبه يبقي من الاخر قلب نضيف احنا ممكن نحلل الحدث ده انه حدث كنسي وحدث وطني وكل الكلام ده لكن الحقيقه اعمق من كده الحقيقه هي زرعه تطلع قلبها نضيف ( قلبا نقيا اخلق فيا يا الله) وده اللي عمله قداسه البابا بيساعد انه يخلق قلب نقي في جيل معندوش قدوه شايفها فيها قلوب نقيه انت امبارح شوفت آخر القصه ان قداسه البابا واقف وسط ولاده بيشرح ليهم عن مصر بس انت عارف ان الاولاد دول قاعدين مع البابا ٦ ايام متواصله انت تعرف ان البابا بص لقدام اوي اوي جيل ٥ و٦ ابتدائي هو الجيل اللي هايقوم كنيستك هو الجيل اللي لو فقدته في سن اعدادي ممكن كنيستك تبقي بلا روح انت فاكرني بكبر الموضوع ؟! لا جيل ٥و٦ ابتدائي هو الجيل اللي لو محافظتش عليه هايتوه منك في اعدادي وثانوي وشباب ودايما بقول للخدام ان اللي بيخدم ٥ و٦ ابتدائي هو بيخدم كنيسه بكره قداسه البابا رمي زرعه في قلوب ولادنا لمده ٦ ايام القصه مش وعظه عن مصر حلوه ولا صور جميله هاتطلع ولا فيديوهات تخلي قلبك ووشك يبتسموا وانت شايف قداسه البابا وسط الاولاد القصه اعمق من كده هاتقولي ماتكبرش الموضوع هاقولك لا الموضوع فعلا كبير القصه دلوقتي باقت في ايد كل كنيسه وكل خادم وكل راعي هاتقدم ايه لولادك بعد ما يرجعوا من عند قداسه البابا ؟ اه صدقني ده الأعمق بقي هل هانفضل في حاله الفتور والروتين اللي في خدماتنا هل هانفضل نقدم الكنيسه بشكل تقليدي من غير تنوير هل هانفضل نقدم كلمه ربنا بسطحيه! هل هانفضل نقدم الطقس والكنيسه والألحان بطريقه ممله؟ هل هاتفضل مناهج خدمتنا بطريقه ( copy. Paste ) هل وهل وهل وهل وهل ده اللي نخرج منه بعد الزرعه اللي زرعها سيدنا في قلوب الولاد احنا هانعمل ايه في كنايسنا أقولكم بقي علي السر اللي عمله قداسه البابا علشان يعمل خدمه متطوره ؟ الحب عارفين الحب؟ انك تحب اخوك انك تقبل اخوك انك تخدم بمحبه بلا رياء انك تزرع جوه كنيستك قلوب نقيه قلوب مافيهاش كره ولا بغضه قلوب فيها خير وحنيه ورحمه قلوب مش بتدين بعضها ليل ونهار قلوب ماتكلمش في ضهر بعض قلوب تستر ماتعرفين اصل خدمتنا وكنيستنا وولادنا سهل جدا تعملهم حاجات متطوره ( بفلوس وتجيب تقنيات وحاجات كتير مُبهره) بس صعب جدا تعمل خدمه وتبني نفوس بدون محبه اللي عمله قداسه البابا لمده ٦ ايام زرع الحب قبل المناهج زرع الحب قبل الإبداع زرع الحب قبل الفقرات تعرفوا تزرعوا حب؟ يوم ماتزرعوا الحب تأكد ان كنيستك وخدمتك هاتبقي اقوي خدمه والمسيح هايبان فيها بأبسط الأشياء احنا مش محتاجين فلوس علشان نتطور خدمتنا احنا عاوزين قلوب تعرف تحب شكرا قداسه البابا علي ٦ ايام كنت اتمني اكون طفل في ابتدائي علشان أعيشهم كنت اتمني ابقي عامل من العمال الموجوده وسط ولادنا يا بخت كل حد شاف زرعه الحب وعاشها وشافها صليلنا يا سيدنا نكون عندنا قلب شبه قلبك يعرف يحب علشان يعرف يطور خدمته وكنيسته بنحبك يا سيدنا ربنا يثبتك علي كرسيك ويخليك لينا ويديك الصحه والقوه #كنيستنا_بخير

ربنا بيقولك دلوقتي 🥰🩷 الناس ممكن تبص لشكلك أو طريقة كلامك، بس ربنا بيشوف اللي جوة قلبك والواضح قدامه نيتك الصافية. املأ قلبك بالمحبة والصدق، وخلي الباقي على ربنا الصالح! 🥰✨🩵 الآية: «كُلُّ طُرُقِ الإِنْسَانِ نَقِيَّةٌ فِي عَيْنَيْهِ، وَالرَّبُّ وَازِنُ الأَرْوَاحِ» (أمثال 16: 2) 🤍

سلام ، هدوء ، طمأنينة ، تعزية ، راحة بال *من الرب نطلب أمين*🙏🏻🤲🙏🏻🤲

رساله ربنا ليك ليوم الجمعه 🥺🍓💫🌸🥹 بلاش تبكي على الخسارة الأرضية، وبلاش تزعل لو لقيت نفسك في مكان جديد أو شغل جديد وحاسس بالغربة والوحدة وسط دنيتك ديلوقتي أنا رتبت المشهد ده بدقة وحب عشان أطلعك من البيئة الضيقة وأفتحلك طاقات نجاح ورزق وتوفيق مكنتش تتخيلها أبدًا في حياتك بالكامل حسابات البشر الضيقة افتكروك رخصت وضعت، لكن حساباتي أنا رفعت قيمتك وكتبت اسمك في سفر البركة والستر العاتي اللي ملوش آخر امشي بثقة وراسك مرفوعة وثق في أمانتي ومحبتي الكبيرة ليك، والفرج خلاص على الأبواب وهيغير حياتك لأحسن وأجمل حال واطمن «فَبَاعُوا يُوسُفَ لِلإِسْمَاعِيلِيِّينَ بِعِشْرِينَ مِنَ الْفِضَّةِ». (تَكْوِين ٣٧ : ٢٨)

وعد الله لك اليوم ✍️📖♥️ الجمعه ٢٤يوليو ٢٠٢٦ م ١٦ ابيب ١٧٤٢ ش «هذِهِ هِيَ وَصِيَّتِي : أَنْ تُحِبُّوا بَعْضُكُمْ بَعْضًا كَمَا أَحْبَبْتُكُمْ. لَيْسَ لأَحَدٍ حُبٌّ أَعْظَمُ مِنْ هذَا: أَنْ يَضَعَ أَحَدٌ نَفْسَهُ لأَجْلِ أَحِبَّائِهِ.» (يوحنا ١٥: ١٢–١٣) 🌹📖🌹 “مقياس المحبة ليس أن نموت من أجل أصدقائنا فقط، بل أن نحيا كل يوم من أجل خيرهم.” — القديس يوحنا ذهبي الفم 🌷🤲🌷 محبة المسيح ليست مجرد مشاعر أو كلمات، بل هي عطاء وبذل حتى النهاية. لقد أحبنا الرب يسوع أولًا، وبلغت محبته ذروتها على الصليب، حيث بذل نفسه لأجل خلاصنا. لذلك فهو يدعونا أن تكون محبتنا عملية، تُترجم إلى غفران، وخدمة، واحتمال، وتضحية من أجل الآخرين. 🤗🫶👌 قد لا يُطلب منا أن نموت من أجل أحد، لكن الرب يدعونا كل يوم أن نضع ذواتنا، فنترك الأنانية، ونحتمل ضعف إخوتنا، ونقدم وقتنا واهتمامنا ومحبتنا بلا انتظار مقابل. حينئذٍ تصبح حياتنا صورة حية لمحبة المسيح، ويعرف العالم أننا تلاميذه لأن لنا المحبة بعضنا لبعض. 😇🤗🩵 يا رب يسوع، علّمني أن أحب كما أحببتني، وأن أبذل نفسي في خدمة الآخرين بمحبة وفرح، واجعل قلبي يشبه قلبك المملوء رحمة وعطاء. آمين.🤲♥️😇🥹

قصه حقيقيه مؤثره جدا 😥 مع ابونا بيشوي كامل يحكيها يقول ♥️ ست فاضلة جتلي وهي بتعيط بحرقة 😢 قالتلي إن ليها جارة غير مسيحية تعبانة جدًا، وعندها سرطان، ودلوقتي بقت في أيامها الأخيرة 🛏️💔 قلتلها: مراحم ربنا واسعة، وجسد الإنسان ضعيف 🙏🏻 قالتلي: بس هي نفسها تشوف😔 قلتلها: مين قالك كده؟ قالتلي: هي اللي طلبت مني أجيبك 👈🏻 قلتلها: هي تعرفني؟ قالت: أيوه، تعرفك بالاسم. قلتلها: إزاي؟ قالت: ماعرفش، بس هي فعلًا تعرفك 🤷🏻‍♀️ قلتلها: لما يجي وقت مناسب هاروح أزورها 🕊️ عدّى أسبوع، وكنت مشغول جدًا ⏳ وبعدها قابلتني الست الفاضلة دي مرة تانية وهي بتترجاني 🥹🙏🏻 وقالت: ليه ماجتش؟ المريضة مستنياك على نــ..ـار، وحالتها بتسوء جدًا 😢💔 قلتلها: أعملها إيه؟ أنا حاسس إني مكتوف الإيدين إزاي أروح بيت غير مسيحي؟ وليه جوزها ماجاش بنفسه يعزمني على بيته؟ 🤔😳 قالتلي: جوزها شغال مدير قطاع في المحلة الكبرى ومعظم الوقت برا الإسكندرية، وبييجي كل كام يوم ظروفه صعبة، لكن ظروفها أصعب 💔 وعلى أي حال، هي كانت بتكلمني عن زيارتك وهو موجود، وماعترضش خالص، بالعكس قال: أهلًا وسهلًا في أي وقت قدّام إلحاح الأخت دي، اضطريت أروح معاها أزور جارتها دخلنا البيت، وهي فتحت باب الشقة، لأن المريضة كانت مديالها المفتاح ،عشان هي ملازمة السرير ومش قادرة تقوم تفتح لحد. أول ما دخلت الشقة، اتصدمت من ريحة وحشة جدًا، ماتتطاقش طالعة من جوه البيت... تماسكت بالعافية ودخلت الأوضة اللي فيها السيدة المريضة كانت ست في الخمسينات من عمرها، ورغم تعبها الشديد، كان شكلها جميل وعرفت إنها من سنة كانت عاملة عملية استئصال للثديين وبعدها خدت علاج بالأشعة، فجلدها اتحرق، والريحة الوحشة كانت طالعة من جراحها المتقيحة 💔 قعدت جنبها وسلمت عليها، فقامت تبوس إيدي ودموعها مالية عينيها 😭 كلمتها بكام كلمة بسيطة عن مراحم ربنا وعن تجربة أيوب الصديق، وهي كانت سامعة في صمت تام وبعد ما خلصت كلام، طلبت من الأخت اللي معايا ومن بنتها يسيبونا لوحدنا خمس دقايق وأول ما بقينا لوحدنا، انفجرت في عياط مرير جدًا 😭💔 عياط عمري ما شفت زيه... حاولت أهديها لحد ما قدرت تتكلم شوية.. وفجأة قالتلي: ياأبي...أنامسيحية الكلمات دي نزلت عليّا زي الصاعقة ⚡😳 وبدأت تحكي قصتها وهي مكسورة جدًا 💔 قالتلي: أنا أخت الدكتور فلان. ولما كان عندي 16 سنة، أبويا جوّزني لرجل لبناني عنده خمسين سنة، وكان جواز فاشل جدًا... وبعد كده اتأثرت بصحبة وحشة، وتركت البيت 😔 وبعدين اتجوزت جوزي المسلم. لكن يسوع ما غابش يوم واحد عن قلبي ✝️❤️ ولا صليبه غاب عن فكري أبدًا. وقالتلي وهي بتعيط:أنا أنجبت ولدين 👦🏻👦🏻 وعمّدتهم في السر ✝️ وربيتهم على الإيمان المسيحي 🙏🏻 ودلوقتي هما عايشين في الخارج حياة مسيحية فعلًا ✝️ أما أنا... فها أنا بموت 😢وأستاهل أكتر من كده، لأني أنكرت إيماني وبعدت...💔 وبعد كده بصّتلي بدموع وانكسار وقالت في حزن شديد : هو بعد كل ده لسه فيه رجاء؟ ممكن ربنا يسامحني ويقبلني 🥺 في اللحظة دي، لساني اتحرك بكلمات تعزية من عند ربنا 🙏🏻 وكلمتها عن اللص اليمين ✝️ وعن رحمة الله اللي تقدر تخلّص الإنسان لآخر نفس وعن إن ربنا يقبل كل تائب راجع له بقلب صادق.. وفجأة، وشها نور 😊 وقالتلي: أنا واثقة إن الرب هيقبلني 🤍 فهل ممكن تناولني؟ أنا محرومة من التناول بقالى أكتر من تلاتين سنة 🍞🍷 حطيت عليها الصليب ✝️ وحللتها ووعدتها إني أناولها تاني يوم بإذن ربنا 🌅 وصليت إن ربنا يديها عمر للغد وفي الصباح ، صليت القداس ⛪ وبعد كده رحتلها، فلقيتها مستنياني بشوق كبير 🕊️ وأول ما دخلت عليها، غمّضت عينيها وقالت: مبارك الآتي باسم الرب ✨🙏🏻 صليت...وناولتها 🍞🍷✝️ وعمري ما شفت فرح على وش حد بالشكل ده 😊🤍 كان فرح سماوي حقيقي... وبعدها بساعات قليلة، طلعت نفسها للذي أحبها وخلصها 🕊️ وراحت للمسيح في الهزيع الأخير ✝️🤍 المجد ليك وحدك يا سيدي يسوع المسيح... آمين 🙏🏻✝️🤍

*انا مسيحي ... انا مسيحي 🤍✝️* *عيد استشهاد الطفل ڪيرياڪوس وام يوليطة🤍*

*"مَاذَا لَوْ أَخْجَلَكَ اللَّهُ بِحُبِّهِ؟! 🤍✝️* لما تكتشف إن ربنا قابل ضعفك بالرحمة، وخطيتك بالغفران، وكسرك بالاحتواء… ساعتها هتفهم إن مفيش حب على الأرض يشبه حبه، ومفيش قلب يقدر يحتويك زيه."♥️🫂

*اطـــمــن ... ربنا مش ناسيك ودايماً بيختار الصالح ليك وعمره ما شال عينه من عليك يـا حــبــيــب ابوك 😍♥️♥️*