Federal Ethics And Anti- Corruption Commission

የቀድሞ የቪቶል ነዳጅ ነጋዴ በሙስና ወንጀል የአራት ዓመት እስራት ተፈረደበት ***** (ፌ.ሥ.ፀ.ሙ.ኮ መስከረም 9/2019 ዓ.ም አዲስ አበባ) በቪቶል የነዳጅ ንግድ ኩባንያ ይሠራ የነበረው ጃቪየር አጊላር በኢኳዶርና በሜክሲኮ ባለሥልጣናትን በመደለል የንግድ ውሎችን ለማግኘት በፈጸመው የሙስና ድርጊት በዩናይትድ ስቴትስ የአራት ዓመት እስራት ተፈረደበት። አጊላር ከ2015 እስከ 2020 ድረስ ከ1 ሚሊዮን ዶላር በላይ በጉቦ በማውጣት፣ ለቪቶል ከ500 ሚሊዮን ዶላር በላይ ዋጋ ያላቸውን የነዳጅና የጋዝ ንግድ ውሎች ለማስገኘት መሥራቱን የዩኤስ የፍትሕ መምሪያ ገልጿል። ይህም ጉቦ በመክፈል የመንግሥት የንግድ ውሳኔዎችን በመጠምዘዝ ትርፍ ለማግኘት የተፈጸመ የሙስና ድርጊት እንደነበር ተገልጿል። አጊላር በባለሥልጣናት ላይ የጉቦ መስጠት ድርጊትን ለመፈጸም መመሳጠር እና ያለአግባብ ገንዘብን ለመደበቅና ለማስተላለፍ መመሳጠር በሚሉ ክሶች በብሩክሊን ፌዴራል ፍርድ ቤት ጥፋተኝነቱ ተላልፎበታል። የአሜሪካ አቃቤ ሕጎች የ12 ዓመት እስራት እንዲጣልበት ቢጠይቁም፣ ፍርድ ቤቱ የአራት ዓመት እስራት፣ ከ7 ሚሊዮን ዶላር በላይ የሚገመት የሙስና ወንጀል የገንዘብ ውርስ እና 100 ሺህ ዶላር ቅጣት ወስኗል ተብሏል። በተያያዘ ጉዳይ ቪቶል በ2020 በብራዚል፣ በሜክሲኮና በኢኳዶር ላሉ ባለሥልጣናት ጉቦ መስጠቱን አምኖ፣ በአሜሪካና በብራዚል የተካሄዱትን ምርመራዎች ለመፍታት 164 ሚሊዮን ዶላር ከፍሏል። የአጊላር ጉዳይ በላቲን አሜሪካ ከመንግሥት ኩባንያዎች የንግድ ውሎችን ለማግኘት ባለሥልጣናትን በጉቦ መደለልን በተመለከተ በዩኤስ የፍትሕ መምሪያ ከተካሄደው ሰፊ ምርመራ አካል ነው። አጊላር የእስራት ጊዜውን ከጨረሰ በኋላ ወደ ሜክሲኮ እንደሚመለስ መገለጹን ሮይተርስ ዘግቧል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

ካቢኔው በሥነ-ምግባርና የፀረ-ሙስና ኮሚሽን አደረጃጀት ላይ በመወያየት ውሳኔ አሳለፈ ***** (ፌ.ሥ.ፀ.ሙ.ኮ መስከረም 8/2019 ዓ.ም አዲስ አበባ) የድሬዳዋ አስተዳደር ካቢኔ በዛሬው ዕለት ባካሄደው መደበኛ ስብሰባ በተለያዩ ጉዳዮች ላይ ተወያይቶ ውሳኔ አስተላልፏል። 1ኛ, ካቢኔው በቀዳሚነት ለልማት ለሚለቀቅ መሬት ለሚነሳ ቅሬታ የአቤቱታና ይግባኝ ሰሚ አካል ማቋቋም ላይ ተወያይቶ ውሳኔ አስተላልፏል። ይህ አሰራር በልማት ምክንያት መሬታቸውን በሚለቁ ነዋሪዎች ላይ የሚነሱ ቅሬታዎችን በግልጽነትና በፍጥነት ለመፍታት ከፍተኛ ጠቀሜታ ይኖረዋል። 2ኛ, ካቢኔው በመቀጠልም የቋሚ ንብረት ታክስ /property tax/ አፈጻጸም ረቂቅ ደንብ ላይ በስፋት በመወያየት ለውሳኔ ወደ አስተዳደሩ ምክር ቤት ልኳል። ረቂቁ የአስተዳደሩን የውስጥ ገቢ የመሰብሰብ አቅም በከፍተኛ ደረጃ በማሳደግ ራሱን የቻለ ጠንካራ የፋይናንስ ምንጭ ይፈጥራል። 3ኛ:- የወጣቶች ስብዕና መገንቢያ ማዕከላት የተቀናጀ የዘላቂነት አስተዳደርና የአገልግሎት ማሻሻያ ፓይለት ትግበራ ፕሮጀክት ላይ በመወያየት ውሳኔ አስተላልፏል። ማዕከላቱ ጥራታቸውን ጠብቀው በዘላቂነት እንዲሰሩ በማድረግ ወጣቶች በክህሎትና በእውቀት የሚበለጽጉበትን ምቹ ሁኔታ ይፈጥራል። በተጨማሪም ወጣቱ ትውልድ በበጎ ሥነ-ምግባር ታንጾ፣ ከአልባሌ ሱሶች የራቀና ለሀገር የሚጠቅም አምራች ዜጋ ሆኖ እንዲያድግ ያግዛል። 4ኛ, የሥነ-ምግባርና የፀረ-ሙስና ኮሚሽን አደረጃጀት ላይ በመወያየት ውሳኔ አስተላልፏል። የሌብነትና የብልሹ አሰራር ምንጮችን ከስራቸው በማድረቅ የመንግስትንና የህዝብን ሃብት በአግባቡ ለመጠበቅ ያስችላል። 5ኛ, የመሬትና መሬት ነክ አስቸኳይ ጉዳዮች ላይ በመወያየት ውሳኔ አስተላልፏል። ከመሬት አቅርቦትና አስተዳደር ጋር ተያይዘው የሚስተዋሉ የአገልግሎት መጓተቶችንና ህገ-ወጥ ድርጊቶችን በአስቸኳይ ለመፍታት እና ጥራት ያላቸው ኢንቨስትመንቶችን ወደ አስተዳደሩ ለመሳብ በሚያስችሉ ጉዳዮች ዙሪያ ካባኔው ተወያይቶ ውሳኔ አስተላልፏል። 6ኛ, በመጨረሻም ካቢኔው "መሶብ ድሬ"ዲጂታል አገልግሎት መስጫ በአስተዳደሩ በየወረዳዎች ቀልጣፋ አገልግሎት እንዲሰጥ ለማስቻል የማስፋት ስራ ላይ ተወያይቶ ውሳኔ አስተላልፏል። ይህ አሰራር የአስተዳደሩን የቴክኖሎጂ አጠቃቀም በማዘመን የህዝብ አገልግሎት አሰጣጥን ወደ ላቀ ዲጂታል ደረጃ የሚያሸጋግር ሲሆን ነዋሪዎች ረጅም ሰልፍና እንግልት ሳይገጥማቸው በየወረዳቸው ቀልጣፋ፣ ፍትሃዊና ከሙስና የጠራ አገልግሎት እንዲያገኙ እንደሚያደርግ የከተማው የመንግስት ኮሚኒኬሽን ጉዳዮች ቢሮ አስታውቋል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

በሥልጣን ወይም በኃላፊነት መነገድ የሙስና ወንጀል **** ሙስና የሕግ የበላይነትንና መልካም አስተዳደርን የሚያዳክም፣ የሕዝብን እምነት የሚጎዳ እና የአገርን ማኅበራዊና ኢኮኖሚያዊ ዕድገት የሚያደናቅፍ ወንጀል ነው። ሙስናን ለመከላከልና ለመቆጣጠርም ኢትዮጵያ የሙስና ወንጀሎች አዋጅ ቁጥር 881/2007ን አውጥታለች። አዋጁ ከደነገጋቸው የሙስና ወንጀሎች መካከል “በሥልጣን ወይም በኃላፊነት መነገድ” በአንቀጽ 16 የተደነገገ ወንጀል ነው። በሥልጣን ወይም በኃላፊነት መነገድ የሙስና ወንጀል ምንድነው? በሥራ ወይም በኃላፊነት የተገኘን ሥልጣን፣ ተፅዕኖ ወይም ተሰሚነት በመጠቀም ለራስ ወይም ለሌላ ሰው ተገቢ ያልሆነ ጥቅም ለማስገኘት ጥቅም መጠየቅ፣ መቀበል ወይም መስጠት የዚህ ወንጀል አካል ነው። ይህም ከሥራ ደረጃ፣ ሹመት፣ ሽልማት፣ የአገልግሎት ዋጋ፣ ውል፣ ጨረታ ወይም ሌላ የሕዝብ ጥቅም ጋር በተያያዘ ውሳኔ እንዲሰጥ ወይም እንዲለወጥ ተፅዕኖ ለማሳደር ሕገ-ወጥ ጥቅም መጠየቅን ወይም መቀበልን ያካትታል። በተጨማሪም አንድ ሰው ተፅዕኖ የማሳደር አቅም እንዳለው በመግለጽ ወይም ሌሎችን በማሳመን ተገቢ ያልሆነ ጥቅም መጠየቅ፣ መቀበል፣ መስጠት ወይም ቃል መግባትም በሕግ የተከለከለ ነው። በሥልጣን ወይም በኃላፊነት መነገድ የሙስና ወንጀል የሚያስከትለው ተጠያቂነት በአዋጅ ቁጥር 881/2007 አንቀጽ 16 መሠረት፣ በዚህ ወንጀል ጥፋተኛ የተባለ ሰው እንደወንጀሉ ሁኔታ ከ1 ዓመት እስከ 10 ዓመት ጽኑ እስራትና ከ3,000 እስከ 60,000 ብር መቀጮ ሊቀጣ ይችላል። የወንጀሉ ዓላማ፣ የተገኘው ጥቅም መጠን፣ የጥፋተኛው የሥልጣን ደረጃ እና በግለሰብ፣ በመንግሥት ወይም በሕዝባዊ ድርጅት ላይ የደረሰው ጉዳት ከፍተኛ ሲሆን፣ ቅጣቱ ሊከብድ ይችላል። ሁለት ወይም ከዚያ በላይ የማክበጃ ምክንያቶች ተደራርበው ሲገኙ ደግሞ ከ10 እስከ 25 ዓመት ጽኑ እስራትና ከ10,000 እስከ 200,000 ብር መቀጮ ሊደርስ ይችላል። በአጠቃላይ፣ በሥልጣን ወይም በኃላፊነት መነገድ የሕዝብን እምነትና የተቋማትን ታማኝነት የሚጎዳ የሙስና ወንጀል ነው። ስለሆነም ሙስናን መከላከል የመንግሥት ተቋማት ብቻ ኃላፊነት አይደለም። ሕገ-ወጥ ጥቅም መጠየቅ፣ መቀበል ወይም ማስገኘት የሙስና ወንጀል ነው። በመሆኑም፣ ዜጎች የሙስና ተግባርን ሲያዩ ወይም ሲያውቁ መረጃና ማስረጃን መሠረት በማድረግ ጥቆማ በመስጠት የሙስና ትግሉን ይደግፉ! ሙስናን በጋራ እንከላከል፤ የሕዝብን እምነትና የአገርን ጥቅም እንጠብቅ!! ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

የኤጀንሲው የቀድሞ ኃላፊ በ8.49 ሚሊዮን ዶላር የሙስና ወንጀል 14 ዓመት ተፈረደባቸው ******* (ፌ.ሥ.ፀ.ሙ.ኮ መስከረም 6/2019 ዓ.ም አዲስ አበባ) የቻይና ፍርድ ቤት በአሁኑ ወቅት አገልግሎቱ የተቋረጠውን የቻይና የምግብና የመድኃኒት አስተዳደር (CFDA) የቀድሞ ኃላፊ ቢ ጂንግኳን በሙስና ወንጀል የ14 ዓመታት እስራት እንዲቀጡ ወስኗል። በምስራቃዊቷ ሻንዶንግ ግዛት የሚገኘው ፍርድ ቤት ባወጣው መግለጫ፣ ቢ ጂንግኳን ከ1995 እስከ 2025 ባለው ጊዜ በተለያዩ የሥራ ኃላፊነቶች ላይ በነበሩበት ወቅት፣ ከ57 ሚሊዮን ዩዋን (8.49 ሚሊዮን ዶላር) በላይ የሚገመት ገንዘብና ንብረት በሕገ-ወጥ መንገድ መቀበላቸውን ገልጿል። ፍርድ ቤቱ በውሳኔው እንዳስታወቀው፣ ቢ ጂንግኳን ለተለያዩ ተቋማትና ግለሰቦች በንግድ ሥራ፣ በአስተዳደራዊ ፈቃድና በፕሮጀክት አፈጻጸም ጉዳዮች ላይ ድጋፍ በማድረግ ጉቦ ተቀብለዋል ብሏል። ቢ ጂንግኳን በ2015 መጀመሪያ ላይ የCFDA ኃላፊ ሆነው የተሾሙ ሲሆን፣ ይህም መንግሥት የአገሪቱን የመድኃኒት ግምገማ ሥርዓት ለማሻሻል ሰፊ ለውጥ ከጀመረበት ጊዜ ጥቂት ወራት በፊት እንደነበር አመላክቷል። ቢ እ.ኤ.አ. በ2018 ከባድ የክትባት ቅሌት ተከትሎ በተፈጠረው ውዝግብ ምክንያት ከኃላፊነታቸው የለቀቁ ሲሆን፤ በኋላም በፍርድ ቤት ፊት ጥፋታቸውን አምነው መጸጸታቸውን መግለጻቸውን ፍርድ ቤቱ ማስታወቁን ገልጾ ሮይተርስ ዘግቧል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

በመልካም ሥነምግባር የታነጸ ትውልድ በጋራ እንገንባ! ******* ትምህርት እውቀትና ክህሎትን ከማስጨበጥ ባለፈ፣ ብቁ፣ ታማኝ፣ ኃላፊነት የሚሰማውና ለሀገሩ የሚተጋ ትውልድ የሚገነባበት የሀገር ግንባታ መሠረት ነው። በመሆኑም የ2019 ዓ.ም. የትምህርት ዘመን ተማሪዎች በእውቀት እንዲበለጽጉ ብቻ ሳይሆን፣ በመልካም ሥነምግባርና በሀገራዊ እሴቶች የሚታነጹበት ዘመን እንዲሆን ሁላችንም የበኩላችንን ሚና ልንወጣ ይገባል። የዛሬ ተማሪዎች የነገ ሀገር ተረካቢዎች ናቸው። ስለሆነም በትምህርት ዘመኑ በትጋት በመማር፣ እውቀትና ክህሎታቸውን በማዳበር፣ ታማኝነትን፣ ኃላፊነትን፣ ሕግ አክባሪነትንና ሌሎች መልካም እሴቶችን በተግባር በማዳበር ለራሳቸውም ሆነ ለሀገራቸው የተሻለ ነገ መገንባት ይገባቸዋል። የነገ ሀገራችን አቅጣጫና እድገት በዛሬው ትውልድ የእውቀት፣ የክህሎትና የሥነምግባር ግንባታ ላይ ይመሠረታል። ይህን የትውልድ ግንባታ ለማሳካት የቤተሰብ ሚና ወሳኝ ነው። ልጆች መልካም ሥነምግባርን ከሚነገራቸው ቃል ብቻ ሳይሆን፣ በየዕለቱ ከሚመለከቱት ተግባር ይማራሉ። ወላጆችና ቤተሰብ ታማኝነትን፣ ሀላፊነትን፣ ሌሎችን ማክበርንና በአግባቡ መኖርን በተግባር በማሳየት ለልጆቻቸው ጥሩ አርአያ መሆን ይገባቸዋል። መምህራን ደግሞ እውቀትን ከማስተላለፍ ባለፈ የተማሪዎችን አመለካከትና ሥነምግባር በመቅረጽ የነገን ትውልድ የሚያንጹ የትውልድ መሪዎች ናቸው። በሙያዊ ብቃት፣ በፍትሐዊነት፣ በታማኝነትና በኃላፊነት በመምራት ለተማሪዎቻቸው ተጨባጭ አርአያ መሆን፣ እንዲሁም በትምህርትና በሥነምግባር የታነጸ ትውልድ ለመገንባት የሚያበረክቱትን አስተዋፅኦ ማጠናከር ይገባል። የትምህርት ተቋማትም እውቀት የሚሰጥባቸው ብቻ ሳይሆኑ፣ መልካም ሥነምግባር፣ ታማኝነት፣ ኃላፊነትና የጋራ እሴቶች የሚለማመዱባቸው የትውልድ መገንቢያ ሥፍራዎች ሊሆኑ ይገባል። የተማሪዎች፣ የቤተሰብ፣ የመምህራንና የትምህርት ተቋማት የተቀናጀ ጥረት በእውቀት የበለጸገ፣ በሥነምግባር የታነጸና የሀገርን ኃላፊነት በአግባቡ ለመረከብ የተዘጋጀ ትውልድ ለመገንባት ወሳኝ ነው። ስለሆነም፣ ሁላችንም በእውቀትና በክህሎት የበለጸገ፣ በመልካም ሥነምግባር፣ በታማኝነትና በኃላፊነት የታነጸ ትውልድ ለመገንባት የበኩላችንን ሚና በተግባር ልንወጣ ይገባል። ተማሪዎች በትጋት በመማርና መልካም እሴቶችን በተግባር በመኖር፣ ቤተሰብ በመልካም አርዓያነት፣ መምህራን በእውቀትና በሥነምግባር በመምራት፣ የትምህርት ተቋማትም ተስማሚ የመማሪያና የሥነምግባር አካባቢ በመፍጠር የየበኩላቸውን ሊወጡ ይገባል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

100 ሺህ ተከታዮች፤ የጋራ ተሳትፎ ድል! *** የፌዴራል የሥነምግባር እና የፀረ-ሙስና ኮሚሽን የፌስቡክ ገጽ ተከታዮች ቁጥር 100 ሺህ ተሻግሯል፤ የጉዞአችን አካል ሥለሆናችሁ እናመሰግናለን!! ይህ ቁጥር የተከታዮች ብዛት ብቻ ሳይሆን፣ በትውልድ ሥነምግባር ግንባታ፣ በፀረ-ሙስና ትግል፣ በህግ ማስከበር ዙሪያ የሚደረገውን የጋራ ጥረት የሚያመላክት አንድ ትልቅ ምዕራፍ ነው። በፌስቡክ፣ በቴሌግራም፣ በዩትዩብ፣ በኤክስ እና በቲክቶክ የምናጋራቸው መረጃዎችና መልዕክቶች የኮሚሽኑን ሥራ ለህብረተሰቡ በቀላሉና በተከታታይ ለማድረስ ብቻ ሳይሆን፣ ህብረተሰቡ የሥነምግባር ግንባታንና የፀረ-ሙስና ትግሉን የራሱ አድርጎ እንዲሳተፍ የሚያስችሉ የግንኙነት መድረኮች ናቸው። ሙስናን መታገል የአንድ ተቋም ብቻ ኃላፊነት አይደለም፤ የሁላችንም የጋራ ተልዕኮ ነው። ስለዚህ በዲጂታል ሚዲያ የምንፈጥረው ግንዛቤ፣ የምንለዋወጠው መረጃ፣ የምንሰጠው ሀሳብ እና የምናደርገው ተሳትፎ ሁሉ የበለጠ ታማኝ፣ ፍትሐዊና ተጠያቂ ማህበረሰብ ለመገንባት የራሱ አስተዋፅዖ አለው። 100 ሺህ ተከታዮች መድረሳችን የጉዞው መጨረሻ ሳይሆን፣ የበለጠ ለመሥራት፣ የበለጠ ለመድረስና የበለጠ ለማሳተፍ አዲስ መነሻ ነው። በቀጣይም የዲጂታል መድረኮቻችንን በተሻለ ሁኔታ በመጠቀም፣ ግልፅ፣ ተደራሽና ተዓማኒ መረጃን በማቅረብ፤ የህብረተሰቡን ድምፅ፣ ሀሳብና ተሳትፎ በማጠናከር የትውልድ ሥነምግባር ግንባታንና የፀረ-ሙስና ትግሉን አብረን እናጠናክራለን። 100 ሺህ ተከታዮች፣ 100 ሺህ ድምፆች፤ አንድ የጋራ አላማ!! የዚህ ጉዞ አካል ለሆናችሁ፣ መልዕክቶቻችንን ለምትከታተሉ፣ ለምታጋሩ፣ ሀሳብና አስተያየታችሁን ለምታካፍሉ እና የፀረ-ሙስና ትግሉን በተግባር ለምትደግፉ ሁሉ፤ ከልብ እናመሰግናለን። አብረን ትውልድን በሥነምግባር እንገንባ፣ አብረን በሁሉም ዘርፍ እንሳተፍ፣ አብረን ሙስናን እንታገል!! ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

የእግር ኳስ ፌዴሬሽን ፕሬዚዳንቱ በከባድ የሙስና ወንጀል ክስ ተመሠረተበት ****** (ፌ.ሥ.ፀ.ሙ.ኮ መስከረም 01/2019 ዓ.ም አዲስ አበባ) የካሜሩን እግር ኳስ ፌዴሬሽን ፕሬዚዳንት ሳሙኤል ኢቶ ከሩሲያ ወደ ግል የባንክ ሂሳባቸው የተላከ ከ500,000 ዩሮ በላይ ገንዘብን በተሳሳተ መንገድ ተጠቅሟል በሚል መከሰሱን የፊፋ ሕጋዊ ሰነዶች ይፋ አደረጉ። ኢቶ ለብልሹ አሰራር እና ለገንዘብ ምዝበራ ውንጀላ መጋለጡን የፊፋ የፍርድ ቤት መዝገቦች እና ሕጋዊ ሰነዶች ይፋ ማደረጉ ተገልጿል። በክሱ ወደ ኳታር ብሔራዊ ባንክ የግል የባንክ ሂሳባቸው ሁለት የተያዩ ክፍያዎች ቀጥታ እንዲገቡ የተደረጉበት ደረሰኞች በክስ ሰነዱ ላይ መቅረባቸው ተመላክቷል። ይህ ገንዘብ ለምን ዓላማ እንደዋለ እና ወደ ግል ሂሳብ እንዲገባ የተደረገበት ሕጋዊ ምክንያት ምን እንደሆነ ግልጽ አለመሆኑ ክሱን ጠንካራ ያደርገዋል ተብሏል። የፊፋ ፕሬዚዳንት ጃኒ ኢንፋንቲኖ ቅርብ ወዳጅ የሆነው ኢቶ ስሙ የተነሳው ፊፋ ሊተገብረው አቅዶት በነበረውና በኋላ ላይ በተሰረዘው የዓለም ዋንጫ ሽያጭ ዕቅድ ጋር በተያያዘ በቀረበ የፍርድ ቤት መዝገብ ላይ ነው። በአሁኑ ወቅት የአፍሪካ እግር ኳስ ኮንፌዴሬሽን (ካፍ) የሥራ አስፈጻሚ ኮሚቴ አባል የሆነው ሳሙኤል ኢቶ ከተፈጸሙት የገንዘብ ዝውውሮች ጋር በተያያዘ ጠንከር ያለ የሕግ እና የመልካም አስተዳደር ጥያቄዎችና ምርመራዎች ከፊቱ መደቀኑን ዘ ታይምስ ዋቢ አድርጎ ሌኪፕ ዘግቧል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

ኮሚሽነር ሳሙኤል ኡርቃቶ (ፒ.ኤች.ዲ) ለአዲስ ዓመት የእንኳን አደረሳችሁ መልዕክት አስተላለፉ **** የፌዴራል የሥነምግባር እና የፀረ-ሙስና ኮሚሽን ኮሚሽነር ሳሙኤል ኡርቃቶ (ፒ.ኤች.ዲ.) የ2019 ዓ.ም አዲስ ዓመትን አስመልክቶ የእንኳን አደረሳችሁ መልዕክት አስተላልፈዋል። ኮሚሽነሩ በመልዕክታቸው፣ አዲስ ዓመት አዲስ ተስፋንና ሕልምን ይዘን፣ የተሻለ ነገን ለመገንባት አዲስ ጉልበትና ቁርጠኝነት የምንሰንቅበት ወቅት ነው። ያለፈውን በመገምገም፣ የወደፊቱን በማሰብና በጋራ በመሥራት ለሀገራችን የተሻለ አቅጣጫ የምንይዝበትም ጊዜ ነው። የተሻለች ኢትዮጵያን መገንባት ግን ከእያንዳንዳችን አስተሳሰብና የዕለት ተዕለት ተግባር ይጀምራል። በታማኝነት መሥራት፣ ሕግን ማክበር፣ የሕዝብን ጥቅም ማስቀደም፣ ሙስናን አለመታገስና የተሰጠንን ኃላፊነት በተጠያቂነት መወጣት ለምንመኛት ኢትዮጵያ የምንከፍለው የየዕለት ዋጋ ነው። የሥነምግባር ባህልን ማጎልበትና ሙስናን መከላከል የአንድ ተቋም ብቻ ኃላፊነት ሳይሆን የሁላችንም የጋራ ሀገራዊ ኃላፊነት ነው። በመሆኑም፣ በአዲሱ ዓመት የታማኝነትን፣ የተጠያቂነትንና የሕዝብ ጥቅምን የማስቀደም እሴቶችን በተግባር በማጠናከር፣ ሙስናን በጋራ በመከላከል የሀገራችንን የልማት ጉዞ ማፋጠን ይገባናል። ይህንን ጉዞ ዘላቂ ለማድረግ ደግሞ የነገ ሀገር ተስፋ የሆነውን ትውልድ በእውቀት፣ በክህሎትና በመልካም ሥነምግባር ማነፅ የሁላችንም የጋራ ኃላፊነት ነው። ዛሬ የምንሰጠው ትምህርትና የምናሳየው አርዓያነት የነገይቱን ኢትዮጵያ መሠረት ይጥላል። በመሆኑም፣ በመልካም ሥነምግባር የታነፀ፣ ታማኝነትን የሚያከብር፣ ሙስናን የሚፀየፍና ለሀገሩ የሚቆረቆር ትውልድ መገንባት የዛሬው ትውልድ ኃላፊነት ነው። አዲሱ ዓመት ለመላው የኢትዮጵያ ሕዝብ የሠላም፣ የአንድነት፣ የታማኝነት፣ የፍትሕና የብልፅግና ዓመት ይሁንልን። መልካም አዲስ ዓመት!! ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

ለነገ ሀገር መሠረት የሆነ በመልካም ሥነምግባር የታነፀ ትውልድ እንገንባ! ****** የነገ ትውልድ የሚገነባው ዛሬ በምንሰጠው ትምህርት፣ በምንፈጥረው አስተሳሰብና በምናሳየው አርዓያነት ነው። መልካም ሥነምግባር፣ ታማኝነት፣ ኃላፊነትና ሕግን ማክበር የግለሰብ ባህሪያት ብቻ ሳይሆኑ የተቋማት ተዓማኒነትና የሀገር ዘላቂ ልማት መሠረቶች ናቸው። ስለሆነም ሕፃናት እነዚህን እሴቶች ከልጅነታቸው ጀምሮ እንዲያዳብሩ ማድረግ የዛሬ ትውልድ የማይተካ ኃላፊነት ነው። የዚህ ግንባታ መነሻ ቤተሰብ ነው። ወላጆችና አሳዳጊዎች በታማኝነት፣ በፍትሐዊነትና በኃላፊነት በመኖር ለልጆች ተጨባጭ አርዓያ መሆን ይገባቸዋል። ይህ መሠረት በትምህርት ተቋማት ይጠናከራል። ትምህርት እውቀትን ከእሴት ግንባታ ጋር በማጣመር ሕግን የሚያከብሩ፣ የሕዝብን ሀብት የሚጠብቁ፣ ለጋራ ጥቅም ቅድሚያ የሚሰጡና ብልሹ አሰራሮችን የማይታገሱ ዜጎችን ማፍራት ይገባል። ይህም በክፍል ውስጥ ከሚሰጥ ትምህርት ባሻገር በዕለታዊ ተግባርና በአርዓያነት መጎልበት አለበት። በዚህ ሂደት የሃይማኖትና የሚዲያ ተቋማትም ጉልህ ሚና አላቸው። የሃይማኖት ተቋማት ታማኝነትን፣ ሐቀኝነትንና ፍትሕን በማጠናከር ማኅበረሰቡ ከሙስናና ከሌሎች አሉታዊ ድርጊቶች እንዲርቅ ያግዛል። ሚዲያዎች በበኩላቸው ትክክለኛና ተደራሽ መረጃን በቀላል ቋንቋ በማቅረብ፣ በጎ አርዓያዎችን በማስተዋወቅና ሙስና በሀገር ኢኮኖሚና በማኅበራዊ እድገት ላይ የሚያደርሰውን ጉዳት በማሳየት የሕዝብን ግንዛቤ ሊያሳድጉ ይገባል። እነዚህ እሴቶች በተግባር እንዲገለጹ ደግሞ የመንግሥት ተቋማት ምቹ የአሠራር ሁኔታ መፍጠር አለባቸው። ሕጋዊነትን፣ ግልጽነትን፣ ተገቢ ቁጥጥርንና ተጠያቂነትን የሚያረጋግጡ ሥርዓቶችን ማጠናከር ለዚህ ወሳኝ ነው። ሙስናን መከላከልም ድርጊቱ ከተፈጸመ በኋላ በመቅጣት ብቻ ሳይወሰን፣ ሥጋቶችን አስቀድሞ በመለየትና የውስጥ ቁጥጥርን በማጠናከር ላይ ሊመሠረት ይገባል። በዚህ ረገድ የሀብት ምዝገባ ሥርዓት (EARS)፣ ብሔራዊ የሙስና ወንጀል መረጃ ጥቆማ ዲጂታል አሠራር ሥርዓት (NCRS) እና ሌሎች ዲጂታል መፍትሔዎች የመረጃ አያያዝንና ቁጥጥርን በማሻሻል የመከላከል ሥራውን ያጠናክራሉ። የፀረ-ሙስና ትግሉ ውጤታማና ዘላቂ እንዲሆን ደግሞ የፀረ-ሙስና ተቋማት ነፃና ገለልተኛ ሆነው ሊሠሩ የሚችሉበት ሁኔታ መፈጠር አለበት። በሰው ኃይል፣ በበጀትና በቴክኖሎጂ አቅማቸውን ማሳደግ ያስፈልጋል። ተቋማቱ የሙስና ሥጋቶችን በመለየትና በመከላከል፣ የተፈጸሙ የሙስና ወንጀሎችን በሕግና በማስረጃ በመመርመር፣ ተጠያቂነትን በማረጋገጥና በመረጃ በመተባበር የሕግ የበላይነትንና የሕዝብን እምነት ማጠናከር ይገባቸዋል። የሲቪክ ማኅበረሰብ ድርጅቶችም በግንዛቤ ማስጨበጥ፣ በክትትልና በዜጎች ተሳትፎ በኩል የታማኝነት ባህልን ለማስፋፋት የሚጫወቱት ሚና አለ። በተለይም ወጣቶች የወደፊቱ ሀገር ባለቤቶች በመሆናቸው ሙስናን የማይታገስ አመለካከት በማዳበርና የዲጂታል አቅማቸውን በመጠቀም በፀረ-ሙስና ትግሉ ንቁ ተዋናዮች መሆን ይገባቸዋል። መላው ሕብረተሰብም የሙስና ድርጊት ሲያይ ወይም ተጨባጭ መረጃና ማስረጃ ሲኖረው በተዘጋጀው የጥቆማ ሥርዓት በኩል ለሚመለከተው አካል ማድረስ ይገባዋል። በዚህም ዜጎች ችግሩን ከመመልከት ባለፈ የመፍትሔው አካል ይሆናሉ። ይህን የጋራ ጥረት ውጤታማና ዘላቂ ለማድረግ ዲጂታል ቴክኖሎጂን በስትራቴጂካዊና ተገቢ መንገድ መጠቀም ወሳኝ ነው። ዲጂታል መድረኮች እውቀትን በፍጥነት ለማዳረስ፣ ወጣቶችን ለማሳተፍና ትክክለኛ መረጃን ለማጋራት እድል ይፈጥራሉ። የመረጃ አሰባሰብና ትንተና ሥርዓቶችም የሙስና ሥጋቶችን ቀድሞ ለመለየት፣ የቁጥጥር አቅምን ለማሻሻልና የዜጎችን ተሳትፎ ለማስፋት ያግዛሉ። በመሆኑም፣ የዲጂታል ኢትዮጵያ 2030 ራዕይን ከተቋማዊ ታማኝነትና ከፀረ-ሙስና ትግል ጋር ማስተሳሰር የወደፊት ዕቅድ ብቻ ሳይሆን የዛሬ ተግባራዊ ኃላፊነት መሆን ይገባዋል። ዲጂታል ሽግግር የሚሳካው ቴክኖሎጂን በማስፋፋት ብቻ ሳይሆን፣ ታማኝነትን፣ ግልጽነትንና ተጠያቂነትን በማጠናከር ጭምር ነው። የነገ ትውልድ የዛሬ ተግባራችን ውጤት በመሆኑ፣ በቤተሰብ የሚጀምረውን መልካም እሴት በትምህርት እናጠናክር፤ በሃይማኖትና በሚዲያ ተቋማት እናስፋፋ፤ በመንግሥትና በሲቪክ ተቋማት እንደግፍ፤ ወጣቶችንና መላውን ሕብረተሰብ በማሳተፍ ሙስናን በጋራ እንከላከል። ዛሬ የምንገነባው የታማኝነትና የመልካም ሥነምግባር ባህል የነገ ትውልድ የሚኮራበት ሀገር መሠረት ይሆናል። መልካም የነገ ቀን! ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡

የኅብረት ቀንን አስመልክቶ በሥራ ቦታ ሥነምግባር ላይ የግንዛቤ ማስጨበጫ ውይይት ተካሄደ ****** (ፌ.ሥ.ፀ.ሙ.ኮ ጷጉሜን 04/2018 ዓ.ም) የፌዴራል የሥነምግባርና የፀረ-ሙስና ኮሚሽን የሥራ ኃላፊዎችና ሠራተኞች የኅብረት ቀንን አስመልክተው በሥራ ቦታ ሥነምግባር ላይ ያተኮረ የግንዛቤ ማስጨበጫ ሥልጠናዊ ውይይት አካሂደዋል። የውይይቱ ዓላማ የኅብረት ቀንን አስመልክቶ የኮሚሽኑን የሥራ ኃላፊዎችና ሠራተኞች በማነቃቃት፣ ለ2019 በጀት ዓመት ውጤታማ ሥራ ለመሥራት የሚያስችል የሥራ መነሳሳት መፍጠር ነው። በመድረኩ የኮሚሽኑ የሙስና መከላከል ዘርፍ ምክትል ኮሚሽነር ክቡር አቶ እሸቴ አስፋው፣ የኮሚሽኑ የሥራ ኃላፊዎችና ሠራተኞች ህብረ-ብሔርነታቸውን በማጠናከር የሥነምግባር ግንባታ፣ የሙስና ቅድመ-መከላከልና ሕግ ማስከበር ሥራዎችን በውጤታማነት መፈጸም እንዳለባቸው ገልጸዋል። እነዚህን ተግባራት ውጤታማ ለማድረግም መልካም ሥነምግባርን መላበስ እንደሚያስፈልግ አቶ እሸቴ አስገንዝበዋል። በኮሚሽኑ የሚስተዋሉ የመልካም አስተዳደር ችግሮችን በመለየትም የውስጥ ኦዲት፣ የሕግ አገልግሎት፣ የተቋማዊ ለውጥ እና የሥነምግባርና ፀረ-ሙስና ሥራ ክፍሎች በእቅዳቸው አካተው በቀጣይ መሥራት እንዳለባቸው አሳስበዋል። የኮሚሽኑ የሥነምግባር ግንባታ ዘርፍ ምክትል ኮሚሽነር ክቡር አቶ ፍቃዱ ሰቦቃ በበኩላቸው፣ የኮሚሽኑ ሠራተኞች ለሥራቸው ታማኝ በመሆን የተሰጣቸውን ተግባር ሥነምግባራዊነትን በመላበስ መፈጸም እንደሚገባቸው ገልጸዋል። በቀጣይም የመልካም አስተዳደር ችግሮችን በማረምና የሥራ ቦታ ሥነምግባርን በማሻሻል የተሰጣቸውን ተልዕኮ ውጤታማ ማድረግ እንደሚገባ አስገንዝበዋል። በመድረኩ በሥራ ቦታ ሥነምግባር ላይ ያተኮረ የግንዛቤ ማስጨበጫ ሥልጠና በኮሚሽኑ የሥነምግባርና ፀረ-ሙስና ሥልጠና መሪ ሥራ አስፈፃሚ አቶ የኃላሸት ደሳለኝ ተሰጥቷል። በመጨረሻም ተሳታፊዎች በሥራ ቦታ ሥነምግባር ዙሪያ ጥያቄዎችን፣ ሀሳቦችንና አስተያየቶችን ያነሱ ሲሆን፣ ለተነሱት ጥያቄዎችም ምላሽና ማብራሪያ ተሰጥቷል። የመድረኩ ማጠናቀቂያ ላይም በተሳታፊዎች የጋራ ውይይትና ስምምነት የተደረሰባቸውን የኮሚሽኑን ተልዕኮ በተሻለ ሁኔታ ለማስፈጸም የሚያግዙ ስድስት ነጥቦችን የያዘ የአቋም መግለጫ ቀርቧል። ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details?id=com.codewaveet.ecis #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን፡፡