Nurobod tumani hokimligi

✈️ Siz ta’tilda bo‘lgan vaqtingizda, xonadoningiz kimning nazoratida? 🔐 Qo‘riqlash departamentining "Aqlli uy" loyihasi bilan barcha nazorat mobil qurilmangizda, xavfsizlik esa professionallar qo‘lida. 🧡@nur_press

Nurobodda xalqaro hamkorlikning yangi bosqichi: Yevropa Ittifoqi va BMT Taraqqiyot dasturi vakillari bilan istiqbolli loyihalar muhokama qilindi Yevropa Ittifoqi hamda BMT Taraqqiyot dasturi (UNDP) vakillari bilan Nurobod tumani hokimi Maxsud Buranovning uchrashuvi bo'lib o'tdi. Uchrashuvda tumanning istiqboldagi rivojlanish yo‘nalishlari, xalqaro hamkorlikni yanada kengaytirish hamda hududni kompleks rivojlantirishga qaratilgan ustuvor loyihalar yuzasidan atroflicha fikr almashildi. Muloqot davomida Nurobod tumanining ijtimoiy-iqtisodiy salohiyati, mavjud imkoniyatlari, investitsiyaviy jozibadorligini oshirish, zamonaviy infratuzilmani shakllantirish hamda aholi turmush sifatini yuksaltirishga xizmat qiladigan istiqbolli tashabbuslar muhokama markazida bo‘ldi. Xalqaro moliyaviy va texnik ko‘mak asosida amalga oshirilishi rejalashtirilayotgan loyihalar, ularning hudud iqtisodiyotiga keltiradigan ijobiy ta'siri, yangi ish o‘rinlari yaratish, tadbirkorlikni rivojlantirish, muhandislik infratuzilmasini modernizatsiya qilish hamda aholi uchun qulay yashash muhitini yaratishga qaratilgan tashabbuslar yuzasidan muhokamalar olib borildi. Tomonlar amalga oshiriladigan loyihalarni sifatli va o‘z vaqtida hayotga tatbiq etish, zarur texnik va tashkiliy masalalarni muvofiqlashtirish, xalqaro ekspertlar bilan samarali hamkorlikni yo‘lga qo‘yish hamda belgilangan vazifalarni bosqichma-bosqich amalga oshirish bo‘yicha tegishli chora-tadbirlar belgilandi. Uchrashuvda ta'kidlanganidek, xalqaro tashkilotlar bilan o‘zaro manfaatli hamkorlikni mustahkamlash, ilg‘or xorijiy tajribalarni hudud rivojiga tatbiq etish hamda ilmiy asoslangan rejalashtirish orqali Nurobod tumanining iqtisodiy salohiyatini yanada yuksaltirish ustuvor vazifalardan biri hisoblanadi. Mazkur uchrashuv Nurobod tumanining barqaror rivojlanishi, zamonaviy infratuzilmaga ega hudud sifatida shakllanishi hamda xalqaro hamkorlikni yangi bosqichga olib chiqish yo‘lidagi muhim qadam bo‘ldi. 🧡@nur_press

Nurobodlik yosh ijodkor Respublika miqyosida munosib e'tirof etildi Yurtimizda iste'dodli yoshlarni qo‘llab-quvvatlash, ularning ijodiy salohiyatini ro‘yobga chiqarish hamda milliy adabiyotimiz rivojiga munosib hissa qo‘shayotgan yosh qalamkashlarni rag‘batlantirish maqsadida har yili an'anaviy tarzda o‘tkaziladigan Respublika yosh ijodkorlarining Zomin seminari bu yil ham yuqori saviyada tashkil etildi. Mazkur nufuzli adabiy anjumanda Nurobod tumanining Chorvador mahallasi yoshlar yetakchisi, iste'dodli shoir Nizomiddin Eshmurodov ham faol ishtirok etib, "Nazm" yo‘nalishi bo‘yicha Samarqand viloyati sharafini munosib himoya qildi. Seminar davomida yosh ijodkorlar taniqli shoir va yozuvchilar bilan ijodiy muloqotlarda qatnashib, she'riyatning zamonaviy yo‘nalishlari, badiiy mahorat sir-asrorlari hamda adabiyotning bugungi taraqqiyot bosqichlari yuzasidan o‘zaro fikr almashdilar. Bu esa ishtirokchilar uchun katta tajriba maktabi bo‘ldi. Nizomiddin Eshmurodovning mazmunan teran, badiiy jihatdan pishiq ijod namunalari seminar ishtirokchilari va ustoz adiblar tomonidan munosib e'tirof etildi. Seminar yakunida u O‘zbekiston Yozuvchilar uyushmasi tomonidan diplom hamda esdalik sovg‘alari bilan taqdirlandi. Ushbu e'tirof yosh ijodkorning izlanishlari, ijodga bo‘lgan sadoqati va kelgusidagi ulkan yutuqlari uchun muhim rag‘bat bo‘ldi. Bu yutuq nafaqat Nizomiddin Eshmurodovning shaxsiy muvaffaqiyati, balki Nurobod tumani yoshlarining ilm-fan, madaniyat va adabiyot sohasidagi salohiyati yuksalib borayotganining yana bir yorqin ifodasidir. 🧡@nur_press

Bolalik kulgusi jaranglayotgan maskan — "Qo‘shchinor" bolalar sog‘lomlashtirish oromgohi Bolalik — inson hayotidagi eng beg‘ubor, eng quvonchli va unutilmas davr. Ayniqsa, yozgi ta'til bolajonlar uchun nafaqat hordiq chiqarish, balki yangi do‘stlar orttirish, iste'dodini namoyon etish va yorqin xotiralar bilan boyish faslidir. Nurobod tumanining so‘lim tabiat bag‘rida joylashgan "Qo‘shchinor" bolalar sog‘lomlashtirish oromgohi ana shunday quvonch va baxt ulashayotgan maskanlardan biridir. Bu yerda har bir kun bolalar uchun yangi taassurot, yangi bilim va yangi imkoniyatlar bilan boshlanadi. Bugungi kunda oromgohda 90 nafar bolajon yozgi ta'tilni mazmunli va maroqli o‘tkazmoqda. Ularning xavfsiz, sog‘lom va mazmunli dam olishi uchun barcha zarur shart-sharoitlar yaratilgan. Oromgohda bolalarning bo‘sh vaqtini samarali tashkil etish maqsadida: 📚 fan va bilim to‘garaklari; 💻 zamonaviy kompyuter xonalari; 📖 kutubxona; ⚽️ sport musobaqalari va sog‘lomlashtirish mashg‘ulotlari; 🎭 sahna ko‘rinishlari; 🎤 musiqiy kechalar; 🇺🇿 milliy o‘yinlar; 🎨 ijodiy, ma'naviy-ma'rifiy hamda intellektual tadbirlar muntazam tashkil etilmoqda. Shuningdek, kitobxonlik kechalari, qiziqarli viktorinalar, davra suhbatlari va ma'naviy uchrashuvlar orqali bolalarda Vatanga muhabbat, milliy qadriyatlarga hurmat, jamoada ishlash madaniyati va mustaqil fikrlash ko‘nikmalari shakllantirilmoqda. Oromgohning musaffo tog‘ havosi, betakror tabiati, shinam yotoqxonalari hamda vitaminlarga boy va sifatli ovqatlanish tizimi bolalarning sog‘lom dam olishi uchun barcha qulayliklarni yaratgan. Malakali tarbiyachilar va mutaxassislar esa har bir bolaning sog‘lig‘i, xavfsizligi va mazmunli hordiq chiqarishiga alohida e'tibor qaratmoqda. Bugun "Qo‘shchinor" bolalar sog‘lomlashtirish oromgohi nafaqat yozgi dam olish maskani, balki bolalar iste'dodi kamol topadigan, orzulari qanot yozadigan, do‘stlik va mehr-oqibat rishtalari mustahkamlanadigan haqiqiy tarbiya va kamolot maskaniga aylangan. Bu yerda bolalar faqat dam olmaydi — ular o‘rganadi, izlanadi, sport bilan shug‘ullanadi, ijod qiladi va eng muhimi, bolalikning eng go‘zal lahzalarini mazmunli o‘tkazadi. "Qo‘shchinor" — bolalar kulgusi jaranglaydigan, quvonch va baxt hukm suradigan maskan! Farzandlarimizning bugungi baxtli bolaligi — ertangi Yangi O‘zbekistonning mustahkam poydevoridir. 🧡@nur_press

Yoshlar taqdiri — doimiy e’tiborda Nurobod tumanida yoshlarni har tomonlama qo‘llab-quvvatlash, ularning muammolarini manzilli hal etish hamda hayotda o‘z o‘rnini topishiga ko‘maklashish borasidagi ishlar izchil davom etmoqda. Shu maqsadda Nurobod tumani prokurori J.Abdixakimov tomonidan mahallalarda otaliqqa olingan hamda og‘ir toifaga kiritilgan yoshlar xonadonlariga tashrif buyurilib, ular bilan individual uchrashuvlar o‘tkazildi. Muloqotlar davomida yoshlarning yashash sharoiti, oilaviy muhiti, bandligi, ta’lim olishi, kasb-hunar egallashi hamda mavjud muammo va ehtiyojlari atroflicha o‘rganildi. Har bir murojaat yuzasidan amaliy yechimlar belgilab olinib, ularni hal etish bo‘yicha mas’ullarga aniq topshiriqlar berildi. Shuningdek, yoshlarni ish bilan ta’minlash, tadbirkorlikka jalb etish, kasb-hunarga o‘qitish va ijtimoiy qo‘llab-quvvatlash yuzasidan tegishli tashkilotlar bilan hamkorlikda manzilli chora-tadbirlarni amalga oshirish vazifalari belgilandi. Har bir yoshning taqdiri va kelajagi davlat siyosatining ustuvor yo‘nalishlaridan biri bo‘lib, og‘ir toifadagi yoshlar bilan manzilli ishlash hamda ularning muammolarini o‘z vaqtida hal etishga qaratilgan tizimli ishlar bundan buyon ham izchil davom ettiriladi. 🧡@nur_press

Oʻzbekiston Respublikasi Prezidenti Shavkat Mirziyoyev Islom dunyosi taʼlim, fan va madaniyat tashkiloti bosh direktori Salim al-Malikni qabul qildi. — Президент Республики Узбекистан Шавкат Мирзиёев принял генерального директора Организации образования, науки и культуры Исламского мира Салима аль-Малика. #Mirziyoyev #qabul #ICESCO #hamkorlik Prezident.uz|Facebook|Instagram|YouTube|X

⚡️ Anchadan buyon IT bilan shug‘ullanishni o‘ylab yuribsiz-u, lekin ishni nimadan boshlashni bilmayapsizmi? Unda ayni vaqti! Joriy yilning 13-iyul kuni School 21 ning Toshkent va Samarqanddagi kampuslarida Ochiq eshiklar kuni bo‘lib o‘tadi! Bu mentorlar, ma’ruzalar va baholarsiz, faqat haqiqiy loyihalar va jamoa bo‘lib ishlash orqali rivojlanishga asoslangan IT bo‘yicha o‘ziga xos ta’lim qanday yo‘lga qo‘yilganiga guvoh bo‘lish uchun ajoyib imkoniyat. 👉 Darhaqiqat, ta’lim mutlaqo bepul. 🧐 Ushbu kunda sizni nimalar kutmoqda? Kampus bo‘ylab sayohat: ishtirokchilar uchun 24/7 ochiq bo‘lgan o‘quv maskanlarimizni ko‘rishingiz mumkin. Ta’lim metodologiyasi bilan tanishuv: «hovuz» nima ekanligini aytib beramiz, platforma qanday ishlashini ko‘rsatamiz va «tengdosh-tengdoshga» (peer-to-peer) formati bilan yaqindan tanishtiramiz. Aynan shu kuni hujjat topshirishingiz ham mumkin, aytgancha, 👀 navbatdagi «hovuz» uchun hujjatlar qabuli 14-iyul kuni yakunlanadi! 📆 13-iyul, 11:00 📍 Toshkentda: Ziyolilar ko‘chasi, 13-uy 📍 Samarqandda: Ibn Sino ko‘chasi, 17A-uy 👉 Bot orqali ro‘yxatdan o‘ting @school21_mainbot __________________ ⚡️ Давно мечтаешь ворваться в IT, но не знаешь, с чего начать? Время пришло! 13 июля в кампусах School 21 в Ташкенте и Самарканде пройдет День открытых дверей! Это идеальный шанс изнутри увидеть, как устроено самое необычное IT-обучение, где нет менторов, лекций и оценок, а прокачка идет через реальные проекты и командную работу. 👉 И да — обучение полностью бесплатное. 🧐 Что тебя ждет в этот день? Экскурсия по кампусу: ты увидишь наши пространства, которые открыты для участников 24/7. Знакомство с методикой: расскажем, что такое «бассейн», как работает платформа и познакомим с форматом «равный равному» (peer-to-peer). В этот же день можно будет подать документы 👀 кстати, дедлайн приема документов на ближайший поток уже 14 июля! 📆 13 июля, 11:00 📍 В Ташкенте: ул. Зиёлилар, 13 📍 В Самарканде: ул. Ибн Сины, 17А 👉 Регистрация в боте @school21_mainbot 🧡@nur_press

Aleksandr Lukashenko o‘zbek oilalarini Belarusda ko‘rishni istashini aytdi Belarus prezidenti Aleksandr Lukashenko O‘zbekiston prezidenti Shavkat Mirziyoyev bilan Minskda o‘tgan muzokaralar chog‘ida o‘zbekistonliklarni, ayniqsa oilali fuqarolarni, Belarusga ko‘chib kelib yashash va mehnat qilishga chaqirdi. Uning ta’kidlashicha, mamlakatda ishchi kuchiga ehtiyoj yuqori va keluvchilar uchun yashash, ta’lim hamda tibbiy xizmatdan foydalanish imkoniyatlari yaratiladi. Tashrif davomida Belarus hududida vaqtinchalik mehnat faoliyatini amalga oshirish uchun O‘zbekiston fuqarolarini tashkiliy asosda qabul qilish va jalb etish to‘g‘risida hukumatlararo bitim imzolandi. O‘zbekiston fuqarolari Belarusga vizasiz borishi, cheklanmagan muddatda ushbu davlat hududida bo‘lishi mumkin. Ammo 10 kundan ortiq qolsa, yashash manzili bo‘yicha ro‘yxatdan o‘tishi, agar ishlamoqchi bo‘lsa, mehnat shartnomasi va zarur holda maxsus ishlash ruxsatnomasi bo‘lishi kerak. 🧡@nur_press

❗️ Usta topolmay yuribsizmi? 🤔 Santexnik kerakmi? Yoki yaxshi tikuvchi? 👉 Endi bu muammo emas! 📲 “Mening ishim” ilovasini yuklab oling — va o‘zingizga yaqin, ishonchli ustalarni bir zumda toping. 👀 Har bir usta haqida: — tajribasi — xizmat narxi — portfoliysi 📞 Tanlang va darhol bog‘laning! 👷‍♂️ Ish qidiryapsizmi? Ilova orqali mijozlarni toping — barchasi oson va bepul! 🚀 Ilovani hoziroq yuklab oling va vaqtingizni tejang! ⬇️ Play market / AppStore 🧡@nur_press

Nurobod tumani IIB Migratsiya va personallashtirish bo‘linmasi boshlig‘i, mayor Madaminov Aziz Yo‘ldosh o‘g‘lining "Xavfsiz va sog‘lom yurt" tadbiri munosabati bilan tuman aholisiga MUROJAATI Assalomu alaykum, hurmatli Nurobod tumani aholisi va mehmonlari! Mamlakatimizda aholi migratsiyasi sohasini zamonaviy talablar asosida takomillashtirish, davlat xizmatlarini yanada soddalashtirish hamda fuqarolar uchun qulay shart-sharoitlar yaratish maqsadida muhim islohotlar amalga oshirilmoqda. Shuningdek, O‘zbekiston Respublikasining 2025-yil 10-iyulda qabul qilingan "O‘zbekiston Respublikasi fuqarolarini, chet el fuqarolarini hamda fuqaroligi bo‘lmagan shaxslarni yashash joyi va turgan joyi bo‘yicha ro‘yxatdan o‘tkazish to‘g‘risida"gi 1074-son Qonuni bilan mamlakatimizda yashash va turgan joy bo‘yicha ro‘yxatdan o‘tkazishning yagona huquqiy tizimi joriy etildi. Biroq amaliyotda ayrim fuqarolarimiz orasida ushbu Qonun qabul qilinganidan so‘ng propiska tizimi butunlay bekor qilingan, degan noto‘g‘ri tushuncha shakllanganini kuzatmoqdamiz. Shu munosabat bilan alohida ta’kidlab o‘tmoqchimanki, amaldagi qonunchilikka muvofiq har bir fuqaro vaqtincha yoki doimiy yashash joyini o‘zgartirgan taqdirda, yangi manzilga kelgan kundan boshlab o‘n ish kuni ichida belgilangan tartibda ro‘yxatdan o‘tishi shart. Buning uchun hududiy Migratsiya va personallashtirish bo‘linmalariga, Davlat xizmatlari markazlariga murojaat qilish yoki Yagona interaktiv davlat xizmatlari portali orqali onlayn tarzda xizmatdan foydalanish mumkin. Hurmatli fuqarolar! Qonun talablariga rioya etmaslik ma’muriy javobgarlikka sabab bo‘ladi. Jumladan, O‘zbekiston Respublikasi Ma’muriy javobgarlik to‘g‘risidagi kodeksining 223-moddasiga muvofiq, ro‘yxatdan o‘tmasdan yashagan fuqarolarga bazaviy hisoblash miqdorining uch baravari miqdorida, ushbu huquqbuzarlik bir yil davomida takror sodir etilgan taqdirda esa besh baravari miqdorida jarima qo‘llaniladi. Shuningdek, fuqaroning ro‘yxatdan o‘tmasdan yashashiga yo‘l qo‘ygan mas’ul shaxslarga bazaviy hisoblash miqdorining besh baravari, bir yil ichida ushbu huquqbuzarlik takror sodir etilganda esa o‘n baravari miqdorida jarima belgilangan. Aziz yurtdoshlar! Qonun bilan joriy etilgan yana bir muhim yangilik — talabalar uchun yaratilgan qulayliklardir. Endilikda talabalar talabalar turar joyiga joylashish bo‘yicha shartnoma rasmiylashtirilayotgan paytning o‘zida Yagona interaktiv davlat xizmatlari portali orqali kompozit davlat xizmati asosida vaqtincha ro‘yxatdan avtomatik tarzda o‘tkaziladi. Bunda talaba ijara yoki turar joy shartnomasida ko‘rsatilgan, biroq bir yildan oshmagan muddatga vakolatli organ tomonidan onlayn tarzda vaqtincha ro‘yxatga olinadi. Bu esa talabalarning ichki ishlar organlariga alohida murojaat qilishi, hujjatlar to‘plashi, navbat kutishi yoki davlat bojini alohida to‘lashi kabi ortiqcha ovoragarchiliklarni bartaraf etdi. Bugungi kunda davlat xizmatlarining raqamlashtirilishi natijasida inson omili kamayib, aholiga ko‘rsatilayotgan xizmatlar tezkor, shaffof va qulay shaklga o‘tmoqda. Muhimi, aholining o‘z vaqtida ro‘yxatdan o‘tishi davlat organlariga aholi hisobini aniq yuritish, yangi ish o‘rinlarini rejalashtirish, uy-joy siyosatini yuritish hamda ijtimoiy va kommunal xizmatlarni samarali tashkil etish imkonini beradi. Shu bois mazkur tizim faqat nazorat vositasi emas, balki hududlarni barqaror rivojlantirish, davlat boshqaruvi samaradorligini oshirish hamda aholi farovonligini ta’minlashga xizmat qiladigan muhim mexanizm hisoblanadi. Hurmatli fuqarolar! Sizlarni vaqtincha yoki doimiy yashash joyingizni qonun talablariga muvofiq o‘z vaqtida ro‘yxatdan o‘tkazishingizga hamda belgilangan tartib-qoidalarga qat’iy amal qilishingizga chaqiraman. Qonunga hurmat — jamiyatda tartib-intizom va barqarorlikning eng muhim kafolatidir. 🧡@nur_press

⚡️ QABUL – 2026 📢 OTA-ONALAR VA YOSHLAR DIQQATIGA! Energetika sohasida xalqaro kompaniyalarda ishlashni istaysizmi? Unda Shirin energetika texnikumi sizni o‘qishga taklif etadi! 📍 2026–2027-o‘quv yili uchun qabul boshlandi! 🎓 Ta'lim yo‘nalishlari: ✅ Qayta tiklanuvchi energiya manbalariga xizmat ko‘rsatish; ✅ Bug‘-gaz qurilmalarini ishlatish. ⏳ O‘qish muddati: 2 yil Talabalar uchun yaratilgan imkoniyatlar: 💰 Har oy 1 000 000 so‘m stipendiya 🍽 Kuniga 3 mahal bepul ovqat 🏠 Bepul yotoqxona 👔 Maxsus kiyim-bosh (forma) 🌍 Ta'limni muvaffaqiyatli tamomlagan bitiruvchilar ACWA POWER hamda boshqa xalqaro energetika kompaniyalarida ishlash imkoniyatiga ega bo‘ladilar. 👥 Kimlar hujjat topshirishi mumkin? 18–30 yoshdagi o‘g‘il-qizlar. 📅 Saralash (imtihon va suhbat) sanalari: 📍 15-iyul | soat 10:00 Sazag‘an hududidagi 11-son umumiy o‘rta ta'lim maktabi 📍 16-iyul | soat 10:00 Olg‘a hududidagi 30-son umumiy o‘rta ta'lim maktabi 🪪 Abituriyentlar ID-karta yoki pasport bilan kelishlari so‘raladi. 📲 Ro‘yxatdan o‘tish Telegram guruhi orqali: https://t.me/Al_Jabr_2026 Qabul jarayoniga oid barcha ma'lumotlar mazkur guruh orqali e'lon qilib boriladi. ☎️ Qo‘shimcha ma'lumot uchun: 📞 +998 99 460 11 31 📞 +998 94 919 05 22 📞 +998 70 025 52 02 (Qabul komissiyasi raisi) Kelajagingizni bugundan boshlang! Energetika sohasida malakali mutaxassis bo‘ling! 🧡@nur_press

Qurilish obyektlaridagi ishlar prokuror nazoratida O‘zbekiston Respublikasi Prezidentining 2025-yil 27-dekabrdagi PQ-392-son qarori ijrosi doirasida Nurobod tumanida amalga oshirilayotgan qurilish va bunyodkorlik ishlari izchil davom etmoqda. Tumanda yangi sog‘liqni saqlash va ta'lim muassasalari, ijtimoiy soha obyektlari hamda muhandislik-kommunikatsiya infratuzilmasini rivojlantirishga qaratilgan loyihalarda qurilish-montaj ishlari belgilangan reja asosida olib borilmoqda. Mazkur obyektlarda ishlarning sifati, qurilish normalari va loyiha-smeta hujjatlariga muvofiqligi, belgilangan muddatlarga rioya etilishi hamda ajratilgan mablag‘larning maqsadli va samarali o‘zlashtirilishini ta'minlash maqsadida Nurobod tumani prokurori J.Abdixakimov tomonidan qurilish maydonlarida joyiga chiqqan holda monitoring ishlari o‘tkazildi. O‘rganishlar davomida qurilish materiallari sifati, texnika va mehnat xavfsizligi talablariga rioya etilishi, pudratchi tashkilotlar faoliyati hamda obyektlardagi ishlarning amaldagi holati atroflicha tahlil qilindi. Monitoring yakunlari bo‘yicha aniqlangan kamchiliklarni qisqa muddatlarda bartaraf etish, qurilish sur'atlarini jadallashtirish, ishlar sifatini yanada oshirish hamda obyektlarni belgilangan muddatlarda foydalanishga topshirishni ta'minlash yuzasidan mas'ul rahbarlar va pudratchi tashkilotlarga aniq topshiriqlar berildi. Hududda amalga oshirilayotgan bunyodkorlik ishlari aholining zamonaviy va sifatli ijtimoiy xizmatlardan foydalanish imkoniyatlarini kengaytirish, qulay infratuzilmani shakllantirish hamda Nurobod tumanining ijtimoiy-iqtisodiy rivojlanishiga xizmat qilmoqda. 🧡 @nur_press

Tadbirkorlik uchun mo'ljallangan yer uchastkasini muddatli bo‘lib to‘lash sharti bilan sotib oling! 1️⃣ Manzil: Samarqand viloyati, Nurobod tumani, Jarquduq MFY 💲Boshlang'ich narxi: 40 697 238.19 so'm 💎Yer maydoni: 2.0498 ga 🌐 Batafsil: https://e-auksion.uz/lot-view?lot_id=24124810 2️⃣ Manzil: Samarqand viloyati, Nurobod tumani, Jarquduq MFY 💲Boshlang'ich narxi: 40 767 240.83 so'm 💎 Yer maydoni: 2.0534 ga 🌐 Batafsil: https://e-auksion.uz/lot-view?lot_id=24124798 3️⃣ Manzil: Samarqand viloyati, Nurobod tumani, Jarquduq MFY 💲Boshlang'ich narxi: 41 072 530.21 so'm 💎 Yer maydoni: 2.0691 ga 🌐 Batafsil: https://e-auksion.uz/lot-view?lot_id=24124802 ⭕️ Izoh: Muddatli to'lov imkoniyati mavjud! 🎞 Video-qo'llanma 👈 🤵🏻 "E-AUKSION" vakili (77) 375-74-17 ☎️ 🤵🏻 "E-AUKSION" vakili (99) 207-36-07 ☎️ 🤵🏻 "E-AUKSION" vakili (99) 207-26-07 ☎️ ⏰ Ish vaqti - (09:00 dan 18:00 gacha) 🧡@nur_press

Aziz fuqarolar! "Dolzarb 60 kun"da faol bo‘ling — yong‘inlarning oldini olishga barchamiz birdek mas'ulmiz! A.Muhammadiyev, Nurobod tuman Favqulodda vaziyatlar bo‘lim boshlig‘i o‘rinbosari 🧡@nur_press

Huquqiy himoya va amaliy ko‘mak — "Ayollar daftari"ning 5-toifasidagi xotin-qizlar uchun sayyor qabul o‘tkazildi Nurobod tumanida xotin-qizlarning huquq va qonuniy manfaatlarini himoya qilish, ularga malakali huquqiy yordam ko‘rsatish hamda murojaatlarini joyida hal etish maqsadida "Ayollar daftari" 7-bosqichining 5-toifasiga kiritilgan xotin-qizlar uchun navbatdagi sayyor qabul tashkil etildi. Sayyor qabulda Nurobod tumani hokimining o‘rinbosari, Oila va xotin-qizlar bo‘limi boshlig‘i Z.Sadinova, Fuqarolik ishlari bo‘yicha Nurobod tuman sudi raisi S.Kuliyev, tuman adliya bo‘limi boshlig‘i N.Saparov, tegishli davlat va jamoat tashkilotlari mutasaddilari hamda huquqni muhofaza qiluvchi organlar vakillari ishtirok etdi. Qabul davomida xotin-qizlarning huquqiy muammolari, oilaviy nizolar, aliment undirish, shaxsni tasdiqlovchi hujjatlar bilan bog‘liq masalalar, sudlarga murojaat qilish tartibi, tazyiq va zo‘ravonlik holatlarida ko‘riladigan huquqiy choralar hamda boshqa dolzarb masalalar yuzasidan murojaatlar tinglandi. Har bir murojaat individual tartibda ko‘rib chiqilib, amaldagi qonunchilik asosida huquqiy tushuntirishlar va amaliy tavsiyalar berildi. "Ayollar daftari"ning 5-toifasi huquqiy yordamga muhtoj xotin-qizlarni har tomonlama qo‘llab-quvvatlashga qaratilgan bo‘lib, ushbu yo‘nalishda bir qator muhim xizmatlar bepul amalga oshiriladi. Xususan, malakali huquqshunoslar ishtirokida huquqiy savodxonlikni oshirishga qaratilgan seminar va uchrashuvlar tashkil etiladi. Zaruratga ko‘ra xotin-qizlar hamda ularning farzandlari uchun tug‘ilganlik haqidagi guvohnoma yoki ID-karta rasmiylashtirishda davlat bojlari to‘lab beriladi. Shuningdek, sudlarga da'vo arizalarini tayyorlash va kiritishda amaliy yordam ko‘rsatiladi, belgilangan davlat bojlari qoplanadi, huquqlari buzilgan xotin-qizlarga sudga murojaat qilish tartibi tushuntirilib, zarur hujjatlarni rasmiylashtirishda ko‘maklashiladi. Bundan tashqari, tazyiq va zo‘ravonlikdan jabrlangan xotin-qizlarni himoya qilish, ularga nisbatan takroriy zo‘ravonliklarning oldini olish, himoya orderlarini rasmiylashtirish va ularning ijrosini nazorat qilish, shuningdek aliment undirish bilan bog‘liq masalalarda huquqiy yordam ko‘rsatish ishlari ham mazkur toifa doirasida amalga oshiriladi. Mutasaddilar tomonidan qayd etilganidek, xotin-qizlarga ko‘rsatilayotgan birlamchi yuridik yordam mutlaqo bepul bo‘lib, ularning huquq va manfaatlarini ishonchli himoya qilish, adolatga erishish hamda jamiyatdagi faolligini oshirishga xizmat qiladi. Sayyor qabul yakunida murojaatlarning ijrosini ta'minlash bo‘yicha mas'ullarga aniq topshiriqlar berildi hamda har bir murojaat nazoratga olindi. Bu kabi manzilli uchrashuvlar xotin-qizlarning huquqiy himoyasini kuchaytirish, ularning muammolarini o‘z vaqtida bartaraf etish va davlat organlariga bo‘lgan ishonchini yanada mustahkamlashda muhim ahamiyat kasb etmoqda. 🧡@nur_press

Oʻzbekiston Respublikasi Prezidenti Shavkat Mirziyoyev Belarusga rasmiy tashrifini yakunlab, Toshkentga joʻnab ketdi. Aeroportda davlatimiz rahbarini Belarus Respublikasi Prezidenti Aleksandr Lukashenko kuzatib qoʻydi. — Президент Республики Узбекистан Шавкат Мирзиёев завершил официальный визит в Беларусь и отбыл в Ташкент. В аэропорту главу нашего государства проводил Президент Республики Беларусь Александр Лукашенко. #Mirziyoyev #tashrif #Belarus Prezident.uz|Facebook|Instagram|YouTube|X

⚡️ Elektr ta’minoti bo‘yicha murojaat qilish yanada qulaylashdi Hurmatli Nurobod tumani aholisi! Elektr ta’minoti bilan bog‘liq murojaatlaringizni endilikda yanada tezkor va qulay tarzda Nurobod tuman elektr ta’minoti korxonasiga to‘g‘ridan-to‘g‘ri yuborishingiz mumkin. Har bir murojaat mutaxassislar tomonidan belgilangan tartibda ko‘rib chiqilib, tegishli choralar ko‘riladi hamda murojaatchiga javob qaytariladi. ✈️ Telegram orqali murojaat qilish: https://t.me/NurobodTET ☎️ Nurobod tuman elektr ta’minoti korxonasi telefonlari: (77) 401-47-29 (66) 240-16-69 Shuningdek, elektr ta’minoti bilan bog‘liq uzilishlar, nosozliklar, taklif va murojaatlar bo‘yicha quyidagi aloqa kanallari ham kecha-yu kunduz xizmat ko‘rsatadi: 📞 1154 — Call-markaz (24/7) 📞 (55) 707-60-60 — Operator xizmati (24/7) Elektr ta’minoti bilan bog‘liq muammolarga tezkor yechim topish va iste’molchilarga sifatli xizmat ko‘rsatishni ta’minlash maqsadida barcha murojaatlar doimiy nazoratga olinadi. 🧡@nur_press

Davlat xizmatida samaradorlikni oshirish: Samarqandda ikki kunlik malaka oshirish dasturi boshlandi Samarqand shahrida davlat xizmatida kasbiy motivatsiya va barqarorlikni mustahkamlashga qaratilgan ikki kunlik trening boshlandi. Unda “Yangi Oʻzbekiston qiyofasidagi tuman (shahar)” maqomidagi 33 ta tuman (shahar)ning oila va xotin-qizlar bo‘limi boshliqlari ishtirok etmoqda.

Yevropa Ittifoqi, BMTTD, Аgentlik va Adliya vazirligi hamkorligidagi “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil etilgan dastur davlat xizmatida barqaror kasbiy motivatsiyani shakllantirish, samaradorlikni saqlash, murakkab muloqotlarni konstruktiv boshqarish hamda jamoada sog‘lom ish muhitini rivojlantirishga qaratilgan.

Trening davomida ishtirokchilar shaxsiy motivatsiya omillarini aniqlash, demotivatsiya sabablarini boshqarish, stress va frustratsiyaga chidamlilikni oshirish, ustuvorliklarni belgilash hamda murakkab vaziyatlarda samarali qaror qabul qilish bo‘yicha amaliy bilim va ko‘nikmalarini mustahkamlaydi.

Mashg‘ulotlar interaktiv muhokamalar, amaliy keyslar, simulyatsiyalar va “yechim doiralari” usuli asosida tashkil etilgan. Ishtirokchilar real ish jarayonida uchraydigan vaziyatlarni tahlil qilib, ularga samarali yechim topish va o‘zaro qo‘llab-quvvatlash mexanizmlarini ishlab chiqadi.

Tadbir yakunida har bir ishtirokchi kasbiy faoliyatda motivatsiya va barqarorlikni saqlashga qaratilgan shaxsiy harakatlar rejasini ishlab chiqishi ko‘zda tutilgan. 🧡@nur_press

❗️ Nurobod tumanida ruxsatsiz qurilgan yana ikki obyekt buzdirildi 🧡@nur_press

Ilmiy tahlildan amaliy natijaga: Nurobod rivoji uchun yangi yondashuv Bugun Nurobod tumani hokimligi katta majlislar zalida Respublika ishchi guruhi ishtirokida hududni ijtimoiy-iqtisodiy rivojlantirishning yangi bosqichiga bag‘ishlangan muhim yig‘ilish bo‘lib o‘tdi. Unda Kambag‘allik va mehnat bozori tadqiqotlari instituti hamda mahalliy hokimlikning o‘zaro hamkorligi asosida tumanning mavjud ichki zaxiralari, foydalanilmayotgan iqtisodiy imkoniyatlari va istiqbolli rivojlanish nuqtalarini ilmiy yondashuv asosida chuqur tahlil qilish masalalari keng muhokama etildi. Yig‘ilish davomida har bir mahallaning iqtisodiy salohiyati alohida tahlil qilinib, foydalanilmayotgan yer va ishlab chiqarish resurslarini iqtisodiy aylanishga kiritish, investitsiyalarni jalb etish, yangi tadbirkorlik tashabbuslarini qo‘llab-quvvatlash, aholi bandligini ta'minlash hamda kambag‘allikni qisqartirishga qaratilgan manzilli takliflar ishlab chiqildi. Shuningdek, hududlarda qo‘shimcha qiymat yaratadigan loyihalarni shakllantirish, mavjud imkoniyatlardan samarali foydalanish, mahallalarning ixtisoslashuvini yanada rivojlantirish hamda yangi iqtisodiy o‘sish nuqtalarini belgilash bo‘yicha mas'ul rahbarlar oldiga aniq vazifalar qo‘yildi. Muhokamalarda tuman hokimining o‘rinbosarlari, hokim yordamchilari, hokimlik apparati xodimlari hamda tegishli tashkilotlar rahbarlari faol ishtirok etib, ilmiy tavsiyalarni amaliyotga joriy etish, hududlarning ichki imkoniyatlarini to‘liq safarbar etish va belgilangan topshiriqlar ijrosini samarali tashkil etish yuzasidan o‘z taklif va mulohazalarini bildirdilar. Bugungi kunda hududlarni rivojlantirish faqat mavjud resurslardan foydalanish bilan cheklanmaydi. Ilmiy tahlil, aniq hisob-kitob va manzilli boshqaruv yondashuvi iqtisodiy o‘sishni ta'minlash, yangi ish o‘rinlarini yaratish, investitsiyaviy jozibadorlikni oshirish hamda aholi farovonligini yuksaltirishning eng muhim omillaridan biri hisoblanadi. 🧡@nur_press