אידישליך נייעס

היינט זענען פארגעקומען וואלן אין ענגלאנד, אין וועלכע די לינקע לעיבאר פארטיי האט געוואונען מיט א מאסיווע לענדסלייד. קייר סטארמער, דער פירער פון די לעיבאר פארטיי, וועט איבערנעמען רישי סונאק צו דינען אלס פרעמיער מיניסטער.

דעקל פון די עקאנאמיסט איבער די צושטאנד פון פרעזידענט ביידען.

א CNN באריכט גיבט אן אז אין א קאנפערענץ נעכטן צווישן פרעזידענט ביידען און דעמאקראטישע גאווערנערס פון ארום די לאנד האט דער פרעזידענט געזאגט אז ער פלאנט צו אויפהערן צו אפהאלטן אווענטן נאך 8 אזייגער ביינאכט, אז ער זאל קענען באקומען מער שלאף.

מיזורי האט אריינגעגעבן אן אנקלאגע אינעם סופרים קאורט קעגן ניו יארק, אין וועלכע זיי באשולדיגן אז די אקטן פון ניו יארקע באאמטע צו קלאגן געוועזענער פרעזידענט דאנעלד טראמפ שטערט זייערע רעכטן פון פרייע וואלן און פארלאנגט אז די סופרים קאורט זאל אפשטעלן אלע אנקלאגעס קעגן טראמפ ביז נאך די וואלן.

א פרישע ניו יארק טיימס/סיענע אנקעטע גיבט פאר געוועזענער פרעזידענט טראמפ א באקוועמע אויבערהאנט איבער ביידען, דאס איז די העכסטע אויבערהאנט פאר טראמפ זינט ער איז געלאפן צום ערשטן מאל אין 2016.

אן NBC באריכט גיבט אן אז פרעזידענט ביידען, יעצט אין א טעלעפאנישע געשפרעך אינאיינעם מיט וויצע פרעזידענט העריס און זייער מאנשאפט האט געזאגט אז ער ציעט זיך נישט ארויס פונעם פארמעסט.

אין אן ערשטע אינדיקאציע אז ביידען באטראכט ערנסט די מעגליכקייט צו פארלאזן די קאמפיין, באריכט די ניו יארק טיימס אז פרעזידענט ביידען האט געזאגט פאר א נאנטער אליאירטער אז ער וועט מעגליך דארפן איבערלאזן די פארמעסט, געוואנדן אויב ער קען בארואיגן דעם פאלק אין די קומענדיגע פאר טעג. א היינטיגע רויטערס באריכט זאגט אז יעצטיגע וויצע פרעזידענט קאמאלע העריס איז די מערסטע ווארשיינליך צו ערזעצן דעם פרעזידענט אויפן דעמאקראטישן טיקעט.

א הויעכראנגיגע חיזבאלא קאמאנדיר איז אומגעברענגט געווארן אין א מדינת ישראל לופט אטאקע אין לבנון. דאס איז איינע פון די העכסטע קאמאנדירן אין חיזבאלא צו ווערן עלימינירט, וואס אין רעזולטאט סטראשעט חיזבאלא מיט שווערע נקמה. אין בילד: דער קאמאנדיר מיט דער פארשטארבענער איראנער גענעראל קאסאם סולימאני.

א טעראר אטאקע איז פארגעקומען אין א געשעפט אין כרמיאל אין וועלכע איין סאלדאט איז ליידער אומגעקומען רח"ל. דער סאלדאט האט קודם באוויזן צו שיסן דעם טעראריסט צום טויט און איז נאכדעם צוזאמגעפאלן און שפעטער אומגעקומען פון זיינע וואונדן.

דעמאקראטישער קאנגרעסמאן פון מעין, דזשערעד גאלדען, אין א פרישע אפ-עד: דאנעלד טראמפ גייט געווינען אין נאוועמבער, און דעמאקראטיע וועט פארבלייבן פיין.