ERA ኢትዮጵያ መንገዶች አስተዳደር

በዲስትሪክቱ የጥገና ስራዎች በመከናወን ላይ ይገኛሉ አዲስ አበባ፣ ጥቅምት 20 ቀን 2016 ዓ.ም (ኢመአ) ፡- የኮምቦልቻ መንገድ ጥገና ዲስትሪክት የተለያዩ የመደበኛና ወቅታዊ የጥገና ስራዎች በማካሄድ ላይ ይገኛል፡፡ የኮምቦልቻ ዲስትሪክት በ2017 በጀት ዓመት የወልዲያ ከተማ አስፋልት ስራ ፕሮጀክትን ጨምሮ 1,070 ኪሎ ሜትር የመንገድ ጥገና ስራዎችን ለማካሄድ አቅዶ እየሰራ ይገኛል፡፡ በበጀት ዓመቱ እነዚህን የጥገና እና የግንባታ ስራዎች ለማካሄድ ለዲስትሪክቱ የተመደበው ጠቅላላ የገንዘብ መጠን 1,234,465,659 (አንድ ቢሊየን ሁለት መቶ ሰላሳ አራት ሚሊየን አራት መቶ ስልሳ አምስት ሺህ ስድስት መቶ ሀምሳ ዘጠኝ ብር) ነው፡፡ በዚህም ረገድ በበጀት ዓመቱ አራት ወራት ውስጥ 387,161,309 ብር ወጪ በማድረግ 320 ኪሎ ሜትር የሚሸፍኑ በርካታ ስራዎችን በራስ ሀይል ለማከናወን ተችሏል፡፡ በተጨማሪም ቴዎድሮስ ስሜነህ ጠቅላላ የስራ ተቋራጭ እና ኢትዮ ካናዲያን ቢዝነስ ግሩፕ በተባሉ የግል የስራ ተቋራጮች እንዲሁም በአማራ መንገድ ስራዎች ድርጅት 16,110,103 ብር ወጪ በማድረግ 13.88 ኪሎ ሜትር የጥገና ስራዎችን ለማከናወን ተችሏል፡፡ በአጠቃላይ በዲስትሪክቱ ባለፉት የበጀት ዓመቱ አራት ወራት ውስጥ 403,271,412.99 ብር ወጪ በማድረግ 333.67 ኪሎ ሜትር ወይም የዕቅዱን 89.39 በመቶ ስራ ለማከናወን ተችሏል፡፡ በአካባቢው አልፎ አልፎ የሚስተዋሉ የጸጥታ እና የወሰን ማስከበር ችግሮች በዲስትሪክቱ ስራዎች ላይ ተፅዕኖ ቢያሳድሩም ፤ ዲስትሪክቱ እነዚህን ችግሮች በመቋቋም በርካታ ስራዎችን እያከናወነ ይገኛል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

በበጀት አመቱ በሁሉም የሀገሪቱ ክፍሎች ለመንገዶች ጥገና ተገቢዉ ትኩረት ተሰጥቶ ይሰራል አዲስ አበባ፣ ጥቅምት 6፣ 2017 (ኢ መ አ):- በበጀት አመቱ በሁሉም የሀገሪቱ ክፍሎች ለመንገዶች ጥገና ተገቢዉ ትኩረት ተሰጥቶ ይሰራል፤ ለመንገዶች ጥገና የሚውል መዋእለ ነዋይ የማሰባሰብ ሥራም ይከናወወናል ። በአዋጅ ቁጥር 66/1989 ተቋቁም የመንገድ ጥገና ገቢ የማሰባሰብ ተግባራትን ያከናውን የነበረው የኢትዮጵያ መንገድ ፈንድ ጽህፈት ቤት በአዋጅ ቁጥር 1263/2014 ከየካቲት 1 ቀን 2014 ዓም ጀምሮ ከኢትዮጵያ መንገዶች አስተዳደር ጋር መቀላቀሉን ሥራው በኢትዮጵያ መንገዶች አስተዳደር የመንገድ ፈንድ ዳይሬክቶሬት አማካኝነት እየተከናወነ ይገኛል፡፡ የመንገዶች ጥገና ሥራው በዋና በዋናነት በፌዴራል ደረጃ በኢትዮጵያ መንገዶች አስተዳደር፣ በሁለቱ የከተማ አስተዳደሮች፣ በክልሎችና በክልሎቹ በሚገኙ ዋና ዋና ከተሞች የሚከናወን ነው፡፡ የመንገድ ፈንድ ገቢ የሚሰበሰበው ለመንገድ ጥገና ከተጣለ የነዳጅ ታሪፍ፣ ተሽከርካሪ ዘይት እና ቅባት ሽያጭ ላይ ከተጣለ ታሪፍ፣ ከመንገድ ጠቀሜታ ክፍያ፣ በክብደት ላይ የተመሠረተ ዓመታዊ የተሽከርካሪ ፈቃድ ማደሻ ክፍያ እንዲሁም በሕግ ከተፈቀደ ክብደት በላይ በመጫን ከሚጣል ቅጣት ላይ ነው። በተለያዩ መንገዶች ገቢ ከመሰብሰብ ባለፈም የተሰበሰበውን ገንዘብ ለመንገድ ኤጀንሲዎች በተቀመጠላቸው ቀመር መሠረት ማከፋፈል እና ለመንገድ ኤጀንሲዎች የተሰጠው ገንዘብ ለታለመት ዓላማ መዋሉን የመከታተል ሥራ ይሰራል። በተጨማሪም ፈንዱ በ2017 በጀት ዓመት ክብደት ላይ የተመሠረተ ዓመታዊ የተሽከርካሪ ማደሻ ክፍያ በዲጅታል አማራጭ እንዲጀመር ለማድረግ የሚያስችሉ የተለያዩ እንቅስቃሴዎችን እየተደረጉ ይገኛሉ። የመንገድ ፈንድ በከፍተኛ የሀገር ሀብት የተገነቡ መንገዶች እና ድልድዮች በተቀመጠላቸው የዲዛይን ዕድሜ መሠረት እንዲያገለግሉ፣ አስፈላጊው ጥገና እንዲደረግላቸው እና ተገቢውን አገልግሎት መስጠት እንዲችሉ፣ ለፌዴራል (ለመንገድ ጥገና ዲስትሪክቶች )፣ ለከተማ እና ክልል መንገድ ኤጀንሲዎች በየዓመቱ የበጀት ድልድል ያደርጋል። በዚህ ዓመትም የመንገድ መልሶ ግንባታ (Rehabilitation)፣ የመንገድ ማሻሻያ (Upgrading) ሥራ ቁልፍ የትኩረት መስኮች ላይ የተለያዩ ግቦችን ተቀምጠው እየተሠራ ይገኛል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የሳውላ -ቃቆ ሎት-2 የመንገድ ግንባታ ፕሮጀክት እየተካሄደ ይገኛል ጂንካ፣ ጥቅምት 4 ቀን 2017 ዓ.ም (ኢ መ አ) ፡ በደቡብ ኦሞ ስር የሚገኘው የሳውላ -ቃቆ ሎት- ሁለት መንገድ ፕሮጀክት በራስ ሀይል ነው እየተካሄደ የሚገኘው ። የግንባታው አሁናዊ አጠቃላይ አፈፃፀም 64 በመቶ የደረሰ ሲሆን ይህንኑ እንቅስቃሴ አጠናክሮ ለመቀጠል እየተሰራ ነው። በእስካሁኑ የግንባታ እንቅስቃሴ ከተሰሩ ስራዎች ውስጥ የአፈር ቆረጣ እና የሙሌት የድሬኔጅ ፣ የሰቤዝ ፣የግንብ ፣እንዲሁም የቤዝ ኮርስ ስራዎችን በመሰራት ላይ ነው ። 29 ነጥብ7 ኪሎ ሜትር የሚሸፍነው የሳውላ -ቃቆ የመንገድ ፕሮጀክት በግራቭል እና ዲቢኤስቲ ደረጃ በኢትዮጵያ መንገዶች አስተዳደር ሶዶ ዲስትሪክት በራስ ሀይል እየተገነባ ነው። ፕሮጀክቱን ለማካሄድ አገልግሎት ላይ የሚውለውን 442,339,654.92 ብር የሚሸፈነው ኢትዮጵያ መንግስት ነው። ከዚህ ቀደም ምንም አይነት የመንገድ መሰረተ ልማት ያልተዘረጋበት መንገድ በመሆኑ ለመንገዱ ተጠቃሚዎች እጅግ አስቸጋሪ ሆኖ ቆይቷል። የሳውላ- ቃቆ መንገድ ፕሮጀክት ተገንብቶ ሲጠናቀቅ ከፍተኛ ኢኮኖሚያዊ እና ማኅበራዊ ጠቀሜታን የሚያስተናግድ ይሆናል። ይህ ፕሮጀክት ከአዲስ አበባ- ጂንካ ለመጓዝ በኮንሶ አርባምንጭን በማቋረጥ 784 ኪሎ ሜትር ይወስድ የነበረ ሲሆን የመንገዱ መገንባት ከጂንካ -ቃቆ- ሳውላ- በወላይታ ሶዶ -አዲስ አበባ ለመሄድ በተሽከርካሪ እስከ 150 ኪሎ ሜትር ያሳጥረዋል። የመንገዱ መገንባት በርካታ ዞኖችን ወረዳዎችን እና ቀበሌዎችን እንደ ጫሊ፣ በኒታ፣ አሾ እና ሌሎችንም በመንገድ መሰረተ ልማት የሚያገናኝ ይሆናል። ይህ መንገድ የተሽከርካሪዎችን የጉዞ ጊዜን በማሳጠር ያሰቡት ቦታ መድረስ ከማስቻሉም ባለፈ ካላስፈላጊ የተሽከርካሪ መለዋወጫ ወጪ በመቀነስ መንገዱ የጎላ አስተዋጾዖ ይኖረዋል። በዞኑ በስፋት የሚገኘውን የማር እና የሰብል ምርቶችን እንደ በቆሎ ማሽላ እንዲሁም የቅባት እህሎችን የለውዝ ምርት ውጤቶችን ወደ ማዕከላዊ ገበያ በጥራት እና በፍጥነት በማድረስ አምራችና ሸማቾችን ያገናኛል። በመንገድ ፕሮጀክቱ ውስጥ አነስተኛ፣ ከፍተኛ ፍሳሽ ማስተላለፊያ ቱቦዎች፣ ከልቨርቶች እንዲሁም የድልድዮች ግንባታ ተካቶ እየተሰራ ይገኛል፡፡ በኢትዮጵያ የኮንስትራክሽን ዲዛይን እና ሱፐር ቪዥን ስራዎች ኮርፖሬሽን ፕሮጀክቱን የማማከር እና የመቆጣጠር ሥራ እያከናወነ ይገኛል። የመንገድ ፕሮጀክቱ ግንባታ የጎን ስፋት ትካሻን ጨምሮ በከተማ 14 ሜትር ስፋት ሲኖረው በገጠ 7 ሜትር ስፋት እንዲኖረው ተደርጎ በመገንባት ላይ ነው። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የበለስ - መካነ ብርሃን አስፋልት ኮንክሪት መንገድ ፕሮጀክት ግንባታ 75 ነጥብ 2 በመቶ ደረሰ አዲስ አበባ፣ መስከረም 30፣ 2017 (ኢ መ አ):- በአማራ ክልል ሰሜን ጎንደር ዞን የደባርቅ እና ጃናሞራ ወረዳዎችን የሚያገናኘው የበለስ - መካነ ብርሃን አስፋልት ኮንክሪት መንገድ ፕሮጀክት ግንባታ አፈጻጸም 75 ነጥብ 2 በመቶ ደርሷል። አሁን ላይ እየተሠሩ ከሚገኙ ዋና ዋና ሥራዎች መካከል የአፈር ቆረጣ እና ሙሌት፣ የሰቤ ቤዝ፣ የውኃ መፋሰሻ ቱቦ እንዲሁም የጠጠር ማምረት ሥራዎች ይጠቀሳሉ። በተጨማሪም የአስር አነስተኛ እና ከፍተኛ ድልድዩች ግንባታ ሙሉ በሙሉ ተጠናቅቋል። ፕሮጀክቱ ባጠረ ጊዜ እንዲጠናቀቅ በኢ መ አ በኩል ጥብቅ ክትትል እየተደረገ ይገኛል። የመንገድ ፕሮጀክቱ 36 ነጥብ 42 ኪሎ ሜትር የሚሸፍን ሲኾን፥ ግንባታው በመከላከያ ኮንስትራክሽን ኢንተርፕራይዝ እየተካሄደ ይገኛል። በለስ ኮንሰልቲንግ የግንባታውን ጥራት የመቆጣጠር እና የማማከር ሥራ ይሠራል። ለግንባታው የተመደበው 1,018,952,362.90  (አንድ ቢሊዮን አስራስምንት ሚሊዮን ዘጠኝ መቶ ሃምሳ ሁለት ሺ ) ብር በፌደራል መንግስት ነው የሚሸፈነው። የአካባቢው የቀድሞ ገጽታ ምንም ዓይነት የመንገድ መሠረተ ልማት ያልነበረው ሲኾን፥ በኅብረተሰቡ ጥያቄ መሠረት እንዲሁም ቦታው ካለው ዘርፈ ብዙ ጠቀሜታ አንጻር፣ በመንግስት ተወስኖ አሁን ላይ በአስፋልት ኮንክሪት ደረጃ በመገንባት ላይ ይገኛል። በአካባቢው የሚስተዋለውን ተደጋጋሚ የጸጥታ ችግር ተከትሎ የግንባታ ጥሬ እቃ እና ማሽነሪዎች በቀላሉ ማቅረብ አለመቻል እንዲሁም የሥፍራው አስቸጋሪ መልካዓ ምድራዊ አቀማመጥ የፕሮጀክቱ ፈተና መኾናቸው ተመልክቷል። የመንገዱ መገንባት በተለይም በመንገድ እጦት ተራርቆ የቆየውን የደባርቅ እና ጃናሞራ ሕዝብ በቅርበት እና ደረጃውን በጠበቀ መንገድ የሚያገናኝ ነው። በመንገዱ ክልል እና በዙሪያው የሚገኙ የበለስ፣ ወይና፣ ሚጊራ እና መሰል ከተሞች ዕድገት ያፋጥናል። ፕሮጀክቱ ሲጠናቀቅ ቀድሞ ይወስድ የነበረውን 8 ሰዓት የጉዞ ጊዜ ወደ 1 ሰዓት ያሳጥረዋል። የሰሜን ተራሮች ብሔራዊ ፓርክ መዳረሻ እንደመኾኑም የቱሪዝም ዘርፉን በማነቃቃት በኩል የጎላ ሚና ይጫወታል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የኢኮኖሚና የማህበራዊ እድገትን ለማረጋገጥ በሚደረግ ሀገራዊ ጥረት የመንገድ ዘርፍ የሚገኝበትን ደረጃ የተሰጠው ትኩረት ወሳኝ ድርሻ አለው፡፡ ለዚህም ነው የኢትዮጵያ መንግስት ከፍተኛ ትኩረት ለዘርፉ በመስጠት በየበጀት ዓመቱ ከፍተኛ መዋለ ንዋይ በመመደብ በሁሉም የሀገሪቱ ክፍሎች በመተግበር ላይ የሚገኘው፡፡ ይህንን ተከትሎም የኢትዮጵያ መንገዶች አስተዳደር በርካታ የመንገድ ግንባታ እና የጥገና ፕሮጀክቶች እያከናወነ የሚገኝ ሲሆን፤ እነዚህንም ፕሮጀክቶች በተያዘላቸው ጊዜ እና የጥራት ደረጃ ለማስፈፀም የሚያስችሉትን የቅርብ ክትትል ድጋፍ ያደርጋል፡፡ በዚህ ረገድ በ2017 በጀት ዓመት ይኸው ተግባር የቀጠለ ሲሆን የበጀት ዓመቱን እቅድ ተከትለው በትግበራ ሂደት ላይ የሚገኙት ዋና ዋና ስራዎች እንደሚከተለው ይቀርባሉ፡፡ 1. ነባር መንገዶችን ማጠናከር፡- በአገልግሎት ላይ ያሉ መንገዶች የተሻለ አገልግሎት እንዲሰጡ የማጠናከርያ ስራዎችን በማከናወን ለትራፊክ እንቅስቃሴ ምቹ የማድረግ ሥራ ነው፡፡ በዚህም መሰረት 15 ኪሎ ሜትር ነባር መንገዶችን በማጠናከር ሥራዎች እየተከናወኑ ይገኛሉ፡፡በዚህ ፕሮግራም ውስጥ ያሉ ፕሮጀክቶች ብዛት 4 ሲሆኑ ፡፡ > 1 በግንባታ ላይ ያለ ፣ > 3 ወደ ግንባታ ለመሸጋገር በሂደት ላይ ያሉ ናቸው፡፡ 2. የነባር መንገዶች ደረጃ ማሻሻል፡- አገልግሎት ላይ ያሉ ነባር መንገዶችን ደረጃቸውን ከፍ በማድረግና በማሻሻል ከጠጠር ወደ አስፋልት እና በአስፋልት ኮንክሪት ደረጃ ማሳደግ ነው፡፡ በዚህም መሰረት 330 ኪሎ ሜትር ነባር መንገዶችን የማሻሻል ሥራዎች እየተከናወኑ ይገኛሉ፡፡ በዚህ ፕሮግራም ውስጥ ያሉ ፕሮጀክቶች ብዛት 78 ናቸው፡፡ 3. የአዳዲስ መንገዶች እና የፍጥነት መንገዶች ግንባታ :- ጨረታ ወጥቶላቸው የተፈረሙና ወደ ስራ የሚገቡ አዳዲስ መንገዶችን እንዲሁም የፍጥነት መንገዶች ማከናወን ያጠቃልላል፡፡ በ2017 የበጀት ዓመት 778 ኪሎ ሜትር የሚሸፍኑ የአዳዲስ መንገዶች እና የፍጥነት መንገዶች ግንባታ ይከናወናል፡፡በዚህ ፕሮግራም ውስጥ 232 ፕሮጀክቶች ተካተዋል፡፡ 4. የመንገዶች ከባድ ጥገና/Overlay Projects፡- የተበላሹ እና ነባር መንገዶችን በከፍተኛ ደረጃ የመጠገን ስራ የሚሰራበት ነው፡፡ > በ2017 በጀት ዓመት 144 ኪሎ ሜትር የመንገዶች ከባድ ጥገና/Overlay Projects ለማከናወን እቅድ ተይዟል፡፡ 5. ወቅታዊ እና መደበኛ የመንገድ ጥገናዎች፡- መንገዶችን በመደበኛነት የመጠገን እና በየጊዜው የመንገዶችን ብልሽት በማየት በወቅታዊነት የሚጠገኑ መንገዶች የሚካተቱበት ነው፡፡ በ2017 በጀት ዓመት በወቅታዊ እና መደበኛ ጥገና 14,412 ኪ.ሜ ጥገና ይከናወናል፡፡ > 67 በመደበኛ ጥገና የሚካሄድላቸው ፕሮጀክቶች ናቸው፡፡ > 41 ወቅታዊ ጥገና የሚከናወንባቸው ፕሮጀክቶች ናቸው፡፡ 6. የመያዣ እና ማጠናቀቂያ ሥራ ፡- በውሉ መሰረት (guaranty) የሚያዝ በጀት እና የፕሮጀክቱ ፊዚካል ስራ ከተጠናቀቀ በኋላ የተወሰነ ሲቀራቸው ለማጠናቀቅ የሚያዝ በጀት ነው፡፡ > ከነባር መንገዶች ደረጃ ማሻሻል ውስጥ 5 የመያዣ እና ማጠናቀቂያ ሥራ ብቻ የሚቀራቸው ናቸው፡፡ > ከአዳዲስ እና ከፍጥነት መንገዶች ግንባታ ውስጥ 14 የመያዣ እና የማጠናቀቂያ ሥራ ብቻ የሚቀራቸው ናቸው፡፡ 7. ቅድመ ዝግጅት፡- በዲዛይን ሂደት ላይ ላሉ ፕሮጀክቶች የሚያዝ በጀት ነው፡፡፡ > ከአዲስ መንገዶች ግንባታና የፍጥነት መንገድ ውስጥ 5 በቅድመ ዝግጅት ላይ ይገኛሉ፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

መልካም በዓል! የኢትዮጵያ መንገዶች አስተዳደር

የቆሼ - ሚቶ - ወራቤ መንገድ ፕሮጀክት አስፋልት ወደ ማንጠፍ ምዕራፍ ተሸጋገረ ወራቤ፣ መስከረም 15፣ 2017 (ኢ መ አ):- በማዕከላዊ ኢትዮጵያ ክልል የስልጤ ዞንን ከማረቆ ልዮ ወረዳ ጋር የሚያገናኘው የቆሼ - ሚቶ - ወራቤ መንገድ ፕሮጀክት አስፋልት ወደ ማንጠፍ ምዕራፍ  ተሸጋግሯል። የመንገድ ፕሮጀክቱ 73 ኪሎሜትር የሚሸፍን ኾኖ፣ በአስፋልት ኮንክሪት ደረጃ ነው በመገንባት ላይ የሚገኘው። አሁን ላይ የ11 ነጥብ 2 ኪሎሜትር አስፋልት ንጣፍ፣ የ68 በመቶ የአፈር ቆረጣ እና ሙሌት፣ የ60 በመቶ ሰብቤዝ እንዲሁም የ16 በመቶ የቤዝኮርስ ሥራዎች ተከናውነዋል። በተጨማሪም ግንባታው የትራፊክ እንቅስቃሴውን እንዳያስተጓጉል ለተለዋጭ መንገዱ ጥገና እየተደረገለት ይገኛል። የኹለት ድልድዮች ግንባታን ጨምሮ የውኃ መፋሰሻ ቱቦ እንዲሁም የአነስተኛ እና ከፍተኛ ከልቨርቶች ግንባታ ሥራም በፕሮጀክቱ ተካትቷል። ከፕሮጀክቱ አጠቃላይ ሥራ አሁን ላይ 41 ኪሎሜትሩ ወይንም 56 በመቶው ተጠናቅቋል። የግንባታውን ቀሪ ሥራዎች ባጠረ ጊዜ ሙሉ በሙሉ ለማጠናቀቅ በትኩረት እየተሠራ ይገኛል። የመንገድ ግንባታውን ሀገር-በቀሉ የንኮማድ ኮንስትራክሽን የሚያከናውን ሲኾን፥ የጥራት እና ቁጥጥር ሥራውን ሽላዲያ አሶሼትስ ከሂትኮን አማካሪ መሀንዲስ ጋር በጋራ በመኾን ይሠራሉ። ለግንባታ ሥራው 1,850,695,155.03 (አንድ ቢሊዮን ስምንት መቶ ሐምሳ ሚሊዮን ስድስት መቶ ዘጠና አምስት ሺህ) ብር በፌደራሉ መንግስት ተመድቧል። የመንገዱ ነባር ገጽታ 63 ኪሎሜትሩ በጠጠር ደረጃ የነበረ ሲኾን፥ ቀሪው ምንም ዓይነት የመንገድ መሠረተ ልማት አልነበረውም። አሁን ላይ መንገዱ በወረዳ የእግረኛ መንገድን ሳይጨምር 14 ሜትር፣ በገጠር ቀበሌ የመንገድ ትከሻን ሳይጨምር 7ሜትር የጎን ስፋት እንዲኖረው ተደርጎ ደረጃውን በጠበቀ መልኩ በመገንባት ላይ ነው የሚገኘው። ይኽ ፕሮጀክት የማረቆ እና የስልጤ ሕዝብ ሁለንተናዊ ትስስር ከማጎልበቱም ባለፈ በመንገድ ክልል እና በዙሪያው የሚገኙ የኡዳሳ፣ ጦራ፣ ዳሎቻ እና መሰል ከተሞች ዕድገት የሚያፋጥን ነው። ከዚህ ቀደም ከቆሼ ከተማ ተነስቶ የስልጤ ዞን መናገሻ ወራቤ ከተማ ለመድረስ የሚፈጀውን 3 ሰዓት የጉዞ ጊዜ ወደ 1ሰዓት በማሳጠር፣ በአካባቢው በስፋት የሚታወቁትን የበርበሬ፣ ስንዴ፣ በቆሎ፣ ጤፍ እና መሰል የጥራጥሬ እና የአዝርዕት ምርት ውጤቶች በፍጥነት እና በቀላሉ ወደ ማዕከላዊ ገበያ ለማድረስ ያስችላል። ለመኪና መለዋወጫ የሚወጣውን አላስፈላጊ ወጪ እና የነዳጅ ብክነትም የሚያስቀር ነው። የአባያ ሐይቅ (የስልጤ ሐይቅ)፣ አሹቴ ፏፏቴ እንዲሁም አይናጌ ዋሻ የተሰኙ የቱሪስት መዳረሻ ሥፍራዎችን ለጎብኝዎች ምቹ በማድረግ ረገድም የመንገድ ፕሮጀክቱ ከፍተኛ አስተዋጽዖ ያበረክታል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads