أشياء بسيطة

عايزة أقول إنو نحن كمان كبنات بنتأنى في الإختيار زي ما الرجال بيختاروا ست بيت شاطرة وأم واعية وزوجة حكيمة ومرت ولد محترمة نحن كمان بنعمل كدا وعلى أصعب وأحكم كمان ما أي راجل بندخلوا نقعدوا مع رجالنا ولا أي راجل بنأمنوا على مستقبلنا ولا أي راجل بنضمنوا كأب بنتأنى في الإختيار ودا طبعاً بيرجع لبنات العوائل اللي عارفين انو التأخر أهون من الخطوة الخطأ بنجي نغربل الراجل من سأسوا لي راسو بنمسك المرحلة الدينية ونتأكد منها نشوف علاقتو مع القريب والغريب وبنمسك الناحية الإجتماعية وناحية الإحترام وناحية المسؤلية وبناخد راجل ينفع يقعد مع رجالنا ، إنسان واثق من نفسو ، شخص صارم واضح واثق من قراراتو ، نأمنو على الدين والدنيا ، نطمن معاهو على المستقبل والعيال! ما بناخد أي راجل.. ففكرة انو لا انا امي عاوزاني لفلانة لا انا عندي مشكلة في الشغل لا انا والله ما بعرف شنو كلها حجج بيقولوها الرجال وبتعززوا فيها نحن زاتنا عندنا حجج وكمان أقوى! لأنو نحن بنكون محتاجين رجال في زمن كتروا فيهو الذكور وبنقعد نفلفل الرجل لأننا واثقين من مكانا ومقامنا وعارفين ومحددين نحن عايزين شنو! ما بنركز مع جمال ولا مع مال ودا طبعاً من وجهة نظر بنات العوائل بنكون عايزين رجل نتحامى تحت ظلوا. نعرف إننا على الأقل ما حنندم بسبب صفة أخلاقية! وطبعاً عشان الدرب دا فيهو عترات بنحاول انو نتاكد من إنها ما تكون عترات بتنزل من كرامتنا ولا من أخلاقنا. وعلى فكرة عندنا برضو أمهات ما بوافقوا على رجال معينين زي ما بيقولوا الرجال [ امي رافضة ] وبنقعد نركز مع تفاصيل دقيقة شديد عشان نقدر نقيم نسبة قبول الانسان بنركز مع حاجات قد يكون هو ذات نفسو ما مركز معاها لكنها قادرة تنقل لينا مفاهيم مهمة. وبنستخير كمان وكم مرة عشان نعرف حكمة ربنا وناخد رأيو ولو حصل وخليناك وصلت البيت بناخد رأي الأهل فيك لأنو دي حاجة ما ساهلة! تاخد كيان وحياة كاملة من غير ما اتأكد اذا بتستاهلها او لا؟ مستحيل ممكن عادي اقول ليك ما موافقة من غير لف ودوران وممكن اخليك انت البتعمل في اللف والدوران! كيدهن عظيم. عشان كدا ما تفتكروا إننا واقفين على عتبة الزواج نوافق فيها على كل من دق الباب لا لازم نشوف حاجات كتيرة وحاجات مهمة بكتير عشان على الأقل نطمن! وعشان الراحة والسكن والسكينة لو وصلنا المرحلة دي يبقى تاني ماف حاجة أهم ودي مرحلة محسوسة انت ما عندك فيها أي يد! السيدة ام كلثوم رضي الله عنها رفضت زواج أمير المؤمنين عمر بن الخطاب واللي دخلت واسطة في الزواج بينهم السيدة عائشة رضي الله عنها وقالت زوجاً يصب علي الحب صباً وعابداً لله فرزقها الله بطلحة بن عبيد الله احد المبشرين بالجنة نقلوا عنها أهل السلف انها قالت عنه : " كَان إذَا رَآني تهللَّ .. وَ إذَا سَمع صَوتي تَبسَّم .. وكُنت إذَا بكيتُ بكَى .. ولَا ينَامُ حتَّى يطمئنَّ علَى دِفئي فِي فِراشِي .. ومَا تركَ صلاةً إلَّا ودعَا لِي فيهَا قبلَ نَفسهِ .. وكُنت إذَا مرضتُ جَاوزنِي فِي الألَم .. وكَأَّن العِلَّة فِي جَسدهِ.. و لَا يَهنأُ لهُ بالٌ حتَّى يُجلسنِي بِجانبِه .. وكَان إذَا آكل يَسبقُني باللُّقمَة إلَى فَمي فَيطعمُني بِيدهِ .. كُنت فَخارَهُ وَ عِزَّه في سِرِّه وَ عَلنِه (رضي الله عنهم وارضاهم)❤️ #إسراء_الخليفة