أشياء بسيطة

فعلا ( أبو حميد ) ضرب لي قال لي ماعارف أشكرك كيف ياعلوب الأمور ظابته بس كمان برضو ( سهير ) منجضاني بالأسئلة والمتابعة .... طوالي أديتو ال update وآخر التحديثات ....!! تاني لفحا ومشي عليها ..... قال ليها ياسوسو ..!! جات جارية جري .....!! قالت ليهو حبيب سوسو إنتا ... ( داير اغمر ) ....!! قال ليها قالو في القروب عاملين تخفيضات في المعرض الصيني في القاعة إنتي بتحبي الحاجات دي ممكن تمشي .... (تاني وشها بقي حامض ....) قالت ليهو خلاص قعادي في البيت بقي يزعجك …!! ( لا لا دا إنفصام تاني عملتا نفسي رايح قلتا ليها أحسن زاتو ...ضياع قروش في حاجات نحنا أصلن ما محتاجين ليها ...!! صدقو قالت لي ..... أنا ذاتي شايفا كدا .....!! تشوفي النبي ...ايوا كدا قالت لي نحنا يا ( أبو حمودي ) لازم ندي نفسنا مساحة أكبر في التلاقي الحقيقي ما ننشغل بالموبايلات والسوق والحاجات دي أكتر من اللازم ....!!! ( وحمودي ) دا زاتو محتاج لينا مع بعض عشان يكون في تواصل حقيقي وهو ذاتو يحس بي الجو والدفء الأُسَري ...... ياربي دي ( دي ( سهير ) ولا ( ساره أبو ) ....!!! وأنا استغليت ليك الفرصة ...!! قلتا ليها مافي حاجه بتخلي الزول يطفش وينشغل بي الموبايلات غير المرا المكملا وقتها كلو في السوق هي تمشي ( أَلَمُّول ) ونحنا نمشي الموبايل .... الظاهر الكلام وقع ليها ..قالت لي بالمناسبة الليلة غادرتا قروبين في الفيس وواحد واتس ....( وجع قلب ياخ ) قلتا ليهاعقبال تغادري ( أَلَمُّول ) بي قلبي طبعاً سهير دي مرات بخاف منها كدا …. والله ما مرات قالت لي المهم إنتا تكون كويس .....!! طوااالي فكيت ليك الموبايل جدعتو ونمتا بي مزاااج صحيت المغربية كدا لقيتا ليك متقشطة وتسرح في ( حمودي ) ....قلتا ليها علي وين ...!!؟ قالت لي ماشين المعرض الصيني قلتا ليها تمام أخدو راحتكم ......!! وين موبايلي .... قالت لي لميتو ليك حبيبي ...!! إنتا كمان صدقتا ....!! نحن منتظرنك تقوم تلبس ونطلع مع بعض نودي ( حمودي ) الحديقة .....ونشوف بعض من جديد نحن مش اتفقنا .....!!! 💞 هيااااا اخوانا المرا دايرا ترجعني شهر العسل تاني ...!! هسا انا لو مصروني مصِر بقدر اقول لي كلمة واااحدة من القلتهن زمان ديك ....سهير دي جادا ...!! 😳 ماتقوم تتلحني بعد ما اعتزلت الفن.....نقعد نتحاوم من حديقة لي حديقة ...!! ويوم في المنتدي ...!!! وسماية ( نبوية ) ....!! دي مصيبة شنو دي ....!! أرجعا السوق تاني ياربي ...!!!؟؟؟ علووووووووب تعال سررررعة ....!! سهير طلع عندها تلاته شرايح .....والبخت رايح ..... مع السوق والبيت ركبت شريحة (الحديقة ) ....!! يعني يا إما الملايات والعدة التقيلة ...ولا الحدايق ونمعط في النجيلة ...!! !! كدي شوف لي السوق ( حبتين ) في الأسبوع . في طريقة ...!!!؟؟؟ ولما تشتاق للمشاعر تنسجم تلبس حريرا ولما تشتاق للعواطف تملا دنياك بي عبيرا ابقى أسال .. قال لي رغم دا كلو بحبها شديد ياعلوب والله 💞 ( ولعت ) 🔥 إن شاءالله دايما….!! بتلقى فيها كنوز محبة 🥰