- صُدفـة ⊁..

اللَّهُمَّ لا تَدَعْ لَنَا ذَنْبًا إِلاَّ غَفَرْتَهُ ، وَلا هَمًّا إِلاَّ فَرَّجْتَهُ ، وَلا دَيْنًا إِلاَّ قَضَيْتَهُ ، وَلا مَرِيضاً إِلاَّ شَفَيْتَهُ ، وَلا مُبْتَلَى إِلاَّ عَافَيْتَهُ ، وَلا ضَالاً إِلاَّ هَدَيْتَهُ ، وَلا غَائِباً إِلاَّ رَدَدْتَهُ ، وَلا مَظْلُوماً إِلاَّ نَصَرْتَهُ ، وَلا أَسِيراً إِلاَّ فَكَكْتَهُ ، وَلا مَيِّتاً إِلاَّ رَحِمْتَهُ ، وَلا حَاجَةً لَنَا فِيهَا صَلاحٌ وَلَكَ فِيهَا رِضاً إِلاَّ قَضَيْتَهَا وَيَسَّرْتَهَا بِفَضْلِكَ يَا أَكْرَمَ الأَكْرَمِينَ.

من كام سنة كده انا وواحد الله يمسيه بالخير لو كان عايش ويرحمه لو كان ميت، المهم كنا يوم خميس وفاضيين فلقيته بيكلمني يقولي فيه حاجه جامده ما تيجي نعملها بكرا بدل الفضي ده ونخش الجنة، قولتله اي هنستشهد ولا ايه ؟ قالي لا شوفت حديث بيقول : عن أبي سعيد الخدري رضي الله عنه أنه سمع رسول الله صلى الله عليه وسلم يقول: خمس من عملهن في يوم كتبه الله من أهل الجنة من عاد مريضاً، وشهد جنازة، وصام يوماً، وراح إلى الجمعة، وأعتق رقبة) رواه ابن حبان في صحيحه. فقولتله خلاص احنا نتسحر وننزل نصلي الفجر ف الجامع ونبدا نشوف هنعمل اي المهم صومنا وقولنا دي سهله وقولنا صلاة الجمعة دي كمان سهلة مفيهاش المشكله اول حاجه فكرنا فيها قولنا هنعتق رقبة منين دلوقت ؟ هنجيب واحد شغال ف مدرسة خاصة ب ۱۲۰۰ جنيه مثلا ونحرره ولا نعمل ايه؟ فقعدنا ندور لحد ما لقينا ان فيه حديث بيقول ان رَسُولَ اللهِ صَلَّى اللَّهُ عَلَيْهِ وَسَلَّمَ قَالَ : ( مَنْ قَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ ، فِي يَوْمِ مِائَةَ مَرَّةٍ ؛ كَانَتْ لَهُ عَدْلَ عَشْرِ رِقَابِ ، وَكُتِبَ لَهُ مِائَةً حَسَنَةٍ ، وَمُحِيَتْ عَنْهُ مِائَةُ سَيِّئَةٍ، وَكَانَتْ لَهُ حِرْزًا مِنَ الشَّيْطَانِ يَوْمَهُ ذَلِكَ حَتَّى يُمْسِيَ ، وَلَمْ يَأْتِ أَحَدٌ بِأَفْضَلَ مِمَّا جَاءَ ، إِلَّا رَجُلٌ عَمِلَ أَكْثَرَ مِنْهُ ) . فقولنا ۱۰۰ مره وقولنا كده عظمه وعتقنا عشرة مش واحد بس وصومنا وصلينا الجمعة، ندخل ع اصعب اتنين بقا.. قولنا كده مقدمناش غير العيان والميت، تقريبا يومها لفينا الدنيا كلها اننا نلاقي حد ميت مفيش، مفيش حد عايز يموت لدرجه كلمنا كل صحابنا ف مناطق مختلفه اي حد يعرف ان حد ميت عنده يتصل بينا وقعدنا ندعي يارب ارزق بميت فضلنا قاعدين لحد قبل المغرب بشويه كده وواحد كلمنا وقال فيه ميت عندهم والدفنه بعد العشا تيجوا ؟؟ جبنا اكل عشان نفطر ف الطريق وقلنا مش مهم المسافه الحمد لله جات مالسما وواحد مات وركبنا ومسافه طويله جدا طبعا وفطرنا ف العربية ووصلنا الحمد لله ومشينا ف الجنازة وحضرنا الدفنة وصلاة الجنازة ورجعنا وساعتها كانت الساعه بقت حوالي ١٠ وفاضل عيان نزوره واليوم بدأ يخلص وخايفين كل ده يروح فالفاضي، بعتنا لكل صحابنا فيه حد عيان يجماعه ؟ اي حد مريض لحد الساعه ۱۱:۳۰ كده صحبي اللي كان معايا قالي يسطا انا افتكرت حد، قولتله مین؟ قالي انا ابويا عيان ينفع ؟ قولتله ينفع مش نايم ف السرير ؟؟ فينه من زمان قوله جايين نزورك دلوقتي.. المهم روحنا وزورناه وقعدت معاه حبه وكان مستغرب لحد ما حكيناله وقال يعني جايين مصلحه يولاد الdog 😂 المهم الحمد لله تمت المهمه يومها بنجاح وكنا حاسين بإنجاز لدرجه ان قولنا خلاص ختمنا اللعبه كده، نموت دلوقتي بقا 😂

..