الطلّا

القناعة البدوية ، لا تفضفض ‏ ولا أحد يدري وش في صدرك وفيه ‏ لـ علي عواض لخّص هالمعنى بشطر: ‏ « مابين صمت الفصيح وبين سرد الكلام ‏ معارك المنتصر فيها ماهو منتصر » ‏ - لذلك ماهو كل ما بقلبك يُقال -

"قبل لا أذوق رشفة من غرام معكرشات الجيد رهيفات البطون اللي وسيعاتٍ مدامعها خدينات الترف تضفي جدايلهن على القعيَّد يجوّد نفسه العاقل عليهن وينازعها".

‏دخيلك يالهوى الغربي على قلبي تهب بزين ‏تراك محملٍ بأشياء ،تهز القلب وضلوعه ‏ًتراك محمل بشي ٍخفيه مستحيل تبين ‏ولايفطن لها كون الجريح ملاوع اللوعه ‏دخيلك يالهوى الغربي ترا ماني من السالين ‏ولو بيّنت لك ضحكه تراها صدق مصنوعه . ‏-بن فطيس

والله تردّك المبادئ والسلوم والتربية وماء الوجه والكرامة، وإلا لو الدنيا على مشهاك بتدخل من أوسع الأبواب وتطرقها باب باب، وتقول لفلان إنك تحبه، وفلان إنك تكرهه، وفلان ملح المكان، وفلان ما تقدر تعيش بالمكان بدونه، وتصافح القريب والبعيد، ولو سوّينا اللي نبي نجّينا من تفاكير حتى الجلد الذاتي نجينا منه

ذبحني غـلاك الله لا يجـزا البعاد بخير ‏وانا كنت احسب البُعد للعاشق خيره ‏حزينٍ عليه ومـن نشدني اقـول بخير ‏وانا ضايـقٍ مـن جور هجره وتقصيره

‏ياصباح الخير ياطلة الصبح السعيد ‏جل شان اللي مصوّرك عما يوصفون

‏فيه مثل قريته يقول : «انفضه نفض الرداء ٫ وان كان فيه نصيب ما غدى » ‏علم نفسك التصالح وبلاش من التعلّق و الانتظار والخيره دائمًا فيما أختاره الله

عميقة مره، وتكشف أشياء كثير حتى في علاقاتك ‏كثير اشخاص يستمرون في علاقات مؤذيه بس يترجمها لهم دماغهم انها مألوفه، وقريبه لنمط العلاقات اللي تربى عليها من يوم وهو صغير.. مو كل مألوف صحي.

الدماغ يرتاح للمألوف مو للصحي.» ‏شكرًا على رمي هالجملة في حديث عابر؛ لقيت الإجابة.

ابو عون قال ماني ولد من راح عمره وهو ضيف ‏أنا ولد من "كثّر الله خيره"

كل دارٍ تضمك ليتها صدري ‏وكل عينٍ تشوفك ليتها عيني