الطـلّا

‏اللي يبيك لو دربه الشُّوك بيجيك ‏ناس شربت ملح البحر لأجل دانة

_

أنا باديٍ في عالي الرجم من واطيه ‏أحب البيان وذبّة الرجم غربالي ‏وأنا البارحه ليلٍ عليّ ساريٍ ساريه ‏بغيت المنام ولذّته ماتهيّالي ‏على صاحبٍ لازيد جاني وأنا ماجيه ‏حداني زماني منّ مجيّه ولا جالي ‏وياقلب لاتجزع من الليّ جرى جاريه ‏وما قدّر الله قابلينه من الوالي

ياحبيبي لاترد اللوم صوبي ‏وانت تدري عن هوا القلب وغرامه ‏المحبه والهوا عند الجنوبي ‏يحفظها مثل مايحفظ مقامه ‏كيف ابا انسى ذكريات اجمل دروبي ‏تحت لمع البرق وبحضن الغمامه ‏ انت تدري والخلايق مادروا بي ‏باقي فرقاك في كبدي علامه.

مطلع الليلة : ‏« يارب والحاجة اللي بخاطر أحبابي / لا تشرق الشَّمس إلا وأنت قاضيها »

الكبرياء وعزة النفس مشاعر مستحيل يشعر بها الردي و بارد الوجه —مثل هـالأبيات ‏اجي كني كريم جت به الحاجة لبيت بخيل ‏وترده "شيمته" ويروح منه بدون يطلبها ‏—سفر بريك الشلوي ‏دقيت من حاجة وحاديني إحراج ‏"وكبرت عليّه" واستحيت وعزمته ‏—محمد بن نماء

لي شهور ما سنّدت كوعي على مركاي ‏ولا اعرف وش الديرة يـا لين اتعداها ‏انا أجر لي ضلعان ماهوب أجر خطاي ‏تضيق الدروب وخاطري كنه اياها ‏—متعب البقيلي

الله من قلبٍ تملّه ملايل ‏روابعٍ من كل يم تدلاه ‏—رجاء بن هذال الربيقي

‏« من قناعات بن جدلان في الحياه » ‏- انا ليا شفت لي مقفي تجنبته ‏ما ابيه لوكان يفرش لي على جيبه " ‏« المجنّب من الاوادم ما يخلّى ‏لاسلم من شر ذولا جوه ذولا » ‏- الاصايل كل يوم تلافح بالكعوب ‏والردي لا عيّن اللي يهينه قدّره -

‏عسى بارد النسناس من كل فجّ وصوب يذعذع على صدر به النار تهتاشي .

أبغض خلق الله اللي يصغّر البعض في عين الآخرين يا أخي، قل خيرًا أو أصمت إذا في شخص عاجبني مو لازم أسمع نقاطه السلبية وماضيه أنت يا شخص وش علتك؟ ممكن أفهم؟ وأنا جالسة أسرد المديح والإعجاب الكامل تجي وتبدي رأيك عنه بكراهية ليش؟ ليش؟ أقسم بالله بلوة دامه عاجبني بصري !