Дөрес сүзгә җавап юк!

🐆 Татарстан Дәүләт Туграсы көне — татарның бөркеттәй рухы, дәүләтчелеге һәм азатлыгы символы! Бүген — Татарстан Дәүләт Туграсы көне. Ул 1992 елның 7 февралендә рәсми рәвештә кабул ителгән. Ләкин татарлар өчен ул бер дата, гади бер документ кына түгел. Ул — гасырлар аша килгән хәтер. Ул — онытылмаган татар дәүләтчелеге. Ул — буйсынмаган татар рухы. Туграбыз безне шанлы тарихыбызга — Бөек Болгарга, Алтын Урдага, Казан ханлыгына алып кайта. Ул — кылыч белән, кан белән, намус белән язылган васыять. Ул — татар дәүләтчелегенең инкарь ителмәс имзасы. Без аны онытырга тиеш түгел. 🌟 Татарстан Дәүләт Туграсы көне котлы булсын, бөек милләтем! Дөрес сүзгә җавап юк! х Төркия татарлары җәмгыяте

Кеше үз тормышын үзе бизәргә тиеш. Дөнья матур, якты. Тик шул матурлык, шул яктылык белән файдалана белергә кирәк. Кәрим Тинчурин

Күңелеңдә ни үкенечләр булса да, кеше, яше арта барган саен, тыныч тормышка омтылып яши башлый. Рафаэль Сибат

Бер кеше узса – эз кала, йөз кеше узса – юл барлыкка килә. Чуваш халык мәкале

Кешеләр дә хәзинә бит. Гариф Ахунов

Кайчакта көчсезлегеңне күрсәтмәскә дә көч кирәк! Шәүкәт Галиев

Туры килә торган вакыт бөтенләй дә килеп җитмәскә мөмкин. Әгәр сезнең чыннан да нәрсә дә булса эшлисегез килә икән, вакыт турында онытыгыз һәм башлагыз.

Матур итеп сөйләшә белгән кеше матур итеп уйлый белә, матур итеп уйлый белгән кеше матур уйларга омтыла. Фәнис Яруллин

Бер тамчы су җитә кайчак гөлләргә, бер җылы сүз җитә кайчак кеше күңеленә.

Көлмә кешедән, көлмәсләр үзеңнән. Татар халык мәкале

Бары гүзәл җанда гына бәхет чәчәкләре коена. Флёра Тарханова

Бер шәмнән мең шәмне кабызып була, моңа карап кына аның гомере кыскармый. Бәхет белән бүлешкәндә дә ул кимеми. Будда

Бәхетле яшәр өчен — яшерен яшә.

Тормыш – бер очы янып, көлгә әйләнеп, икенче очы, чәчәк атып, җимеш бирүче мәңгелек агач. Шәүкәт Галиев

Тормышта бердәнбер кагыйдә буенча яшәргә кирәк: һәрвакыт кеше булып кал. Эминем

Үз көчең белән тапкан бер тиенең кеше көче белән хасил булган мең тиеннән бәрәкәтлерәктер. Каюм Насыйри

Яхшы белү генә җитми, иң кирәклесе – белгәнне дөрес итеп куллану. Р. Декарт

Әгәр тәнең авыртуны тоясың икән, димәк син исән, әгәр башкаларның авыртуын тоясың икән, димәк син КЕШЕ!

Милләт, никадәр шигъри җанлы, шигърияткә никадәр якын булса, шулкадәр үлемсез, озын гомерле була. Шигърияттән ераклашкан саен, милләт тә мәңгелектән ераклаша, гомере дә кыскара бара. Баласыннан әкияте киткән милләт үлемгә юл ала... Айдар Хәлим

Начар укытучы хакыйкатьне ачып бирә, яхшысы хакыйкатьне табарга өйрәтә. А. Дистервег