Дөрес сүзгә җавап юк!

Кеше надан булса, ул аннан котыла алмый. Ул надан профессор, надан академикка хәтле күтәрелә ала, әмма наданлык барыбер кала. Мөхәммәт Мәһдиев

Тамак тук булганда, бөтен әйбер ямьле күренә. Мөхәммәт Мәһдиев

Ат дагасыз булмый, батыр ярасыз булмый.

Берәү күлләвеккә карап балчык кына күрә, ә берәү — анда чагылучы йолдызларны. Иммануил Кант

Сәгатеңне җимереп кенә гомер агышын туктатып булмый.

Күп фикерлә, аз сөйлә. Ризаэддин Фәхреддин

Агач — җимеше белән, адәм — эше белән.

Сәгать әкрен йөри, вакыт тиз уза. Шәүкәт Галиев

Гайрәттән яхшы дус юк.

Артта калган көннәр синеке түгел, алдагы көннәр – исән булсак, безнеке. Онытма: киләчәктә сине картлык көтеп тора. Көч бар чакта эшлисе эшне эшләп, яулыйсы үрләрне яулап калырга кирәк. Ычкындырма мөмкинлекне... Миргазиян Юныс

Безнең телебезне, милләтебезне без сакларга тиеш, чөнки ул Раббыбызның әманәте. Камил хәзрәт Самигуллин

Җирдәге һәр кеше үз өендә, үз ишегалдында, үз бакчасында тәртип урнаштырырга тиеш. Җирдәге һәр кеше бәхетле булса, ил дә бәхетле була. Разил Вәлиев

Ир бозылса — гаилә бозыла, хатын бозылса — халык бозыла. Татар халык мәкале

Авырып терелгән кеше күңеленнән йомшак күңел юк. Фәнис Яруллин

Ничек инде ана сөте белән кергән телне ташлап, чит телдә язарга була? Миргазиян Юныс

Мәхәббәте аз булган кеше мәхәббәт турында күп сөйли. Яратырга сәләтле кеше сөйләми. Ул ярата. Зөлфәт Хәким

Тормыш – аклы-каралы зебра түгел, ул – шахмат тактасы. Монда барысы да синең ничек йөрүеңнән тора.

Байлык, мөлкәт артыннан куарга кирәк түгел, үлгәч аның берсен дә үзең белән алып китә алмыйсың. Хәләл көч белән тапкан мал гына бәрәкәтле һәм файдалы.

Гөнаһка — үлем, ләкин гөнаһлы адәм яшәүгә лаек. Федор Плевако

Ялгышудан курыкмагыз. Әгәр ялгышкансыз икән инде, ялгышыгызны таный белегез һәм бүтән кабатламаска тырышыгыз.