Multaqa-😍 الملتقى 💖

الحزن بجد هتشوفه في عين حد بيحكي عن حاجة كان حاطط فيها كل امله ومكملتش .. تلاقيه لسه بيحكي عن الحاجة دي بنفس الشغف والحب لكن بعد كده بكل أسف وشعور بالهزيمة وخيبة الأمل يقولك بس للأسف مكملتش وعنيه حزينة كأنه لسه مهزوم دلوقتي مش من كام سنة مثلا .. وتقريبا مفيش حاجة بتعدي، وحقيقي مفيش حاجة أصعب من انك تخسر قبل لحظة الوصول بلحظة.. يعني خلاص هتمسك الحاجة فجأة تلاقيها راحت اتبخرت، وبعدها تأخد نفس عميق وتقول " كل ده كان لي" .

النصيب حاجة عجيبة، محدش يعرف يهرب منه، ممكن تبعد وتلف الدنيا كلها، وفي الآخر تلاقيه مستنيك في المكان إللي ماكنتش متوقعه، النصيب بيجي في وقته، وفي أحسن صورة لينا حتى لو ماكنش على هوانا في البداية. كل حاجة بتحصل في حياتنا مكتوبة ومقدرة، والنصيب جزء من الخطة إللي ربنا حاططها لنا، ساعات بنستعجل الأمور وبنحاول نفرض سيطرتنا، لكن في الآخر بنلاقي إن النصيب له رأي تاني، ثق إن إللي جاي أحسن، وإن النصيب هيجي في الوقت الصح ومع الشخص الصح. خليك دايمًا متفائل وواثق إن ربنا مخبي لك الأحسن، واوعى تسيب نفسك لليأس، النصيب دايمًا في صفنا، وبيخدنا للطريق إللي فيه راحتنا وسعادتنا .

مش لازم يقولك بحبك ع فكره .. "لما تروحي طمنيني ، خلي بالك ع نفسك ، اكلتي ، نمتي كويس ، شكلك كان حلو النهارده ، عايز اشوفك ، مش هتروحي لوحدك ، صوتك وحشني ، مش عايزه حاجه ، مش هسيبك تنامي زعلانه ، جبتلك شكولاته ، اسمعي الاغنيه دي ليكي ، انا جمبك ماتخفيش ، عملتي ايه النهارده ، الساعه متعديش ١٢ وتكوني فاتحه نت ، نامي بدري ، اول متنزلي كلميني ، كل ده كنتي فين" الاهتمام احلي من مليون بحبكك..♥

قالت والله لن أتزوج إلا رجل ترضاه نفسي وعيني وقلبي ويطبلي ف كل قعده قدام اي حد♥️💍

- ‏"أتعافى بك كلما أصابتني الحياة."♥️🫂

‏الإهتمام بملابس الأولاد، وأكلهم، وصحتهم، ونومهم يُسمى: رعاية والإهتمام بدينهم، وعقولهم، وسلوكهم، وأخلاقهم يُسمى: تربية والكثير من الناس اليوم لا يُفرِّقون بين الرعاية والتربية، وهنا يكمن الخلل ويحدث التقصير.

إهتمامك كبنت بنفسك وببشرتك شيء مهم جدًا، لكن مفيش داعي ابدًا إنك تخجلي من أي ظاهرة طبيعية بتحصل للكائن البشري زي إن مثلا يطلعلك حبوب، وتروحي مشوار مهم بوشك كده، و لا إن خروجك للشمس خلّى وشك إغمق وفيه بقع، انتي بشر عادي، ولا إن جت فترة ومكنتيش ف أحسن حالاتك زي ما كل الناس متعودة تشوفك عادي كلنا وارد يحصلنا كدا مفيهاش حاجة لما الناس تشوفك بعد يوم طويل، تكوني مرهقة ومبهدلة، وطرحتك مش مظبوطة ولبسك مكرمش.. سواء كنتي في الجامعة أو الدروس او مشوار عادي أو في شغلك.. عادي تكوني شكلك تعبان لانك إنسان طبيعي. ماتضغطيش على نفسك في الأمور دي أبدًا لأنها مواقف طبيعية بتحصل للكل، نهاية كل ده.. انتي جميلة بكل الأحوال والناس اللى ملامحة مش عجبها او سمرة شوية كل ده خلق الله واحنا بشر لانملك غير انا نرضى والجمال عمره ما كان بالشكل قد الروح والطيبة والقلب وحب الخير لغير الشكل والمال بيروح 💙

من أجمل الحاجات اللي سمعتها من الناس جمله " انتِ حِنينه اوي" بستغرب أوي طب ايه نوع العطاء اللي قدمته عشان يتقالي كده والرد كان أجمل بصراحه انتِ حتي ملامحك حِنينه ، حقيقي الحِنيه من أجمل صفات الانسان وشكراً للناس اللي بتشوف فينا الصفات الحلوه دي.

فيه جملة بتقول "لما يجي الشخص الصح هتلاقيك مرتاح ورايق وهتلاقي ربنا بيمشّي الأمور بهدوء عظيم". وبصراحة أنا مؤمن بالكلام ده جدا، انت مهما قعدت تعدد المواصفات اللي بتتمناها في شريك حياتك، ومهما قابلت ناس وحسيت إنك مش هترتاح لحد من كتر رفضك، ومهما اتلخبطت واتخبطت قبل كده فانت بوجود الشخص المناسب هتنسى كل ده وهتلاقي ربنا ميسّر كل خطوة ومبارك فيها .. هتلاقي نفسك حد تاني، أهدا وألطف وأحن وجواك حاجه بتقولك إن خلاص نصيبك معاك. ♥️✨..

السلام عليكم ورحمة الله وبركاته ازيكم يا شباب عاملين اى يارب تكون بخير احنا دلوقتى واقفين ف التبرعات وقفة مش كويسة ودا باب خير عن كل الجروب وحابب نفضل مكاملين فيه احنا ك معنا 4 حالات محتاجين مساعدة - الحالة اللى بنجمع ليها وبنسد الدين عنها فاضل 4400 - حالة مريضة سرطان هنشارك معها ب اى حاجة علشان سعر العلاج غالى جدا - حالة من غزة بتتعالج ف مصر بسبب الحرب وهم أسرة كاملة - حالة من شمال غزة الموضوع هناك ف مجاعة طيب احنا محتاجين من حضراتكم اللى يقدر يساعد ميتاخرش واللى ميقدرش يشر الرسالة ولينك الجروب ربنا يجعله فى ميزان حسناتكم يارب رقم الكاش 01090235466

ومرة في العُمر يقف الإنسان بجوارِ أحدِهم ‏ولا يودُّ التحرُّك حتى لو فاته العالَم.🤍

ماتسمعش كلام حد يقولك أول سنة جواز طبيعي يبقى كلها مشاكل ممكن يكون فيه اختلافات بسيطة بسبب إنهم بيتعوّدوا على بعض في بيت واحد بس ماتوصلش للمشاكل أول ٣ سنين لو مكانوش كلهم حب وخروج يبقى أول سنة اللي كلها مشاكل دي مكملة لحين نهاية العلاقة متتجوزوش بالمبدأ ده ومتتجوزش حد مقتنع وداخل على المبدأ ده .. اختار شريك حياة ناوي وعايز ومستعد إن الحياة بينكم الحلو فيها يبقى أكتر يبقى مش عايز ومعندهوش استعداد الزعل يطول .. اختار اللي شايف ان أي مشكلة هي بينكم و بين بعض وبس. مفيش حاجة اسمها الزواج أوله مشاكل ولا حتى اخره الزواج مودة ورحمة واللي مش هيعرف يعمل ده مايتجوزش..

لو كنت نزلت بدري شوية مكناش هنقف في الزحمة دي.. لو فلان كان لحق بدري يعمل العملية مكنش زمانه دلوقتي مات.. لو كنت دخلت الكلية الفلانية بدل الكلية دي كان زماني مبسوط أكتر.. يقول الرسول صلى الله عليه وسلم: ( إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان ) رواه مسلم. كل حاجة في طريقك ليك (إِنَّا كُلَّ شَيْءٍ خَلَقْنَاهُ بِقَدَرٍ) حياتك مش صدفة، رزقك مش صدفة، معاد موتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو أنت مش عارف تشوف دا بعينك! اطمأن بأقدار ربنا ليك وأول ما يحصل حاجة تحسها تقيلة على قلبك ردد "قدر الله وما شاء فعل" لأن أقدار ربنا كلها حكمة ورحمة..

كنت عندهم انا وعيلتي بعد ما اقنعوني إنها بنت ممتازة ومافيش منها.. وأهلها كويسين.. بس يا حبيبي تقعد وما تتكلمش.. لما بتتكلم الدنيا بتبوظ.. المهم وانا قاعد وببص على البنت والكل واخد باله من نظراتي ليها وأمي فرحانه أوي إني ببص عليها كدا. لقيت أخوها الصغير بيلعب وإحنا قاعدين في الموبايل.. فبقوله ها بتلعب ليه يا حبيبي.. قالي بلعب عشان أكسبهم.. قلتله لا إحنا بنلعب عشان نستمتع لو تحول اللعب الي خسارة ومكسب أصبح اللعب عملا.. طبعا الواد ماكنش فاهم أنا بقول إيه.. وأمي برقتلي فسكت وهموت وأتكلم بقالي ساعة قاعد ساكت.. وببص للبت وكانت عجباني بصراحة بس مش بتتكلم خالص .. المهم جت اللحظة الفارقة وقمت مكلمها ازيك وكدا وعايز أفتح معاها أي موضوع وهي مكسوفة جدا .. فقلتلها مناخيرك في الحتة المناسبة في وشك جدا.. وتقريبا انتي كدا حققتي النسبة الذهبية بتاعة الجمال.. وهي نسبة فيبوناتشي 1.6.. البت بصتلي بصة ذهول.. فقلت بقي استفيض وأفتح موضوع.. قلت لها انتي شكلك بس مش عارفة ايه النسبة الذهبية بتاعه فيبوناتشي.. ده اصلا عالم رياضيات واكتشف ان أي جمال في الكون خاضع لنسبة هي 1.618.. وهي بتبقي الأرقام دي 0-1-1-2-3-5-8-13-21-34-55-89 وإلخ.. بمعني اننا لنبدأ بالصفر وبعده واحد.. ونجمع كل رقمين متتالين.. لو جينا قسمنا أي رقمين متتالين على بعض من بعد 3 هنلاقي ان النسبة كلها تقريبا 1.6.. وهي نسبة فيبوناتشي.. والغريب ان الكون نفسه حتى في الفاكهه والخضروات والزهور خاضع للحكاية دي.. كل ده والبت بتبصلي ومستنيه حاجة انا ما أعرفهاش.. فقلت لها طيب عندكم رمان.. قالتلي مش عارفه قلتلها طب قومي دوري.. فجابتلي رمانة قديمة أوي.. ومامتها محرجة وأمي تبصلي.. وكله قاعد مكسوف عشان الرمانه كانت قديمة أوي.. ومافيش غيرها.. فأنا قلتلها مش مهم.. مش هاكلها يعني.. وفتحت الرمانه براحة وأمي تقولي مش وقته يابني إحنا في ايه ولا في إيه.. وحلفت لأعد لها حبات الرمان في كل شق من الشقوق ونقسم على المجموع الكلي ونشوف هتحقق النسبة الذهبية ولا لأ.. والدتي بعدها بيومين بتتصل بيهم تطمن قالوا ايه.. ردت ام البنت وقالت لها سألنا عليه فيه ناس خوفونا و بيقولوا ملبوس .. فأمي قاعده زعلانه مني وزعيق وانت بتبوظ الجوازات.. ومنك لله فضحتنا.. بينما كان أخويا عماد بيقولها ازاي يقولوا عليه ملبوس.. أمي قالتله ناس قليلة الرباية شوفوا بيقولوا ايه على أخوك يا عماد.. قالها وهو فيه جن يا حجة هيقعد يعد حب الرمان.. ده مش ملبوس ده اتجنن.. قلت لعماد مانا كنت عايز أفتح موضوع يا أخي.. قالي تقوم تعد حب الرمان.. مالها المانجا.. حباية واحدة وكان الموضوع خلص يابني..

" فكرة القبول ساحرة .. الإنسان ممكن يقابل ألف شخص فـ مستويات مُختلفة من الجمال والذكاء و هيفضل القبول هو النقطة الفاصلة اللـ يتلاشى عندها باقي الجوانب.. وبيفضل سؤال بلا إجابة! إشمعنا الشخص ده ، أو ليه مش غيره؟ لأنه هو الشخص ده و مش بيتحط فـ مُقارنة مع غيره بلا أسباب ملموسة أو حُجج واقعيّة. لرُبما أولئك الذين جعلَ لهم الرحمن وُدًّا، و ألقى عليهم محبةً منه .."

قال أبوبكر الصديق لعمر بن الخطاب -رضي الله عنهما- حين استخلَفه عنده موته: أوصيك بتقوى اللّه؛ فإنّ لله عملا بالليل لا يقبله بالنهار، وعملا بالنهار لا يقبله بالليل، وإنه لا يقبل نافلة حتى تؤدَّى الفرائض. وإنما ثقلت موازين مَن ثقلت موازينهم يوم القيامة باتباعهم الحق وثقلُه عليهم؛ وحُقّ لميزان لا يوضع فيه إلا الحق أن يكون ثقيلا. وإنما خفّت موازين مَن خفّت موازينهم يوم القيامة باتباعهم الباطل في الدنيا وخفّته عليهم؛ وحُقّ لميزان لا يوضع فيه إلا الباطل أن يكون خفيفا. وإنّ اللّه ذكَر أهل الجنة فذكرهم بأحسن أعمالهم، وتجاوز عن سيئاتهم، فإذا سمعت بهم قلت: إني أخاف ألّا أكون من هؤلاء. وذكر أهل النار بأقبح أعمالهم، وأمسَك عن حسناتهم، فإذا سمعت بهم قلت: أنا خير من هؤلاء. وذكر آية الرحمة مع آية العذاب؛ ليكون العبد راغبا راهبا، لا يتمنى على اللّه غير الحق. فإذا حفظت وصيتي= فلا يكونن غائب أحبّ إليك من الموت، وهو آتيك. وإن ضيّعت وصيتي= فلا يكونن غائب أكرَه إليك من الموت، ولن تُعجزه🤍

اللهم يا صمد من لا صمد له، ويا سند من لا سند له، ويا ملجأ من لا ملجأ له، أطعم أهل غزة، واسقهم من طيب خزائنك الملأى، وارزقهم الهناء بعد الشقاء، والأمن بعد الخوف، والراحة بعد العناء، واستر عوراتهم، وآمن روعاتهم، وأسعدهم بزوال الغمة وكشف الكربة، عاجلًا غير آجل يارب العالمين !!

- أن تتزوج حبيب عينك! أن يتحول مَن لا تستطيع لمس يديْه إلى مَن إذا لمَسته تأخذ على ذلك أجر! أن يتحول مَن يستأذن لدخُول بيت الأهل إلى أول مَن يُسئَل عنه إذا غاب! أن يكُن وجهُه أول ما تفتح عينك عليه! "الزواج ميثاق غليظ ميثاق مرِن ولطيف يُحلل ما حرَّم ويُبيح ما لم يكُن متاح".💛

اول فترة في الجواز وبعد ما يتقفل علينا باب واحد لازم نكون حريصين اننا نبعت لبعض رسايل طمأنة ❤ .. لأن كل واحد فينا عنده شوية تخوفات والتخوفات دي موجودة جوانا مهما كانت فترة الخطوبة فترة لطيفة وهادية .. 🔘 زوجتك بتبقى خايفة انك ممكن تكون بخيل او متسلط او تكون تابع لأهلك ... إلخ فمهم في أول فترة بينكم انك تحسسها انك كريم معاها (على قد امكانياتك طبعا) وده أهم من انك تدخر فلوس لأن الادخار وقتها ممكن يتفهم انه بخل وهي لما تطمن هاتساعدك في موضوع الادخار .. حاول تحسسها انك حد مرن ومتغافل ،، لكن لو انت فضلت تقف على كل موقف وكل غلطة وده نتيجة انك عاوز تحط النقط ع الحروف في كل تفصيلة هي ممكن تفهم انك متسلط وده ممكن يخليها تقاومك بدل ما تكون لينة معاك .. حاول انك تحسسها انك قادر تحمي خصوصية بيتكم وبشكل واضح ،، لأنك لو اتصرفت في الموضوع بميوعة بدافع الحكمة في أول فترة هي ممكن تفقد الشعور بالأمان 🔘 جوزك بيكون عنده تخوف انك ممكن تكوني عنيدة او تعامليه بندية أو انك مسرفة ... الخ ففي أول فترة مهم تحسسيه انك لينة معاه وانك بتقدريه وبتحترميه لكن لو انت اتعودتي انك تناكفيه في كل موقف ،، او ترفضي كتير من طلباته وانك دايما متمسكة باللي انتي شايفاه ،، او مش بتعامليه باحترام هاتثيري التخوف اللي جواه اللي بيقول ان ممكن تكوني (عنيدة ) .. ساعتها هو هايكون حريص انه يحط حدود للعند بتاعك ودماغك الناشفة اكتر من حرصه انه يرضيكي ،، هو لما هايتطمن انك مش عنيدة و هايراعي طلباتك وهايكون مرن اكتر معاكي وهكذا _الانطباعات الأولى بتدوم لفترة طويلة ،، وتغييرها بيحتاج لجهد مش قليل ،، فا لو فشلنا اننا نطمن بعض في أول أيام جوازنا هانتعامل مع بعض من منطلق تخوفاتنا و سوء الظن هايسيطر على المشهد ،، المشاكل هتزيد في وقت قليل ومش هانلحق نبني رصيد إيجابي يسندنا بقية العمر للأسف

غيره الراجل ♥🔥 الراجل لما بيحب بجد بيبقي عايز حبيبته تبقي ليه لوحده بمعني امه واخته وبنته وحبيبته وصحبته ف نفس الوقت ، يعني ممكن يغير عليها من ابن خالتها لما يسلم عليها ، من ابن عمتها لما يهزر معاها عشان هو شايف ان هي ليه لوحده و زي م الست بيتها مملكتها وهي الملكه فيه ، ف الراجل شايف حبيبته المملكه ومينفعش غيره يسكن فيها 😌♥🔐