የጽርሐ ጽዮን ሐዋርያት ጎላ ቅዱስ ሚካኤል የፍኖተ ብርሃን ሰ/ት/ቤት (Official Channel)

ሆሳዕና በአርያም ሆሳዕና ማለት ቃሉ ሆሼዕና ከሚለው ከዕብራይስጥ የተገኘ ሲሆን ትርጉሙ  መድኃኒት፣ አቤቱ አሁን አድን ፣አቤቱ አሁን አቅና ማለት ነው፡፡ ከጌታችን ከመድኃኒታችን ከኢየሱስ ክርስቶስ ዘጠኙ ዓበይት በዓላት አንዱ ሲሆን ቅዱስ ያሬድ ኢትዮጵያዊው ሊቅ በሰየመው የዐቢይ ፆም ሳምንታት ስያሜ  ስምንተኛ ሳምንት ሆኖ ተሰይሟል። ጌታችን አምላካችን መድኃኒታችን ኢየሱስ ክርስቶስ ከቤተ ፋጌ ወደ ኢየሩሳሌም በአህያ ውርንጭላ ላይ ተቀምጦ ወደ ኢየሩሳሌም መግባቱን በማሰብ ዛሬም ድረስ በታላቅ ክብር ቤተክርስቲያን በዓሉን ታከብራለች። ጌታችንም ከደቀ መዛሙርቱ ሁለቱን ጠርቶ እንዲህ አላቸው  “በፊታችሁ ወዳለችው መንደር ሂዱ ያን ጊዜም የታሰረች አህያ ከውርንጭላዋ ጋር ታገኛላችሁ፤ ፍቱና አምጡልኝ” አላቸው፡፡ ደቀ መዛሙርቱም እንዴት የሰው ንብረት ዘርፈን  እናመጣለን? ብለው ፈሩ ያንጊዜ  “ምን ታደርጋላችሁ? የሚላችሁ ቢኖር ጌታቸው ይሻቸዋል በሉ፤ ያን ጊዜ ይሰዱአችኋል” አላቸው፡፡ ደቀ መዛሙርቱም ሄደው ጌታችን ኢየሱስ እንዳዘዛቸው አደረጉ፡፡ “አንቺ የጽዮን ልጅ ሆይ እጅግ ደስ ይበልሽ፤ አንቺ የኢየሩሳሌም ልጅ ሆይ እልል በዪ፤ እነሆ ንጉሥሽ ጻድቅና አዳኝ ነው፤ ትሑትም ሆኖ በአህያ በአህያይቱም ግልገል በውርንጫይቱ ተቀምጦ ወደ አንቺ ይመጣል፡፡” ትን.ዘካርያስ 9፥9 ተብሎ በነቢያት የተነገረው ትንቢት ይፈጸም ዘንድ ጌታችንም በአህያ ውርንጭላ ላይ ተቀምጦ ወደ ኢየሩሳሌም በሚገባ ጊዜ ሕዝቡም ልብሶቻቸውን በመንገድ ላይ እያነጠፉ ፤ ዘንባባ ይዘው የዛፎችንም ጫፍ ጫፍ እየቆረጡ “ሆሣዕና ለዳዊት ልጅ በእግዚአብሔር ስም የሚመጣ ቡሩክ ነው፤ ሆሣዕና በአርያም” እያሉ ይጮሁ ነበር፡፡ ያን ጊዜ የሕዝቡና የሕጻናቱ የደስታ ጩኸትና ምስጋና ያስቆጣቸው ፈሪሳዊያን ዝም እንዲያሰኛቸው ጌታችንን ጠየቁት እርሱም መልሶ “እነርሱ ዝም ቢሉ ድንጋዮች ያመሰግኑኛል” ብሎ መለሰላቸው። ''እም አፈ ደቂቅ ወሕፃናት አስተዳሎከ ስብሐተ በእንተ ጸላዒ ከመ ትንሥቶ ለጸላዒ ወለገፋዒ ፡  ከህፃናት አንደበት ምስጋናን አዘጋጀህ የጠላት ዲቢሎስ ምክሩን ታፈርስበት ዘንድ''     ጌታችን በአህያ ላይ ለምን ተቀመጠ? • ትህትናን ለማስተማር • የሰላም ዘመን ነው ሲል • ለፈለጉኝ ሁሉ የቅርብ አምላክ ነኝ ሲል ነው ጌታችን መድኃኒታችን ኢየሱስ ክርስቶስ ወደ ቤተ መቅደስ ሲገባ ሕዝቡ ዘንባባ ይዘው “ቡሩክ ዘይመጽእ በስመ እግዚአብሔር፤ በእግዚአብሔር ስም የሚመጣ የተባረክ ነው።’’ በማለት ስለተቀበሉት ይህን በማሰብ እስከ አሁን ድረስ ቤተ ክርስቲያናችን ዘንባባ ለሕዝበ ክርስቲያኑ በመስጠት እንዲሁም በአራቱም ማዕዘናት ከአራቱም የወንጌል ክፍል ዕለቱን የሚመለከቱ ምንባባት እየተነበበ በዓሉ ይከበራል፡፡ በሰሙነ ሕማማት ጸሎተ ፍትሐት ስለማይፈጸም በዚሁ እለት ጸሎተ ፍትሐት ይከናወናል ፡፡ ወስብሐት ለእግዚአብሔር

የመጽሐፉ ስም "ሳምራዊቷ ሴት" የመጽሐፉ አዘጋጅ ✍️ - ኢዮብ በቀለ ዘገነተ ጽጌ የመጽሐፉ ገጽ - 350 የምዕራፍ ብዛት - 27 የመጽሐፉ ይዘት - በዮሐንስ ወንጌል ምዕራፍ አራት ላይ ጌታችን ኢየሱስ ክርስቶስ በሰማርያ ሲካር መንደር በያዕቆብ ጉድጓድ አጠገብ አግኝቶ ቅዱስ ቃሉን አስተምሮ ወደ ድኅነት ያመጣትና ለማኅበረሰቧ መዳን ምክንያት ስለሆነችው የሰማርያዋ ሴት ላይ የሚያጠነጥን መጽሐፍ ነው፡፡        መጽሐፉ በውስጡ ጌታችን ሴቲቱን ለማግኘት ከመጣበት ስድስት ሰዓት ጀምሮ ለመንደሯ ሰዎች ምስክር እስከ ምትሆንበት ድረስ  ያለውን የዮሐንስ ወንጌል (ምዕራፍ አራት) ላይ የተጻፈውን ከርሷ ሕይወት ፣ ከሰማርያ ከተማ እና ከሰው ልጅ ድኅነት ጋር በማያያዝ በስፋት ተብራርቶበታል ፡፡ ጌታችንን ካገኘችና በወንጌል ከተጻፈላት ታሪክ በኋላ ስለ ስሞቿ፣ በዘመነ ሐዋርያት ስለነበራት ተጋድሎ ከአምስት እኅቶቿና ከሁለት ልጆቿ ጋር ስለተቀበለችው መከራ እና ስቃይ ፣ በመጨረሻም ስለ ሰማዕትነቷ ተጽፎ የምናገኝበት መጽሐፍ ነው፡፡ የመጽሐፉ ዋና አከፋፋይ - ሰርዲኖን የመጽሐፍ መደብር    አድራሻ - ቅድስት ሥላሴ ዩኒቨርስቲ ሕንጻ Ground ላይ

የሐዘን መግለጫ የሰንበት ት/ቤታችን አባል የሆነው የወንድማችን ዲ/ን ዳንኤል ተክሌ ወንድም አርፏል። የቀብር ሥነ ስርዓት የሚፈጸመው ዛሬ መጋቢት 23/2018 ዓ.ም ከቀኑ 8:30 በሰዓሊተ ምሕረት ቤ/ክ በመሆኑ የምትችሉ  አባላት በመገኘት ወንድማችንንና ቤተሰቦቻቸውን እንድናጽናናቸው እንዲሁም መኖሪያ ቤታቸው ቂሊንጦ ኮንዶሚኒየም በመገኘት እንድናጽናናቸው ይሁን።  አምላከ ቅዱስ ሚካኤል የወንድማችንን ነፍስ በአጸደ ገነት ያኑርልን ።         የፍኖተ ብርሃን ሰ/ት/ቤት ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc የዌብሳይት ገጻችን https://finotebirhan.com

የሐዘን መግለጫ የሰንበት ት/ቤታችን አባል የሆነው የወንድማችን ዲ/ን ዳንኤል ተክሌ ወንድም አርፏል። የቀብር ሥነ ስርዓት የሚፈጸመው ዛሬ መጋቢት 23/2018 ዓ.ም ከቀኑ 8:30 በሰዓሊተ ምሕረት ቤ/ክ በመሆኑ የምትችሉ  አባላት በመገኘት ወንድማችንንና ቤተሰቦቻቸውን እንድናጽናናቸው እንዲሁም መኖሪያ ቤታቸው ሰሚት 72 በመገኘት እንድናጽናናቸው ይሁን።  አምላከ ቅዱስ ሚካኤል የወንድማችንን ነፍስ በአጸደ ገነት ያኑርልን ።         የፍኖተ ብርሃን ሰ/ት/ቤት ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc የዌብሳይት ገጻችን https://finotebirhan.com

ቅድስት ሆይ ለምኝልን

#በስመ_አብ_ወወልድ_ወመንፈስ_ቅዱስ_አሐዱ_አምላክ_አሜን። ለፍኖተ ብርሃን ሰንበት ት/ቤ አባላት በሙሉ! ሰንበት ት/ቤት የመንፈሳዊ ሕይወት መማሪያ ተቋም ናት! በሰንበት ት/ቤት አገልግሎት ብዙዎቻችን ስላደግንባትና ስለተማርንባት፣ #ፍኖተ_ብርሃን ሰንበት ት/ቤታችን የውለታዋን ያህል ባይሆንም ጥቂት መመስከር እንችላለን። በፍኖተ ብርሃን ሰንበት ትምህርት ቤት ውስጥ የዛሬው ማንነታችን በእምነት፣ በእውቀት፣ በጥበብ፣ በማስተዋል፣ በበረከት...በብዙ ነገር ተቀርጾ በሕይወታችን ላይ ትልቁን አሻራ ያስቀመጠችልን መሆኑን የምንዘነጋው ሀቅ አይደለም። የቅዱስ ሚካኤል ፍቅር በልባችን እንዲሳል፣ የሐዋርያት ረድኤት አብሮን እንዲኖር፣ የቅዱሳንን ቃልኪዳን በሕይወታችን እንድንጠቀምበት፤ በአምላካችን #በመንፈስ_ቅዱስ ሕግ እየተመራን እንድንመላለስ ፍኖተ ብርሃን ሰንበት ት/ቤት የመንፈሳዊ የትምህርት ተቋም ሆና ትልቅ አሻራ በማሳረፍ አገልግላናለች። ዛሬ ስለ ሰንበት ት/ቤታችን ይህንን ማሳሰቢያ እንድናስተላልፍ ምክንያት የሆነን ነገር፤ አጠቃላይ ቅድስት ቤተክርስቲያንናችንም ሆነች የሰንበት ት/ቤት አገልግሎት በብዙ ፈተናዎች በተከበቡበት ጊዜ ላይ እንደመገኘታችን መጠን የልጅነታችንን ግዴታ እንደ አቅማችን እንድንወጣ አጭር መልእክት ለማስተላለፍ ነው። 1. የፊታችን እሑድ #መጋቢት_20/2018 ዓ.ም ከቀኑ 11:30 ጀምሮ ለቀጣይ ሦስት ዓመት ሰንበት ት/ቤትን በመሪነት የሚያገለግሉ አመራሮችን ለመምረጥ #የአስመራጭ_ኮሚቴ_ምርጫ ይካሄዳል። በመሆኑም የሩቅ ተመልካች ከመሆን ወጥተን በንቃት ላሳደገችን ሰንበት ት/ቤት አገልግሎትም ሆነ በአጠቃላይ ለቤተክርስቲያን አገልግሎት የድርሻቸውን የሚወጡ አገልጋዮችን የሚመለምሉልንን አስመራጭ ኮሚቴዎችን በመምረጥ እና ራሳችንንም ለዚህ አገልግሎት በማዘጋጀት ብንሳተፍ አንድ ሻማ ለፍኖተ ብርሃን ማዋጣት ይሆናልና፤ የቀድሞ ሥራ አመራር በመሆን በተለያዩ ክፍል ያገለገላችሁ ታላላቅ ወንድምና እሕቶች በጸሎት፣ በሐሳብ፣ በምክር፣ እንዲሁም በማገልገል ብትሳተፉ መልካም ይሆናል ተብሎ ይታሰባል። 2. የፊታችን እሑድ የሚመረጡት አስመራጭ ኮሚቴዎች በሚሰጡት መመሪያና አካሄድ በንቃት በመሳተፍ የሰንበት ት/ቤታችንን ቀጣይ አመራር በመምረጥ የአገልግሎት ዘመኑ የፍሬ እንዲያደርግልን ሁላችንም የድርሻችንን ለመወጣት ፈቃዳችን ቢሆን መልካም እንደሆነ ለማሳሰብ። 3. ዛሬ የምናደርገው እያንዳንዷ ነገር የነገ ፍሬ መሆኗን አውቀን፣ ድክመትም ይሁን መልካም ጎናችን የሁላችንም ውጤት መሆኑን ተረድተን፤ ለነገ መልካም ፍሬ ዛሬን በጽናት እንድንጠቀምበት በአምላከ ቅዱስ ሚካኤል ስም ለሁላችንም ማሳሰብ እንፈልጋለን። 4. የምርጫ አካሄዳችንን በተመለከተ በቤተክርስቲያን የመንፈሳዊ አገልግሎት ምርጫ ዙሪያ እግዚአብሔር መንፈስ ቅዱስ ባወቀ በእኛ ምርጫ ውስጥ እርሱ አምላካችን በጎውን፣ የሚበጀንን አገልጋይ እንዲመርጥልን ስለ ሰንበት ት/ቤታችን በአንድነት በቅንነትና በፍቅር ሆነን የምንወስነው እንጂ፤ በጓሮ ተቧድኖ መጥቶ የምናካሂደው ምርጫ ከዓለማዊ ስጋዊ አስተሳሰብ ስለሚመነጭ በጎ ስራ ከሚያሰራን ከእግዚአብሔር ጋር ሊለያየን ይችላል። ይህም ፍሬ የሌለው ከንቱ የድካም አገልግሎት ውስጥ እንዳይከተን፣ በጸሎት ከቡድንተኝነትና ከመከፋፈል ስሜት የጸዳ የአንድነትና የፍቅር ምርጫ  እንድናደርግ አምላከ ቅዱስ ሚካኤል ይርዳን። #እግዚአብሔር አምላካችን በጎውን ያጽናልን! ክፉውን ያርቅልን! ሰንበት ት/ቤታችንን ይባርክልን! ቤተክርስቲያንን ይጠብቅልን! ወስብሐት #ለእግዚአብሔር