Najmiddin Turon

Нажмиддин укажўрамни туғилган куни билан чин юракдан қутлайман! Боши соғ, йўли узоқ, ижоди порлоқ бўлсин! https://www.youtube.com/watch?v=mbrwg6T6F88&t=2s

​​#Таваллуд_санангиз_муборак #Нажмиддин_Эрматов #32_ёшда ▫️▫️▫️ 2011-2012 йилларда Насимхон Раҳмон ("Осиё йўлбарси") деган қадимшунос олим ЎзМУнинг журналистика факултетига декан бўлиб тайинланганидан сўнг имтиҳондан ўтиш бали осмону фалак(250-280 балл!)дан Она заминга эна бошлаган. Нега?! Чунки порахўрлик, бункер-мункер деган "ўйин" деярли ўйналмаган. Табиийки, бу ҳол "ўйинчи"ларга бағоят малол келгач, "Осиё йўлбарси" четга сурилди... Сўнг яна "кўпкари"... "Бос, бос, қамчи бос!"... Лекин Насимхон Раҳмон деканлик даврида ўқишга кирган манглайи отнинг сағринидай ярақлаган журналистлар бугун мамлакатнинг турли буржларида қалам йўнаётир... Улар бир қур эффект берди. Курсдошим, дўстим, қадрдоним, маслакдошим Нажмиддин ҳам ўша пайтда кучи билан ўқишга кирган. Талабалар турар жойида қаватимиз бир, хоналаримиз қарама-қарши эди. – Шеърият антологиясини бериб туринг! – Фақат тезроқ қайтаринг! Нажмиддин бошдан-бош шеър ёзарди! Унга кўпчилик ШОИР деб мурожаат қиларди. Нажмиддин камгап, ўйловли, аллақандай ғамгин туюларди. Ўшанда даҳлизларда тор кўтариб юрардим, баъзан бемаҳал тинғирлатиб кўпчиликнинг баъдига тегардим. Нажмиддиннинг бир шеърини ўзимча куйга солиб, бир-икки айтганман ҳам: "Мен кетурман олисларга, // Кўнгил деган армон қолур...". Нажмиддинга ҳазиллашиб: – Қайғурманг, қарийб бойсунликсиз! – десам доим: – Аксинча, сиз деярли деҳқонободликсиз, – дерди. Лекин боболаримиз бир даштда қўй ҳайдаганига ишонаман! Ўйлаб қарасам, у шу кунга қадар панд бермаган: вақтида келган, ишдан, ҳашардан қочмаган, элчиликни жойига қўйган, алдамаган, ваъдасини бажарган, бировга чил бермаган, ёрдам қўлини чўзган, борини борича қабул қилган... Унинг шоирлиги кейинги ўн йилда тизимли шаклланди. У "Келма" номли шеърини "кўр қани" деб биринчилардан менга ўқитган. Фикримни айтганман. Нажмиддиннинг мардлиги, дангаллиги, тантилиги, очиқ кўнгиллиги унинг зийнати. Уни шу кунга қадар бирор марта ҳам ёмон кўрмаганман. Қизиқ. Ҳатто жиғимга ҳам тегмаган! Нажмиддин бор жойда латифалар, ҳангомалар туғилаверади. 2019 йил 20 августда Мансур Жумаевнинг никоҳ тўйи ўтди. Нажмиддин бизнинг ҳужрада қолди. Эрталаб, Унинг телефони жиринглади: – Ало! – Нажим, қаерда юрибсан, ишхона ёняпти! – Ҳа, бораман, ваҳима қилманглар! – Нажмиддин, ишхона ростдан ҳам ёняпти... Ижтимоий тармоқларга кирсак, "Маҳалла" каналида ёнғин содир бўлгани ҳақида янгиликлар урчияпти. Ўшанда "Маҳалла" муҳаррири шоир Баҳодир Баҳром латифага якун ясаганди: "Ишхонада ҳамма нарса ёнибди, ҳатто сейфдаги ҳужжатлару қимматбаҳо қоғозлар ҳам. Ишонасизларми, фақат икки нарса ёнмай қолибди: бири "Қуръони Карим"; иккинчиси менинг шеърий китобим!"... Нажмиддиннинг шеърларини икки йил аввал газетанинг навбатдаги сони учун муҳаррир кўзи билан сараладим. Тўғриси, ўшанда шеър танлашга андай қийналганман. Унинг аксарият шеърлари "тиғли", "тишли", "заҳарли", "оташин", "фош этувчи"... "Бунақамас-да, оғайни" – деганим эсимда. Нажмиддин ҳақида фикр айтиш қийин. Сабаби, гурунг кўп, воқеа бисёр. Хотиралар босими шуур аталмиш қувурга катта куч билан келиб урилади... Аномал шароитда эса исрофгарчилик кетмайди... Дўстим, икки дунё саодатига ноил бўлинг, дейман! Унутманг, боболаримиз бир даштда қўй ҳайдаган! А. А. ▫️▫️▫️ Тун. Ёмғир. Қоришиқ ифор. Учқур хаёл, қадамлар аста. Борлиққа сочилиб келади кетгинг, Ёмғир бўлсам керак, аслида. Сен йўқсан. Ҳеч ким йўқ. Нималардир бор. Ненидир туярсан ёмғир остида. Мен ахир осмонда яшаганман-ку, Не қилиб юрибман замин устида?.. Шайтон. Тақиқ. Ва ўша мева. Афсус бор қувғинди одам наслида. Негадир уларга алоқам йўқдек, Ёмғир бўлсам керак, аслида. Нажмиддин ЭРМАТОВ

​​Нажмиддин Эрматов – ўз сўзи, ғояси ва йўлига эга шоир. Бугун унинг туғилган куни, дўстимизга узоқ умр, баракали ижод тилайман! НАЖМИДДИН ЭРМАТОВ Ўттиз қуш қонимни бўзадай ичди, Оҳулар кўзига сиғмади умрим. Менинг осмонимда учмаган ҳурни, Бир тунда алафлар пойида кўрдим. Бўзла энди, бўзтўрғай. Кафтимнинг чизиғин талади йўллар, Пиллақурт касбидан бермади улгу. Қопқонда чорасиз ётган қашқирдай, Бўғзимни йиртгудай увилладим "у-у-у-ув’’, Бўзла энди, бўзтўрғай. Кечалар ожизман, кечалар - хунбор, Куздузлар кифтимга қўнмаган бахтқуш. Ҳар оқшом бўғзимда уяласа мунг, Ҳар сахар кўзимдан сачраб кетар туш. Бўзла энди, бўзтўрғай. Булбул сайроғида висолга умид Куйган кўкайимга ботмоқда тиғдай. Эртамни кўролмай қуриган ўша Кўзим косасида узатаман май. Бўзла ўзинг, бўзтўрғай. Олдинда нима бор - илон ютган йўл, Имкон йўқ, қайтиб ҳам бўлмайди изга. Андуҳга чайилган узу-у-ун умрда Ўлув битталиги кам бўлди бизга. Бўзла энди, бўзтўрғай. Ҳар лаҳза - косадай азобга тўла, Тушун, қисмат бўлди симирмоқ жабри. Бутун ҳаётини шундай куйдириб, Бўзлаб ўтар одам айтяпти. Бўзлагин-ай, бўзтўрғай. https://t.me/Najmiddin_Ermatov Telegram | Facebook | Instagram | YouTube

​​#шоир_Нажмиддин_ЭРМАТОВ_туғилган_кун Бугун жўрам, жигаримдай яқин инсон Нажмиддин Эрматов туғилган кун. Нажмиддин халқнинг заррача оғриғини-да юрагида ҳис этадиган, буни шеърлари билан бошқаларга ҳам юқтиришга ҳаракат қиладиган ҳақиқий шоир. Шунинг учун унинг шеърлари қурувчилар, чўпонлар, таксичиларнинг ҳам ижтимоий тармоқлардаги гуруҳларида "айланиб юради". Нажмиддин ҳақиқий маънода шу элнинг, шу халқнинг шоири бўлиб бормоқда. Аллоҳнинг ўзи қўлласин! Жўра, умрингиз узоқ, танингиз соғ, йўлингиз ойдин бўлсин илоҳим! ҚЎРБОШИЛАР ҚЎШИҒИ Шимолдан ёғий келар Талаб қилиб Туронни, Минг аср эш бўлсак ҳам  Бизга қўшилмас қони, Ўрнингдан қўзғал энди, Туркий элнинг ўғлони, Тулпорингга қамчи ур Селдай қалқи, бовурим, Бизлардан шон сўрмоққа Ватан ҳақли, бовурим. Туроннинг эр-у қизи То азалдан мард келар, Турклар дунё сўрар деб Қадимдан бир шарт келар, Душманга қул бўлганнинг Авлоди номард келар, То абад тинмасин-а Мерос чархи, бовурим, Бизлардан ор сўрмоққа Ватан ҳақли, бовурим. Тўтига ошно булбул  Чаманга арзимайди, Душмандан қочиб ўлган Кафанга арзимайди, Мустабидга қул элат Ватанга арзимайди, Балки кўрар умрнинг Келди гашти, бовурим, Бизлардан ҳол сўрмоққа Ватан ҳақли, бовурим. Туркий элат бошида Бегона тахт кўрмасин, Бош эгар омонликни Ўзига бахт кўрмасин, Кун келиб фарзандини Ёвга улфат кўрмасин, Ўзлигинг кўрсатмоқнинг Келди вақти, бовурим, Бизлардан кор сўрмоққа Ватан ҳақли, бовурим. Бобомдан мерос ватан Боламга мерос ўтсин, Шуурига мангулик Уйғотар овоз ўтсин, Ёвга қаҳри қаттиқлик Туркийларга хос ўтсин, Кўзлардан олов ўтсин, Ўтсин шахти, бовурим, Бизлардан юрт сўрмоққа, Авлод ҳақли, бовурим. Юрт деб йўлга отладик Буюкроқ сафар қайда, Шу йўлда шаҳид кетсак Бошқа бир зафар қайда, Қул бўлган тирикликдан Ортиқроқ хатар қайда, Отланган ҳар йигитнинг Шудир ахди, бовурим, Бизлардан қон сўрмоққа Ватан ҳақли, бовурим. Агар ётга қўшилиб Қондошлар сотса бизни, Номимизга тупуриб Хоиндек отса бизни, Ўтмишидан юз буриб Бир кун унутса бизни, Яшамоқдан мани не, Бу жон надир, бовурим?.. Бизлардан жон сўрмоққа Ватан ҳақли, бовурим. © Нажмиддин ЭРМАТОВ @islomjon_ijodi

Adabiyotshunos Yashar Qosimov 60-yillar sheʼriyatiga bagʻishlangan tadqiqotida:

“adabiy qahramonlarning eng sezgiri, hayotdan adabiyotga koʻchgan, badiiy obrazga aylangan ilk adabiy zamondoshimiz ham lirik qahramondir”,

deydi. Olim 60-yillar sheʼriyatga qadam qoʻygan navqiron avlod lirik qahramoni qaysi xislat va qirralari bilan yangilik qilganini tadqiq etadi. Juda ajoyib taʼrif. Nasr ogʻirkarvonligi hisobiga sheʼrda adabiy zamondosh tez paydo boʻladi. Xuddi bir chaqmoq chaqnagani kabi oniy lahzada oʻtib ketadi. Ammo shuurda qoladi: https://teletype.in/@xurshidserobov/OOWE216sss5

Najmiddin aka, tugʻilgan kuningiz bizga muborak. Asl sheʼrni, asl soʻzni yetkazishda Xudo kuch-quvvat bersin. *** Чопиб кетди тоғларга томон, Ҳар тукида ёвқур бир чирой. Чўққиларнинг шамолгайида, Увиллашга гувоҳ бўлди ой. Итларнинг бўғзига тиқилди ҳадик, Чўпон кетди уйига кириб. Бир тўп тўнғиз ширин жонини Ололмади хавфдан айириб. Сўнгра чопди дашт узра озод, Қонга ботиб лунжлари, тиши. Тонг отарда қайтди ортига Қафасдаги бўрининг туши. ©Najmiddin_Ermatov @Nilufar_Ergasheva

Машраб осилган дорнинг оғочи бутун ҳамон.... Нажмиддин Эрматовни қайтадан кашф қиляпман. Факат отарчиларга шеър ёзиб, соққа қиладиган эмас, шунақа фалсафий шеърлар ёзадиган шоирлар етишиб чиқаётганлиги кишини хурсанд қилади. Бугун дўстимизнинг туғилган куни ҳам экан. Табриклаймиз, умри узоқ бўлсин! 👉 @Azizbekh17mem

#туғилган_кун "Излам" баҳона Нажмиддинни яхшироқ танидим. Мулоҳазали, ҳазилкаш, ўйи ҳам бўйидек баланд, "Номус" деганларича бор экан😄 Нажмиддин, қаламингиз билан дунёни олинг, сўзингиз одамлар қалбида мангу муҳрлансин, виждони, орини уйғотиб туринг! Бунча мум тишлайсан, унингни чиқар, Қарагин, ҳурлигинг киймоқда кафан. Сени авраганлар, алдаганлар, йўқ— Сен гунг бўлиб туғилмагансан. Ҳар нега кўникиш қисматингмас, йўқ, Ҳар нега кўникиш, тушунгин, хатар. Тилингга кўникмай, жонсиз бўлса ҳам Чинқириб юборар ҳали кишанлар. Нажмиддин Эрматов @sevara_alijonova

СЎРОВ Ҳайронман, ким кимга отаяпти ўқ, На ўқни тўхтатдим, на бўлдим қалқон. Кеча ўрасидан чиқмаган аскар, Бугун тирикман деб бўлса қаҳрамон... Ҳайронман, не учун Ҳақ демас тилим, Ёки ўчирдимми дилдаги чўғни? Нега кўнаяпман ҳақсизликка жим, Менга бир қаранглар, ўлганим йўқми? Нажмиддин ЭРМАТОВ

Бугун шоирим Нажмиддин ЭРМАТОВ таваллуд топган кун! Умрига, ризқига, ижодига барака тилаймиз! @Shodmonqul_SALOM

БУГУН ЭРКСЕВАР ШОИР НАЖМИДДИН ЭРМАТОВ ТАВАЛЛУД ТОПГАН

Нажмиддин Эрматов “Кўк бўри” ҳақидаги шеъри билан ўқирманлар қалбига дафъатан кириб борди. Нафсиламрини айтганда, шоирнинг барча шеърларида миллатимизни улуғлаш, буюк салафларимизнинг музаффарли дамларини қўмсаш, эркка ташналик “манамен” деб кўзга ташланиб туради. БИЗ ШОИРИМИЗГА ЭРКНИ КУЙЛАШДАН ЧАРЧАМАНГ, ДЕЙМИЗ!

*** Кўк бўри кезган сарҳад итларга талош энди, Кўтарилган бош эмас, биргина қуёш энди, Учқун сочган кўзларнинг топингани ёш энди, Туркий элнинг шиддати сўнганга ўхшаётир. Сарбадорлар қонини селлар ювиб кетгандай, Миллат учун жон берар алпни девлар ютгандай, Ултонтозлар кун санаб, э воҳ, шуни кутгандай, Элнинг куни номардга қолганга ўхшаётир. Юз эллик йил отангни отганни оға санаб, Дили бузуқ келганнинг қадамига гул қадаб, Ё, ҲАҚ, дея ёнганнинг мозорига тош қалаб, Саройингга қарғалар қўнганга ўхшаётир. Элдан чиқиб элидан ирганганлар кўрингай, Ўз тарихин ўзгадан ўрганганлар кўрингай, Ғужури-ю забони ўзгарганлар кўрингай, Ўз фарзандинг ўзингни сотганга ўхшаётир. Кечанг заволга дўнди, ҳайкалдай қотиб бўлди, Сенинг бор насибангни бекларинг тотиб бўлди, Бугундан-ку айрилдинг, эртангни сотиб бўлди, Йўл кўрсатар маёғинг ўчганга ўхшаётир. Бургут учган зовларда қузғун базм этмоқда, Илдизингни кавшабон тўнғиз ҳазм этмоқда, Эртангни белгилашга ётлар жазм этмоқда, Қошиқ бутун, қиличинг синганга ўхшаётир. Кечаги ёвқур нигоҳ бугун ерга қадалган, Ватан кутган жасорат нон топишга аталган, Бўйин эгик, қўл қадоқ, тиззаларинг қаварган, Умид кўзёш шўридан сўлганга ўхшаётир. Уйғотай деб келган ул баҳорлар бекор кетар, Ҳар тонгда қуёш туртиб, ҳар шомда безор кетар, Бўғзин йиртиб шоирлар минг ҳайқириб, хор кетар, Аллоҳ, бу халқ шу ҳолга кўнганга ўхшаётир. Туркий элнинг шиддати сўнганга ўхшаётир. *** Булбуллар бош олиб кетгандай боғдан, Фанога кўчгандай сабуҳий саслар. Боғ аҳли энтикиб қулоқ осадир, сайраётир қафаслар. Тулпор туёғини тупроқ унутган, Ҳурлик шиддатини мавҳ этган ғовлар. Боғ аҳлин эрк дея топингани ул — чопаётир тушовлар. Қушлар самосини ишғол айлабон, Парвоз тасаввурин этганча бадар, Боғ аҳлин кафтида кучга тўйиниб, учаётир қарсаклар. Боғда боғ қолмайдир, тўрт тараф қолар, Тўрт тараф қибладир, шу эрур самар. Боғ аҳлин кўксидан аста бош олиб, кетаётир юраклар.

Каналга уланиш ⬇️ https://t.me/MuhammadaliAhmadUzхон

#Maktub Assalomu alaykum, hurmatli shoir Najmiddin Ermatov! Bir muxlisangiz oʻlaroq sizga bir enlik maktub yozishga jurʼat etdim. Sizni ilk bor institutimdagi tadbirda uchratgan edim. “Ana, Najmiddin”, “Najmiddin ham kelibdi” degan sadolar butun zalni qurshab olgan edi. Yolgʻon gapirmayman oʻshanda “Kim ekan, bu shoir” deb oʻylagan edim. Nihoyat tadbir yakunlanish arafasi, sahnada esa siz. “Koʻk boʻri kezgan sarhad”,-deya boshlanuvchi sheʼringizni oʻqiy boshladingiz. Sizning ovozingizdan uxlayotgan koʻzlar bilan vijdon ham, murdaning yuragi kabi qotib ketgan qalblar uygʻondi. Huv anavi Amerika orzusida yugurgan oyoqlar Vatan uchun tik turishni oʻrgandi. Soʻng “Kelma”ni oʻqiy ketdingiz. Yurak yaralgandan beri berilgan dardini esladi. Ruhim ruhdoshini tanigandek boʻldi. Zaldagi talabalar doʻstlarim bilan ruhzor oralab ketdik. Yoʻlboshchimiz siz edingiz. Oʻsha kuni ozgina boʻlsa ham VATAN uchun yashashni oʻrgandik. Eski, shu bilan birga hanuz mavjud darsimizni qoʻzgʻadingiz. Shu uchrashuvdan keyin ijtimoiy tarmoqlarda kuzatishni boshladim. “Yomgʻir boʻlsam kerak, aslida...” sheʼrini juda yoqtirib qoldim. Yomgʻirni juda sevaman, undagi dardni ham his etaman. Bu sheʼringizda ayni his etganlarim bir chizgida chizilgan edi. Sheʼriyatga oshno qalblar kabi mening qalbim ham shu satrlar ichida yashadi, nafas oladi... Keyin, Yerga oid emasligimni ham qayta his etdim. Bu kabi gʻamboda sheʼrlar uchun tashakkur. Chunki bu sheʼrlar bilan minglab qalblar va vijdonlar uygʻonmoqda. Hurmat bilan Saydullayeva Ziyoda. Andijon davlat pedagogika instituti talabasi. 10.11. 2024.

#tavallud 24-yanvar – shoir Najmiddin Ermatov tavallud topgan kun! Tun. Yomg‘ir. Qorishiq ifor. Uchqur xayol, qadamlar asta. Borliqqa sochilib keladi ketging, Yomg‘ir bo‘lsam kerak, aslida. Sen yo‘qsan. Hech kim yo‘q. Nimalardir bor. Nenidir tuyarsan yomg‘ir ostida. Men axir osmonda yashaganmanku, Ne qilib yuribman zamin ustida. Shayton. Ta’qiq. Va o‘sha meva— Afsus bor quvg‘indi odam naslida. Negadir ularga aloqam yo‘qdek, Yomg‘ir bo‘lsam kerak, aslida. ✍🏻 Najmiddin ERMATOV‌‌ 🎙 Shahina Usmonova 🎬 Shamsiyevna @us_ijodkor_qiz bilan birga!

#tavallud 24-yanvar – shoir Najmiddin Ermatov tavallud topgan kun! Hayronman kim-kimga otayapti oʻq, Na oʻqni toʻxtatdim na boʻldim qalqon Kecha oʻrasiga berkingan askar. Bugun “tirikman” deb boʻlsa qahramon. Hayronman ne uchun haq demas tilim, Yoki oʻchirdimmi dildagi choʻgʻni, Nega koʻnayapman haqsizlikka jim, Menga bir qaranglar oʻlganim yoʻqmi. Yoshlikjurnali.uz @yoshlikjurnali

Бугун шоир, ука-жўрам (бу сўзни Хуршид Даврондан ўзлаштирганмиз) Шаҳриёр Шавкатнинг туғилган куни. Тан оламан, уни дастлаб таниган пайтларим унча хушламасдим, маҳмадоналиги кўпдай туйиларди. Кейинчалик бир ижарахонада ҳужрадош бўлдик, яқиндан билишдик. Самимий, кўнгли очиқ йигит. Энг муҳими, шеърларидаги ёр-у эл, Ватан дарди ясама эмас, ҳис қилганини, кўнглини ўртаганини оққа туширади. Чин ёзади, чин шоир. * * * Солланар шотутнинг барглари, Шаҳарнинг уйқуси буғланар. Кишварим, Савсарим, Қайсарим, Елкамни келтирдим – Йиғлама!.. Банорас булутлар бир сипо, Томчилар ҳавода тиғланар. Шундоғам фусусим беҳисоб, Елкамни келтирдим – Йиғлама!.. Хаёлнинг сочлари сарсари шамолнинг шавқида доғланар. Эй манинг кўзёши кавсарим, Елкамни келтирдим – Йиғлама!.. Адирда апрелнинг найсони Тақмоқда сабуҳий сирғалар… Шабнамим, Ғизолим, Шаъбоним, Елкамни келтирдим – Йиғлама!.. https://t.me/shahriyor_shavkat @Najmiddin_Ermatov

Чопиб кетди тоғларга томон, Ҳар тукида ёвқур бир чирой. Чўққиларнинг шамолгайида, Увиллашга гувоҳ бўлди ой. Итларнинг бўғзига тиқилди ҳадик, Чўпон кетди уйига кириб. Бир тўп тўнғиз ширин жонини Ололмади хавфдан айириб. Сўнгра чопди дашт узра озод, Қонга ботиб лунжлари, тиши. Тонг отарда қайтди ортига Қафасдаги бўрининг туши. https://t.me/Najmiddin_Ermatov

#yangi_video #youtube She’rlar — Najmiddin Ermatov, Jaloliddin Sayyid, Rahmat Bobojon Tomosha qiling: 👇 https://youtu.be/uNZ7m_fOaBE?si=uvr7aT_Hc7o2WDSq 📘 @akademnashr

Бугун кучли тўртликнинг тўкис вакили, Самарқанд минорларидай улуғвор ва зардоли гулидай нафис шеърлар муаллифи, халқнинг шоири Хуршид Даврон туғилган кун. Хуршид Давронсиз замонавий ўзбек шеъриятини тасаввур қилиш имконсиз. Устоз бир маёқ кабики, қанча ёш қаламкашлар унга қараб йўлини белгилаб олган, олмоқда, олади! *** ҲАҚИҚАТ Милтиқ ўқдонида писиб ётган ўқ Барибир бировни ўлдирмай қўймас. Ўқ буни билади – шундан кўнгли тўқ, Шундан у кутишдан ҳеч қачон тўймас. *** Сен келасан… Сел келганда Тошган дарё бўламан. Беда ортган аравадай Хушбўйдирман сен билан. Сен кетасан… Мен ортингдан Боқарман чўл йўлида Аравадан тушиб қолган Хушбўй беда гулидай… *** Бу дунёда орзу қилиш соатлари бор, Айниқса, тунда, юлдузлар остида, Яшилгина сайҳонликда, ўтлар устида Ҳайратни қучоқлаб ётганда. Бу дунёда азобланиш соатлари бор, Айниқса, тунда, юлдузлар остида, Яшилгина сайҳонликда, ўтлар устида Ҳасратни қучоқлаб ётганда. Бу дунёда севиш, севилиш соатлари бор, Айниқса, тунда, юлдузлар остида, Яшилгина сайҳонликда, ўтлар устида Хаёлни қучоқлаб ётганда, Ҳаётни қучоқлаб ётганда, Аёлни қучоқлаб ётганда. * * * Бир ухлаб турсам, баҳор кирибди, Кейин ёз, кейин куз, Кейин қаҳратон. Қанча ухлаб турма, курагинг Узилмайди ердан ҳеч қачон. Кириб келмас фақатгина эрк… Унинг учун уйғонмоқ керак… * * * Неча йилдир, бу юртда фақат Гапирарлар ўтмиш ҳақида Унитилган бугун ва эрта. Неча йилдир, бу мамлакатда Ундовнинг куни туққан, Савол — нафақада… https://t.me/Najmiddin_Ermatov

Олтой туркумидан – Олтойнинг ой қизи, куйлагин қўшиқ, – Тошлардан сўрагин, тили бор. – Ҳаттоки, қайинзор шовуллар жўшиб, – Уларнинг миллионлаб эли бор. – Не учун кўнглингни очмассан менга? – Қўлимда кишан бор, кўрмассан. – Йўл кўрсат, то абад эргашай сенга, – Айиқнинг изи бор, юрмассан. – Тоғларда борми ҳур кийиклар, кўрсат? – Уларни ҳуркитдик, қайтмаслар. – Бобонгдан қолгандир битиклар, ўргат? – Мозори қаерда, айтмаслар. – Қўшиқ бор тилингда Тангрига етгай, – Оҳида ёғийнинг тиғи бор. – Дарёдай куйласанг оғриғинг кетгай, – Бўғзимда музлаган йиғи бор. – Жон берай, ёноғинг оллансин бир бор, – Кун туғса, тонгдайин отгайман! – Мен сенинг қошингга қайтгайман такрор, – Олтойда ой чиқса кутгайман! https://t.me/Najmiddin_Ermatov