الـَديم ✨

‏حفظ المحبه مثل حفظ المواجيب ‏وش حيلتي يامنكر العيش والملح ‏الحب يعمي عن جميع العذاريب ‏ذوقتني طعم المراره " عسل طلح " ‏فرقاك عن عيني مثل مقتل كليب ‏اللي بعد موته ماحد يقبل الصلح

لا يادعاة البغي  ياهل الرذيله لا يالزنادق يالحثاله والاشرار مهما نشرتم فكركم باي حيله يبقى البلد طاهر ولو صار ما صار الخير واجد والحثاله قليله ماهمنا من باع عاره ولا غار اللي انغرس في المجتمع ما نزيله والشرع والعادات تبقى لنا اشعار مهما حصل تبقى الاصيله اصيله ويبقى شرفها غاليا ماله اسعار واللي شرفها غاليا في القبيله يبقى شرفها غاليا خارج الدار

ياذيب ماكل المغازي عوافي ولا كل يوم يدسم الدم نابك مره تصيد وتاخذ الحق وافي ومره يصير الصيد حضرت جنابك

‏الوطن غالي على قلب المواطن ‏والمواطن ما يعيش ألا بـ دوله ‏دونه الآرواح واللي فـ المخازن ‏غيرها ما عندنا صرف وعموله

‏« والله أني في هواك العفّ.. راضي ‏مثل ما يرضى -السعودي- عن بلاده » - سعد بن هندي، بتصرّف

بلادي ما نسى صدر الغروب ولا سلوك أحباب ‏أنا المشتاق شدّي من ثراك وجاوري عيني ‏بلادي جهد أبي يا سيف جدي يا شقى من غاب ‏على أرضك كم وطت روحٍ .. غلاها في شراييني

‏" حنا ابتلشنا بالعدوّ اللي لبس ثوب الصديق ‏اللي يحسب انه حكيم ، و ما يعرف انه غبي ‏ ما احنا بْـ صاغة يا قليل العِرف يلفتنا بريق ‏حنا الملوك .. اللي لا جت تمسي بحضرتها صبي ‏تصنّع الضيقه و ندري انك ورانا ما تضيق ‏تكيد مثل قْريش يوم تكيد .. في ظهر النبي ‏ابشرك حنا بخير .. و جرحنا ماهو عميق ‏سطحي ما يقتل له عقاب .. و لا يحرول له ظبي ‏شهيدنا : مِهد له من الارض للجنه طريق ‏و جريحنـا .. ماهو مثل غيره من الجرحى ابيّ ‏و ابشرك بنردها له .. لييين ما يعجز يفيق ‏يقوم ما يقدر يقوم نرجعه طفل .. يْحبي

‏فات الأوان وجيتني عقب ما فات ‏وأنا على الفايت قليل الحسوفه ‏راح الزمن بأيامه البيض عجلات ‏ولا بقالك غير سود النكوفه ‏قريت تاريخ الهوى عشر مرات ‏وآخر سطر مابينت لي حروفه

يا زين .. قلبي راح مني يباريك واصبح مقره بين الاضلاع خالي بالحلم يا سيد العذارى يناجيك وبالعلم له وسط الضمير اجتوالي محمد الاحمد السديري

واحدٍ ربي من الزين و القبله عطاه ‏يستلم عرش المحبه و يلبس تاجها ‏مثل ما يحتاج الانسان للماء فالحياه ‏الدروب اللي تودي عليه ، احتاجها ‏- عايض العاطفي

‏الحاسد يموت وطباعه ما خلّاها ‏ما يقدر يكون صاحب حقّ ومسالم ‏لو تظلم الناس وتعذرب مزاياها ‏السمعة الطيّبة ما ضرّها الظالم ‏الكلمة اللي على نفسك ما ترضاها ‏تعلّم إنك ما ترضاها على العالم

الناس ماتملك مفاتيح الارزاق ‏قسمك يجيك وماقسملي يجيني

اللي يشوفك يحسب انك خلاوي مايدري انك داخلك تقرع الدف !

‏لا تفكّر في كثرة عزلتي وانقطاعي ‏كان عندي طموح وصار عندي قناعة ‏وكل يوم ورا الثاني يزيد اقتناعي ‏إن مالي على بعض الأمور استطاعة ‏وأنا من خلقتي والله ماني اجتماعي ‏أنعزم وأحضر وأملّ في نصف ساعة ‏ولا يغرك بعد، ترى ماني اندفاعي ‏حتى لو فيني جروة وفيني فلاعة

‏رقيب   الامال  يوعدني  على  بكرة ‏اثار  الايام  تبغى  صقع  ومصاقع ‏المجتهد   لازم  يلاقي  جزا  شكره ‏وان  قِدّ  ثوب  الثقة ما يرقعه راقع ‏عند  الكرامة  يموت  الحر في وكره ‏ماهو  بطير  جناحه  في دمه ناقع ‏الناجح اللي يشوف ان الفشل فكرة ‏ماهي  بمقبولة  تطبق  على الواقع ‏ومن  حط حرفين الْ التعريف للنكرة ‏ما   فاد  بكرٍ  عوانٍ  لونها  الفاقع

‏اضحك ترا عوج الليالي مدابير ‏وما للخلايق في قضى الرب حيله ‏اضحك لو هموم قلبك طوابير ‏ومايقسمه ربك تروح وتجي له ‏لو ضاقت الدنيا تراها مقادير ‏وخلك جبل ما هزته كل ميله .

لا تدور ترا ماغير نسخه وحيده تلقى غيري ولكن منت لاقي بدالي الفقيده ماهوب الي يموت .. الفقيده غالي صار من الأيام ماهوب غالي

وطنا وطنا مرتع العدل والاحسان وحن دون حده لاخر انفاسنا الحيه هنا بعثة اخر الانبياء واخر الاديان كرامة حقيقية واصالة حقيقيه نحب الحتوف ونخلط الملح بالدخان على اساس تبقى راية الدين معليه عسى من تهاون دون حد البلاد يهان ويذهب ضحية لا كرامه ولا ديه .

تجر.. ثوب.. الغطرسه والعنجهيه والدلال ! ‏تمشي تقل تمشي على.. شىٍّ تخاف تكسّره ‏حتى الرصيف استانس لخطواتها فوقه و طال ، ‏كل ما وطت حجرٍ .. غمز لـ اللي وراه يبشره

يا مرحبا ترحيبة كلها نور ‏عد المزون اللي يزلزل رعدها ترحيبة يفرش لها ورد وزهور بين الحرار اللي ينومس هددها يا مرحبا من قلب ولسان وشعور ترحيبة اهل الطيب باللي وفدها