الـَديم ✨

‏لا باس ياللي عفتنا ماتبينا .. ‏لاباس والدنيا له اقفاي واقبال ‏لو الليالي جت بصفك علينا .. ‏يجيك منها مايكدر لك البال ‏تشكي من الدنيا مثل ماشكينا .. ‏ماطاب لك مادام قيلت بالامثال

انا بعطيك احتمالين ماهوب احتمال فيما حريّة مغادر وحريّة قدوم وان زعلت ارضتك الايام وارضتك الليال السنه واجد ثلاث مية وستين يوم ‏مابعد قفّا المقفي وقلنا له تعال ‏من بغا الصدّه يبيّن علمها ومْخَدوم

‏ترديت فيني جعلني ماتردى فيك ‏والإنسان مهما يجتهد نفسه اماره ‏فلا تحسب اني ودي تطيح واخليك ‏ولا تحسب الأيام ماهي بـ دواره ‏ولا تحسب اني كل مامرني طاريك ‏بطريك غير بطاريٍ كنك مختاره عصية

كنت اخاف الموت يوم ابوي حي لين مات وصرت اخاف من الحياه

كنت اخاف الموت يوم ابوي حي لين مات وصرت اخاف من الحياه

على خويي مايغضلم حجاجي ‏لاقالي سو الغرض قمت اسويه ‏ادرى خويي مثل مادرى سراجي ‏ادنات نسنانسٍ من الريح تطفيه ‏صدري وسيع وغاديٍ له ملاجي ‏مثل الشعيب الي وساع مغانيه ..

‏مستغربين ان القمر طالع حلو ؟ ‏ترا القمر طالع عشان يشوفها ‏اخاف لا ينزل علينا من علو ‏من لهفته ودّه يحب كفوفها .

واللّٰه مايقضي لزوم الرجاجيل الا حمر عين على الطيب ضاري ولا ضعيف الرابعة بارد الحيل لا تزهمة لو هو طبيب استشاري

طاحت ذلوله عقب ماهي سبوقه وعود على البندق وكذب فشقها

‏ماعلينا من الضعوف ومن عتبها ‏والنصايح من طرفهم مانبيها ‏ِ ‏فرصةٍ مرت .. وربي ما كتبها ‏العوض في غيرها ماهوب فيهـا

‏خله على حاله يجي يوم ويسال ‏يعرف من اللي كان قربه يسّره ‏ان كان وافي يرجع بكل الاحوال ‏يحسب حسابك فوق الالفين مره

‏الوقت ماعلمك والحزن ماقال ‏ان الفراق اخر حدود المضره ! ‏حاولت اردك .. لو مافيه رجال ‏يتبع حبيبه فوق الالفين مره !!

‏حفظ المحبه مثل حفظ المواجيب ‏وش حيلتي يامنكر العيش والملح ‏الحب يعمي عن جميع العذاريب ‏ذوقتني طعم المراره " عسل طلح " ‏فرقاك عن عيني مثل مقتل كليب ‏اللي بعد موته ماحد يقبل الصلح

لا يادعاة البغي  ياهل الرذيله لا يالزنادق يالحثاله والاشرار مهما نشرتم فكركم باي حيله يبقى البلد طاهر ولو صار ما صار الخير واجد والحثاله قليله ماهمنا من باع عاره ولا غار اللي انغرس في المجتمع ما نزيله والشرع والعادات تبقى لنا اشعار مهما حصل تبقى الاصيله اصيله ويبقى شرفها غاليا ماله اسعار واللي شرفها غاليا في القبيله يبقى شرفها غاليا خارج الدار

ياذيب ماكل المغازي عوافي ولا كل يوم يدسم الدم نابك مره تصيد وتاخذ الحق وافي ومره يصير الصيد حضرت جنابك

‏الوطن غالي على قلب المواطن ‏والمواطن ما يعيش ألا بـ دوله ‏دونه الآرواح واللي فـ المخازن ‏غيرها ما عندنا صرف وعموله

‏« والله أني في هواك العفّ.. راضي ‏مثل ما يرضى -السعودي- عن بلاده » - سعد بن هندي، بتصرّف

بلادي ما نسى صدر الغروب ولا سلوك أحباب ‏أنا المشتاق شدّي من ثراك وجاوري عيني ‏بلادي جهد أبي يا سيف جدي يا شقى من غاب ‏على أرضك كم وطت روحٍ .. غلاها في شراييني

‏" حنا ابتلشنا بالعدوّ اللي لبس ثوب الصديق ‏اللي يحسب انه حكيم ، و ما يعرف انه غبي ‏ ما احنا بْـ صاغة يا قليل العِرف يلفتنا بريق ‏حنا الملوك .. اللي لا جت تمسي بحضرتها صبي ‏تصنّع الضيقه و ندري انك ورانا ما تضيق ‏تكيد مثل قْريش يوم تكيد .. في ظهر النبي ‏ابشرك حنا بخير .. و جرحنا ماهو عميق ‏سطحي ما يقتل له عقاب .. و لا يحرول له ظبي ‏شهيدنا : مِهد له من الارض للجنه طريق ‏و جريحنـا .. ماهو مثل غيره من الجرحى ابيّ ‏و ابشرك بنردها له .. لييين ما يعجز يفيق ‏يقوم ما يقدر يقوم نرجعه طفل .. يْحبي

‏فات الأوان وجيتني عقب ما فات ‏وأنا على الفايت قليل الحسوفه ‏راح الزمن بأيامه البيض عجلات ‏ولا بقالك غير سود النكوفه ‏قريت تاريخ الهوى عشر مرات ‏وآخر سطر مابينت لي حروفه