UzA | Tezkor xabarlar

Oʻzbekiston Respublikasi Prezidenti Shavkat Mirziyoyev Qirgʻiz Respublikasi Prezidenti Sadir Japarovning taklifiga binoan 30-iyul – 1-avgust kunlari davlat tashrifi bilan ushbu mamlakatda boʻladi. Prezidentimiz Markaziy Osiyo va Ozarbayjon davlat rahbarlarining norasmiy Maslahat uchrashuvida ham ishtirok etishi koʻzda tutilgan. Kanalga ulanish: 🏫 @uzauz

Oʻzbekiston Respublikasi Prezidenti Shavkat Mirziyoyev Ostona shahrida “Kelajak oʻyinlari” uchinchi xalqaro musobaqasining tantanali ochilish marosimida ishtirok etdi. Kanalga ulanish: 🏫 @uzauz

🏢🏢🏢🏢 Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Qasim-Jomart Toqayevning taklifiga binoan amaliy tashrif bilan ushbu mamlakatga keldi. Ostona aeroportida davlatimiz rahbarini Qozogʻiston Bosh vaziri Oljas Bektenov va boshqa rasmiylar kutib oldi. — Kanalga ulanish: 🏫 @uzauz

🕵️‍♂️🕵️‍♂️🕵️‍♂️🕵️‍♂️ 3,5 mln dollarlik kredit uchun 420 ming dollar talab qilishdi

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida Toshkent shahrida o‘tkazilgan tezkor tadbirda kredit ajratish bilan bog‘liq noqonuniy holat fosh etildi. Jumladan, xususiy aksiyadorlik tijorat banklaridan birining Olmazor filiali bank xizmatlari markazi yuristi va Toshkent viloyatining Yangiyo‘l tumanida yashovchi muqaddam sudlangan shaxs o‘zaro til biriktirib, tadbirkorlik bilan shug‘ullanmoqchi bo‘lgan fuqaroning ishonchiga kirib, uning nomiga 3,5 mln AQSH dollari miqdorida imtiyozli kredit ajratib berishlarini aytishadi.

Ular “xolis” xizmatlari evaziga kredit summasining 12 foizini, ya’ni 420 ming AQSH dollari talab qilishib, oldindan 50 ming dollar olgan vaqtlarida ashyoviy dalillar bilan ushlandi.

Hozirda ularga nisbatan jinoyat ishi qo‘zg‘atilib, “qamoq” ehtiyot chorasi qo‘llanildi. Tergov harakatlari olib borilmoqda.

Kanalga ulanish: 🏫 @uzauz

Oʻzbekiston Respublikasi Prezidenti Shavkat Mirziyoyev amaliy tashrif bilan Ostona shahriga joʻnab ketdi. Kanalga ulanish: 🏫 @uzauz

Markaziy bank asosiy stavkani yillik 14 foiz darajasida o‘zgarishsiz qoldirdi. Kanalga ulanish: 🏫 @uzauz

O‘zbekistonning tashqi savdo aylanmasi yarim yilda 41 mlrd dollarga yetdi Milliy statistika qo‘mitasi ma’lumotlariga ko‘ra, 2026-yilning yanvar-iyun oylarida O‘zbekistonning tashqi savdo aylanmasi 41 mlrd AQSH dollarini tashkil etdi. Bu ko‘rsatkich o‘tgan yilning mos davriga nisbatan 7,4 foizga oshgan. Tashqi savdo aylanmasi hajmida: Eksport – 15,9 mlrd AQSH dollari (-8,8 %) Import – 25,1 mlrd AQSH dollarini (+21 %) tashkil etdi.

Oltinni hisobga olmaganda tovarlar eksporti 8,2 mlrd AQSH dollarini tashkil etib, o‘tgan yilning mos davriga nisbatan 28,7 foizga oshdi.

Mazkur davrda O‘zbekiston jahonning 195 ta mamlakati bilan savdo aloqalarini amalga oshirdi. O‘zbekiston tashqi savdo aylanmasining yuqori ulushi Xitoy (23,1 foiz), Rossiya (17,1 foiz), Qozog‘iston (6,8 foiz), Turkiya (3,4 foiz) va Afg‘oniston (2,6 foiz) hissasiga to‘g‘ri keldi. Kanalga ulanish: 🏫 @uzauz

🕵️‍♂️🕵️‍♂️🕵️‍♂️🕵️‍♂️ Toshkent aeroportida 4,4 kg sintetik narkotik musodara qilindi “Xavfsiz va sog‘lom yurt” tezkor-profilaktik tadbirlari doirasida Davlat xavfsizlik xizmati xodimlari tomonidan “Toshkent-Aero” ixtisoslashtirilgan bojxona kompleksi bilan hamkorlikda olib borilgan tezkor-qidiruv tadbirlari natijasida xorijdan olib kelingan katta miqdordagi giyohvandlik vositalari to‘xtatib qolindi.

🔺 Jumladan, “Bangkok – Sharja – Toshkent” aviayo‘nalishida mamlakatimizga kelgan Qozog‘iston Respublikasi fuqarosining qo‘l sumkalari Toshkent xalqaro aeroportida tekshiruvdan o‘tkazildi. Natijada, 8 dona turli xil shirinliklar paketlari va 5 dona plastmassa idishlar ichida jami 4,4 kg “Mefedron” sintetik narkotik moddasi borligi aniqlandi. So‘ngra tezkor tadbir davom ettirilib, internetdagi narkodo‘kon boshqaruvchisi topshirig‘iga ko‘ra, ushbu ajal og‘usini poytaxtdagi mehmonxonalardan birida Yangiyo‘l shahrida yashovchi shaxsga bergan vaqtida u ham qo‘lga olindi. Tekshiruv jarayonida mahalliy fuqaro yonida pnevmatik pistolet borligi aniqlanib, protsessual tartibda rasmiylashtirib olindi.

Hozirda qonunbuzarlarga nisbatan Jinoyat Kodeksining 246-moddasi 2-qismi bilan jinoyat ishi qo‘zg‘atilib, “qamoq” ehtiyot chorasi qo‘llanildi. Tergov harakatlari olib borilmoqda. Kanalga ulanish: 🏫 @uzauz

Toshkent shahrining ayrim ko‘chalarida transport harakati vaqtincha cheklanishi mumkin 2026-yil 28-iyul soat 23:00 dan e’tiboran qurilish-ta’mirlash ishlari yakunlangunga qadar Bunyodkor ko‘chasidagi qo‘shimcha yo‘l bo‘lagining Kichik halqa yo‘lidan (Chilonzor metrosi) Qatortol-2 ko‘chasigacha bo‘lgan bir tomonlama qismi avtomobillar harakati uchun yopiladi.      Shu munosabat bilan, mazkur hudud orqali harakatlanuvchi avtobus yo‘nalishlari vaqtincha o‘zgartiriladi: ➖41, 116-sonli yo‘nalishlar: (Chilonzor buyum bozori tomon) Kichik halqa yo‘li – Qatortol – Zargarlik – Qatortol-2 – Bunyodkor ko‘chalari orqali; ➖77-sonli yo‘nalish: (Chilonzor 25-dahasi tomon) Kichik halqa yo‘li – Qatortol – Zargarlik – Qatortol-2 – Al-Xorazmiy ko‘chalari orqali; ➖118-sonli yo‘nalish: (O‘zposlsavdo bekati tomon) Bunyodkor ko‘chasi – Kichik halqa yo‘li – Qatortol ko‘chalari orqali; ➖74, 171-sonli yo‘nalishlar: Harakati "Olmazor metrosi" bekatida qisqartiriladi. Kanalga ulanish: 🏫 @uzauz

Prezident Shavkat Mirziyoyev Nukus shahridagi qozonxonani kogeneratsiya texnologiyalari asosida modernizatsiya qilish yuzasidan taqdimot bilan tanishdi. Kanalga ulanish: 🏫 @uzauz

Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Qasim-Jomart Toqayevning taklifiga binoan 29-iyul kuni amaliy tashrif bilan ushbu mamlakatda boʻladi. Kanalga ulanish: 🏫 @uzauz

Oʻzbekiston Respublikasi Prezidenti Shavkat Mirziyoyev Saudiya Arabistoni Podshohligi sogʻliqni saqlash vaziri Fahad bin Abdulrahmon al-Jalajil boshchiligidagi delegatsiyani qabul qildi. Kanalga ulanish: 🏫 @uzauz

🕵️‍♂️🕵️‍♂️🕵️‍♂️🕵️‍♂️ Yer maydonlarini rasmiylashtirish bilan bog‘liq korrupsion holatlar aniqlandi

Davlat kadastrlari palatasining Buxoro viloyati boshqarmasida bo‘lim boshlig‘i lavozimida ishlovchi shaxs noqonuniy boylik orttirish maqsadida xizmat mavqeidan foydalanib, o‘zganing ishonchiga kirgan. Mansabdor shaxs mahalliy fuqaro tomonidan 2015 yilda Romitan tumani hokimligi zaxirasidagi 65 m² yer maydonida o‘zboshimchalik bilan qurilgan savdo va xizmat ko‘rsatish binosini hamda unga tutash bo‘lgan 35 m² bo‘sh yer uchastkasini uning nomiga rasmiylashtirib berish evaziga 2,5 ming AQSH dollari olgan vaqtida Davlat xavfsizlik xizmati, Bosh prokuratura huzuridagi Departament va Ichki ishlar organlari xodimlari tomonidan ashyoviy dalillar bilan ushlandi.

Qashqadaryo viloyati investitsiyalar, sanoat va savdo boshqarmasining Ko‘kdala tumani bo‘limi

bosh mutaxassisi

fuqaroga 2019-yilda Chiroqchi tumani hokimi qarori bilan ajratib berilgan 1 sotix yer maydonini Kadastrlar palatasi tizimida ishlovchi tanishlari orqali kadastr hujjatlarini tayyorlab, ro‘yxatdan o‘tkazib berish evaziga

1 ming AQSH dollari

talab qilgan. DXX va IJQKD xodimlari hamkorligida o‘tkazilgan tezkor tadbirda u so‘ralgan pul mablag‘ini olgan vaqtida ushlandi.

Hozirda har ikki holat bo‘yicha qonunbuzarlarga nisbatan jinoyat ishlari qo‘zg‘atilib, tergov harakatlari olib borilmoqda. Kanalga ulanish: 🏫 @uzauz

O‘zbekiston Respublikasi tashqi ishlar vaziri Baxtiyor Saidov Gambiya Respublikasining mamlakatimizdagi yangi tayinlangan Favqulodda va Muxtor Elchisi Alkali Fanka Kontexning ishonch yorliqlarini qabul qildi. Kanalga ulanish: ➖@uzauz

⚡Formali kiyim-boshlardan noqonuniy foydalanish javobgarlikka sabab bo‘ladi Parlament quyi palatasidagi siyosiy partiyalar fraksiyalarining yig‘ilishlarida davlat tuzilmalari xodimlarining formali kiyim-boshidan noqonuniy foydalanishning oldini olishga qaratilgan qonun loyihasi ko‘rib chiqildi. Qonun loyihasi bilan harbiy va idoraviy formali kiyim-boshlarga odamlarni adashtirib yuborish darajada o‘xshash kiyim-boshlarni kiyish yoki ulardan noqonuniy foydalanish qat’iyan taqiqlanyapti. Bunday huquqbuzarlikni sodir etganlarga nisbatan ma’muriy javobgarlik belgilanmoqda. Unga ko‘ra, formali kiyim-boshning o‘zi musodara qilinadi hamda BHMning 5 baravaridan 10 baravarigacha (2 million so‘mdan 4,1 million so‘mgacha) jarima solinadi. Kanalga ulanish: ➖@uzauz

R a s m i y    a x b o r o t   Bugun jinoyat ishlari bo‘yicha Shayxontohur tuman sudida sudlanuvchi M.Mirzayev (1969-yilda tug‘ilgan, ma’lumoti oliy, muqaddam sudlanmagan, Soliq Qo‘mitasi raisining birinchi o‘rinbosari lavozimida ishlagan) va boshqalarga (jami 9 nafar) oid jinoyat ishi yuzasidan hukm o‘qildi. Sudning hukmi bilan M.Mirzayev Jinoyat kodeksi 168-moddasi 4-qismining "a" bandi (o‘zganing juda ko‘p miqdordagi mulkini o‘zlashtirish yoki rastrata qilish yo‘li bilan talon-toroj qilish), 205-moddasi  2-qismining "a" bandi (mansab vakolatini juda ko‘p miqdorda zarar yetkazgan holda suiiste’mol qilish) va 208-moddasida (hokimiyat harakatsizligi) nazarda tutilgan jinoyatlarni sodir etganlikda aybdor deb topilib, unga nisbatan 3 (uch) yil muayyan huquqdan mahrum qilgan holda 8 (sakkiz) yil 2 (ikki) oy ozodlikdan mahrum qilish jazosi tayinlandi. Boshqa sudlanuvchilar (ular orasida muqaddam bir necha marta sudlanganlar ham bor) Jinoyat kodeksining 141-2-moddasi (shaxsga doir ma’lumotlar to‘g‘risidagi qonunchilikni buzish) 184-moddasi (soliqlarni yoki yig‘imlarni to‘lashdan bo‘yin tovlash) 189-moddasi (savdo yoki xizmat ko‘rsatish qoidalarini buzish), 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish)  va boshqa moddalarning tegishli qismi va bandlari bilan aybdor deb topilib, ular 4 (to‘rt) yildan 9 (to‘qqiz) yilgacha bo‘lgan muddatlarga ozodlikdan mahrum etildi. Shuningdek, sud hukmi bilan yetkazilgan zararlar undirilishi ham belgilandi. Tayinlangan jazolar sudlanuvchilarga nisbatan "qamoqqa olish" ehtiyot chorasi qo‘llanilgan kundan boshlab hisoblanadi. Yakunda raislik etuvchi tomonidan taraflarga sud hukmi mazmuni va unga nisbatan shikoyat berish tartibi hamda muddatlari tushuntirildi. Kanalga ulanish: ➖@uzauz

Davlatimiz rahbari iqtisodiyotni texnologik va innovatsion o‘sish modeliga o‘tkazish uchun barcha sohalarda, xususan, energetikada zamonaviy kadrlar zarurligini ta’kidladi. Hozir 25 ta texnika oliygohida bu yo‘nalishda yiliga 5,5 ming mutaxassis tayyorlanmoqda.

“Ochig‘i, ta’lim amaliyot bilan bog‘lanmagani uchun bitiruvchining ishga kirishib ketishiga 2-3 yil ketyapti”,

– dedi Prezidentimiz. Mas’ullarga bir oyda oliygohlardagi yoqilg‘i-energetika yo‘nalishlari bo‘yicha ta’lim dasturlarini to‘liq yangilash topshirildi. 1-sentabrgacha laboratoriya va poligonlarni yangi talablarga moslashtirish boshlanadi. Yangi o‘quv yilidan 3-kurs talabalarining yarmi, 4-kurs talabalarining barchasi dual ta’limga qamrab olinadi. Chunki kelgusi 2-3 yilda quyosh va shamol generatorlari, elektr zaryadlash uskunalari kabi yo‘nalishlarda minglab mutaxassislarga ehtiyoj paydo bo‘ladi. Saudiya Arabistonining “ACWA” kompaniyasi Shirin energetika texnikumini jihozlab, yiliga 220 nafar yoshni yangi kasblarga tayyorlamoqda. Yangi o‘quv yilidan Qoraqalpog‘iston, Buxoro va Navoiydagi bittadan texnikumda ham ushbu tajriba joriy etiladi. Yig‘ilishda mutasaddilarning hisobotlari tinglandi. Kanalga ulanish: ➖@uzauz

Andijon viloyatida olti oyda rejadagi 48 ming tonna o‘rniga 41 ming tonna suyultirilgan gaz yetkazib berilgan.318 ta mahallada ta’minot grafikdan orqada qolmoqda. Endi tadbirkorlar o‘zi import qilgan yoki birjadan xarid qilgan suyultirilgan gazni aholi va biznes subyektlariga yetkazib berishi mumkin bo‘ladi. Yil boshidan xususiy sektor tomonidan 157 ming tonna suyultirilgan gaz import qilingan. Ijtimoiy reyestrga kirgan oilalarga suyultirilgan gaz uchun subsidiya beriladi. Yil yakunigacha bu borada “Andijon tajribasi” yaratiladi. Suyultirilgan gaz ishlab chiqarishni yil yakunigacha rejadagi 520 ming tonna o‘rniga 606 ming tonnaga yetkazish vazifasi qo‘yildi. Hozir aholiga gaz standart hajmdagi 20 kilogrammli ballonlarda yetkaziladi. Vaholanki, ayrim xonadonlarga oylik iste’mol uchun 5-6 kilogramm yetarli bo‘lsa, boshqa iste’molchilarga 30-40 kilogrammli ballon zarur. Suyultirilgan gazni tashish, saqlash va tarqatish tizimi bir oyda xorijiy tajriba va xalqaro standartlar asosida qayta ko‘rib chiqiladi. Kanalga ulanish: ➖@uzauz

Yig‘ilishda kuz-qish mavsumiga tayyorgarlik masalalari ham ko‘rib chiqildi. Hozir tabiiy gaz yetib borishi qiyin bo‘lgan 1 ming 916 ta mahalla mavjud. Mas’ullarga uch oyda ushbu mahallalardagi isitish tizimini elektrga o‘tkazish uchun qancha infratuzilma va qo‘shimcha elektr energiyasi talab etilishini hisob-kitob qilish topshirildi. Birinchi navbatda moliyalashtirish talab etiladigan mahallalar bo‘yicha alohida dastur ishlab chiqiladi. Bugungi kunda 3 million 700 ming xonadon suyultirilgan gazdan foydalanmoqda. So‘nggi yillarda mazkur tizim raqamlashtirilib, ancha tartibga keltirilgan bo‘lsa-da, gazni o‘z vaqtida yetkazish muammosi to‘liq hal etilmagan. Suyultirilgan gaz yetkazib berishga xususiy sektorni jalb etish va buni Andijon viloyatidan boshlash taklifi ma’qullandi. Kanalga ulanish: ➖@uzauz

Bugungi kunda “Hududiy elektr tarmoqlari”da 25 ming, “Hududgaz”da 16 ming xodim ishlaydi. Lekin xodimlar ishini boshqarish raqamlashmagani sababli kun davomida kim nima bilan bandligini na elektr tarmog‘i, na gaz ta’minoti rahbari biladi. Shu bois, mehnat unumdorligi boshqa davlatlardan 1,5-2 barobar past, avariyalarni bartaraf etish muddati esa 3-4 barobar ko‘p. Energetika vazirligi tarkibida Yoqilg‘i-energetika tarmog‘ini raqamlashtirish va sun’iy intellektni joriy etish markazi tashkil etiladi. Markaz “ishlab chiqarish – uzatish – taqsimlash – yetkazish” zanjiri, ko‘mir, suyultirilgan gaz va mazut ta’minotini “stress-audit”dan o‘tkazadi. Shu asosda sohani rivojlantirishning bir nechta ssenariysi ishlab chiqiladi. Har bir xodimning kunlik ishini raqamli algoritm orqali boshqaradigan tizim yaratiladi. ASKUE va ASKUG ma’lumotlari sun’iy intellekt orqali tahlil qilinib, shubhali o‘zgarishlarni aniqlaydigan platforma ishga tushiriladi. Tizimdagi 106 ming xodim uchun 10 ta asosiy KPI belgilanadi. Unda avariyaviy va rejali o‘chishlar, yo‘qotishlar, debitor qarzdorlik, quvvatlar rezervi va ta’mirlash dasturlarining bajarilishi asosiy mezon bo‘ladi. Kanalga ulanish: ➖@uzauz