🔻 𝐙𝐀𝐆 𝐃𝐨𝐜𝐭𝐨𝐫𝐬 54 🔻

بنعتذر عن التأخير ده ظروف الأدمن ملخبطة بس المهم دلوقتي إنه بفضل الله تعالى تمت ختمة السماع أسأل الله أن يتقبلها منكم جميعاً ويكتب أجوركم اللي عمره ما سمع أي حاجة في الورد يسمع النهاردة الجمال ده ويشاركنا الأجر الدعوة مفتوحة🥰 ويا رب يكون فيه أي حد اكتسب عادة سماع الورد كل يوم ربنا يثبتكم ويباركلكم🍓

وإلى هنا سيداتي سادتي تنتهي سهراتنا لهذه الليالي.. تفضلوا لينك آخر قناة موديول في الطب 👇🏻 https://t.me/Zag54_MedEmergency

بمناسبة إن آخر كتاب نزل فحابب أشكر زميل لينا فى الدفعة مش فاكر اسمه بصراحة حتى الشات اللي ما بينا اتحذف فى أول ترم كان الموديول بيتبعت بس مش مسموح إنه ينزل فكنت باخده سكرين شوتشس كتيرة كدا و المشكلة فى الموديولات المختلفة بس بس هو كان بعت الكتاب بصيغته الـPDF ولما سألته عملت دا ازاى بعتلى فيديو فيه الطريقة بعد مسمع هنود كتيرة 😂 ومن وقتها كنت بجيب الكتاب بالطريقة اللي قالي عليها فشكرًا ليك يعم الناس وربنا يجازيك كل خير وأنت أكيد عارف نفسك فشكرًا بجد🥰

🇪🇸 🇵🇸

TIC TAC TIC TAC... ⏳⏳⏳🚨🚨🚨 3rd and 4th check: Done! ✅️

متبقي ٥٠٠ حد يبعت وياخد الثواب

السلام عليكم والدة زميلنا معانا في الدفعة كانت عاملة حادثة ولازم تدخل عملياض ضروري بكرة وهما جمعوا أغلب المبلغ بس يدوبك واقفة معاهم على 2300 جنيه فهمتكم معانا نجمعهم بسرعة ودعواتكم ليها تخرج بالسلامة وبالشفا رقم المحفظة كاش 01014017839

اخر نداء لطائرة الدوحة اللي عايز ياخد اجر معانا ميتاخرش

السلام عليكم ورحمة الله وبركاته طبعًا بقالي كام يوم منزلتش تحديث للحالة، لأن المبلغ كان ثابت. إن شاء الله نستغل إن الكل فاتح تليجرام حالياً ، وربنا يكرم ونوصل لـ 150 ألف قريب. همتكم معانا، لأن إن شاء الله الأسبوع الجاي هننزل نشتري الحاجات المطلوبة، وربنا ييسر ويتممها على خير. للتبرع: كاش / إنستا باي: 01097730959

العفو معملناش حاجة إن شاء الله تكوني حليتي كويس، ممكن تعملي أكونت فيك وتخفي الرقم من ال settings وتبعتي الأكونت ده @flowery_b أو تبعتيلنا على البوت @ZagDoc54bot وكل حاجة هتتمسح متقلقيش

بالمناسبة ديه تذكرة سريعة إن الدنيا مش مستاهلة ناخد حاجة مش بتاعتنا كلنا تعبنا أو وبذلنا مجهود فكملها برضا ربنا للآخر هتلاقي ثواب كبير أوي في الدارين إن شاء الله حتى لو أثر ده في الدنيا القريبة منك دلوقتي مش موجود (مع انه موجود بس احنا مش دايمًا بنعرف نشوفه عامة) فمفيش شك إن ربنا مش هيضيع ده في الآخرة (اللي هي دار القرار) بلاش تكلل مجهودك بسخط ربنا وبظلم الناس ويمكن اليومين دول كلنا شوفنا ماتش مصر والأرجنتين وأد ايه كان شكلهم بايخ أوي لما حسينا إنهم كسبوا بالظلم هي نفس الفكرة بس الفرق إن ده مش ماتش كورة ديه حياة ناس ومصائرهم وشغلهم ورزقهم والأكل اللي هتأكلوا لأولادك في المستقبل يا رب كلنا نقفل بالحلال الطيب المبارك وربنا يرزقنا كلنا التوفيق والتيسير في الليلة ديه♥️

قال رسول الله صلى الله عليه وسلم: دعوة ذي النون إذ دعاه وهو في بطن الحوت: لا إله إلا أنت سبحانك إني كنت من الظالمين، فإنه لم يدع بها رجل مسلم في شيء قط إلا استجاب الله له

اللهم عاملنا بما أنت اهله, ولا تعاملنا بما نحن أهله, أنت أهل الرحمة و أهل المغفرة, لا إله إلا انت سبحانك إنا كنا من الظالمين

•عندك الأوبشن اللي في الصورة •عندك الإرشاد الأكاديمي عندنا ممكن تبعتي للدكتورة وهي هتوجهك بالظبط تعملي ايه • وابعتيلنا على البوت لو محتاجة دكتور نفسي عن تجربة هنبعتلك رقم دكتور

بصي كده كده محدش فينا عايش حياة التاني ولا حد فينا ممكن برضو يحس نفس إحساسك اللي أنت حاساه دلوقتي بس قادرين نفهم امتى الإنسان ممكن يوصل بيه الحال لجملة زي دي الحياة صعبة من جوانب كتيرة والإنسان بقى وحيد مع زحمة الحياة وسرعتها وانشغال كل واحد في حياته ومشاكلها وهي فعلاً دار ابتلاء وكل واحد عنده ابتلاء متفصل عليه بالمللي من غير ولا غلطة وساعات من طول مدة الابتلاء الإنسان بيحس إنه خلاص مبقاش قادر يكمل بس ربنا اللي باعت الابتلاء على قد قوتك فشوفي بقى أنت قد ايه قوية وإن شاء الله هتعرفي تخرجي منه ولعله رفعة درجات وتكفير ذنوب إن شاء الله، لو الفكرة دي بتجيلك بشكل مُلِّح وفعلاً فكرتي في التنفيذ قبل كده فاطلبي المساعدة من حد متخصص وهنحطلك الحاجات اللي نعرفها أما لو مخنوقة من الدنيا والتعب والضغط اللي موصلك للجملة دي والإحساس ده فدي شوية حاجات ممكن تساعد أول حاجة: حاولي تبصي للحياة بمنظور مختلف ربنا أكيد سايبك لحد دلوقتي علشان ليكي دور لسه مخلصش مثلاً ممكن تنقذي روح إنسان، تخلفي ابن صالح يفيد الأمة، حاجات كتيرة جداً فطالما لسه موجودة فأنت لسه ليكي دور كبيرة تاني حاجة: تبصي على الحاجات الحلوة الكتيرة اللي عندك الفكرة دي بتبقى صعبة جداً في عز زعل الإنسان وحزنه بيبقى صعب عليه يبص على نعم ربنا عليه بس صدقيني جربي تتخيلي بس حاجة من الحاجات اللي عندك راحت مش هتعرفي تتأقلمي مع الفكرة دي نهائي تالت حاجة: اتكلمي متفضليش ساكتة قافلة على الأفكار في دماغك سايباها تسحبك للقاع فاتكلمي مع حد يفهمك يقدر يفهم كلامك حد أنت تقدري تخرجيله الأفكار دي بسهولة ممكن تكلمينا لو تحبي على البوت مرحب بيكي في أي وقت رابع حاجة: ضيفي أي حاجة جديدة في حياتك أياً كانت الحاجة دي صغيرة كبيرة أي حاجة جديدة ممكن تعمليها تلوني مثلاً لو بترسمي ارسمي أو تنزلي الجيم الحاجات دي كلها بتشغل دماغك بشكل ما والكلام ده بقوله لنفسي وليكي ولأي حد حاسس إنه محتاج يسمع ده

الريسبونس ده جالنا على أحد الكويزات إن شاء الله تكوني كويسة دلوقتي وحاسة إنك أحسن وإن شاء الله ربنا يكشف عنك الهم والحزن قريب ودي a gentle message مننا يا رب تساعدك أو على الأقل تحسسك إنك مش وحيدة

مش ممكن إحنا اللي ننضم ليهم ونمتحن الميد يوم 26 🥹

تحية طيبة لإخواتنا في فاقوس (سابقًا) 🥳🥳🥳 إن شاء الله يكون لينا الشرف نلحق معاكم فترة معايشة دراسية قريباً🦭

الف مليون مبروك لزملائي الطلاب من كلية طب فاقوس الكلية نورت بقدومكم، باذن الله انا معاكم لاي استفسار او اي سؤال بخصوص الحضور والدراسة ودي لينكات بكل التشانلز الرسمية لينا علشان تقدروا تتابعونا منها بسهوله . القناه الرسمية للفرقة الاولي: https://t.me/zmsu58 القناه الرسمية للفرقة الثانية: https://t.me/zmsu57 القناه الرسمية للفرقة الثالثة: https://t.me/+uc6nbVqno0dhNzFk القناه الرسمية للفرقة الرابعة : https://t.me/Z_ms55 القناه الرسمية للفرقة الخامسة: https://t.me/+EzDYi7Y2PIZhNTJk الجروب الرسمي لاتحاد طلاب الكلية اللي هتابع معاكم عليه كل اخبار الطلاب المحولين من طب فاقوس القوائم والتنسيق وتلقي اي استفسارات : https://t.me/zms_fak اخوكم: احمد عسكورة رئيس اتحاد طلاب كلية الطب جامعة الزقازيق.