🔻 𝐙𝐀𝐆 𝐃𝐨𝐜𝐭𝐨𝐫𝐬 54 🔻

لو سألتكم: ايه احتمالية إن حد أعمى يموت شهيد؟! بحساباتنا وتفكيرنا المحدود هنقول إن الطريق ده صعب جداً أو إن فيه حاجات كتير هتمنعه بس في الواقع بقى مع ربنا مفيش حاجة اسمها حساباتنا الصدق مع الله والتوكل عليه من المفاتيح اللي بتخلّي اللي احنا شايفينه مستحيل بحساباتنا يحصل بقدرة ربنا سيدنا عبدالله بن أم مكتوم رضي الله عنه كان أعمى، ومع ذلك كان مؤذناً للنبي ﷺ، وكان هو وسيدنا بلال رضي الله عنهما يتناوبان الأذان والإقامة، وكان النبي ﷺ يستخلفه على المدينة في بعض الغزوات. وفي مرة، نزل قول الله تعالى: ﴿لَّا يَسۡتَوِي ٱلۡقَٰعِدُونَ مِنَ ٱلۡمُؤۡمِنِينَ غَيۡرُ أُوْلِي ٱلضَّرَرِ وَٱلۡمُجَٰهِدُونَ فِي سَبِيلِ ٱللَّهِ بِأَمۡوَٰلِهِمۡ وَأَنفُسِهِمۡ…﴾ في الآية الأولى مكنش فيه استثناء «غير أولي الضرر»، فلما سمعها عبدالله بن أم مكتوم رضي الله عنه حزن، لأنه كان يتمنى الجهاد، وقال للنبي ﷺ ما معناه: لو كنت أستطيع الجهاد لجاهدت. فنزل الاستثناء: ﴿غَيْرُ أُولِي الضَّرَرِ﴾. ويمر الوقت، وفي عهد سيدنا عمر بن الخطاب رضي الله عنه في معركة القادسية سيدنا عبدالله بن أم مكتوم طلب إنه يخرج معاهم للجهاد -الجيش وقتها كان بيتقسم أجزاء كده وكل جزء كان فيه حد بيمسك الراية- فهو قالهم فيما معناه يعني أنا كده كده مش شايف ولو جيش العدو جه فمش ههرب لأني مش شايفهم يعني فخرج معاهم واختلفت الروايات بقى في تفاصيل وفاته فقيل إنه استُشهد في المعركة، وقيل إنه رجع للمدينة وتوفاه الله هنا بس الشاهد من القصة مش إننا نقعد نحسب “ده يقدر يعمل ايه وده مستحيل عليه ايه؟!” الشاهد إن الإنسان ممكن يكون عنده نقص أو عائق احنا شايفينه كبير جداً لكن ده مش معناه إن ربنا هيحرمه من أبواب الخير. استغل كل حاجة ربنا ادهالك، وكن صادق معاه، واستعن بيه، وسيب لربنا النتائج. احنا بنحسبها بإمكانياتنا المحدودة، لكن ربنا سبحانه وتعالى مش محدود بحساباتنا. فالحاجة اللي أنت شايفها مستحيلة ممكن ربنا يفتح لها باب من مكان أنت أصلاً مفكرتش فيه فسيبها على الله، واستعن بالله،وكل حاجة هتعدي🥰

🇪🇬🇪🇬🇪🇬🇪🇬

ضروري

محتاجين متبرعين بالدم أي فصيلة ضروري جداً .. اللي يعرف يجي يتبرع في مستشفى الأحرار في اقرب وقت يتواصل مع الرقم 01017439748

إنا لله وإنا إليه راجعون والد زميلتنا نهى محمد حسيني العراقى في ذمة الله نسأل الله أن يرحمه رحمًة واسعة، ويغفر له ويجعل مأواه الجنة نسألكم الدعاء له بالرحمة والمغفرة و لزميلتنا و اهلها بالصبر و السلوان

باقي ٦٠ يوم فقط⌛️

٢٨/٩/٢٠٢٦ الذكرى الرابعة لوفاة زملائنا، لم يغيبوا عن البال ولم تخلو دعواتنا من أسمائهم طوال الأربع سنوات، تركوا مقاعد فارغة فى صفوفنا الدراسية لكن مكانتهم فى قلوبنا وحياتنا مستمرة باستمرار أنفاسنا، طيب الله ذكراهم وجعل صبرهم على العلم ومرارته شفيعا لهم يوم القيامة، أبدلهم الله عن ثياب التخرج بثياب الجنة الطيبة وعن صُحبتنا بصُحبة المصطفى صلى الله عليه وسلم وصحبه الكرام، وربط الله على قلوب أهلهم وذويهم وجمعنا وإياهم فى مستقر رحمته فى جنات الفردوس الأعلى بغير حول منا ولا قوة آمين❤️‍🩹

إنا لله وإنا إليه راجعون والدة زميلتنا حلا زكريا في ذمة الله نسأل الله أن يرحمها رحمةً واسعة، ويغفر لها، ويجعل مثواها الجنة نسألكم الدعاء لها بالرحمة والمغفرة و لزميلتنا و اهلها بالصبر و السلوان

صباح أو مساء الجمال يا seniors متبقي تقريبًا ٦٠ يوم علي تخرجنا بإذن الله ربنا يرزقنا فرحة في عفو وعافية وبما إننا إن شاء الله هنكون عايشين مع بعض الفترة الجاية ديه فحبيت أعيد من جديد ختمة السماع من المصحف المرتل بما إننا مرهقين ومجهدين كلنا فإن شاء الله القرآن تنشرح بيه صدورنا وتطمئن بيه ونسأل الله أن نختم أيامنا في المكان ده بالسلامة بختمة لكتابه جهزوا أسماعكم ويا ريت لو جهزتوا مصاحفكم كمان الختمة بإذن الله هتكون من المصحف المرتل للشيخ البنا رحمه الله كل يوم حزب ووقع الاختيار عليه لسلاسة التلاوة وحلاوتها وعشان التلاوات لا تتعدى ال٢٧ دقيقة تمامًا عادة بتبقى أقل فرصة لطيفة لأي حد مش متعود يسمع كل يوم يخليها عادة بعون الله وربنا يجعلنا جميعًا من أهل القرآن ويجمعنا في الفردوس الأعلى♥️ واللي مش في التشانيل لحد دلوقتي فعيب الكلام ده التشانيل ديه بتاعتك 🙈 اللينك اهو : https://t.me/quranzag54 ويا ريت تشاركوا مع كل أحبابكم ولكم الأجر إن شاء الله

نتقدم بخالص التهنئه و المباركات لاخونا و زميلنا عبدالحي أحمد حصوله على المركز الأول في مؤتمر الكليه السنوي بالتعاون مع جامعة توياما اليابانيه 🇪🇬🇯🇵 في منافسات أفضل بحث علمي كممثل لكلية طب الزقازيق و أمام ممثلي الكليه و الطلاب ممثلين جامعة توياما اليابانيه نخش نبارك لزميلنا فخر الدفعه مبروووك ❤️❤️❤️❤️❤️ https://www.facebook.com/share/r/1Bwj5QkqZK/

ادخلوا يا شباب متتكسفوش😔

•┈┈•┈┈•⊰| كويز الـSurgical الأول |⊱•┈┈•┈┈•

«ينالُ المرءُ مقصدهُ بسَعيٍ وليس ينالُ شيئًا إن تمنَّى!» 📍جهّز الـusername واعمله كوبي بحيث تنسخه على طول في خانة التواصل. 📖 المواضيع المُدرجة في الكويز 🏆 الفائز هو أول واحد يقفّل الكويز، وهنسيبه مفتوح للي حابب يحله بعدين. 🚨 لو عايز يظهرلك الدرجة من غير ما تعيد الحل ابقى اعمل save response وافتح اللينك تاني بعدها بربعاية كده. 🏂 يُفتح الكويز في تمام الساعة ١٠:٠٠م. ⬅️ رابط لأكونتات زاج https://forms.cloud.microsoft/r/hJ4pGp23T3 ⬅️ رابط لأكونتات فاقوس https://forms.cloud.microsoft/r/1SsCGwbm2m

ما من مُسلِمٍ يدعو بدعوةٍ ليسَ فيها إثمٌ ولا قطيعةُ رحِمٍ إلَّا أعطاهُ اللَّهُ بِها إحدى ثلاثٍ إمَّا أن تُعجَّلَ لَهُ دعوتُهُ في الدُّنيا وإمَّا أن يدَّخرَها لَهُ في الآخرةِ وإمَّا أن يُصرَفَ عنهُ من السُّوءِ مثلُها قالوا: يا رسولَ اللَّهِ إذًا نُكثِرُ، قالَ: اللَّهُ أَكثَرُ

فقالَ أحَدُ الصَّحابةِ مِمَّن يَسمَعُ كَلامَ النَّبيِّ صلَّى اللهُ عليه وسلَّمَ: "إذَنْ نُكثِرُ"، مِنَ الدُّعاءِ؛ لِنَنالَ إحدى هذه الفَضائِلِ، فقالَ النَّبيُّ صلَّى اللهُ عليه وسلَّمَ: "اللهُ أكثَرُ"، فعَطاؤُه أكثَرُ عِندَ كُلِّ دَعوةٍ أرادَ بها العَبدُ الخَيرَ، فمهما أكثَرَ العِبادُ مِنَ الدُّعاءِ فعَطاؤُه لا يَنفَدُ، ولا يَنتَهي، بل هو عَطاءٌ كَثيرٌ غَيرُ مَحدودٍ.

أكثروا أكثروا فالله أكثر♥️

جدولنا الثاني لفعاليات موسم التخرج 🎓 دُمتُم مُوَفَّقين ♥️

بنعتذر جدًا عن موضوع التبرع اللي متمش ده لأسباب خارجية، وحابين بس نبلغكم إننا معدناش هنقدر نجمع أي تبرعات بأي شكل تاني حاليًا، وجزاكم الله كل الخير ونفع بكم دايمًا يارب وشكرًا للأشخاص اللي اتبرعوا علطول أول ما نزل بوستر التبرع، هيتم إرجاع الفلوس ليهم تاني دلوقتي إن شاء الله (نعتذر عن التأخير بس الأدمن كان جعان امبارح وطلب بيهم اوردر الخمس قطع من بازوكا)

•┈┈•┈┈•⊰| كويز الـMedical الثاني |⊱•┈┈•┈┈•

«لا تنطفئ ‏رغم التعبْ ‏ما زال في الأيام عمرٌ قد وثب ‏رغم انكسارات الذهاب ‏وانطفاءات المجيء ‏رغم المواجع يا صديق ‏ جراحها ملحٌ، عتبْ لا تنطفئ!» 📍جهّز الـusername واعمله كوبي بحيث تنسخه على طول في خانة التواصل. 📖 المواضيع المُدرجة في الكويز 🏆 الفائز هو أول واحد يقفّل الكويز، وهنسيبه مفتوح للي حابب يحله بعدين. 🚨 لو عايز يظهرلك الدرجة من غير ما تعيد الحل ابقى اعمل save response وافتح اللينك تاني بعدها بربعاية كده. 🏂 يُفتح الكويز في تمام الساعة ١٠:٠٠م. ⬅️ رابط لأكونتات زاج https://forms.cloud.microsoft/r/uaupr9pyCc ⬅️ رابط لأكونتات فاقوس https://forms.cloud.microsoft/r/n2nWsHZ6BX

نظرًا للشعبية وشدة الرواج الذي ناله الكويز السابق.. -جزيل الشكر للـ١١ شخص اللي تكرّموا وشاركوا جبر الله بخاطركم 🤲🏻- موعدنا اليوم مع الكويز الثاني في الميديكال الساعة ١٠:٠٠م وبعده استراحة قصيرة من المسابقة لحد ما الناس تنفض التراب عن الكتب 🤏🏻

شيروا البوست دا وتس وهمتكم معانا عشان تكمل على خير🥰