ስልጤ ዞን ኮሚዩኒኬሽን - SILTIE ZONE COMMUNICATION

በህዝብና መንግስት ጥረት የተገነባው የጣንዤ 2ኛ ደረጃ ትምህርት ቤት ተመረቀ። ከፍተኛ አስተዋጽኦ ላበረከቱ ባለድርሻ አካላት የእውቅናና የማበረታቻ ሽልማት ተበረከተ ወራቤ -ጥቅምት 1|2019-የስልጤ ዞን ኮሙኒኬሽን በስልጤ ዞን አሊቾ ውሪሮ ወረዳ በአካባቢው ተወላጅ ባለሀብቶች፣ በመንግስት ሰራተኞችና በመንግስት የተቀናጀ ጥረትና የላቀ ተሳትፎ ተገንብቶ ለአገልግሎት የበቃው የጣንዤ አጠቃላይ 2ኛ ደረጃ ትምህርት ቤት በዛሬው ዕለት በደመቀ ሁኔታ ተመርቋል። በምረቃው ስነ-ስርዓት ላይ የማዕከላዊ ኢትዮጵያ ክልል፣የስልጤ ዞንና የአሊቾ ወሪሮ የስራ ሀላፊዎች፣ የሃይማኖት አባቶች፣ የሀገር ሽማግሌዎች፣ አርሶ አደሮች እንዲሁም ጥሪ የተደረገላቸው ባለሀብቶችና አጋር አካላት በተገኙበት የምረቃ ስነ-ስር ኣት በድምቀትተካሂዷል። ይህንን ታሪካዊና ትውልድ ተካይ ፕሮጀክት ከግብ ለማድረስ ሌ ተቀን በመስራት፣ በገንዘብ፣ በጉልበትና በእውቀታቸው ለትምህርት ቤቱ ግንባታ እውን መሆን የላቀ አስተዋጽኦ ላበረከቱ በየደረጃው ለሚገኙ ባለድርሻ አካላት የወረዳው አስተዳደር የምስጋና፣ የእውቅናና የማበረታቻ ሽልማት አበርክቷል። የተዘጋጀውን የእውቅና ሽልማትና የምስክር ወረቀት የስልጤ ዞን ረዳት የመንግስት ተጠሪ እና የብልፅግና ፓርቲ የፖለቲካና አቅም ግንባታ ዘርፍ ኃላፊ አቶ ሁሴን ሱነሞ እንዲሁም የአሊቾ ውሪሮ ወረዳ ዋና አስተዳዳሪ ወይዘሮ መህዲያ ሀሰን ለተሸላሚዎቹ አስረክበዋል። ይህ የተገነባው ትምህርት ቤት የአካባቢውን የትምህርት ተዳራሽነትና ጥራት በማሻሻል ረገድ ትልቅ ሚና እንደሚጫወትና የተደረገው የተቀናጀ ህዝባዊ ተሳትፎም ለሌሎች ልማቶች አርአያ የሚሆን አዎንታዊ አቅም መፍጠሩ ተገልጻል።