ስልጤ ዞን ኮሚዩኒኬሽን - SILTIE ZONE COMMUNICATION

የፌዴራል ማረሚያ ቤቶች ጉብኝት በወራቤ ማረሚያ ያደረጉት ጉብኝት አጭር ቪዲዮ!

የመጅሊስ ህንፃ ግንባታ መሰረት ድንጋይ ስነስርዓት ስልጤ ዞን ወራቤ ከተማ!

ጤናማና አምራች ማህበረሰብ ለመፍጠር በየደረጃው የተሰሩ ተግባራት አበረታች ቢሆኑም ይበልጥ ማጠናከር ይገባል ተባለ። ወራቤ-ሰኔ-6/2016/ ስልጤ ዞን ኮሙዩኒኬሽን የስልጤ ዞን ጤና መምሪያ የ2016 በጀት አመት የ11 ወር ዕቅድ አፈጻጸም ከታችኛው መዋቅሮች ጋር በሁልባራግ ወረዳ ኬራቴ ከተማ ገምግሟል፡፡ በመድረኩ በዞኑ በሚገኙ የወረዳና ከተማ አስተዳደሮች የጤና ጽህፈት ቤት ኃላፊዎችና ማንጅመንቶች የተገኙ ሲሆን የመዋቅሮችና የመምሪያው አጠቃለይ የ11 ወር አፈፃፀም ሪፖርት ቀርቦ ሰፋ ያለ ውይይት ተደርጎበታል። በመድረኩ ንግግር ያደረጉት የስልጤ ዞን ጤና መምሪያ ኃላፊ አቶ ሸምሱ ሀይረዲን ጤናማና አምራች ማህበረሰብ ለመፍጠር በየደረጃው የተሰሩ ስራዎች መልካም ቢሆኑም ይበልጥ ትኩረት ሰጥቶ መስራት እንደሚገባ ተናግረዋል። የወባና የኮሌራ ወረሽን ስጋት መኖሩን የገለጹት አቶ ሸምሱ በተለይ ከግልና ከአከባቢ ንፅህና በተያያዘ ባለድርሻ አካላት የተቀናጀና የተጠናከረ ስራ መስራት ይኖርባቸዋል ብለዋል። የእናቶችና ህፃናት ጤናና ስርዓተ ምግብ አገልገሎቶች በማሻሻል ፣ የወባና የኮሌራ በሽታን አስቀድሞ በመከላከል መቆጣጠር ስራ በቅንጅት መምራት እንደሚገባ ጠቁመዋል። የማህበረሰቡን የጤና ግንዛቤ ማሻሻል ላይ ተከታታይነት ያለው ትምህርት መስጠት አስፈላጊ እንደሆነም የመምሪያው ኃላፊ ገልፀዋል። በቀረበው ሪፖርትም በበጀት አመቱ የማህበረሰብ አቀፍ የጤና መድህን፣ የበሽታ መከላከል፣ የቤተሰብ እቅድና የወሊድ አገልግሎት፣ ቀበሌን ከአይነ ምድር ነጻ ማድረግ፣ ሞዴል ቤተሰብና ሞዴል ቀበሌን ለመፍጠር የተከናወኑ ተግባራት የታዩ ሲሆን በተሰሩ ስራዎች የመጡ ውጤቶች መልካም ቢሆኑም ጉድለቶች መኖራቸው ተነስቷል፡፡ የመድረኩ ተሳታፊዎች መድረኩ በየደረጃው የሚስታወለውን ጉድለት ለመሙላት እና መልካም ተሞክሮዎችን ለማስፋት ግንዛቤ እንደተፈጠረላቸው ገልጸዋል።

የዘንድሮውን የ8ኛ ክፍል ሚኒስትሪ ፈተና አስመልክቶ ከስልጤ ዞን ትምህርት መምሪያ ኃላፊ አቶ ሹክራላ አወል ጋር የተደረገ አጭር ቆይታ!

የስልጤ ዞን ዋና አስተዳዳሪና የስልማ ቦርድ ሰብሳቢ አቶ አሊ ከድር ምስጋና አቀረቡ። የስልጤ ልማት ማህበር በአዲስአበባ ከተማ አስተዳደር በአድዋ ድል ሙዚየም ለነበረው ደማቅ ዝግጅት ተሳትፎ ላደረጉ አካላት ልዩ ምስጋና አቅርበዋል። በምስጋናውም ለኮሚቴ አባላት፣ ንቅናቄውን በአዲስአበባ ከተማ አስተዳደር ደረጃ ሲመሩ ለነበሩ አመራሮች፣ በየክፍለከተማው፣ በወረዳና በጥቅሉ በየደረጃው ሲያስተባብሪ የነበሩ አካላትን አመስግነዋል። በተጨማሪም የስልጤ ተወላጆችና ለአጋር የልማት ማህበር አካላት ከስልጤ ልማት ማህበር ጋር አብረው ለመስራት ስላሳዩት ተነሳሽነትና ለስልጤ ልማት ማህበር ህዝባዊ ንቅናቄ ስኬት ላደረጉት አበርክቶ በስልጤ ዞን አስተዳደር ስም አቶ አሊ ከድር ምስጋና አቅርበዋል።

የስልማ ህዝባዊ ንቅናቄ አጭር ቪዲዮ በሃዋሳ ከተማ! በስልጤ ዞን ኮሚዩኒኬሽን የተዘጋጀ!