Кітап үзіндісі

Эстетика - келешектің этикасы. Эстетикалық биік талғамы болу, сұлулықты түсіне, әрі бағалай білу және сол сұлулықты жасай білу деген сөз, осының бәрі жинақталып келгенде сұлулық, әдептілік сапасын көтереді. Тек сондай адам ғана қоғам мен келешек ұрпақ алдындағы өз борышын өтей алады. Айнұр Шамшейтова "Тағдыр сыйы" https://t.me/kitapuzindisi

Мал, дәулет – ғылыммен табылады. Балаларыңа жақсы өнеге беріп, ғылым, өнер үйретсең, бұлар сізге бек разы болар һәм ол дүниеде де сіздерді Алла тағала жарылқар. Кім-кімге болса да балаларына тәрбие беріп, бұларды оқуға бермек – сын. Серік Жолдасбай, Еркін Ерланұлы «Алаш айтқан асыл сөз» https://t.me/kitapuzindisi

– Бүгін бар, ертең жоқ. Мәңгі жасайтындай алысасың. Жұлысасың, тартысасың, қуанасың, күлесің, ұрсысасың, енді бір ұмтылғаң, ұшпаққа жетіп қалатындай, торғайдай шырылдап от пен суға түсесің. Сөйтесің де... Әні, із-түзсіз ғайып боласың. Енді бір он-он шақты жылда сені білетін, сені көрген он шақты адам да өте шығады. Сонан соң қалдың... Молаң да қараусыз қалады. Ол кімге керек?.. Не үшін келдің, не үшін кеттің, не бітіріп кеттің? Тұңғиық... Дулат Исабеков «Өкпек жолаушы» https://t.me/kitapuzindisi

Тағы бір нәрсе айтайын, былай да ұрсыспаған жақсы ғой, десе де балалардың көзінше анасына ұрса көрме. Беделін түсіресің. Сөзін тыңдамайды. Анасының сөзін тыңдамаса, өзің араласуға тура келеді. Ол деген асқар тауыңыздан төмендеп келіп балалармен тәжікелесу деңгейіне түсу деген сөз. Ана деген балаға әкені құпия көрсетіп тұрған қақпа ғой, ол қақпаны өзің сындырсаң «шабуыл» сізге төтесінен басталады. Андағайлап келген ашу құпия құрметтің тас-талқанын шығарады. Одан кейін баланың сізді сыйлауы қиындау. Қорқатын шығар, бірақ сыйламайды. Бір нәрсе есіңде болсын! Отбасында әкенің беделі қалпына келмей, бала тәрбиесі түзелмейді» деді жазушы апай. Ойланып қалдым... Ұларбек Нұрғалымұлы «Дайағашшы» https://t.me/kitapuzindisi

Осы бір әйелдердің өткенді ұмытпайтын қасиеті-ай, сұмдық пәлекет дүние! Әр үтір-нүктесіне дейін сақтайды! Адам өмірін сүрген сайын бойына оның түрлі қырларын сіңіреді, бірақ оның қалай, қашан болғаны жөнінде айта беру деген ең жалықтырар, түкке тұрмайтын дүние емес пе. Оскар Уайльд «Дориан Грейдің портреті» https://t.me/kitapuzindisi

Ұлы жаратушы адамдарды өмірінде үш рет сынайды екен. Соған орай сынақтың шарттары да әр түрлі жағдайға сай болады. Негізінен әділдік, тазалыққа бағышталады. Одан дұрыс өтсең қорғаушың - періштең болады. Өте алмасаң... онда сезімің қор, еңбегің сор, сокырдың кебін киіп, айналанды сипалап, айналшық күн кешесің. Көп тобырдан, қорадағы хайуаннан айырмаң жоқ. Иә, солай! «Айт!» десе үріп, «шайт» десе жусап, қарын тойса қалғисың дегендей... Әміржан Әлпейісов «Қашқын суыр» https://t.me/kitapuzindisi

Қазақ: «Балығы жоқ көл қадірсіз, шөбі жоқ жер қадірсіз, ұяты жоқ қыз қадірсіз, жігері жоқ жігіт қадірсіз», — дейді. Тұрақсыз болу да адамның жігерсіздігінен, табансыздығынан. Сондықтан адам ең алдымен табандылықты арман етуі керек. Сонда сенің махаббатыңды да еш дүлей күш жеңе алмайды. Арамдық та, зұлымдық та. Қыз ұятын сақтаса, жігіт бір мінезділігін сақтауы махаббаттың тазалығына керек қасиет. Сөйтсең ғана махаббат та адал сақталады. Тек сол бір мінезділікке екінің бірінің күші жетер ме? Ілияс Есенберлин «Ойлар, баяндамалар, күнделіктер, хаттар» https://t.me/kitapuzindisi

Ақтөбеліктер, ертең Бердібек Соқпақбаевтың «Балалық шаққа саяхат» кітабы талқылауға келіңіздер🤗 📍 С. Бәйішев атындағы облыстық кітапхана 🕑 14:00

Махаббатты өзенге емес, көлге емес, тек қана теңізге теңестіруге болады. Теңіз сияқты мұның да бетінде тулаған толқындар жүреді, түбінде ғажайып сырлы тереңдік жатады. Адамның жыныстық соқыр сезімінен туған сусыма жүйрік тілек толқынға ұқсаса, шын санадан шыққан жан тебірентер жақсы мұрат, асыл арман тізбегі махаббаттың тереңдігін танытады. «Бір көргеннен ғашық болу» деген сөз де сол «толқын» іспеттес, ол тән құмарлығынан туған, жалт етпе сезім ғана. Алғашқы лап еткен сәтте оның күшті боп көрінуі де ықтимал. Бірақ бұған қарап алданып қалуға болмайды. Тән құмарлығы алдамшы, өткінші, тұрақсыз сезім. Онда шынайы махаббатқа лайық тереңдік жоқ. «Бір көргеннен ғашық болдым» дегеннің өзі-ақ ол сезімнің таяздығын танытады, көре сала соны құшуға құмартқан жүгенсіз, ұшқыр тілекті көрсетеді. Теңізді бірінші рет көрген адам оның суының ашы немесе тұщы екенін, астында не барын бірден білмейді. Мұны теңізге түсіп көріп, түбіне талай сүңгіген адам ғана айта алады. Сол сиякты бір көргеннен адамның бойындағы барлық адамгершілік қасиетін аңғаруға болмайды. Оны анықтамаған сон ғашық болу да мүмкін емес. Ендеше «Сізді бір көргеннен ғашык болдым» деген сөзге сенудің орны жоқ. Олай деп оңай олжа» тапқысы келген қу жігіттер мен шын сезімнен хабары жоқ, жасөспірім, бейкүнә қыздар ғана айтуы ықтимал. Әзілхан Нұршайықов «Махаббат қызық мол жылдар» https://t.me/kitapuzindisi

Тахауи Ахтановтың өмірі өзінің ең сүбелі шығармаларының бірі – «Боран» романының күрделі сюжеті секілді. Бұл кісі ылғи бораннан шығып, боранға ұрынып отырған. Отызыншы жылдардағы аштық зұлматы боран ба? Боран. Жеңген. Аман қалған. Сұрапыл соғыс боран ба? Боран. Жеңген. Аман қалған. Елуінші жылдардағы қайтара қудалау, боран ба? Боран. Жеңген, аман қалған. Тоқырау жылдарындағы тымырсық саясат боран ба? Боран. Жеңген. Аман қалған. Өтеген Оралбай «Серпер сезім» https://t.me/kitapuzindisi