Employment office Surendranagar

Requirements Audit Officer/ Senior Audit Officer in Fusion Microfinance Limited at various locations (Limbdi Surendra , Ahmedabad and Unjha) Qualifications:- Graduation (B.Com and BBA will be given preference ) Permanent DL mandatory Experience:- 1 Year as Auditor or BM Freshers also welcome with good academic records Salery :- Salery + Bonus+ TA+DA+ Fuel Allowance Contact:- Dharmendra Srivastava Mob :- 9205699619

(--) ઇન્ડિયન ફોરેસ્ટ સર્વિસ પરીક્ષા :- UPSC દ્વારા વિવિધ ભરતી પરીક્ષામાંની એક ઇન્ડિયન ફોરેસ્ટ સર્વિસ પરીક્ષા છે. હાલ સંભવિત ૧૫૦ ફોરેસ્ટ ઓફિસરની ખાલી જગ્યાઓ ઉપર ભરતી માટે UPSC દ્વારા જાહેરાત પ્રસિદ્ધ કરવામાં આવી છે. આ જાહેરાત સંદર્ભે જો તમે પણ યોગ્યતા ધરાવતા હો તો તમે ઓનલાઈન અરજી કરી શકો છો. શૈક્ષણિક લાયકાત : અહીં એનિમલ હસબન્ડરી એન્ડ વેટરીનરી સાયન્સ/ બોટની/ કેમિસ્ટ્રી/જિયોલોજી/ મેથેમેટીક્સ/ ફિઝીકસ/ સ્ટેટિસ્ટિક્સ/ ઝુલોજીમાં સ્નાતકની ડિગ્રી ધરાવતા અથવા એગ્રીકલ્ચર કે ફોરેસ્ટ્રીમાં સ્નાતકની ડિગ્રી ધરાવતા અથવા ઈજનેરી સ્નાતકની ડિગ્રી ધરાવતા ઉમેદવારો અરજી કરી શકે છે. અહીં ઉપરોક્ત ડિગ્રી પ્રમાણે હાલ છેલ્લા વર્ષની પરીક્ષા દેનાર ઉમેદવારો પણ અરજી કરી શકે છે. વયમર્યાદા : તા.૧-૮-૨૦૨૩ના રોજ ઉમેદવારની વય ૨૧ થી ૩૨ વર્ષ હોવી જરૂરી છે. એટલે કે ઉમેદવારનો જન્મ તા.૨-૮-૧૯૯૧ થી તા.૧-૮-૨૦૦૨ વચ્ચે થયો હોવો જરૂરી છે. ઉપલી વયમાં SC/ST કેટેગરીના ઉમેદવારોને પાંચ વર્ષ, OBC કેટેગરીના ઉમેદવારોને ત્રણ વર્ષની છૂટ મળવાપાત્ર છે. પસંદગી પ્રક્રિયા : અહીં ભરતી માટે પ્રિલિમ પરીક્ષા, મુખ્ય પરીક્ષા અને છેલ્લે ઇન્ટરવ્યુ લેવામાં આવે છે. પ્રિલિમ પરીક્ષા સિવિલ સર્વિસ પરીક્ષા અને ફોરેસ્ટ સર્વિસ પરીક્ષા બંને માટે એકજ હોય છે. એટલે જે કોઈ ઉમેદવાર સિવિલ સર્વિસ અને ફોરેસ્ટ સર્વિસ બંને માટે અરજી કરશે તો તેણે પ્રિલિમ પરીક્ષા માત્ર એકજ આપવાની રહેશે. પ્રિલિમ પરીક્ષાનો સિલેબસ પણ સિવિલ સર્વિસ પરીક્ષા મુજબનો જ રહેશે. પ્રિલિમ પરીક્ષામાં સફળ અને મેરીટમાં સ્થાન મેળવનાર ઉમેદવારોની મુખ્ય પરીક્ષા લેવામાં આવશે. મુખ્ય પરીક્ષામાં જનરલ ઇંગ્લિશનું ૩૦૦ માર્કસનું પેપર તથા જનરલ નોલેજનું ૩૦૦ માર્કસનું પેપર હશે. તથા બાકીના ચાર પેપર ૨૦૦ માર્કસના આપેલ વિષયોમાંથી પસંદગીના વિષયના હશે. મુખ્ય પરીક્ષામાં સફળ ઉમેદવારોનું છેલ્લે ઇન્ટરવ્યુ અને પર્સનાલિટી ટેસ્ટ લેવામાં આવે છે. અરજી ફિ : અહીં અરજી કરનાર ઉમેદવારોએ ઓનલાઈન અરજી સમયે અરજી ફિ પેટે રૂ.૧૦૦ ફિ ભરવાની રહેશે. તમામ મહિલા ઉમેદવારો/SC/ST/PWD કેટેગરીના ઉમેદવારોએ કોઈ પણ પ્રકારની ફી ભરવાની રહેશે નહીં. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે વેબસાઇટ https://upsc.gov.in ઉપર સંર્પક કરવો. ઓનલાઇન અરજીની છેલ્લી તા.૨૧-૦૨-૨૦૨૩ છે.

(--) UPSC સિવિલ સર્વિસ પરીક્ષા :- કેન્દ્ર સરકારના યુનિયન પબ્લિક સર્વિસ કમિશન(UPSC) દ્વારા કેન્દ્રિય કચેરીઑમાં ભરતી માટે વર્ષ દરમિયાન વિવિધ ભરતી પરીક્ષા લેવામાં આવે છે. આ વિવિધ ભરતી પરીક્ષામાંની એક સિવિલ સર્વિસ એકઝામિનેશન છે. જો તમારું સપનું IAS/IPS/IFS/IRS ઓફિસર ભણી દેશસેવા કરવાનું હોય, તો તમારી માટે અત્યારે સિવિલ સર્વિસ પરીક્ષા માટે અરજી કરવાની સુવર્ણતક છે. અત્યારે સિવિલ સર્વિસ પરીક્ષાના માધ્યમથી સંભવિત કુલ ૧૧૦૫ જગ્યાઓ ઉપર ભરતી માટે UPSC દ્વારા જાહેરાત પ્રસિદ્ધ કરવામાં આવી છે. શૈક્ષણિક લાયકાત : આ માટે કોઈ પણ શાખામાં સ્નાતકની ડિગ્રી ધરાવતા કે સ્નાતકની છેલ્લા વર્ષની પરીક્ષા દેનાર ઉમેદવારો અરજી કરી શકે છે. વયમર્યાદા : ઉમેદવારની વય ૨૧ થી ૩૨ વર્ષ હોવી જરૂરી છે. એટલે કે ઉમેદવારનો જન્મ તા.૨-૮-૧૯૯૧ થી તા.૧-૮-૨૦૦૨ વચ્ચે થયો હોવો જરૂરી છે. ઉપલી વયમાં SC/ST કેટેગરીના ઉમેદવારોને પાંચ વર્ષ, OBC કેટેગરીના ઉમેદવારોને ત્રણ વર્ષ તથા દિવ્યાંગ ઉમેદવારોને દશ વર્ષની છૂટ મળવાપાત્ર છે. પરીક્ષા પદ્ધત્તિ : અહીં સિવિલ સર્વિસ પરીક્ષા પાસ કરવા માટે ઉમેદવારે ક્રમશઃ ત્રણ તબક્કામાંથી સફળતાપૂર્વક પસાર થવાનું હોય છે. સૌપ્રથમ પ્રિલિમ પરીક્ષા તા.૨૮-૦૫-૨૦૨૩ના રોજ ગુજરાતમાં અમદાવાદ, રાજકોટ અને સુરત ખાતે લેવામાં આવશે. પ્રિલિમ પરીક્ષામાં ૨૦૦ માર્કસના બે ફરજિયાત પેપર હોય છે. બંને પેપર હેતુલક્ષી પ્રકારના હોય છે, જેમાં પેપર દીઠ બે કલાકનો સમય આપવામાં આવે છે. પ્રિલિમ પરીક્ષા માત્ર મુખ્ય પરીક્ષા માટે ઉમેદવારોની પસંદગી કરવા હેતુ લેવામાં આવે છે. પ્રિલિમ પરીક્ષાના માર્કસ ભરતી માટે મેરીટમાં ગણવામાં આવતા નથી. પ્રિલિમ પરીક્ષામાં જે ઉમેદવારો સફળ થશે તે ઉમેદવારોની મુખ્ય પરીક્ષા લેવામાં આવે છે. મુખ્ય પરીક્ષામાં પેપર-એ ભારતીય ભાષામાંથી કોઈ પણ એક પોતાની પસંદગીની ભાષાનું ૩૦૦ માર્કસનું હોય છે તથા પેપર-બી અંગ્રેજી ભાષાનું ૩૦૦ માર્કસનું હોય છે. આ બંને ભાષાના પેપર છે તેમાં માત્ર ઉમેદવારે ક્વોલિફાઇ થવાનું હોય છે. મેરીટમાં માર્કસ ગણાશે નહીં. ઉપરોક્ત પ્રિલિમ પરીક્ષા અને ભાષાના બંને પેપરનો પડાવ પાર કરીને હવે પછીના સ્ટેજમાં ઉમેદવારોએ જે પરીક્ષા આપવાની થશે તેજ ભરતી માટે મેરીટમાં ગણવામાં આવશે. મેરીટમાં ગણાશે તેમાં પેપર-૧ ૨૫૦ માર્કસનું નિબંધ લેખનનું તથા પેપર-૨ થી પેપર-૭ સુધી કુલ ૬ પેપર સામાન્ય અભ્યાસના ૨૫૦ માર્કસના એમ કુલ ૧૭૫૦ માર્કસ તથા છેલ્લે પર્સનાલિટી ટેસ્ટ ઇન્ટરવ્યુ ૨૭૫ માર્કસ એમ કુલ ૨૦૨૫ માર્કસમાંથી ભરતી માટે ઉમેદવારોનું મેરીટ તૈયાર કરવામાં આવે છે. અરજી ફી : અહીં અરજી કરનાર ઉમેદવારોએ અરજી ફી પેટે રૂ.૧૦૦ ફી ઓનલાઈન ભરવાની છે. તમામ મહિલા ઉમેદવારો/SC/ST/PWD કેટેગરીના ઉમેદવારોએ કોઈ પણ પ્રકારની ફી ભરવાની રહેશે નહીં. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે વેબસાઇટ https://upsc.gov.in ઉપર સંર્પક કરવો. ઓનલાઇન અરજીની છેલ્લી તા.૨૧-૦૨-૨૦૨૩ છે.

અનુસુચિત જાતિના વિદેશ ઉચ્ચ અભ્યાસ હેતુ જવા માંગતા લોકો માટે કેંદ્ર સરકારની National Overseas Scholarship Scheme for SC 2023-24 ની જાહેરાત થયેલ છે. જેમાં વિદેશમાં માસ્ટર્સ અથવા પી.એચડિ. કરવા માટે અભ્યાસ પુરો ત્યાં સુધી વાર્ષીક 17000US$ જેટલી શિષ્યવ્રુત્તિ આપવામાં આવે છે જેમાં જે-તે સ્કુલ કોલેજની ફિ, આવવા-જવાનુ ભાડુ, રહેવાનુ, વિમો, વિઝા ફિ બધુ સમાવેશ છે. આ વર્ષે આ યોજનાની છેલ્લી તારીખ ૩૧-૦૩-૨૦૨૩ છે. અરજી કરવા અને વધુ માહિતિ માટે https://nosmsje.gov.in વેબસાઇટની મુલાકાત લો

(--) આર્મી NCC “C” સર્ટિ. ધારકોની ભરતી :- ઇન્ડિયન આર્મી દ્વારા NCC સ્પેશ્યલ એન્ટ્રી સ્કીમ અંતર્ગત યોગ્યતા ધરાવતા અપરણિત પુરુષ અને મહિલા ઉમેદવારોની ભરતી થઈ રહી છે. અહીં ભરતી થનાર ઉમેદવારને સબ લેફ્ટેનન્ટની પોસ્ટ ઉપર નિમણૂક મળવાપાત્ર થશે. જગ્યાની વિગત : અહીં ૫૫ જગ્યાઓ ઉપર ઉમેદવારોની ભરતી થઈ રહી છે. જેમાં NCC પુરુષ ઉમેદવારોની ૫૦ તથા NCC મહિલા ઉમેદવારોની ૫ જગ્યાઓ ઉપર ઉમેદવારોની ભરતી થઈ રહી છે. શૈક્ષણિક લાયકાત : અહીં ૫૦ ટકા સાથે સ્નાતકની ડિગ્રી ધરાવતા તેમજ NCC “C” સર્ટિફિકેટમાં B ગ્રેડ ધરાવતા ઉમેદવારો અરજીપાત્ર છે. વય મર્યાદા : તા.૦૧-૦૭-૨૦૨૩ના રોજ ઉમેદવારની વય ૧૯ થી ૨૫ વર્ષ હોવી જરૂરી છે. ઉમેદવારનો જન્મ તા.૨-૭-૧૯૯૮ થી તા.૧-૭-૨૦૦૪ વચ્ચે થયો હોવો જરૂરી છે. પસંદગી પ્રક્રિયા : અહીં ઉમેદવારોની આવેલ અરજીના સંદર્ભમાં ઉમેદવારોની મેરીટ યાદી તૈયાર થશે અને આ મેરીટ યાદીમાં સમાવિષ્ટ ઉમેદવારોને SSB ઇન્ટરવ્યુ માટે બોલાવવામાં આવશે. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે વેબસાઇટ e www.joinindianarmy.nic.in ઉપર સંપર્ક કરવો. ઓનલાઈન અરજીની છેલ્લી તા.૧૫-૦૨-૨૦૨૩ છે.

(--) ગ્રામીણ ડાક સેવકની ભરતી :- ભારત સરકારના ડિપાર્ટમેન્ટ ઓફ કમ્યુનિકેશન હેઠળ કાર્યરત ડિપાર્ટમેન્ટ ઓફ પોસ્ટ દ્વારા ઓલ ઈન્ડિયા લેવલે ગ્રામીણ ડાક સેવક(બ્રાન્ચ પોસ્ટ માસ્ટર) તથા આસિસ્ટન્ટ બ્રાન્ચ પોસ્ટ માસ્ટર/ડાક સેવકની ૪૦૮૮૯ જગ્યાઓ ઉપર ઉમેદવારોની ભરતી થઈ રહી છે. આ કુલ જગ્યાઓમાં ગુજરાતમાં ૨૦૧૭ જગ્યાઓ ઉપર ઉમેદવારોની ભરતી થઈ રહી છે. આ કુલ જગ્યાઓમાં જનરલ-૮૮૦, OBC-૪૮૩, SC-૯૬, ST-૩૦૧,EWS-૨૧૦ તથા વિકલાંગની અલગ અલગ કેટેગરીની ૪૭ જગ્યાઓ ઉપર ઉમેદવારોની ભરતી થઈ રહી છે. આ માટે યોગ્યતા ધરાવતા ઉમેદવારો અરજી કરી શકે છે. માનદવેતન : અહીં બ્રાન્ચ પોસ્ટ માસ્ટરની જગ્યા ઉપર ભરતી થનાર ઉમેદવારને પ્રતિ માસ ફિક્સ રૂ.૧૨૦૦૦ તથા આસિસ્ટન્ટ બ્રાન્ચ પોસ્ટ માસ્ટરની જગ્યા ઉપર ભરતી થનાર ઉમેદવારને પ્રતિ માસ રૂ.૧૦૦૦૦ ફિક્સ વેતન તેમજ સરકારશ્રીના નિયમાનુસાર મોંઘવારી ભથ્થું જે લાગુ પડે તે મળવાપાત્ર છે. શૈક્ષણીક લાયકાત : અહીં ગણિત અને અંગ્રેજી વિષય સાથે ધોરણ ૧૦ પાસ કરેલ હોય તે ઉમેદવારો અરજી કરી શકે છે. ઉમેદવારને લોકલ ભાષાની જાણકારી હોવી જોઈએ તથા સેકન્ડરી લેવલે ઉમેદવાર તે ભાષાનો વિષય ભણેલ હોવો જોઈએ. આ સાથે ઉમેદવારને કોમ્પ્યુટરનું નોલેજ તથા સાઇકલ ચલાવવાનું નોલેજ હોવું જોઈએ. વયમર્યાદા : આ માટે ૧૮ થી ૪૦ વર્ષની વય ધરાવતા ઉમેદવારો અરજી કરી શકે છે. ઉપલી વયમાં SC/ST કેટેગરીના ઉમેદવારોને પાંચ વર્ષ,OBC કેટેગરીના ઉમેદવારોને ત્રણ વર્ષ, વિકલાંગ ઉમેદવારોને કેટેગરી પ્રમાણે ૧૦ થી ૧૫ વર્ષ સુધીની છૂટ મળવાપાત્ર છે. પસંદગી પ્રક્રિયા : અહીં ધોરણ ૧૦ના મેરીટને આધારે ઉમેદવારોની ભરતી કરવામાં આવે છે. અહીં ભરતી માટે માત્ર ધોરણ ૧૦ના માર્કસને આધારે જ ઉમેદવારોની ભરતી કરવામાં આવશે.ઉમેદવારની અન્ય કોઈ શૈક્ષણિક લાયકાતને અહીં ધ્યાનમાં લેવામાં નહીં આવે. અરજી ફિ : અહીં અરજી કરનાર ઉમેદવારોએ અરજી ફિ પેટે રૂ.૧૦૦ ફિ ભરવાની રહેશે. તમામ મહિલા ઉમેદવારો, SC/ST કેટેગરીના ઉમેદવારો તથા PWD કેટેગરીના ઉમેદવારોએ અહીં કોઈ પણ પ્રકારની ફિ ભરવાની રહેશે નહીં. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે વેબસાઇટ https://indiapostgdsonline.gov.in ઉપર સંપર્ક કરવો. અહીં ઓનલાઈન અરજીની છેલ્લી તા.૧૬-૦૨-૨૦૨૩ છે.

(--) ઇન્ટેલિજન્સી બ્યૂરોમાં ભરતી :- ઇન્ટેલિજન્સી બ્યૂરોમાં સિક્યુરિટી આસિસ્ટન્ટ/એકઝીક્યુટિવ અને મલ્ટી ટાસ્કીઇંગ સ્ટાફ(જનરલ)ની ખાલી જગ્યાઓ ઉપર ભરતી માટે યોગ્ય ઉમેદવારો પાસેથી ઓનલાઇન અરજી મંગાવવામાં આવે છે. જગ્યા અને લાયકાત : (૧) અહીં સિક્યુરિટી આસિસ્ટન્ટ/એકઝીક્યુટિવની ૧૫૨૫ જગ્યાઓ ખાલી છે. ભરતી થનાર ઉમેદવારને રૂ.૨૧૭૦૦-૬૯૧૦૦ના સ્કેલમાં પગારધોરણ ઉપરાંત અન્ય અનેક લાભો મળવાપાત્ર છે. આ માટે ધોરણ ૧૦ પાસ કરેલ હોય તેવા ઉમેદવારો અરજીપાત્ર છે. ઉમેદવાર જે રાજ્ય માટે અરજી કરે તે રાજ્યની લોકલ ભાષાનો જાણકાર હોવો જોઈએ તથા ડોમિસાઈલ સર્ટિફિકેટ ઉમેદવાર પાસે હોવું જોઈએ. ઉમેદવારની વય ૧૮ થી ૨૭ વર્ષ હોવી જોઈએ. (૨) મલ્ટી ટાસ્કીઇંગ સ્ટાફ(જનરલ)ની ૧૫૦ જગ્યાઓ ઉપર ભરતી થઈ રહી છે.ભરતી થનાર ઉમેદવારને રૂ.૧૮૦૦૦-૫૬૯૦૦ પગારધોરણ ઉપરાંત અન્ય અનેક લાભો મળવાપાત્ર છે. આ માટે ધોરણ ૧૦ પાસ કરેલ હોય તેવા ઉમેદવારો અરજીપાત્ર છે. ઉમેદવાર જે રાજ્ય માટે અરજી કરે તે રાજ્યની લોકલ ભાષાનો જાણકાર હોવો જોઈએ તથા ડોમિસાઈલ સર્ટિફિકેટ ઉમેદવાર પાસે હોવું જોઈએ. ઉમેદવારની વય ૧૮ થી ૨૫ વર્ષ હોવી જોઈએ. નોંધ : અહીં ઇન્ટેલિજન્સી વર્કનો ફિલ્ડનો અનુભવ ધરાવતા ઉમેદવારોને ભરતીમાં પ્રાથમિક્તા આપવામાં આવશે. વયમર્યાદા :અહીં ઉપલી વયમાં SC/ST કેટેગરીના ઉમેદવારોને પાંચ વર્ષ, OBC કેટેગરીના ઉમેદવારોને ત્રણ વર્ષની છૂટ મળવાપાત્ર છે. વિધવા/ત્યક્તા મહિલા ઉમેદવારો અહીં ૩૫ વર્ષની વય સુધી અરજીપાત્ર છે. PWD કેટેગરીના ઉમેદવારો MTSની પોસ્ટ માટે અરજી કરી શકે છે. તેમણે અહીં ઉપલી વયમાં ૧૦ વર્ષની છૂટ મળવાપાત્ર છે. પસંદગી પ્રક્રિયા : અહીં ઉમેદવારોની આવેલ અરજીના સંદર્ભમાં ઉમેદવારોએ ટિયર-૧, ટિયર-૨ અને ટિયર-૩ એમ ત્રણ પરીક્ષણોમાંથી પસાર થવાનું રહેશે. ટિયર-૧ પરીક્ષા બંને પોસ્ટ માટે કોમન રહેશે, જેમાં જનરલ અવેરનેસ, ક્વોન્ટિટેટીવ એપ્ટિટ્યુડ,ન્યૂમરિકલ/એનાલિટીકલ/લોજિકલ એબિલિટી, ઇંગ્લિશ લેંગ્વેઝ, જનરલ સ્ટડીઝના કુલ ૧૦૦ માર્કસના પ્રશ્નો હોય છે.જે માટે એક કલાકનો સમય આપવામાં આવે છે. પરીક્ષા હેતુલક્ષી પ્રકારની હશે. આ ટિયર-૧ની પરીક્ષામાં પાસ ઉમેદવારોને ટિયર-૨ની પરીક્ષા માટે બોલાવવામાં આવશે. ટિયર-૨ની પરીક્ષામાં ઉમેદવારે અંગ્રેજીમાંથી લોકલ ભાષામાં ૫૦૦ શબ્દોનું ટ્રાન્સલેશન કરવાનું હોય છે. ૪૦ માર્કસની આ પરીક્ષા માટે ઉમેદવારને ૧ કલાકનો સમય આપવામાં આવે છે. જે ઉમેદવારો સિક્યુરિટી આસિસ્ટન્ટની પોસ્ટ માટે અરજી કરશે તે ઉમેદવારોએ ટિયર-૨ની પરીક્ષામાં સ્પોકન એબિલિટી ટેસ્ટ પણ આપવાની હોય છે. છેલ્લે ટિયર-૩માં સિક્યુરિટી આસિસ્ટન્ટની પોસ્ટ માટે અરજી કરનાર ઉમેદવારોનંએ ઇન્ટરવ્યુ/પર્સનાલિટી ટેસ્ટ લેવામાં આવે છે. પરીક્ષા કેન્દ્ર : અમદાવાદ, આણંદ, ગાંધીનગર, હિંમતનગર, જામનગર, મહેસાણા, રાજકોટ, સુરત, વડોદરા, વલસાડ, વાપી અરજી ફિ : અહી અરજી કરનાર ઉમેદવારોએ અરજી ફિ પેટે રૂ.૫૦૦ ફિ ભરવાની રહેશે. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે વેબસાઇટ https://www.mha.gov.in/ ઉપર સંપર્ક કરવો. ઓનલાઈન અરજીની છેલ્લી તા.૧૭-૦૨-૨૦૨૩ છે.

આવતી કાલે 10 February ભરતી મેળો યોજાસે.