Seid Social

ሞስኮን በዚህ መልኩ የቀን ጨለማ ነው ውጧት የዋለው። ከሩሲያ የሚወጩ ቪዲዮዎች የውድመቱን መጠን በግዙፉ የሚያሳዩ ናቸው። ሩሲያ ከሁለተኛው የአለም ጦርነት በሗላ እንደዚህ ያለ ድብደባ ደርሶባት አያውቅም። የዩክሬን አቅም እየከበደ መምጣቴ ሩሲያ ወይ ዩክሬይንን ለቃ ከመውጣት ወይ ኑክሊየር ከመጠቀም በሁለት አማራጭ ብቻ እያቆማት ነው። ሁለቱም ለሩሲያ አውዳሚ ምርጫዎች ናቸው! 👉 t.me/Seidsocial

በአላህ ግን ይህቺ አፍሪካዊት እንቁ ድንቅ የብልፅግና ማማ የሆነች ሀገር የት ነው የምትገኘው? ወደዚህች ሀገር ለመሄድስ መንገዱ በየት ይሆን? በስኮላርሽፕም በስራ ቪዛም ብቻ በየትኛውም ይሁን በየት ብለን ነው እዚህች እንቁ ሀገር መግባት የምንችለው? ይህቺ እንኳን የኛን የሀያላኑን ትኩረት የሳበች ሀገር የት ይሆን የምትገኘው? እነዚህ ህሊና የማይወቅሳቸው ሰዎች ተጫወቱብን ወላሂ! እንደት ሰው በህዝብ ስቃይና መከራ ፤ በሀገር ህመምና ቁስል እንዲህ ሙድ ይይዛል!?? ግዴለም ግፉን አታብዙት ! ስላቁን አታብዙት! በስልጣኑ ዘልአለም የቆየ የለም! ቴሌግራም 👉 t.me/Seidsocial

የደራ ህዝብ ከበባ ላይ ነው! ስቃይ ላይ ነው! ሀዘን ላይ ነው! በኦሮሚያ ክልል ሰሜን ሸዋ ዞራ ደራ ኦነግ ሸኔ ህዝቡን እያሰደደ ከፍተኛ ውድመት እያደረሰ ይገኛል። የደራ እናቶች ሰማይ ተደፍቶባቸዋል። በርካታ ተጓዦች ታግተው ተወስደዋል። አመታትን የዘለቀው የደራ ህዝብ ስቃይም ተባብሶ ቀጥሏል። ባለፈው ከአዲስ አበባ ወደ ደራ ሲጓዙ የነበሩ 90 ተጓዦችን አግቶ ሲወስድ አንዲት ለሙሽራነት ልታገባ እየሄደተች የነበረችና ሰርጓ ተደግሶ ቀን ልታገባ ትንሽ ቀናት የቀሯት ሙሽራ አብራ ተወስዳ መገደሏን ስሰማ በጣም ነበር ያዘንኩት።ደግሞም ልጂቷ እዚያ ንግድ ባንክ እሰራ በነበረበት ወቅት ደንበኛየ የነበረው የጃምቦ በሽር ልጅ ነበረች ። እንደት ይሆን ብየ አሰብኩና በጣም አዘንኩኝ። እናታቸውን ያገቱባቸው ህፃን ልጆች እናታቸውን ለመከተል ሌሊት በረሀውን ሲጓዙ ጅብ በልቷቸው መገኘቱንም ስሰማ እጅግ እረብሾኛል። በርካቶች ደራ ላይ በጨካኞቹ በአሳዛኝ ሁኔታ እየተገደሉ ነው። የደራ ህዝብ ራሱን ለመጠበቅ ብዙ ታግሏል ብዙ መስዋዕትነት ከፍሏል ብዙ ወድ ልጆቹንም ገብሯል። ግን የገባው የኦነግ ሰራዊት ከህዝቡ አቅም በላይ ሆኗል። የደራ ህዝብ ከመንግስትና ከሚመለከተው ሁሉ አስቸኳይ እገዛ ይፈልጋል። ያ አምራችና ጠንካራ ህዝብ እየተሰበረ ነው። ልጆቹ ሚሊዮኖች የሚጠየቅባቸው የሸቀጥ እቃዎች ሆነውበታል። ትኩረት ለደራ ህዝብ! ቴሌግራም 👉 t.me/Seidsocial

ዛሬ አል ቢናእ ተወዳጁን ኡስታዝ ኡስታዝ محب الدين الطبري ን ይዞላችሁ ቀርቧል _______ ስለ አንድነት በኢስላም ዛሬ ምሽት ከኡስታዝ ሙሂቡድን ጋር ውይይት ይኖራል ስለሆነም ይህንን ታላቅ እሴት ከታላቁ ኡስታዝ አህመድ (መሐባዲን አል-ጠበሪ) ጋር ለመፈተሽ ዛሬ ምሽት ሁላችንንም በአልቢናዕ ቴሌግራም ቻነል ላይ 3:00 ማታ ተጋብዛችሗል! •┈•• ❉┈ ⇣☆❈☆❈☆⇣ ┈❉ •┈•• https://t.me/al_biinaa1

ፅናት ማለት ይሄ ነው! ጀጎንነት ማለት ይሄ ነው! ክብርና ልቅና ማለት ይሄ ነው! አሸናፊነት ማለትም ይሄ ነው! እጅ ስጡ ብሎ ጥሩንባ የነፋን ወራሪ አስገድዶ ለሰላም እንዲፈርም ማድረግ! ላጠፋው ጥፋት ካሳ እንዲከፍል ማድረግ! ያውም የ 300 ቢሊዮን ዶላር ካሳ! ሁለቱ የኑክሌር ባለቤቶች ፤ ሁለቱ የጦር ልእለሀያላኖች አሜሪካ እና እስራኤል ጦርነቱን በዚያ ያክል አስፈሪ ሁኔታ ሲጀምሩ ፤ ኢማም አያቱሏህ አሊ ኻምንኢን አላህ ይዘንላቸውና ጨምሮ በርካታ መሪዎችን ሲገድሉ ሁሉም የአለም ህዝብ ኢራን እንደምትፈራርስ እርግጠኞች ነበሩ። ኢራናዊያን ሲቀሩ! ትራምፕ እና ኔታኒያሁ ኢራን እንደምትጠፋ እርግጠኞች ነበሩ። ግና ጦርነቱን እነ አሜሪካ ቢጀምሩትም ኢራን ጨረሰቺው! አስለምና አስሸምግላ ለድርድር አስቀመጠቻቼው! ትራምፕ በአመራሮቹ በኩል ለመደራደር ሲታገል ቢቆይም በመጠረሻም ራሱ ፈረንሳይ ድረስ ተጉዞ ከኢራን ጋር የተኩስ አቁም ስምምነቱን ፈርሟል። ካሳና ማቋቋሚያውን ለማዋጣት ፤ ማእቀቦችን ለማንሳት ፤ በጠላትነት ኢራንን ላለመፈለግ ተስማምቷል። እንዲህ ያለ ገድል የሚገኘው በፅኑ ትግል ብቻ ነው። አሁን ኢራን ከጦርነቱ በፊት ከነበረው ፈርጣማና ሀያል ነች። በቅርቡም በኢኮኖሚው የሀያላኑን ጎራ የምትቀላቀልበት እድሉ ወለል ብሎ ተከፍቶላታል! የፐርሺያ ህዝብ ምንኛ ታላቅ ነው! ቴሌግራም 👉 t.me/Seidsocial

ዩክሬይን በዛሬው እለት የሩሲያ ዋና ከተማ ምስኮ ላይ ከፍተኛ ድብደባ እየፈፀመች ትገኛለች። በበርካታ ድሮኖች በተቀናጀ ዘመቻ ሞስኮን እያጠቃች የምትገኘው ዩክሬይን የሩሲያን ግዙፍ የነዳጅ ማእከል ምስኮ ላይ አውድማለች። ሩሲያ በዩክሬን እየተፈፀመባት የሚገኘው ከፍተኛ የድሮን ጥቃት እየመከተች መሆኗን የገለፀች ሲሆን እስካሁን 500 የዩክሬን ድሮኖችን መታ መጣሏን አስታውቃለች። ይህን የዩክሬይንን የጥቃት ክብደት አንዱ ማሳያ ነው። ዩክሬይን ጦርነቱ ከተጀመረ ጀምሮ እንደዚያ ያለ ግዙፍ ሀይል በሩሲያ ላይ ተጠቅማ አይታወቅም እየተባለ ይገኛል። የሞስኮ ሰማይ በፍንዳታ ጭስ የተሞላ ሲሆን አየር መበከል እንደተከሰተ ከቦታው የሚወጡ መረጃዎት ያሳያሉ። በተለይም ሰምኑን የቡድን ሰባት ሀገራት ለዩክሬይን የሚያደርጉትን ድጋፍ እንደሚያጠናክሩ መግለፃቸውን ተከትሎ ሩሲያ ትልቅ ፈተና ከፊቷ ይጠብቃታል። በኢራን ጦርነት ሳቢያ እና ትራምፕ ከዜሌንስኪ ጋር በፈጠረው አለመግባባት ቆሞ የነበረው የአሜሪካ እገዛ አሁን ላይ እንደሚጀመር አሜሪካ ቃል መግባቷን ዩክሬን ገልፃለች። የኢራን ጦርነት ለሩሲያ እፎይታን ፈጥሮላት የነበረ ቢሆንም አሁን አሜሪካ እና አጋሮቿ ፊታቸውን ወደ ሩሲያ የሚያዞሩ ይመስላል። ዩክሬን የሩሲያ የነዳጅ ተቋማትን ኢላማ አድርጋ እየደበደበች መሆኑ ሩሲያን በኢኮኖሚ በከፍተኛ ሁኔታ እየፈተናት ይገኛል። ሩሲያ በተደጋጋሚ አፀፋዊ ምላሽ ስትዝት ብትቆይም ጥቃቶቿ እስካሁን ዩክሬይንን ማንበርከክ ተስኗቸዋል። የዩክሬን ሩሲያ ጦርነት ተባብሶ ይቀጥላል። ቴሌግራም 👉 t.me/Seidsocial

#እስልምና_በአርጀንቲና ! አርጀንቲና ሰሰትነሳ በዋናነት አራት ሰዎች ከፊት ለፊት ይመጣሉ ። የምንጊዜም ታላቅ የእግርኳስ ተጨዋች የሆኑት ሊዮነል ሜሲና ዲያጎ ማራዶና የነፃነት ታጋዩ አርበኛ ኤርኔስቶ ቼጉቬራ እና በቅርቡ ህይወታቸው ያለፈው የካቶሊኩ ርእሰ ሊቃጳጳሳት አቡነ ፍራንቺዝ ኩዝ ! እነዚህ አራት ሰዎች አርጀንቲናን ከፍ አድርገው በአለም ዝናዋን አናኝተዋታል ። ለነገሩ የዛሬን አያድርገውና አርጀንቲና በአለማች እጅግ ባለፀጋ ከሆኑ ሀገሮች አንዷ ነበረች ። ለመሆኑ ኢስላም በአርጀንቲና ምን ይመስላል ? አርጀንቲና የስፔይን ስሪት የሆነች ሀገር ናት ። ቋንቋዋንም ሀይማኖቷንም ባህሏንም የወሰደቺው ከቀድሞው ቅኝ ገዢዋ ስፔይን ነው ። ለነገሩ የአርጀንቲና ህዝብ አብዛኛው የአውሮፓ ዝርያ ያለው ነው። ከ 85% በላይ የሚሆነው የአርጀንቲና ህዝብ አውሮፓዊ ሲሆን የጣሊያን ዝርያ ያላቸው አብዛኛውን ቁጥር ሲይዙ ጀርመናዊያንና ስፔናዊያን ይከተላሉ ። እናም የአርጀንቲና ሀይማኖት ስብጥር በአብዛኛው የስፔይንን ሀይማኖት ስብጥር ይመስላል ። ለ 800 አመታት በሙስሊሞች ስር የነበረቺውን ስፔይንን !! በመሆኑም የአርጀንቲና ህዝብ በአብዛኛው የካቶሊክ ክርስቲያን አማኝ ህዝብ ነው ። ይሁን እንጅ አርጀንቲና ከላቲን አሜሪካ ሀገራት ከፍተኛውን የሙስሊም ቁጥር የያዘች ሀገር ናት ። ከ አንድ ሚሊዮን በላይ የሚሆነው የአርጀንቲና ህዝብ የእስልምና እምነትን ይከተላል ። ይህም 2 % የሚሆነውን የአርጀንቲና ህዝብ ይሸፍናል ። ይህን ያክል የሙስሊም ብዛት ያለው ሀገር በላቲን አሜሪካ ውስጥ ካለ አርጀንቲና የለም ። አንዳንድ መረጃዎች ብራዚል ከአርጀንቲና የበለጠ ሙስሊም እንዳላት ያሳያሉ። የአርጀንቲ እስልምና ሲነሳ ያው ስፔይን አሁንም ትነሳለች ። ስፔይን አርጀንቲናን ከመውረሯና ግዛቷ ከማድረጓ በፊት በሀገሯ የሚኖሩ ሙስሊሞችንና አይሁዶችን እያጠራች ነበር ። በውድም በግድም ሙስሊሞች ክርስትናን እንዲቀበሉ አልያም ስፔይንን እንዲለቁ እያደረገች ነበረ ። Spanish Inquisition ን የሚያስታውስ የስፔይን ሙስሊሞችን ስደትና መከራ ያስታውሳል ። የስፔይኖቹ ፈርዳናንድና ኢዛቤላ እንደኛው አፄ ዮሐንስ አይነት መሪ ነበሩ ። እናም ስፔይን አርጀንቲናን ስትወር በስፔይን የሚኖሩ ሙስሊሞች ጭቆናና ግፍን ለመሸሽ ሲሉ በአርጀንቲና መስፈር ጀመሩ ከዛሬ 500 አመት በፊት ! ያኔ የሰፈሩ ይሄው እስከዛሬ እምነታቸውን እንደያዙ አሉ ። አይገርማችሁም !!?? በኦቶማን ሱልጧኔት ዘመንም ሙስሊሞች ወደ አርጀንቲና ሄደዋል ። የቀድሞው የአርጀንቲና ፕሬዝዳንት ካርሎስ ሜኔም ከሶሪያ ሙስሊም ቤተሰቦች የተወለደ ሲሆን የሀገሪቱ መሪ ለመሆን ስለፈለገና በህዝቡ ተመራጭ እንዲሆን በመፈለግ የክርስትና ሀይማኖት ሊቀበል ችሏል ። ይሁን እንጅ ፕሬዚዳንቱ በአርጀንቲና የሳኡዲው ንጉስ ፈህዲ መስጅድን ጨምሮ በርካታ መስጅዶችና ኢስላማዊ ትምህርት ቤቶች እንዲገነቡ በማድረግ ታላቅ ውለታን ውሏል ። አርጀንቲና በርካታ መስጅዶች ያሏት ኢስላማዊ ትምህርት ቤቶችም በነፃ የሚንቀሳቀሱባት ሀገር ናት ። አሁን አርጀንቲና የሀይማኖት ነፃነትን የምታከብር ድሞክራሲያዊ ሀገር ናት ። ሙስሊሞች በፍፁም ነፃነት የሚኖሩባት ሀገር ናት ። ሙስሊሞች በትምህርት ቤት ፣ በመዋኛ ስፍራ ፣ ለፓስፖርትም ሆነ ለማንኛውም ነገር ሂጃባቸውን እንዲያወልቁ አይጠየቁም አይገደዱም ። መስጅድ መገንባት መድረሳ መቋቋም በፈለጉ ጊዜ በነፃነት መፈፀም ይችላሉ ። በሀይማኖታቸውም ምንም አይነት መገለል አይደርስባቸውም ። እንደውም ከዚህም በላይ በ 2011 አርጀንቲና ሙስሊሞችን ከመገለል የሚጠብቅና ለሙስሊሞች መብት በተለየ መልኩ ጥብቅና የሚቆም ህግ አውጥታለች ። አርጀንቲና በዚህ ረገድ ለአለም ሁሉ ምሳሌ የሆነች ሀገር ናት ። ኤርኔስቶ ቼጉቬራ እና ዲያጎ ማራዶና የፍልስጤም ወዳጆች ናቸው ። ለፍልስጤምን ከሀገራቸው ቀጥለው የሚወዱ ። በሊዮነል ሜሲ የሚመራው የአርጀንቲና ብሔራዊ ቡድን ከአመታት በፊት ከእስራኤል ጋር የነበረውን የወዳጅነት ጨዋታ መሰረዛቸው ብዙ መነጋገሪያ ሆኖ ነበር። አሁን የአርጀንቲና ሙስሊሞች ትልቁ ፈተና የሚናገሩት ቋንቋ ስፔይንኛ እንደመሆኑ በስፓኒሽ የተሰሩ የተፃፉ ኢስላማዊ ስራዎች አናሳ መሆናቸው ነው ። አርጀንቲና ምንም እንኳ አሁን ላይ ከክርስትና ወደ አይሁድነት ሀይማኖት በቀየረው በፅንፈኛው ጃቬየር ሚሊ እየተመራች የሰብአዊ መብት ረጋጯ የእስራኤል አጋር ብትሆንም በታሪክ የፍልስጤም የነፃነት ውሳኔዎችን በመደገፍ የምትታወቅ ሀገር ነች። አሁንም አብዛኛው የአርጀንቲና ህዝብ የፍልስጤም ነፃነት ደጋፊ ነው። ነገር ግን በብራዚል ላይ ቦልሶናሪዎ የሚባል ፅንፈኛ መሪ ተተክሎ እንደነበረው አሁን ላይ ሜሊ አርጀንቲና ላይ ተተክሏል። በዚህ ሁሉ መሀል ግን አርጀንቲና የሙስሊሞች ነፃነት ሙሉ በሙሉ የተከበረባት ሀገር ነች። መረጃውን ከ Islamfinder እና ከ Amaliah አጠናቅሬ አቀረብኩላችሁ ። 👉 t.me/Seidsocial ን ይቀላቀሉ

የአረብ ሀገራት መከራ🙄 አሜሪካ የአረብ ሀገራት ለኢራን 300 ቢሊዮን ዶላር እንዲከፍሉ እየጠየቀች ነው። ከኢራን እና አሜሪካ የጦር ድርድር ስምምነቶች አንዱ ኢራን በጦርነቱ ለደረሰባት ኪሳራ አሜሪካ ካሳ መክፈል አለባት የሚለው ነው። አሜሪካ በበኩሏ የጦር ኪሳራውን የአረብ ሀገራት እንዲከፍሉ ትፈልጋለች። ለዚህም የአሜሪካው ምክትል ፕሬዚዳንት ጄዲ ቫንስ የአረብ ሀገራት ለኢራን 300 ቢሊዮን ዶላር ይከፍላሉ ብለዋል። ይሄ በጣም የሚያስገርምና የግርድና መጨረሻው ምን ያክል ጊዜያዊ መዳንን ያጎናፀፈ ቢመስልም መጨረሻው ግን ባርነት መሆኑን ማሳያ ነው። አሜሪካ የአረብ ሀገራትን ከኢራን እጠብቃችሗለሁ ብላ በየአመቱ መቶ ቢሊዮኖችን ስትቀበል የኖረች ሀገር ነች። በሗላም በዚህ ጦርነት እንኳን ልትጠብቃቸው የራሷንም ጦር ማዳን አቅቷት የአረብ ሀገራቱ ላይ እዳ ሆና ሰንብታለች። የአረብ ሀገራቱም አሜሪካና እስራኤል ከኢራን ጋር ባደረጉት ጦርነት ከፍተኛ ኪሳራ ማስተናገዳቸው የሚታወቅ ነው። እናም ጉደኛዋ አሜሪካ ኢራን በጦርነቱ ለደረሰባት ኪሳራ አረብ ሀገራት ይክፈሉ በማለት አይኗን በጨው አጥባ መጥታለች። ወደሽ ከተደፋሽ ቢረግጡሽ አይክፋሽ ነው ነገሩ! ቴሌግራም 👉 t.me/Seidsocial ቴሌግራም 👉 t.me/Seidsocial

ፕሬዚዳንት ትራምፕ ኔታኒያሁ በሊባኖስ ጉዳይ ሊጠነቀቅ ይገባል ሲል ማሳሰቢያ ሰጥቷል። የሁለቱ ሀገራት መሪዎች ወደ ንትርክ ገብተዋል። ትራምፕ ዛሬ ሀኔታኒያሁ በሰጠው ማስጠንቀቂያ በሊባኖስ ጉዳይ ሀላፊነት ሊሰማህ ይገባል የተደረገልህን ውለታ አትርሳ ብሏል። ትራምፕ ለኔታኒያሁ በሰጠው መልእክት " አሜሪካ ባትኖርኮ እስራኤል የምትባል ሀገር ምድር ላይ አትኖርም ነበር ይሄን ውለታ አትዘንጋ ያለከው በኔ ችሮታ ነው" ብሏል። አንተንም እኔ ጣልቃ ገብቼ ባላድንህ ኖሮ እስከአሁን እስርቤት ነበርክ ብሏል። ትራምፕ አክሎም " እስራኤል ለረጂም ጊዜ ሂዝቡላህን እየተዋጋች ነው። በዚህ ደግሞ ብዙ ህዝብ እየተገደለ ነው ያ ማቆም አለበት። አንድ ሰው ለመግደል ባሰባችሁ ቁጥር ሁሌ አንድ አፓርትመንት ሙሉ የምታወድሙበት ነገር ሊቆም ይገባዋል " ብሏል። የሂዝቡላህን ጉዳይ ለሶሪያ ቢተው እንደሚመክርም ትራምፕ አሳስቧል ሲል የዘገበው አናዶሉ ነው። ሁለቱ ሀገራት በኢራን ላይ የከፈቱት ጦርነት በኢራን አሸናፊነት መጠናቀቁን ተከትሎ በመካከላቸው ከፍተኛ ቁርሾ ተከፍቷል። የእስራኤሉ ደህንነት ሚኒስትር ኢትማር ቤን ጌቪር በአፀፋው በሰጠው መግለጫ " እኛኮ የአሜሪካ ግዛት አይደለንም አሜሪካ እንዲህ አድርጉ እንዲህ አታድርጉ የምትለን እኛ ነፃ ሀገር ነን የፈለግነው ጉዞ የምንጓዘውም እኛ ነን" በማለት ገልጿል። ቴሌግራም 👉 t.me/Seidsocial ቴሌግራም 👉 t.me/Seidsocial

B_52 ቦምበር ተከስክሶ 8 የአሜሪካ አየር ሀይል አባላት "ተገደሉ" የሚለው ዘገባ ላይ እንደት ተገደሉ ትላለህ ሞቱ ነው የሚባለው እንጅ ብለው ቃሉ ያሳሰባችሁ ሰዎች ስትጠይቁ ነበር። እና እንደ ቃል አጠቃቀም ሞቱም ተገደሉም የሚያስኬድ ቢሆንም አንድ አደጋ በተለይ እንዲህ ያለ የአይሮፕላን አደጋ ሲከሰት የሚዘገበው ተገደሉ ተብሎ ነው። በአሜሪካ በደረሰ የአይሮፕላን መከስከስ ይሄን ያክል ሰው ተገደለ ብለው ነው መገናኛ ብዙሀን የሚዘግቡት። ሞቱ ተብሎ የሚዘገበው አዲጋው ከተከሰተ በሗላ ህይወታቸው ካለፈ ነው። ቴሌግራም 👉 t.me/Seidsocial

የአሜሪካ ግዙፉ ቦምብ ጣይ አይሮፕላን B_52 Bomber ተከስክሶ 8ቱም የበረራ ሰራተኞች ተገድለዋል። ካሊፎርኒያ ላይ እየበረረ ሳለ የተከሰከሰው B-52 Stratofortress የኑክሌያር ተሸካሚ ቦምበር ሲከሰከስ በውስጡ ያሉት የበረራ ሰዎች ምናቸውም አልተገኘም። ቦምበሩ አሜሪካ ካሏት የተራቀቁ የጦር አይሮፕላኖች አንዱ ሲሆን ከ 8,500 ኪሎሜትር በላይ መብረር የሚችልና ኑክሌያር ተሸካሚ ቦምበር ነው። ቴሌግራም 👉 t.me/Seidsocial

ሸይኽ ሙሀመድ ሳኒ አላህ ይዘንላቸውና አንዋር መስጅድ ሊያሰግዱ በመጡ ቁጥር " አንተኮ ሙስሊም አይደለህም ካ¶¶¶ ፊር ነህ" እያለ ሁሌ የሚሰድባቸው ሰው ነበር። እርሳቸውም ይሄን ባላቸው ቁጥር " አሽሀዱ አንላኢላሀ ኢለሏህ ወአሽሀዱ አነ ሙሀመደን አብዱሁ በረሡሉሁ" ይሉትና " አሁንስ አልሰለምኩም?" ብለው ያልፉና ሶላታቸውን ያሰግዳሉ። ይህ ሰው ሁሌም ከመስጅድ አይጠፋም። እርሳቸው ሊያሰግዱ ይመጣሉ እርሱም ሁሌም አንተኮ ከኢስላም ወጥተሀል ጠማማ ነህ እያለ ይሳደባል እርሳቸውም ሸሀዳ ይይዙና " አሁንስ ?" እያሉ ያልፉታል። ታዲያ አንድ ቀን ሀጂ ሙሀመድ ሳኒ ሲገቡ ያ እንደዚያ የሚያከፍራቸውና የሚሰድባቸው ሰው አልነበረም። እርሳቸውም " ለመሆኑ እከሌ የት ሂዶ ነው?" ብለው ሲጠይቁ ታሞ ሆስፒታል እንደገባ ይነገራቸዋል። እርሳቸውም ተነስተው መጠያቂያ ይዘው ሆስፒታል ሊጠይቁት ይሄዳሉ። ከዚያም " እኔ ከመስጅድ ሳጣህ ስጠይቅ መታመምህን ነገሩኝ አላህ ያሽርህና የምትመለስ ያድርግህ" አሉት። እርሱም ተሰማውና አለቀሰ እንዲህም አላቸው " ወላሂ እኔ በጣም አድርጌ እወዶታለሁ ግን እንደዚህ ከኢስላም የማስወጣሁና የምሰድብሁ እንዲሰድብላቸውና ከኢስላም እንዳስወጣላቸው ስምወትን እንዳጠፋ የሚከፍሉኝ ወገኖች ስላሉ ነው" ይላቸዋል። እርሳቸውም " እንግዲያውስ እኔን እንዲህ በማድረግህ የሚከፈልህ ከሆነ በህዝብ ፊት መሳደብህን ቀጥል እኔ በአዱኒያም በአኼራም አውፍ ብየሀለሁ " አሉት ይባላል። ከአብዛኛዎቹ የኢስላም አስወጪዎችና ሙተጦሪፎች ጀርባ የሚገኘው ሀቅ ይሄ ነው። ከሗላ የሚከፍል ፤ ጥቅም የሚያከፋፍልና የፕሮፓጋንዳ የሚሸፍን ፤ በምቀኝነት የተሞላ ሀይል አለ። እንጅ ሰው ለአላህ ብሎ ላኢላሀኢለሏህ ያለን ሰው ከኢስላም ለማስወጣት በፍፁም በፍፁም አይዳፈርም። ጥቅም እና ሂስድ ግን ሁሉን ታስፈፅማለች። ጀነት የምትናፍቀውን ኢማም አሊን አላህ ይውደድለትና ለመዋጋት የያኔዎቹ አማፂያን ሲቀሰቅሱ " አሊ ከኢስላም ወጥቷል" ብለው ነበር ያዘመቱበት። የጥቅም አሳዳጆችና ሀሲዶች በጀት በጅተው አክፋሪዎችን ያሰማራሉ ያ ማክፈር እውነት የሚመስላቸው ጃሂሎች ደግሞ ይቀበሉና ፕሮፓጋንዳውን ተቀብለው ለመሰሎቻቼው ያራግቡታልም። በዚህ መሀል ፊትና ይፈጠራል። የሙስሊም አንድነት ይበጣጠሳል። አንዱ የአንዱ ሪቃብም ይመታል። ይህ ከጥንት እስከአሁን ተከትሎን የመጣ ትልቁ ህመማችን ነው። አላህ ከዚህ በሽታ ባለቤትነትም ተጠቂነትም ይጠብቀን! ቴሌግራም 👉 t.me/Seidsocial

ከደሴ ወደ አዲስ አበባ ሲጓዙ በሰቅጣጭ የመኪና አደጋ ህይወታቸውን ላጡ ወገኖቼ ትልቅ ሀዘን ይሰማኛል ። አላህ ሟቾቹን በጀነት ይቀበላቸው ይማራቸው። የተጎዱትን በቶሎ ያሽላቸው ቁስላቸውን ቀላል ያድርግላቸው። ለቤተሰቦቻቼው ፅናቱን ሶብሩን ይስጣቸው። ሳይታሰብ ወጥቶ መቅረት እጅግ ያሳዝናል!

ያው በዚህ ዘመን ጦርነት ለማድረግ ቢያንስ የነፍስወከፍ መሳሪያ ከስናይፐር እስከ ብሬል ትታጠቃለህ። ከፍ ሲልም የቡድን መሳሪያዎችን ድሮን ታንክ የጦር ጄት ሚሳኤል ሮኬት ወዘተ ታዘጋጃለህ። የትኛው ሀገር ያለ ታጣቂ ለመዋጋት እነዚህን ካላሟላ አይሆንም። የኛ ሀገር መስቀል ጦረኞች ማለቴ የሶሻል ሚዲያ ጦረኞች ግን እኛ ሙስሊሞችን ለጦርነት እየተዘጋጁ ነው ሲሉ " ሰይፍ እያዘጋጁ ነው ፤ አንድ መጋዘን ሙሉ ሰይፍ አዘጋጅቸው እያከፋፈሉ ነው ፤ በሰይፍ ሊያርዱን ነው ፤ ለአንድ ቀበሌ ሰው ሰይፍ ተከፋፈለ" 😂 እያሉ ነው ዜና የሚሰሩት። ያው እነዚህ አካላት 16ኛው ክፍለዘመን ላይ ስታክ ያደረጉ ስለሆኑ ጦርነቱም እንደዚያ ይሆናል ብሎ ነው የሚከየልባቸው መሰል ሰይ ሰይፍ ነው የሚሉት። አስቡት በድሮን ዘመን በሰይፍ ስንዋጋ😂 ያው ሌላው አላማቸው ማረድ ከሚለው ጋር ሰይፍ ስለሚሄድላቸው ህዝቡን እናስበረግገዋለን ብለው ስለሚያስቡ ነው😁 እንደውም እኛ በሰ¶¶ይፍ አንዋጋም ። ከታች በኢማም አህመድ እንደተወረወረው ባለው ቋጥኝ ድንጋይ በወንጭፍ ነው የምንዋጋው😂 ትተነዋል ሌሊውን። ይሄን ቋጥኝ ከወረወርነው ሚሳኤል ማለት ነው😁 እና ደግሞ ለጂሀዲስትና ሻሂድ ቪዲዮ ስትቀርፁ መስቀል አንገታችሁ ላይ አታድርጉ ያስናቃባችሗል🙄 እንደው ሁሉም ነገራችሁ የ 16ኛው ክፍለዘመን ስለሆነ ድራማችሁ ራሱ ቅሽምናው ወደር የለውም! እነ ጦረኛው ፋንታሁን ዋቄ የኢትዮጵያ ሙስሊምና ክርስቲያንን ለማጣላትና ለማዋጋት የምታደርጉት ጥረት በቅሽምናችሁም በጠንካራ አብሮነታችንም አይሳካላችሁም! ቴሌግራም 👉 t.me/Seidsocial

ይህቺ እንግዲህ የመስቀል ጦርነት ቀስቃሾች አንዷ ቀሽም ድራማ ነች። "ለሻሂድ" ዝግጁ ነን የሚል ሸሚዝ አሰርተው ከዚያ ሰይፍ አሲዘው ፎቶ አንስተው " እሶላሞች ሊያርዷችሁ ነውና ተነሱ" የሚል የከሸፈ ቅስቀሳ ያደርጋሉ። እነዚህ ሰዎች እራሳቸው እንደመሆናቸው ኢስላማዊ ቃሎችን ሲጠቀሙ እንኳ አይጠነቀቁም ይነቃብናል አይሉም። አሁን እዚህ ላይ ለማለት የፈለጉት ለሸሂድነት ዝግጁ ነን ለማለት ነበር። ግን እኛን ወክለው ድራማ ሲተውኑ የሚጠቀሙት እነርሱ እኛን ለማጠልሸት የሚጠቀሟቸውን ቃላቶች ነው። ምሳሌ እኛ ጂሀዲስቶች ብለው ይጠቀማሉ። የትኛውም ሙስሊም ሰው እንዲህ የሚል ቃል አይጠቀምም። ለሻሂድነት ተዘጋጅነት ደግሞ ሌላ ሌቭል😁 የነዚህን ሰዎች ቀሽም ድራማ በርግጥ ሰምቶ የሚያምን ብዙ መንጋ ስላለ ማጋለጥ ተገቢ ነው። እነዚህ ቀሽም የሞት ነጋዴዎች ግን ወዲያ ቢሉ ወዲህ የሀይማኖት ጦርነት አልነሳ ብሎ ተሰቃዩ። እንደተሰቃዩ ይኑሩና! ቴሌግራም 👉 t.me/Seidsocial

ይህ የመናዊ አደገኛ ገደሎች ላይ በመሮጥ በመንጠልጠልና አክሮባት በመስራት አለምን እያስገረመ የሚኖር ነበር። በትላንትናው እለት የተለመደውን የገደል እሩጫና መንጠልጠል ቪዲዮ እየተቀረፀ ሳለ ከገደል ላይ ተከስክሶ ህይወቱ አልፏል። ቀእቃእ የሚባለው ይህ የመናዊ ወጣት በአንድ ወቅት ሲናገር " እኔ ህይወቴ ገደል ነው ገንዘብ የማገኘው የምኖረው በገደል ነው" እያለ ሲናገር ነበር። እናም ገና በወጣትነቷ አሟሟቱ የከፋ ሆኗል። ሰው የሚወደውን ነገር ሲያሳድድ ነው ህይወቱ የሚያልፈው! ቴሌግራም 👉 t.me/Seidsocial

ዛሬ 3:00 ላይ " የሙስሊም ኡማ ሚና ከትላንት እስከዛሬ " በሚል ርእስ በአልቢናእ አካዳሚ የቴሌግራም ቻናል ውይይት እናደርጋለን። ​ከትላንቱ ታሪካችን እስከ ዛሬው ተጨባጭ እውነታ ምን ተቀየረ? ​የዚህች ታላቅ ኡማ የአሁኑ ሚናስ ምን መሆን አለበት? በሚሉ ጉዳዮች ላይ እንመክራለን። እንዲትሳተፉ ጥሪየን አቀርባለሁ ​ዛሬ ምሽት 3፡00 (9:00 PM) ላይ በቢናዕ አካዳሚ (Binaa Academy) ልዩ የቴሌግራም የቀጥታ ስርጭት (Live Stream) ፕሮግራም ተዘጋጅቷል። 📅 ቀን፦ ዛሬ ምሽት 🕒 ሰዓት፦ 3:00 📍 ቦታ፦ በአል ቢና አካዳሚ የቴሌግራም ቻናል ቀጥታ ስርጭት https://t.me/al_biinaa1

ኡስታዝ ኻሊድ ክብሮም የተወገዘበትን ፅሁፍ አነበብኩት። እናም እኔ የገባኝና የተረዳሁትን ለውዝግብ ያበቁትን ሁለት ነገሮችን ላንሳ። የመጀመሪያው ቁርአን በራሱ የተብራራ ሙንፈሲል የሆነ ስለሆነ ሌላ ማብራሪያ አያስልገውም ቁርአንን አላህ የተብራራ እና ግልፅ አድርጎ ነው ያወረደው የሚል ነው። ለዚህም ማጠናከሪያነት የተለያዩ የቁርአን አያዎችን ለማስቀመጥ ይሞክራል። اۚ                             الر ۚ كِتَابٌ أُحْكِمَتْ آيَاتُهُ ثُمَّ فُصِّلَتْ مِن لَّدُنْ حَكِيمٍ خَبِيرٍ                             (አሊፍ ላም ራ፤ ይህ ቁርኣን) አንቀጾቹ በጥንካሬ የተሰካኩ ከዚያም የተዘረዘሩ የሆነ መጽሐፍ ነው፡፡ ጥበበኛ ውስጠ ዐዋቂ ከሆነው ዘንድ (የተወረደ) ነው፡፡ የመሳሰሉ የቁርአን አያዎችን ያስቀምጥና የቁርአን አያዎች የተብራሩና ለማስተንተንም ክፍት የሆኑ እምቅ ግን ሁሉን መልእክት ካለ ሌላ አጋዥ ማብራሪያ የያዙ ናቸው ይላል። ታዲያ እዚህ ጋር የነብያችን ሶለሏሁ አለይሂ ወሰለም ሚና ምንድነው የሚለውን ይጠይቅና ሲመልስ ደግሞ የነብያችን ሚና አንዱ ቁርአንን ወደኛ ማድረስ ነው ይላል። ቁርአን ከአላህ የተሰጣቸው መመሪያ እንደመሆኑ ያንን ለእኛ አድርሰውልናል ነው። ሁለተኛው የነቢያችን ሚና ብሎ ያስቀመጠው ቁርአንን በህይወታቸው ተግብረው እኛም እንዲንተገብረው አድርገው ምሳሌ ሆነውን ማለፍ ነው ይላል። ቁርአኑን እኛ እንዲንረዳው እንዲንኖረው አድርገዋል እንጅ ሙሉ ቁርአንን ፈስረው አልሄዱም ምክንያቱም የቁርአን መልእክቶቹ ግልፅና የተብራሩ ናቸውና ነው የርሱ አመክንዮ። ለዚህም ማስረጃዎችን ያስቀምጣል።                             قُلْ أَطِيعُوا اللَّهَ وَأَطِيعُوا الرَّسُولَ ۖ فَإِن تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْ ۖ وَإِن تُطِيعُوهُ تَهْتَدُوا ۚ وَمَا عَلَى الرَّسُولِ إِلَّا الْبَلَاغُ الْمُبِينُ                             «አላህን ተገዙ፡፡ መልክተኛውንም ታዘዙ፤ ብትሸሹም (አትጎዱትም)፡፡ በእርሱ ላይ ያለበት የተገደደውን ማድረስ ብቻ ነው፡፡ በእናንተም ላይ ያለባችሁ የተገደዳችሁት (መታዘዝ) ብቻ ነው፡፡ ብትታዘዙትም ትምመራላችሁ፡፡ በመልእክተኛውም ላይ ግልጽ ማድረስ እንጂ ሌላ የለበትም» በላቸው፡፡ የሚለውን የቁርአን አያ ያስቀምጣል። ሁለተኛው አወዛጋቢ ነጥብ የሶላት ኢባዳ አይደለም አነጋገር ነው። ኡስታዝ ኻሊድ በዚህ ርእሱ ስር ኢባዳ ማለት አላህ ሰዎችን እና ጂኖችን የፈጠረበት አላማ ነው ይላል። እናም ኢባዳ ማለት ቀጥተኛው መስመርን ወይን ሲራጦል ሙስተቂምን መያዝ ነው ይላል። እንጅ ኢባዳ ስንል ሶላት ፆም ዘካ ብቻ ማለታችን አይደለም ይላል። እናም ኢባዳ መስመር ነው ፤ ኢባዳ አላህን በብቸኝነት ተገዝቶ የመሄድ የፍጥረታት መንገድ ነው ይላል። ታዲያ በዚህ ኢባዳ ወይንም ቀጥተኛ መስመር ውስጥ ስንጓዝ  የምንጓዝባቸው ስንቆችና መሳሪያዎች አሉን ከነዚያ ውስጥ አንዱ ሶላት ነው ይላል። ሶላት የኢባዳ ስንቅ የኢባዳ መሳሪያ ( Instrument) ነው ነው የሚለው። ሶላት የኢባዳችን አጋዥ ነው ኢባዳ ላይ ( በቀጥተኛው መንገድ በምንጓዘው ጉዞ ላይ) ሶላት የሞተራችን ዘይት የመታገዣችንም መሳሪያ ነው። ካለ ዘይት መኪና እንደማይንቀሳቀሰው ሁሉ ካለ ስንቅም እንደማንጓዘው ሁሉ ሶላትም ለኢባዳችን እንደዚያ ነው ይለዋል። እናም የሶላትን ሚና ሲናገር " ሶላት በኢባዳ ላይ(በቀጥተኛው መንገድ) ላይ ያፀናናል ኢባዳውን ያረጋግጥልናል ፤ ያድሰናል ለኢባዳም ያዘጋጀናል" ይላል። ለዚህም የቁርአን አያን ያስቀምጣል "                             إِنَّنِي أَنَا اللَّهُ لَا إِلَٰهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي                             «እኔ አላህ እኔ ነኝ ያለ እኔ አምላክ የለምና ተገዛኝ፡፡ ሶላትንም (በእርሷ) እኔን ለማውሳት ስገድ፡፡" ይላል። ሶላት መታገዣችን እንደሆነ በአፅንኦት ይናገራል። አላህን በቀጥተኛው መንገድ መገዛት ወይንም ኢባዳ ላይም ሆነ በየትኛውም ሁኔታችን ሶላት ትልቁ የብርታታችን የመታደሻና የማረጋገጫ መሳሪያችን እንደሆነ ያወሳል ለዚያም                             وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ                             በመታገስና በሶላትም ተረዱ፡፡ እርሷም (ሶላት) በፈሪዎች ላይ እንጅ በሌላው ላይ በእርግጥ ከባድ ናት፡፡ የሚለውን የቁርአን አያ ያስቀምጣል። ነብያችን ሶለሏሁ አለይሂ ወሰለም የዱኒያም ሆነ የዲን ፈተናዎች ሲገጥማቸው ወደ ሶላት በጣም ይበረቱ ነበር። ሶላት ነገሮችን የማግራት ትልቅ ኒእማ አድርጎ ሰጥቶናል። እናም እንግዲህ ውዝግብ ያስነሱት ጉዳዮች እነዚህ ናቸው። እነዚህ ሁለት ጉዳዮች ከመነጋገር ከመወያየት የሚከለክሉ አይደሉም። ከባድ የመለያያና የማውገዣ ምንጭም ይሆናሉ ብየ አላስብም። እኔ ትክክል ነው አይደለም ብየ ድምዳሜ አልሰጥም። ለራሴ የምይዘውን እይዛለሁ። ግን ትክክል አይደለም የምትሉ ወገኖች ዘመቻ ከምትከፍቱ ቀርባችሁ ተወያዩት። ተከባበሩ። ተነጋገሩ። አንድ ሰው ቁርአንን እና የውዱ ነብያችንን ህይወት አተገባበር ማስረጃ አድርጎ እስካመጣ ድረስ ጠላትነት የሚያዳርስ ነገር የለውምና ወንድማማችነትን በእልህ አትቁረጡት! ቴሌግራም                 👉 t.me/Seidsocial

ኢማራት ከአሜሪካ ገባሪነት ወደ ኢራን ገባሪነት ተሸጋግራለች። በጦርነቱ የኢራን ዋነኛ ኢላማ ሆና የቆየቺው ኢማራት ጦርነቱን ታቆምላት ዘንዳ 3 ቢሊዮን ዶላር የከፈለች ሲሆን ተጨማሪ 10 ቢሊዮን ዶላር ለመስጠት መስማማቷንም ሮይተርስ ይዞት የወጣው አነጋጋሪ መረጃ ያሳያል። ኢማራት ገንዘቡን በቦይንግ አይሮፕላን ወደ ቴህራን መላኳን ያሳየው መረጃው ቀሪውን 10 ቢሊዮን ዶላርም በቅርቡ ለመክፈል ተስማምታለች ተብሏል። ኢራንን በቀጠና ኢማራትን ሌላኛዋ እስራኤል አድርጋ ነው የምትመለከታት። ኢራን ከአሜሪካ ጋር ያላት ድርድር በከፍተኛ ውጥረት እየቀጠለ ቢሆንም ኢራን ስምምነቱን ከተቀበለች ከኔ በኩል ጨርሻለሁ በማለት አሜሪካ እየገለፀች ትገኛለች። ቴሌግራም 👉 t.me/Seidsocial

መንግስት ሀገሪቱን መኖርም መስራትም የማይቻልባት እያደረጋት ነው። ህዝብ በየትኛውም አቅጣጫ ተስፋ እንዲቆርጥ የሚደረግበት ሁኔታ ሊገባኝ አልቻለም። ይሄ ስግብግብነትና አልጠግብ ባይነት በሰላም እጦቱና ስርአት አልበኝነቱ ጋር ተደማምሮ ህዝብን ወደየት እንደሚገፋ መንግስት አለመረዳቱ ያሳዝናል። መንግስት የዘነጋው ነገር የፈለገውን ያክል ትሪሊዮን ብር ቢሰበስብ ኢኮኖሚው እስከቆመና የብር አቅም እስከተንኮታኮተ ድረስ ምን ለውጥ እንደማያመጣ ነው። መንግስት የዘነጋው ነገር ይሄን ያክል ግብር አሸክሞ አዳጊ ቢዝነሶችን ባጨናገፈና ከገበያ ባስወጣ ቁጥር ግብር ከፋዮችን ለአንድና ለመጨረሻ ጊዜ እያወደማቸው መሆኑን ነው። እንግዲህ IMF በተረከባትና በአራጣ እዳ በተጠፈነገች ሀገር ውስጥ ተምሮም ሰርቶም መኖር ለህዝባችን አቀበት ሆኖበታል። የቻለ ወጣት በተቻለው አማራጭ ከኢትዮጵያ ውጭ ቢመለከት መልካም ነው። ህይወቱን ባላስገበረ ሁኔታ! ቴሌግራም 👉 t.me/Seidsocial