Read News TV

សមត្ថកិច្ចស្វែងរកឃើញម្តាយទារកដែលត្រូវបានយកទៅផ្លុងចោលក្នុងធុងសំរាមនៅសង្កាត់ចតុមុខ #readnewstv ភ្នំពេញ៖ កម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវស្វែងរកឃើញម្តាយទារក ដែលត្រូវបានយកទៅផ្លុងចោលក្នុងធុងសំរាម នៅសង្កាត់ចតុមុខ កាលពីយប់ថ្ងៃទី១២ ខែកញ្ញា ឆ្នាំ២០២៦។ ការស្រាវជ្រាវនេះ ធ្វើឡើងតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ នៅព្រឹកថ្ងៃទី១៣ ខែកញ្ញា ឆ្នាំ២០២៦ កម្លាំងសមត្ថកិច្ចបានស្វែងរកឃើញម្តាយទារក ឈ្មោះ ម៉ោក ចាន់រី ភេទស្រី អាយុ១៩ឆ្នាំ ជនជាតិខ្មែរ និងបាននាំខ្លួនទៅកាន់ប៉ុស្តិ៍នគរបាលរដ្ឋបាលចតុមុខ ដើម្បីសួរនាំ។ បន្ទាប់ពីសួរនាំរួច សមត្ថកិច្ចបានបញ្ជូនម្តាយទារកទៅកាន់ការិយាល័យប្រឆាំងការជួញដូរមនុស្ស និងការពារអនីតិជន និងការងារយេនឌ័រ នៃស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី៕