ንቁ ትውልድ-Niku Twld

አሜን አሜን አሜን🥰🙏

አጭር እውነተኛ ታሪክ 💚🧡❤️💚🧡❤️ አንድ ገበሬ የሚወደው ፈረሱ ይታመምበትና ወደ እንስሳት ሀኪም ጋር ይዞት ይሄዳል። ሀኪሙም ፈረሱ ጉሮሮ ድረስ በመሄድ በሚገባ መረመረው። ለገበሬውም - "ተላላፊ በሽታ ስላለበት ለሶስት ቀን መድሀኒት እንስጠውና ካልተሻለው ወደሌሎቹ ፈረሶች እንዳይዛመት እንገለዋለን" ብሎት ሄደ። ይሄንን ሲያወሩ ፍየል ተደብቃ ሰምታቸው ኖሯል ለፈረሱ እያለቀሰች ያወሩትን ነገረችውና "እንደምንም ብለህ ተነስ! ያለበዛ ይገሉሀል" እያለች ተንሰቀሰቀች።  የመጀመርያው ቀንሀኪሙ መጥቶ መድሀኒቱን ሰጥቶት ወጣ። ወድያው ፍየል ለምለም ሳርና አተላ ይዛለት መጣች ና "እንደምንም ተነስ!" ብላ ተማፀነችው። በሁለተኛውም ቀን ሀኪሙ ሲመጣ ፈረሱ ምንም ለውጥ አላመጣም መድሀኒቱን ወግቶት እስከ ቀጣዩ ቀን ጠብቆት ካልተሻለው እንደሚገለው ለገበሬው ነግሮት ሄደ። ይሄን ግዜ ፍየል ለምለም ሳር ፈልጋ ለፈረሱ በማምጣት አፅናናችው። የመጨረሻ ቀን ሀኪሙ ሲመጣ አሁንም ፈረሱ ምንም ለውጥ አላመጣም ይሄን ጊዜ ከገበሬው ጋር ቢገሉት እንደሚሻል በር ላይ ቆመው ሲያወሩ ፍየል ቀስ ብላ ተደብቃ ፈረሱ ጋር ገብታ እየተንሰቀሰቀች- "በናትህ አኔንም ጓደኛ አታሳጣኝ ካልተነሳህ ይገሉሀል" ብላ አለቀሰች። ፈረሱ በፍየሏ ግፊት ቀስ ብሎ ተነሳ። ፍየል ደስ አላት። "ጎበዝ አስኪ እሩጥ" እያለች አበረታችው። ፈረሱ በወኔ በፊት ከሚሮጥበት ፍጥነት በላይ ሮጠ። ይሄን ጊዜ ፍየል በደስታ ጮሇች። ገበሬውና ሀኪሙ የምን ጩሇት ነው ብለው ሲያዩ ያዩትን ማመነን አቃታቸው።ፈረሱ በሓይል አየሮጠ ነው።ገበሬው በደስታ ብዛት ሀኪሙን አንቆ ሳመው። እረኛውን ጠርቶት "ዛሬ እኔ ቤት ትልቅ ድግስ አለ! ስለዚህ ቶሎ በሉ ፍየሏን እረዱልኝ! ምሳ እዚህ ነው" አለ። ----------------------------------------------------------------------- አንዱ የሌላው መሰላል ነው። ለአንዱ ሂወት ለሌላው ሞት ነው። ለሀብታም ሂወት የደሀው ችግር ግድ ነው። ለአንዱ ማለፍ የሌላው ውድቀት ወሳኝ ነው። አለም የምትመራበት ህግ ነው።    ✍ አጫጫር ጽሁፎች

#ስኬትና ስህተት የአንድ ሳንቲም ሁለት ገጽታዎች ናቸው፡፡ያለስህተት #ስኬት የለም፡፡ ከሰው በላይ ስኬታማ የሆነ ሰው ካያችሁ ከሰው በላይ ስህተት የሰራ ሰው እንደሆነ እወቁ፡፡ 🌴 ለስኬታማ ሰዎች ስህተት ጓደኛቸው ነው፡፡ይውዱታል፡፡ምክንያቱም  አስተማርያቸው ነው፡፡ ወደ ስኬት ከፍታ የሚወጡት በስህተት ላይ ተረማምደው ነው፡፡ ሲሳሳቱ ማህበረሰቡ በሚወረወርባቸው ትችትም አይናደዱም፡፡ ትችቱ እውነት ካለው ይማራሉ፡፡እንቶ ፈንቶ ከሆነም ይተውታል፡፡ ትኩረታቸው #ወደፊት መሄድ ላይ ነው፡፡ ሰዎች የተሰራነው በሙከራ እና በስተት እንድንማር ነው፡፡ 👉#መራመድ ስንማር ብዙ ጊዜ ወድቀናል፡፡ 👉#ማውራት ስንማር ብዙ ጊዜ ተኮላትፈናል፡፡ 👉#መጻፍ ስንማር ብዙ ጊዜ ወረቀቱን አበላሽተናል፡፡ 👉እንጀራ መጋገር ስንማር ቂጣ መሰል እንጀራ ጋግረናል፡፡👉ወጥ መስራት ስንማር ጨው አብዝተናል፡፡ 👉ሳይክል መንዳት ስንማር ብዙ ጊዜ ተላልጠናል፡፡ 👉መኪና መንዳት ስንማር ብዙ ጊዜ ተጋጭተናል፡፡ አሁን በጣም የቻልናቸውን ነገሮች የቻልናቸው  ከስህተት ወደ ስህተት እየሄድን በመማር ነው፡፡ የመጀመርያ ሁለት ሶስት ቢዝነስሽ ከሰረ ቢዝነሱ ከሰረ ማለት አይደለም፡፡ ከዚህ በኋላ ለምትሠርያቸው ቢዝነሶች ትምህርት ይሆንሻል፡፡ተማሪበት፡፡ የመጀመርያ ፍቅረኛሽ ጋር ጥሩ ታሪክ ከሌለሽ አታለቃቅሺ፡፡ይህ የአለም ፍጻሜ አይደለም፡፡ በእርግጥ የህይወትሽ ምርጡ አጋጣሚ ነው፡፡ ለምን? ከዚህ የፍቅር ግንኙነት ተምረሽ ለወደፊት ትዳርሽ ገራሚ ሴት ትሆኛለሽ፡፡ ሰዎች ፊት ስታወሪ ላብ ካሰመጠሽ ለምን ብለሽ አትናደጂ፡፡ሰው ፊት ቆመሽ በራስ መተማመን እያጠመቀሽ ለማውራት ራስሽን አዘጋጂው፡፡ የሰው ልጅ አእምሮ ምንም ነገር adapt የማድረግ አቅም አለው፡፡ ሰዎች ጨረቃ ላይ ሄደዋል፡፡ ከውቂያኖስ ወለል ውስጥም ደርሰው አይተዋል፡፡ ሙቀትንም ሆነ ብርድን  ሰው የመቋቋም አቅም አለው፡፡የሰው አእምሮ ምንም ነገር መማር ይችላል፡፡ ነገር ግን ሰው የሚማረው #ስህተት በመስራት እና በማጥፋት ነው፡፡ መጥፎው ነገር ስህተት ስንሰራ ሰው ይተቸናል፡፡ይህ ደግሞ ስሜተ ደካማ ለሆንን ሰዎች ልብ ይሰብራል፡፡በሰው ትችት ልባችን እንዳይሰበር በመፍራት ስህተት መስራት እናቆማለን፡፡መማር እናቆማለን፡፡እንደ ድንጋይም ቆመን እንቀራለን፡፡ከስኬትም ግን እንርቃለን፡፡ስህተት ጥሩ እንደሆነ የሚያውቁ ሰዎች ግን ስኬት ላይ ናቸው፡፡ የአለማችን ጠንካራው ሰው david goggins "እሳሳታለሁ---እሳሳታለሁ----እሳሳታለሁ----እሳሳታለሁ----እሳሳታለሁ-----እሳሳታለሁ---እሳሳታለሁ---እንድ ቀን #አሸንፋል፡፡ይሳካልኛል፡፡" ብሎ ነበር፡፡ ቸርችልም፡ "ስኬት ከውድቀት ወደ ውድቀት ጉጉት ሳያጡ መጓዝ ነው፡፡" ብሎ ነበር፡፡ የfacebook መስራችና CEO ማርክም "ስህተቶቼን እወዳቸዋለው!" ብሎ ነበር፡፡ ክርትያን ሮናልዶ፡ "የማሸንፈው መሸነፍን ስለማልፈራ ነው!" ይላል፡፡ መብራትን በመፍጠር አለምን ከጨለማ ያወጣው ቶማስ ኤድሰን የተሳካለት ከአስር ሺህ ሙከራ በኋላ ነበር፡፡ ኤድሰን "ዘጠኝ መቶ ዘጠና ዘጠኝ መብራት የማይፈጠርበትን መንገድ አገኘው እንጂ ዘጠኝ መቶ ዘጠና ዘጠኝ ጊዜ አልተሳሳትኩም፡፡" ብሏል፡፡ የቅርጫት ኳስ ንጉሱ ማይክል ጆርዳን "የተሳካልኝ ብዙ ጊዜ ስለወደኩኝ ነው፡፡" በማለት ተናግሮ ነበር፡፡ #ተሳስቶ መማር #ወድቆ መነሳት የስኬታማ ሰዎች ህይወት ነው፡፡የማህበረሰቡን ትችት  አትፍሩ፡፡መቶ ጊዜ ስትወድቁ የሳቀባችሁ  አንድ ቀን ሲሳካላችሁ የኔ ጀግና እያለ ያወድሳችኋል፡፡ #ግፉበት👉👉👉👉▶➡➡➡➡➡🏆 #ልፉበት 👉👉👉👉▶➡➡➡➡➡🏆 Firaw kiya ስኬታማ ቀን ይሁንላችሁ🙏🙏

#ደስተኛህይወት_እንዲኖረን.........! 1👉 #ምስጋና አመስጋኝ የሆኑ ሰዎች ምስጋና ቢስ ከሆኑ ሰዎች የበለጠ ደስተኛ ናቸው፡፡ “ተመስገን” በሉ ሲባሉ “ምን ምስጋና የሚገባው ነገር አለና” የሚሉ አሉ፡፡ ግን ብዙ “ተመስገን የሚያስብሉ ብዙ ነገሮች እንዳሉ ቆም ብለን ብናስብ በዙሪያችን ሞልተዋል፡፡ 2👉ቀና ማሰብ ቀና አሳባዎች ቀና ከማያስቡ ሰዎች የበለጠ ደስተኛ ናቸው፡፡ ደስተኛ መሆን ከፈለግን “ይሆናል፤ ይቻላል፤ ይሳካል፤ ለበጎ ነው ወዘተ” ማለትን እንለማመድ፡፡ የእውነት እንደዚያ ካደረግን ለውጡን እናየዋለን፡፡ 3. ከልክ በላይ ማሰብ እና ራስን ከሌሎች ጋር ማወዳደር ማቆም “ከልኩ አያልፍ” ትል ነበር አያቴ፤ ሃሳብ ከልክ በላይ እንደገባት ወይንም አጠገቧ ያለ ሰው ከልክ በላይ እንደተጨነቀ ሲሰማት፡፡ ሺህ ዓመት አይኖርም፡፡ ሁሉም የሚያጭደው የዘራውን ነው፡፡ ራስን ከሌሎች ጋር ማወዳደር የተረጋገጠ ራስን የማሰቃያ መንገድ ነው፡፡ ሰው እንደቤቱ እንጂ እንደጎረቤቱ ሊኖር አይገባም፡፡ 4. ደግነት ደግ መሆን ይቅርና ሰዎች ደግ ስራ ሲሰሩ መመልከት እንኳን ደስተኛ እንደሚያደርግ ሳይኮሎጂስቶች አረጋግጠዋል፡፡ ደስታ ከህይወታችን እንደ ራቀ ሲሰማን አንዱ መልሶ ማቅረቢያ ስልት መልካም ስራ መስራት ነው፡፡ በርካታ የግብረ ሰናይ ድርጅቶች አሉ፡፡ ወደዚያ ጎራ ብሎ አንድ መልካም ነገር አድርጎ መመለስ ደስታን አጭዶ መመለስ ነው፡፡ 5. መልካም ማኅበራዊ ግንኙነት “ለሰው መድኃኒቱ ሰው ነው” ብለው አበው ጨርሰውታል፡፡ የልባችንን የምናዋየው የልብ ወዳጅ ዘመድ አንዱ የደስታ ምንጭ ነው፡፡ የሚያሳስበንን ነገር ከውስጣችን አውጥተን መናገር ጭንቀትን ይቀንሳል፡፡ 6. ይቅርታ “ቂም መቋጠር ማለት መርዝ ጠጥቶ ሌላኛው ሰው እንደሚሞት ማሰብ ነው” ይባላል፡፡ ይቅርታ የምናደርገው ከሁሉ በፊት ለገዛ ራሳችን ደህንነት ነው፡፡ ማህተመ ጋንዲ “ደካማ ሰው ይቅር ብያለሁ ማለት አይችልም፡፡ ይቅርታ የጠንካራ ሰው መገለጫ ነው” ይላሉ፡፡ ይቅር ብያለሁ ማለት በመንፈስ የበላይ መሆን ነው፤ መብለጥ ነው፤ ገናና የሞራል ከፍታ ላይ መውጣት ነው፤ ይህ ብቻ ሳይሆን ደስታን ወደ ህይወታችን የምንጋብዝበት መጥሪያ ካርድ ነው፡፡ 7. የምንወደውን ነገር ማድረግ 8. ያቀድነውን ዕቅድ እውን ለማድረግ የምንችለውን ሁሉ ማድረግ ያሰቡትን ማሳካት በራሱ ትልቅ ደስታን ይፈጥራል፡፡ ሁልጊዜ ሩቅ አሳቢ ቅርብ አዳሪ ከሆንን ግን ደስታ ውስጣችን አይለመልምም፡፡ የጀመርነውን ነገር ዳር የማድረስ ልምዱ ይኑረን፡፡ የምንኖረው የአማራጮች ዓለም ውስጥ ነው፡፡ ብዙ የማይቻሉ የሚመስሉ ነገሮች ተችለው የምንመለከትበ ዓለም፡፡ 9. ሃይማኖት እና መንፈሳዊነት ከሲኦል ቢያድነንም ባያድነንም ወደ ቤተ-እምነት መቅረባችን ደስታን ይገዛልናል እንጂ ደስታችንን አይነጥቀንም፡፡ ሃይማኖት እና መንፈሳዊነት ደስተኛ እንደሚያደርጉ በጥናት ጭምር ተረጋግጧል፡፡ 10. ሰውነታችንን መንከባከብ አእምሮአችን ከአካላችን ጋር በእጅጉ የተሳሰረ ነው፡፡ ጤናማ የሆነ ብቻ ሳይሆን የተዋበ ሰውነት እንዲኖረን የተመጣጠነ ምግብ በመመገብ፣ ስፖርት መስራትና በተለያየ መንገድ ጥረት ማረግ አለብን፡፡ 🙏🙏😍😍🙏🙏 firaw kiya

🚺✅ #የስጦታ_ዋጋ ✅🚺 ባል ሚስቱን የስጦታ መሸጫ መደብር ይዟት ይሄዳል። "የኔ ማር እስኪ ለእናቴ ስጦታ የምሰጣት ቆንጆ ስጦታ ምረጪልኝ አላት። እርሷም በውስጧ ስለቀናች በጣም ርካሽ ስጦታ መረጠች። ስጦታውን አስጠቀለለና ባል ወደ እናቱ ጋር እንደሚሄድ ነግሯት ተለያዩ። ማታ ላይ የመረጠችውን ስጦታ ይዞ መጣና ሰጣት። "ስጦታው ለአንቺ ነው። ሰርፕራይዝ ላደርግሽ ፈለኩ ግን ምርጫሽን ስላላወኩ ራስሽ እንድትመርጪ አደረኩኝ።"አላት። ሚስት በስራዋ አዘነች። ሌላውን እንደ ራሷ ብትወድ ኖሮ  ስጦታዋ ያማረ ይሆን እንደነበር ተረዳች። መልካምነት ለራስ ነዉ የሚባለው ለዚህ ነው።

🌀✅"#ስኬት_በርግጥም_ልፋትን_ይጠይቃል"✅🌀 ✳ ጉንዳን ካሰበችው ለመድረስ ሺ ጊዜ ከምሰሶው ላይ ትወድቃለች፤ትነሳለች ✳ ንብ ጣፋጩን ማር ለመጋገር ሚሊዮን ጊዜ አበቦች አካባቢ ትመላለሳለች ✳ ወፍ መኖርያ ጎጆዋን ለመሥራት ማልዳ ወጥታ አምሽታ ትገባለች ✳ "ስኬት ትኩረትንና ትእግስትን ይጠይቃል" ✳ ተኩላ ያለመውን ለማደን ቦታና አቅጣጫ ቀያይሮ ያደባል ✳ ድመት የተመኘችውን ለማግኘት በትእግስት ትጠባበቃለች ❇ አንበሳ ያቀደውን ለመያዝ በአንክሮ ይከታተላል ❇ "ስኬትና ውጤት ያለ እንቅስቃሴ አይገኝም" ❇ ነብር ካልተወረወረ አይዝም ❇ ሰይፍ ካልተሰነዘረ አይገድልም 🌀✅"#ተንቀሳቀስ_አትተኛ"✅🌀 ✴ለረጅም ጊዜ የተኛ ውሃ ይሸታል ✴በቦታው ለዘመናት የቆየ ድንጋይ አንድ ቀን ይፈለጣል ✴ሽቶ ጫን ጫን ሲሉት ነው ጥሩ እሚሸተው ✴ሠንደል ሲያቃጥሉት ነው አካባቢን የሚያውደው ✴የሰው ልጅም በችግሮች ሲደበደብ ካልሆነ ጥሩ ጠረን አይወጣውም ያለ ጥረትም ከስኬት ጫፍ አይደርስም ✴"ዓለምን እልህ የተጋባ ነው የሚያሸንፋት" ✴ህይወት ሩጫ ናት የስኬት ገበያ ሁሉ ውድድር አለው ✴መጀመሪያ የጨሰ ነው ኋላ ብርሃን የሚወጣው። ✍አጫጫር መጣጥፎች ስኬታማ ቀን🙏🙏

መልካም ቀን🥰🙏

ይህን ፅሁፍ ማንበብ 100 መፅሐፍት የማንበብ ያህል ነው ፡፡ : #በወጣትነት ሁሉም ነገር ትክክል ነው ከሚል መመሪያ ውጣ ፤ ሁሉንም ካላየሁ አላምንም አትበል ። ሰምቶ ማመን ፣ ከተጎዱት መማር አስተዋይነት መሆኑን አትርሳ ። #የሰማንያ ዓመት #ዕውቀትን ለመገብየት ግድ ሰማንያ ዓመት መኖር የለብህም ። ሰማንያ ዓመት ከኖሩት #በትሕትና መጠየቅ ይገባሃል ። : #ምክርን ብትሰማ #በነጻ ትማራለህ ። ምክርን አልሰማ ብትል ግን በዋጋ እንደምትማር እወቀው ። በዋጋ መማር ግን አድካሚ ደግሞም የሚያስመርር ነው ። #ብልህ ከሆንህ #በሰው ከደረሰው ትማራለህ ፣ ሞኝ ከሆንህ ግን #በራስህ ሲደርስ ትማራለህ ። : የታየህን አሳይ ፣ ያልታየህን አጥራው ። በደንብ ያልተረዳኸውን አታስተምረው። ያልቀመስከውን ለሰው አትጋብዝ ። የሰማኸውን ሁሉ አትመን ። ያየኸውን ሁሉ ስጡኝ ፣ የተናገርከውን ሁሉ ፈፅሙ አትበል ። የሰጠኽውን እርሳ እንጂ አታውራ። #ፍፃሜውን ሳታይ ምስጋና አታብዛ ። ቀኑ ሳይመሽ ቀኑ ጥሩ ነው አትበል ። : ዓይንህ የፊቱን ቢያይ ልብህ የኋላውን ያስብ ። ነገ ላይ እንድትደርስ የትናንቱን አትርሳ ። #የምትሄድበት እናዳይጠፋህ #የመጣህበትን አትዘንጋ ። : #የአባቶችህን መልካም ሥራ #አብነት አድርግ ። ካሳለፉት ሕይወት ተማር እንጂ አወዳሽና ወቃሽ አትሁን ። ሌሎች መሆን ያለባቸውን #ስታውቅ አንተ መሆን ያለብህ #እንዳይጠፋህ ተጠንቀቅ ። ደግሞም አንተም በታሪክ ፊት መሆንህን እወቀው ። : ክፋት አይሙቅህ ፣ #መልካም ነገርም #ብርድ ብርድ አይበልህ ። ለክፋት አቅም ካለህ #ለበጎ ነገርም አቅም አለህና ተግባርህ #የምርጫ ውጤት ነውና አስብበት ። : ገንዘብ የሚመልሰው #የገንዘብን ጥያቄ ብቻ ነውና #ሁሉንም ነገር ገንዘብ ያስገኝልኛል ብለህ አታስብ ። ላለው አትሩጥ ፣ ምጽዋትህና ተግባርህ በአቅምህ መጠን ይሁን እንጂ ከአቅምህ አትነስ ። ድሃም ሆነህ ተበድረህ ስጦታ አትስጥ ። በጣም ካልቸገረህ ለቅንጦት አትበደር ። ያንተን ድርሻ ከጨረስህ ያልተጨረሰ የሌሎችን ድርሻ ፈፅምላቸው ። : ለሀብታም አትሳቅ ፣ የደሀ ጉልበት አይለፍብህ ፣ ያለ ሰው ሰው አልሆንክምና ሰው #አትጥላ ፣ የወጣህበትን መሰላል አትገፍትር ፣ ለመውረድም ያስፈልግሃልና ፣ ያየኽውን #ሴት ሁሉ #የመውደድ ጠባይህ ካለቀቀህ ትዳር አትያዝ ፣ ካልጋበዙህ በቀር አማካሪ አትሁን ፣ ባልጠሩህ ሥፍራ አቤት አትበል ፣ ካልሾሙህ መሪ አትሁን ፣ ጉድለት በሌለበት ቦታ ጊዜህን አታባክን ፣ የሰው ፊት ጥገኛ ሁነህ ሲስቁልህ የምትስቅ ሲቆጡህ የምታለቅስ አትሁን ፣ ነገርህን በልክ ፣ ቃልህን በጣዕም ፣ ድምፅህን በዝግታ ፈፅመው ። : #እውር እንዳይሉህ ያልታየኽን አያለሁ አትበል ። ጨካኝ እንዳይሉህ ያልተሰማህን ጩኸት እሰማለሁ አትበል ። ንፉግ እንዳይሉህ ያለ አቅምህ እረዳለሁ አትበል ። ነገር አይገባውም እንዳይሉህ ያልገባህን እንደገባህ አድርገህ አትለፍ ። አንድ በጎ ዕውቀት ሳትጨብጥ የዋልክበትን ቀን እንደ ኖርክበት አትቁጠረው ፣ ስለዚህ መፅሐፍትን አንብብ ፣ አዋቂዎችን ጠይቅ ፣ ሁሉን ሳትንቅ ስማ ። : ሥልጣን ሲሰጥህ #መሪ እንጂ አለቃ አትሁን ፤ ከፊት እየቀደምህ አስከትል እንጂ ከኋላ ሆነህ አትቅደም ። : በዓላማ ኑር ፤ እንቅፋቶች የሚያጸኑህ እንጂ ተግባርህን የሚያስተውህ አይሁኑ ። #ሕይወት ትምህርት ቤት መሆኑና ባለማወቅ ብዙ ትህምርቶች እንዳያመልጡህ ተጠንቀቅ ። : የመከራ ቀን ወዳጆችህን አትርሳ ፤ የዛሬ ሰው ብቻ አትሁን ፤ የትላንቱንም አስብ ፤ አንገት የተፈጠረው ዞሮ ለማየት ነውና ። : ዓለም ዋዣቂ ናት ። ከፍና ዝቅ ስትል አትደናገጥ ፤ ፀሐይ ዝናብን ተከትላ ትፈነጥቃለች ። ከመከፋትም በኋላ ትልቅ መፅናናት ይሆናል ። ከሌሊት በኋላም ሌሊት አይመጣም ። ከሀዘን በኋላ ደስታ ይሆናልና በርታ! : መነቀፍን አትፍራ ፤ ነቀፋህን ግን አጥራው ፤ ስለ ሀሰት ሳይሆን ስለ እውነት ተገፋ ፤ ሌሎችን ውደድ ፍቅር ስጦታ እንጂ ብድር አይደለምና አልወደዱኝም ብለህ #በአበዳሪዎች አንቀጽ አትካሰስ ፤ የገባህን አድርግ የዚህ ዓለም ሰው ሲወድህም ሲጠላህም ባለማወቅ ነው ። ብዙዎች ስለወደዱህ ይወድሃል ፤ ብዙዎች ስለጠሉህ ይጠላሃል ። : ሁልጊዜ የበላዮችህን አትመልከት ፤ የበታቾችህንም ተመልከት ። ለድምፅ አልባዎች ጩህላቸው ፣ ለተጠቁት ተሟገትላቸው ። እውነት እውነት በማለትህ የምታጣው ሀሰተኛ ወዳጅህን ብቻ ነው ። እውነት እውነት በማለትህ የምታተርፈው ግን እውነተኛ ወዳጅን ነው ። : ደጋፊዎች #ተከታዮች አይደሉም ። ሰዎች ስለደገፉህም የያዝኩት እውነት ነው ብለህ መንቻካ አትሁን ፤ ምናልባት ዛሬ የሚጮሁልህ ዛሬን ሊረሱብህ ሊሆን ይችላልና ። ሲያለቅሱልህም ቃልህ ማርኳቸው ሳይሆን የሞተ ዘመዳቸው ትዝ ብሏቸው ሊሆን ይችላልና አለቀሱ ብለህ ንግግርህን ድንበር አታሳጣው ። እውነትንም በደጋፊ ብዛት እንዳትመዝናት ተጠንቀቅ ። : ለእውነታ እንጂ ለይሉኝታ አትኑር ፤ ያን ስልህ የምትኖርበት ሕዝብና ባሕል ከእውነት ጋር እስካልተጋጨ መጋፋት የለብህም። ሠዎች የሚቀበሉህ ባሕላቸውን ስታውቅና ስታከብርላቸው ነው ። : ልጅነት የለሰለሰ መሬት ፣ ወጣትነት የአዝመራ ዘመን ፣ ሽምግልና ደግሞ የአጨዳ ዘመን መሆኑን አስተውል ። በሽምግልናህ የምታጭደው የወጣትነትህን አዝመራ ነውና ዛሬ ለምትዘራው ተጠንቀቅ ። : የሰዎችን ያለማወቅ አግዝ ፤ ዕውቀትህ ባላወቁት ላይ እንድትኮራና እንድትፈርድ አያድርግህ የአዋቂ ኩሩ ቁጥሩ ካላዋቂዎች ነውና ማወቅ ባለዕዳነት እንዳይሆን አላዋቂዎችን እርዳቸው !! : ሁሉን ወሬ ላውራ አትበል ፣ የደበቁህን ምስጢር አታውጣጣ ፣ የሰማኽውን ወሬና የተገለጠልህን ምስጢር ምን መፍትሔ ሰጠኸውና ? ያየህውን ሥራ ሁሉ እሰራለሁ የሰማኸውን ትምህርት ሁሉ እማራለሁ አትበል ። ይህ የተሰወረው የቅንዓት ጠባይ ነውና ሁሉን ልያዝ ማለትም ዝንጉ አድረጎ እንዳያስቀርህ ሁሉም ውስጥ ልኑር አትበል ። : ቆንጆዎች ቁንጅናቸው ሁሉን የሚተካ እየመሰላቸው ከዕውቀትና ከትሕትና ይርቃሉ ። ሁሉንም ሰው በመልካቸው የሚማርኩት ስለሚመስላቸው ኩሩና ተንኮለኞች ይሆናሉ ። አንተ ግን ቆንጆ ወዳጅን እንጂ ቆንጆ ቁመናን አትሻ ፤ ቆንጆ ትዳርን እንጂ ቆንጆ ሴትን አትመኝ ፤ የላይ ነገር ከንቱና ኀላፊ ነውና በሚፈርስ አካል ፣ ኑሮ በሚለውጠው መልክ አትደለል ። : እወድሃለሁ ብለህ የምትናገረውን ቃል ውለታ አታድርገው ፣ መውደድህን የምትናገረው እንወድሃለን እንዲሉህ አይሁን ፣ ሠላም ያለው አፍቃሪ የራሱን ፍቅር ያለ ምክንያት መፈፀም የሚችል ብቻ እንደሆነ እወቅ ። መወደድህን ለመስማት አትጠብቅ ። : የሰዎችን ያለማወቅ አግዝ ፤ ዕውቀትህ ባላወቁት ላይ እንድትኮራና እንድትፈርድ አያድርግህ የአዋቂ ኩሩ ቁጥሩ ካላዋቂዎች ነውና ማወቅ ባለዕዳነት እንዳይሆን አላዋቂዎችን እርዳቸው ። : ዛሬ የመዝራት ዘመንህ ነገ መከርህ ነውና በእምነት እውነትን ዝራ ፤ በምታውቀው ቦታ ላይ አገልጋይ በማታውቀው መልካም ተግባር ላይ ደጀን ሁን ፤ በቦታህ መምህር ያለቦታህ ተማሪ ሁን ፤ ክብሩ እንዳይቀንስብህ ከዕቃ ትምክህት ፣ ከዕውቀት ሙግት ራቅ ። ሰናይ ዕለተ አርብ🙏🙏

#ወዳጄ ♨በወንድምህ ውድቀት አትደሰት ነገ ሌላ ቀን ነው ♨ባንተም ላይ ሊደርስ ይችላልና ♨የትም ብትሆን ፈጣሪህን ፍራ እርሱ ካንተ ጋር ነውና ♨ድሆችን እርዳ ሰደቃ/ምፅዋት ወንጀልን ታብሳለችና ♨ተስፋህ በፈጣሪ ከሆነ መቼም ቢሆን አትወድቅም ♨በእጅህ የያዝከውን አትልቀቅ ካጣኸው በኃላ ይቆጭሀልና ♨ባጣኸውም ነገር አትበሳጭ የተሻለውን ፈጣሪ ይሰጥሀልና ♨የበደለህን ይቅር በል አምላክ ይቅር ባዮችን ይወዳልና ♨ስትደሰት ብቻ ሳይሆን ስትከፋም ጌታህን አመስግን እርሱ አመስጋኞችን ይወዳልና ♨ባለህ ነገር አመስግን ፈጣሪ ይጨምርልሀልና ♨ሰዎችን አትመቀኝ ምቀኝነት መልካም ስራን ትበላለችና ♨ወደ ፈጣሪህ ተጠጋ እሱ ለባሪያው ቅርብ ነውና ♨አምላክህን አፍቅረው እሱ የእውነተኛ ፍቅር ባለቤት ነውና 🔸ተስፋህ በፈጣሪ ብቻ ይሁን ሁሉን ማድረግ የሚችል ጌታ ነውና 🔹ያንተ ያልሆነን ነገር ያንተ ለማድረግ ብዙ አትድከም ውሳኔው የፈጣሪ ነውና 🔸በሁሉም ነገር ላይ ታገስ አምላክ ከታጋሾች ጋር ነውና 🔹ለሁሉም ነገር አትቸኩል ችኮላ የሸይጧን ነውና ▫አትበሳጭ ብስጭት የሸይጧንን በር ትከፍታለችና 🔸የትም ብትሆን ፈጣሪህን አስታውስ ያስታውስሀልና።     Firaw//78!"

ደስ የሚል ቀን ይሁንላችሁ🥰🙏