G'ishtli Masjidi

📝 ШАРТНОМАНИ СОТИШ ЖОИЗМИ? #шартнома #машина #автосалон ❓1106-CАВОЛ: Бугунги кунда баъзилар автосалонлардан шартнома олиб, бошқасига маълум бир маблағ эвазига сотмоқдалар. Шу иш жоизми? 💬 ЖАВОБ: Бисмиллаҳир Роҳманир Роҳийм. Йўқ, бу иш шаръан жоиз эмас. Чунки биринчидан, бу ерда бир қарашда шартноманинг ўзи сотилаётганга ўхшаб кўрингани билан, аслида шартнома предмети бўлган машина савдо моли бўлиб, унга қилинадиган тўлов шартнома эгасининг номидан амалга оширилади ва машина ҳам унинг номига чиқади. Яъни сотувчи ҳали қўлига кирмаган машинани устига фойда қўйиб сотади. Бу иш эса, шаръан жоиз эмасдир. Бу ҳақида фуқаҳоларимиз шундай дейдилар: ( لَا بَيْعُ الْمَنْقُولِ ) أَيْ لَا يَصِحُّ لِنَهْيِهِ صَلَّى اللَّهُ عَلَيْهِ وَسَلَّمَ عَنْ بَيْعِ مَا لَمْ يُقْبَضْ ، وَلِأَنَّ فِيهِ غَرَرَ انْفِسَاخِ الْعَقْدِ عَلَى اعْتِبَارِ الْهَلَاكِ (البحر الرائق) Яъни: “Кўчар мол-мулкларни савдоси уларни қўлга киритишдан олдин жоиз эмасдир. Зеро, Пайғамбаримиз саллаллоҳу алайҳи ва саллам қўлга киритилмаган нарсанинг савдосидан қайтарганлар. Чунки, бу савдода сотилган нарса (харидор қўлига етиб боришидан олдин) ҳалок бўлиши яъни унга талофат етиши мумкинлиги эътиборидан, савдо келишуви бузилиши хавфи мавжуд” ("Баҳрур-роиқ" китоби). Иккинчидан: машинага тўлов қилаётган шахс шартнома эгасининг номидан тўлов қилгани учун, машина ҳам шартнома эгасининг номига чиқади ва қачонки у нотариал идора орқали харидор номига ўтказиб бермагунича мулк ҳам унинг ихтиёрида бўлиб, харидор алданиб қолиш эҳтимоли мавжуд. Бу эса, шариатда ман қилинган ғарар – алдов устига қурилган савдо ҳисобланади. Учинчидан: аксарият ҳолатларда бу каби шартнома сотувчилар бир нечта шартномани қўлга киритиб, уларни сотишга ҳаракат қилади. Масалан 134 млн 294 минг сўмлик автомашина устига шартномани олиб бергани учун 1200 доллар устама қўяди. Табиийки бу нарса автоулов нархининг ошишига сабаб бўлади. Сунъий равишда нархларни оширишдан Расулуллоҳ саллаллоҳу алайҳи васаллам қайтарганлар: عن عبد الله بن عباس قال : "نَهَى رَسولُ اللَّهِ صَلَّى اللهُ عليه وسلَّمَ أنْ يُتَلَقَّى الرُّكْبَانُ، ولَا يَبِيعَ حَاضِرٌ لِبَادٍ. قُلتُ: يا ابْنَ عَبَّاسٍ، ما قَوْلُهُ: «لايَبِيعُ حَاضِرٌ لِبَادٍ»؟ قَالَ: لا يَكونُ له سِمْسَارًا" (رواه البخاري و مسلم). Яъни: Абдуллоҳ ибн Аббос разияллоҳу анҳудан ривоят қилинади: Расулуллоҳ саллаллоҳу алайҳи васаллам карвондаги деҳқонларнинг йўлига пешвоз чиқиб, уларни бозорга киритмасдан маҳсулотларини арзон сотиб олиб, кейин шаҳар аҳолисига қиммат нархда сотишдан қайтардилар ва “Шаҳарлик киши ташқаридан келган одам учун сотувчилик қилмасин”, дедилар. Мен сўрадим: Эй, Аббоснинг ўғли, у зотнинг: “Шаҳарлик киши ташқаридан келган одам учун сотувчилик қилмасин” деганларининг маъноси нима? Шунда, у деди: “Унга даллоллик қилмасин” (Имом Бухорий ва Имом Муслим ривоятлари). Демак, ушбу ҳадиси шариф ҳукмига кўра, нарх-навони сунъий равишда оширишдан қайтарилган. Бу ишда кароҳият бор. Шуларни эътиборга олган ҳолда автомашина сотиб олиш учун тузилган шартномани сотиш шаръан ножоиздир. Валлоҳу аълам. Ўзбекистон мусулмонлари идораси Фатво маркази. MUSLIM.UZ GA 😎 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

#Yangiliklar #Musobaqa #Tanlov Andijon "Sayyid Muhyiddin maxdum" islom ta'lim muassasasida Ma'naviyat bo'limi va Ilmiy tadqiqotlar muhandisi Muhammadyusuf domla Hoshimov boshchiligida 2023- yil 2-dekabrdan 16-dekabr oralig'ida Ustoz va talabalar o'rtasida "Eng yaxshi Maqola" ko'rik tanlovi e'lon qilindi. ▫️Tanlovning yakuniy natijalari bo'yicha g'oliblar quyidagicha taqdirlandi. 1-o'rin Botirjon domla Tojiboyev 2-o'rin Iqboljon domla Qambarov 3-o'rin Bilimjon domla Razzoqovlar qo'lga kiritishdi. Talabalar o'rtasida esa: 1-o'rin 3-bosqich 84- guruh talabasi Rahimov Nurzod 2-o'rin 4-bosqich 82-guruh talabasi Inomxonov Muhammadxon 3-o'rin 1-bosqich 89-guruh talabasi Abdumutalibov Muhammadyusuf qo'lga kiritdi. G'oliblarga madrasamiz tomonidan diplom va esdalik sovg'alar topshirildi. 🌐 https://t.me/maxdumuz 🌐 http://www.maxdum.uz

#namoz_vaqti Va eslatgin albatta, eslatish mo'minlarga manfaat berur. (Zoriyot surasi 51:55-oyat) ✅ Savob umidida yaqinlaringizga ham ulashing va bizni kuzatib boring! Andijon shahar "G'ishtli" Jome Masjidi👇 Telegram / You tube / Instagram --------------------------------------------------------- #намоз_вақти Ва эслатгин албатта, эслатиш мўминларга манфаат берур. (Зориёт сураси 51:55-оят) ✅ Савоб умидида яқинларингизга ҳам улашинг ва бизни кузатиб боринг! Андижон шаҳар "Ғиштли" Жоме Масжиди👇 Telegram / You tube / Instagram

#muftiy_minbari ДУНЁДА ҚАНДАЙ ЯШАШ КЕРАК? 🎙 Шайх Нуриддин Холиқназар ҳазратлари 🌐 https://t.me/+ZgkOZopwJwc3ZWEy MUSLIM.UZ GA 😎 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

#Раддия Намоздан кейинги зикрлар Ботиржон домла Тожибоев Андижон шаҳар "Ғиштли" жоме масжиди имом хатиби ♻️Дўстларингизга ҳам улашинг!!! Muslimun.uz https://taplink.cc/muslimun.uz @muslimunuzportal @andijonhanafiylari

#namoz_vaqti Va eslatgin albatta, eslatish mo'minlarga manfaat berur. (Zoriyot surasi 51:55-oyat) ✅ Savob umidida yaqinlaringizga ham ulashing va bizni kuzatib boring! Andijon shahar "G'ishtli" Jome Masjidi👇 Telegram / You tube / Instagram --------------------------------------------------------- #намоз_вақти Ва эслатгин албатта, эслатиш мўминларга манфаат берур. (Зориёт сураси 51:55-оят) ✅ Савоб умидида яқинларингизга ҳам улашинг ва бизни кузатиб боринг! Андижон шаҳар "Ғиштли" Жоме Масжиди👇 Telegram / You tube / Instagram

🔝 МУВАФФАҚИЯТГА ҚАНДАЙ ЭРИШИШ МУМКИН? (1 ҚИСМ) Ўзингизга доим қуйидаги саволларни беринг: Мен кимман? Шу жойгача қандай қилиб келдим? Энди қаерга кетмоқчиман? Нима мақсад билан кетмоқчиман? Йўлимда қандай тўсиқлар учрайди? Улардан қандай ошиб ўтаман? Сизнинг ҳозирги ҳаётингиз олдинги фикрларингизнинг ҳосиласидир! Шундоқ экан, фикрлашингизни ўзгартирсангиз, ўз оламингизни, яшаш тарзингизни бутунлай ўзгартирган бўласиз! Аллоҳ таолонинг оятини эсланг: “Албатта, то бир қавм ўзларини ўзгартирмагунларича, Аллоҳ уларнинг ҳолини ўзгартирмас” (Раъд сураси, 11-оят). Фикрлаш ҳар бир ҳаракатнинг асосидир. Демак, фикрлашингизни ўзгартирсангиз, иш-ҳаракатларингиз ҳам ўзгаради. Агар сизда бирор ёмон одатдан қутилиш учун ҳақиқий хоҳиш бор бўлса, ундан ярим шифо топган бўласиз! Сиз одамлар ҳақида қандай гумон қилсангиз, улар ҳам сиз ҳақингизда шундай ҳукм қилишади, натижада ташқи ҳолатингиз ички дунёйингизнинг акси бўлиб қолади. Бутун дунё мол-мулкини йиғиб келсангиз ҳам, асло саодатни сотиб оломайсиз. Чунки саодат расталари сизнинг фикрингиз, ҳис-туйғуларингизда жойлашган. Уни фақат ўша ердан сотиб олишингиз мумкин. Шуни англаб етганингиздагина муваффақиятли ва бахтли бўласиз... ➡️БАТАФСИЛ MUSLIM.UZ GA 😎 OBUNA BO'LING ✅ VA ULASHING🗣 ▶️ YouTube | 📷Instagram | 🌐 Facebook

#namoz_vaqti Va eslatgin albatta, eslatish mo'minlarga manfaat berur. (Zoriyot surasi 51:55-oyat) ✅ Savob umidida yaqinlaringizga ham ulashing va bizni kuzatib boring! Andijon shahar "G'ishtli" Jome Masjidi👇 Telegram / You tube / Instagram --------------------------------------------------------- #намоз_вақти Ва эслатгин албатта, эслатиш мўминларга манфаат берур. (Зориёт сураси 51:55-оят) ✅ Савоб умидида яқинларингизга ҳам улашинг ва бизни кузатиб боринг! Андижон шаҳар "Ғиштли" Жоме Масжиди👇 Telegram / You tube / Instagram

✅ Муфтий ҳазратга янги ўринбосар тайинланди 🕌 Шу йил 23 ноябрь куни Имом Бухорий номидаги Тошкент ислом институти ректори, профессор Муҳаммадолим Муҳаммадсиддиқов эгаллаб турган вазифасидан ажралмаган ҳолда Ўзбекистон мусулмонлари идораси раисининг Ёшлар ишлари бўйича ўринбосари лавозимига тайинланди. 🔸Муҳаммадолим Муҳаммадсиддиқов Имом Бухорий номидаги Тошкент ислом институти, Миср Араб Республикасининг Қоҳира давлат университети ва Тошкент давлат шарқшунослик институтини тамомлаган. 🔹Муҳаммадолим Муҳаммадсиддиқов ўз фаолияти давомида Дин ишлари бўйича қўмита бўлим бошлиғи, Ўзбекистон халқаро ислом академияси проректори, кафедра мудири вазифаларида меҳнат қилган. Сиёсий фанлар доктори (DSc), профессор Муҳаммадолим Муҳаммадсиддиқов 2023 йил январь ойидан ҳозирга қадар Имом Бухорий номидаги Тошкент ислом институти ректори вазифасида фаолият юритиб келмоқда. ➡️БАТАФСИЛ Ўзбекистон мусулмонлари идораси Матбуот хизмати @muslimuzportal | @mp3muslim | @diniysavollar

Андижонда диний соҳа ходимлари тақдирланди Ҳаммаларимизга маълумки юртимизда барча соҳалар сингари диний-маърифий соҳада ҳам жуда кенг кўламли ислоҳотлар, ривожланишлар кузатилмоқда. Ушбу ислоҳотлар жараёнида эса диний соҳа ходимларидан ҳам алоҳида масъулият талаб этади. Сўнги йилларда эса, уларнинг фидокорона хизматлари ҳукуматимиз томонидан муносиб эътироф этилиб келинмоқда. Куни кеча Тошкент шаҳрида “16 ноябрь – Халқаро бағрикенглик куни” муносабати билан бўлиб ўтган тадбирда бир гуруҳ уламо ва соҳа ходимларининг самарали фаолияти эътироф этилиб, “Диний бағрикенглик” кўкрак нишонлари топширилган эди. Вазирлар Маҳкамасининг 2023 йил 25 сентябрдаги “Диний бағрикенглик” кўкрак нишонини таъсис этилиб, ушбу кўкрак-нишони билан диний-маърифий соҳадаги ислоҳотларни тарғиб этиш, фуқаролар эътиқод эркинлигини таъминлаш, динлараро ҳамжиҳатликни мустаҳкамлаш ва маънавий муҳит барқарорлигини сақлашдаги ибратли ишлари учун етук уламолар, атоқли арбоблар, диний соҳа раҳбарлари, халқаро ташкилотлар вакиллари ҳамда хорижий олимлар тақдирланиши белгиланган. Бугун эса анашу хайрли ишнинг давоми Андижон вилоятида ҳам ўтказилди. Юқоридаги қарорга кўра, вилоятдаги бир гуруҳ диний соҳа ходимлари, соҳа мутахассислари “Диний бағрикенглик” кўкрак нишони билан тақдирландилар ҳамда моддий рағбатлантирилди. Тадбирда сўз юритган нотиқлар томонидан юртимизда давлатимиз раҳбари томонидан диний-маърифий соҳада амалга оширилаётган ишлар натижасида фуқароларнинг виждон эркинлиги, дин ва миллатлараро тотувлик таъминланаётгани, мазкур нишоннинг таъсис этилгани эса ҳукуматимизнинг диний соҳага бўлган юксак эътиборининг яққол намунаси эканини таъкидлади. Тадбир сўнгида эса Юрт тинчлиги ва халқимиз фаровонлиги, диний соҳа ходимларнинг фаолиятларига Аллоҳ таоло куч-қувват ато этишлигини сўраб, дуои-хайрлар қилинди. Мукофот муборак бўлсин азиз диний соҳа ходимлари! Вакиллик матбуот хизмати ♻️Дўстларингизга ҳам улашинг!!! Muslimun.uz @muslimunuzportal @andijonhanafiylari