Beisenali Olzhas

Хатим әл-Асам: Мен Шақиқ әл-Балхидың былай деп айтқанын естідім: "Беру мен алудың арасын ажырат. Егер сен, саған берушіні жақсы көрсең, онда сен дүниені жақсы көретін адамсың. Егер сен, сенен алушыны жақсы көрсең, онда ақыретті жақсы көретін адамсың". "Хильятул әулия", 6/300

Әр емтихан алдында (мейлі ол жеңіл болса да) әке-шешемнен бата сұраймын. Себебі олардың дұғасы қабыл ғой.

Бір күні Әбу Таммам деген ақынға біреу тиіскісі келіп: – "Неге әрдайым түсініксіз сөз сөйлейсің", – дегенде, ол: – "Неге айтылған нәрсені түсінбейсіңдер", – деп жауап қайтарыпты.

Кейбір кітаптар, киноның бір отрывыгі сияқты. Бір жерден сол отрывыкті көріп қаласың да, киноны толық көріп шықсаң, сол отрывыктан басқасының барлығы онша емес болып шығады. Кітап та солай. Бір жерден кітаптың бір бөлігін оқып аласың да, кітапты толық оқып шықсаң, сол бөліктен басқа ештеңе қызық жоқ болып шығады

Кітап клубымызға 11 ай болды, әлхамдулилля! 11 ай ішінде клуб мүшелері 13 адам болды Мамыр айында әдеттегідей клуб мүшелері 3-4 кітап оқып, бір подкаст тыңдап, оларға рецензия жазды. Клубтың тұрақты мүшелері кітап оқуды ғана емес, өз ойларын жинақтап пікір жазуды да үйренді. Ол жайлы бір бауырымыз: "Осы топ ашылғаннан бері топта болдым. Олжас ұстазға Алла разы болсын, біраз еңбек, кітаптар оқылып талқыланды. Рецензия жазу жаңа бір дәрежеге жетті. Бұл топқа қосылған мақсатым, кітап оқу әдетін қалыптастыру еді. Альхамдулиллах кітап оқу, өмірімнің бір бөлігің алды. Әдет қалыптасты. Өзімнің кітапқа деген талғамым ашылды", - дейді. П.с. Маусым айына қабылдау болмайды.

Кеше балам 4-ке толды. Бірақ жанында бола алмадым. Білім ізденіп, шетелде қазір жалғыз жүрмін. Шыны керек оңай емес. Бұл жазбада бойдақ болып жүріп білім алу, үйленіп білім алу және үйленіп бірақ отбасыдан жырақта болудың айырмашылықтарын қысқа айтып кетейін: Уақыт жағынан: Бойдақ болып жүріп білім алудың артылықшылықтары – уақыттың көп болуы. Яғни, саған өзіңнен басқа ешкімге уақыт арнаудың қажеті жоқ. Ал минусына келетін болсақ: Егер сенің жасың келіп, бар ойың үйлену жайлы ойлап жүрсең, фокусың жоғалып кетуі мүмкін. Ал егер ондай ойлар мазаламаса, шәһуатыңа берік бола алсаң, онда білім ізденіп жүріп үйленуге асығудын қажеті жоқ. Бар уақыт пен бар қаражатыңды білімге, өзіңіді дамытуға арна. Үйленіп алып білім алудың артылықшылықтарына келсек, өте көп. Әрине саған лайықты жолдасың жолықса. "Білім жолы" не екенін түсінетін, білім жолындағы құрбандық не екенін білетін, күні бойы үйде отыра алатын, сенің бар жағдайыңды жасай алатын жұбайың болса, білім алу – өте жеңіл. Менің бойдақ кезім мен үйленген кезімді салыстырсам, үйленген шағымда менің прогрессивностім екі есе артты. Кемшіліктеріне келсек, оны кемшілік деп те атауға болмайтын шығар, бірақ үйленген кезде "өзім" дегеннен "біз" дегенге үйрене алу. Өзіңе ғана уақыт арнамай, жұбайыңа да уақыт арнау қажет. Күні бойы сені күтіп, жағдайыңды жасап отырған адамның да көңілін аулау қажет. Негізі үйленіп білім алу бұрын мүмкін емес, өте қиын деп еститінбіз. Алайда, керісінше өте жеңіл екенін байқадық. Әрине бәрі өзіңе және өмірлік серігіңе байланысты. Ал үйленіп, балалы болып білім алуға келсек, ол тура сол, үйленген секілді. Алайда көбірек уақытың отбасыңа кетеді. Бірақ бұл проблема емес. Себебі шаршағаныңды басатын адамдарың бар. Бірақ егер, білім жолында ұзағырақ жүріңіз келсе, балалы болуға асықпауға да болады деп ойлаймын. Оны өздерің көресіңдер. Ал үйленіп, балалы болып, кейін отбасыңды үйде қалдырып, білім ізденуге келсек, бұл қиынның қиыны. Олай зәру жағдай болмаса, жасамауға кеңес беремін. Иә, уақытың көп, қаражат аз кетеді. Бірақ, артық уақыт пен артық қаражаттың не керегі бар, егер жаныңда демеу беруші жақындарың болмаса. Білмеймін, өз басыма қиын өтті бұл жыл. Елге екі ай сайын барып тұрсам да, оқуға оралған сайын жалғызсырап, әрең оқып, өз-өзімді алдап жүремін. Бірақ, солай жасау керек болды, бұның да қайыры бар. Қысқасы, әр адамның жағдайы әртүрлі. Білім ізденуші тек білім ізденуші болған жан түсінеді. Қандай қадам жасамас бұрын, тәжірибелі адаммен ақылдасып, Алладан қайыр тілеңіз. Алла барша білім ізденушілерге жеңілдік берсін!

Білім мен амалдың ләззатының дәмін татып көрген адам – адамдардың дүниесіне қызыға бермес

Зікір – ең оңай ғибадат. Бар болғаны тіліңмен “Субханалла”, “әлхамдулилля”, Аллаһу Әкбар” десең болды Бірақ бұны көбісі жасай алмайды. Себебі, “Тауфиқ” тек Алладан. Себебі, “Лә хаулә уә лә қууата иллә билләһ” Яғни, күш та, қуат та бір Аллада ғана бар. Оның тауфиғісіз (қолдауысыз) біз ештеңе істей алмаймыз

Жұма қабыл болсын! Осы жұмадағы қуанышты хабар, Еркінбек ұстаздың Төле Би мешітіне бас имам (Ерсін ұстаз бас имам болып кеткен жер) болып тағайындалуы! МашаАлла, құтты болсын дейміз