Anatoni external audit and consultancy worker🙏

BBC News, አማርኛ ወደ ዋናው ይዘት ይለፉ ክፍሎች ዜናኢትዮጵያቪዲዮበጣም የተወደዱ ኢትዮጵያ ውስጥ ምን ዓይነት ንብረት ቢኖርዎት ነው ግብር እንዲከፍሉ የሚገደዱት? አዲስ አበባ የፎቶው ባለመብት,ADDIS ABABA CITY ADMIN. 23 ጥር 2023 የንብረት ግብር ኢትዮጵያ ውስጥ የተጀመረው በአፄ ኃይለሥላሴ ዘመን መንግሥት እንደሆነ መዛግብት ያሳያሉ። አብዮቱን ተከትሎ የመጣው ደርግ ባወጣው አዲስ ሕግ መሠረት የመሬት እና የጣሪያ ግብር ዜጎች እንዲከፍሉ ማድረግ ጀመረ። በዚህ ወቅት መሬት ግብር የሚጣልበት ንብረት ሳይሆን ዜጎች ከመንግሥት የሚከራዩት ነበር። ቢሆንም ዓመታዊ ግብር መክፈል ግድ ይላል። ኢሕአዴግ ወደ ሥልጣን ሲመጣ ‘ያረጀ ያፈጀ’ ያለውን የንብረት ግብር እንደ አዲስ ከልሶት ተግባራዊ ቢያደርገውም ሊዘልቅ አልቻለም። ኢትዮጵያ ውስጥ የንብረት ግብር አለ ወይስ የለም የሚለው ሐሳብ አሁንም አከራካሪ ነው። በቅርቡ የኢትዮጵያ ሕዝብ እንደራሴዎች እና የፌዴሬሽን ምክር ቤቶች በንብረት ግብር ጉዳይ አዲስ የሕግ ማዕቀፍ እንደሚያዘጋጅ አስታውቀዋል። ምክር ቤቶቹ በጋራ ባሳለፉት ውሳኔ መሠረት በሁሉም ክልሎች የሚጣለው የንብረት ግብር “ተመጣጣኝ” ይሆናል ብለዋል። የጋራ ምክር ቤቱ አባላት “በንብረት ላይ የሚጣለውን ግብር ክልሎች ያስተዳድሩት” ሲሉ በአብላጫ ድምፅ ወስነዋል። ነገር ግን ይህ ግብር መጣል የለበትም ብለው የተቃወሙም የምክር ቤት አባላት ነበሩ። በሌላ በኩል ይህ ግብር ተግባራዊ መሆን አለበት ብለው የሚከራከሩ አባላት “ለከተሞች የገቢ ምንጭ ይሆናል” ይላሉ። ለመሆኑ የንብረት ግብር ምንድነው? ኢትዮጵያ ውስጥ ተግባራዊ የሚሆነውስ እንዴት ነው? የንብረት ግብር የንብረት ግብር (ፕሮፐርቲ ታክስ) አንድ ግለሰብ አሊያም ሕጋዊ አካል ለሚጠቀምበት ንብረት ለመንግሥት የሚከፍለው ገንዘብ ማለት ነው። በአብዛኛዎቹ የዓለም አገራት የንብረት ግብር የሚለካው ንብረቱ በየዓመቱ ተተምኖ የሚኖረውን ዋጋ መሠረት በማድረግ ነው። በርካታ የዓለማችን ከተሞች የንብረት ግብር ጥለው በሚሰበስቡት ገንዘብ ራሳቸውን ይደጉማሉ። አብዛኛውን ጊዜ የንብረት ግብር የሚጣልበት መሬት እና ሕንፃ ቢሆንም ተሽከርካሪዎች ላይም ግብር የሚጥሉ አገራት አሉ። የንብረት ግብር “በቀጥታ ክፍያውን ከሚከፍለው ግለሰብ የሚሰበሰብ የግብር ዓይነት ነው” የሚሉት ረዳት ፕሮፌሰር ጥላሁን ድረስ ናቸው። የንብረት ግብር ሁለት ዓይነት ገፅታዎች እንዳሉት የሚያስረዱት በደብረ ማርቆስ ዩነቨርሲቲ መምህር እና ረዳት ፕሮፌሰር የሆኑት ምሑሩ ሁለተኛው ድግሪያቸውን በመሬት አስተዳደር እና ንብረት ታክስ ሠርተዋል። አንደኛው ‘ፕሮፐርቲ ትራንዛክሽን ታክስ’ ሲሆን፣ ይህ ማለት ንብረት ሲሸጥ እና ሲለወጥ ገቢ የሚደረግ ግብር ነው። ሁለተኛው እና ዐቢይ የሚባለው ግን ዓመታዊ የዋጋ ጭማሪን መሠረት አድርጎ ንብረት ላይ የሚጣለው ግብር ነው። የንብረት ግብር የሚንቀሳቀስ እና የማይንቀሳቀስ ንብረትን ቢያካትትም ውጤታማ የሚባለው ግን በማይንቀሳቀሱት [በመሬት እና በሕንፃዎች] ላይ የሚጣለው የንብረት ግብር እንደሆነ ረዳት ፕሮፌሰሩ ይናገራሉ። “የንብረት ግብር ከሌሎቹ የግብር ዓይነቶች የሚለየው በቀላሉ የሚደበቅ አለመሆኑ ነው። መንግሥት በሚሠራው የዋጋ ግምት (ቫሉዌሽን) መሠረት የአንድ ንብረት ዓመታዊ ዋጋ ተሰልቶ የሚጣል ነው። ስለዚህ ግለሰቦች ይህንን ግብር የሚደብቁበት መንገድ የላቸውም።” በበርካታ አገራት የንብረት ግብርን ተግባራዊ የሚያደርጉት የከተማ አስተዳደሮች ናቸው። ነገር ግን በቀላል ወጪ እና ቴክኖሎጂ የሚሠራ አይደለም። ቢሆንም ‘ፕሮፐርቲ ታክስ’ በጣም ትልቅ ቴክኖሎጂ እና የሰው ኃይል አቅም እንደሚጠይቅ ረዳት ፕሮፌሰሩ ጥላሁን ይገልጻሉ። አክለውም የንብረት ግብር ገቢ ከመሰብሰብ ባለፈ ዜጎች ወጪን እንዲቀንሱ አሊያም ቁጠባ እንዲለምዱ ምክንያት ይሆናል። የንብረት ግብር አሜሪካ ውስጥ የማዕከላዊው መንግሥት እና ክልላዊ አስተዳደሮች ከሚሰበስቡት ገቢ 30 በመቶውን ይይዛል። ነገር ግን አሜሪካ ዝቅተኛ የንብረት ግብር ከሚያስከፍሉ አገራት መካከል ስትሆን፣ ቤልጂዬም እና ስፔንን የመሳሰሉ አገራት ደግሞ ከፍተኛው የንብረት ግብር በማስከፈል ይታወቃሉ። አዲስ አበባ የፎቶው ባለመብት,GETTY IMAGES የንብረት ግብር በኢትዮጵያ “ኢትዮጵያ ውስጥ የንብረት ግብር አለ ወይስ የለም የሚለው በራሱ አከራካሪ ነው” ነው የሚሉት ረዳት ፕሮፌሰር ጥላሁን፣ ቢሆንም ኢትዮጵያ ውስጥ የመጀመሪያው ግብር የሚባለው የንብረት ግብር እንደሆነ ይናገራሉ። “እኔ ኢትዮጵያ ውስጥ የንብረት ግብር የለም ከሚሉት ጎራ አይደለሁም። ነገር ግን ቢያንስ ሁለተኛው የንብረት ግብር አለ። አንድ ንብረት ሲሸጥ ወይም ሲለወጥ የሚከናወነው (ትራንሳክሽናል) የግብር ዓይነት አለ።” በደርግ ጊዜ የተጣለውን የጣሪያ ግብር እና የመሬት ኪራይ ፖሊሲ የሚያወሱት ምሑሩ ይህ ሕግ አሁንም እንዳለ ነገር ግን ብዙ ሰው እንደማያውቀው፣ ይህ የሆነበት ምክንያት የሚሰበሰበው የንብረት ግብር እጅግ አነስተኛ ስለሆነ እንደሆነም ያስረዳሉ። አክለው አሁን ባለው ሁኔታ ሰዎች የንብረት ግብር የሚከፍሉት በፈቃዳቸው ለሌላ አግልግሎት ወደ ማዘጋጃ ቤት ሲሄዱ ነው። “ስለዚህ የንብረት ግብር የለም ማለት አይቻልም። ነገር ግን በጣም የቆየ ስለሆነ ለዘመናዊው የግብር ሂደትን የሚመጥን አይደለም።” ረዳት ፕሮፌሰር ጥላሁን መለስ ብለው ‘ትራንሳክሽናል’ ስላሉት የግብር ዓይነት ሲያስረዱ፣ ይህ የንብረት ግብር ዓይነት አንድ ግለሰብ ንብረት ሲሸጥ እና ሲለውጥ ለመንግሥት የሚከፍለው ግብር ነው። ይህ የሚከፈለው ግብር በእንግሊዝኛው ‘ስታምፕ ዱቲ’ (ቴምብር) ይባላል። የንብረት ግብር የማያስከፍሉ አገራት ‘ስታምፕ ታክስ’ የተሰኘ አንድ ግለሰብ ንብረት ሲገዛ አሊያም ሲሸጥ ለመንግሥት የሚከፍለው ግብር አላቸው። ኢትዮጵያ ውስጥ ለምሳሌ አንድ ሰው ቤት ሲሸጥ ሁለት በመቶ ግብር የመክፈል ግዴታ አለበት። “አንዳንድ ከተሞች ደግሞ ‘ሰርቪስ ቻርጅ’ ብለው ይቆርጣሉ። ለምሳሌ አዲስ አበባ 4 በመቶ ሌሎች ከተሞች ደግሞ 3 በመቶ ይቆርጣሉ።” ነገር ግን ኢትዮጵያ ውስጥ አንድ ግለሰብ ምን ዓይነት ንብረት ሲኖረው፤ የትኛው ግብር ይጣልበታል የሚለው አከራካሪ እንደሆነ ምሑሩ ያነሳሉ። ለዚህ ዋነኛው ምክንያት ይላሉ ጥላሁን “የቤት ባለቤት የሆነ፣ ሕንፃ ያለው፣ የሰርቪስ ሕንፃ ያለው. . . ይህንን ለይቶ ያስቀመጠ የግብር ሕግ አለመኖሩ” ነው። መምህሩ በ2010/11 ዓ.ም. ድሬዳዋ፣ ባሕር ዳር እና መቀለ ላይ አተኩረው ስለንብረት ግብር ጥናት ሠርተዋል። በጥናታቸው ካስተዋሉት አንደኛው ጉዳይ የኢትዮጵያ ሕገ-መንግሥት ስለ ንብረት ግብር ግልፅ የሆነ አንቀፅ እንደሌለው ነው። በጥናታቸው ማጠቃለያ “ለፌዴራል አሊያም ለክልሎች ተለይቶ የተሰጠ ግብር ስለሌለ የፌዴሬሽን እና የሕዝብ ተወካዮች ምክር ቤቶች በጋራ መወሰን አለባቸው” የሚል ምክረ-ሐሳብ አቅርበዋል። ‘በአዲስ መልክ’ የመጣው የንብረት ግብር ባለፈው ግንቦት ጠቅላይ ሚኒስትር ዐቢይ አሕመድ ከአዲስ አበባ ከተማ ካቢኔ አባላት ጋር በነበራቸው ውይይት “ከተወሰነ የገንዘብ መጠን በላይ” የሚያወጡ ሕንፃዎች የንብረት ግብር እንዲከፍሉ የሚል ሐሳብ አንስተው ነበር። ረዳት ፕሮፌሰር ጥላሁን እንደሚሉት የንብረት ግብር ጉዳይ ውይይት ሲደረግበት ከስምንት ዓመታት በላይ ፈጅቷል።

ታክስን አሳንሶ ማሳወቅ እና ዘግይቶ መክፈል የሚያስከትለው ቅጣት ታክስን ዘግይቶ መክፈል የሚያስከትለው ቅጣት  ማንኛውም ታክስ ከፋይ በታክስ መክፈያ ጊዜው ውስጥ ታክስ ሳይከፍል ከቀረ ለዘገየበት ጊዜ ለአንድ ወር ወይም የወሩ ከፊል ለሆነው ጊዜ ባልተከፈለው ታክስ ላይ አምስት በመቶ እና ከዚያ በኋላ ለዘገየበት ለእያንዳንዱ ወር ወይም የወሩ ከፊል ለሆነው ጊዜ ባልተከፈለው ታክስ ላይ ተጨማሪ ሁለት በመቶ ቅጣት ይከፈላል፡፡ የሚጣለው የቅጣት መጠን ከዋናው የታክስ ዕዳ መብለጥ የለበትም፡፡ ታክስን አሳንሶ ማሳወቅ የሚያስከትለው ቅጣት  በታክስ ማስታወቂያ የተገለጸው የታክስ መጠን ታክስ ከፋዩ ሊከፍል ከሚገባው ትክክለኛ የታክስ መጠን ያነሰ እንደሆነ አሥር በመቶ ቅጣት ይከፍላል፡፡  ከላይ የተጠቀሰውን ጥፋት ለሁለተኛ ጊዜ ከተፈፀመ የቅጣቱ መጠን ወደ ሰላሳ በመቶ ከፍ ይላል፡፡ ለሦስተኛ ጊዜ እና ከዚያ በላይ ከተፈፀመ የቅጣቱ መጠን ወደ አርባ በመቶ ከፍ ይላል፡፡ ስለሆነም ወቅቱ አመታዊ የንግድ ስራ ትርፍ ግብር መክፈያ ወቅት ስለሆነ ማንኛውም ግብር የመክፈል ኃላፊነት ያለበት ግለሰብ ወይም ድርጅት የሚጠበቅበትን ግብር በወቅቱና በታማኝነት ሲከፍል ካለአስፈላጊ ቅጣት ይድናል፡፡

Basic tax learning Modules

የታክስ የቅሬታ ማመልከቻ ይዘት በታክስ ውሳኔ ላይ ቅሬታ ያለው ታክስ ከፋይ ቅሬታውን ሲያቀርብ የሚከተሉትን ያሟላ መሆን አለበት:- I.  ታክስ ከፋዩ የሚያቀርበው የቅሬታ ማስታወቂያ የቅሬታውን ፍሬ ነገር ምክንያቶች መያዝ አለበት፤ II.  በዚህ ተራ ቁጥር | የተመለከተው እንደተጠበቀ ሆኖ ቅሬታ አቅራቢው:- •  የቅሬታ አቅራቢውን ስም፣ የታክስ ከፋይ መለያ ቁጥር እና አድርሻ፣ •  ቅሬታ የቀረበበትን የታክስ ውሳኔ ይዘት፣ •  ውሳኔው የተሰጠበትን ቀን፣ •  ውሳኔ የሰጠውን ቅ/ጽ/ቤት እና •  ሌሎች ለውሳኔ የሚረዱ ፍሬ ነገሮችና ማስረጃዎችን መግለጽ አለበት፡፡ III.  ቅሬታ አቅራቢው የንግድ ፈቃድ፣ የግብር ከፋይ መለያ ቁጥር፣ የምስክር ወረቀት፣ እንዲሁም ጉዳዩ በታክስ ወኪሉ የሚቀርብ ከሆነ ለወኪሉ ቅሬታ አቅራቢው ውክልና የሰጠበት ማስረጃ ለተጨማሪ እሴት ታክስ የተመዘገበ ከሆነ የምዝገባ የምስከር ወረቀት ማቅረብ አለበት፤ IV.  የቀረበውን ቅሬታ የሚያስረዳ አግባብ ያላቸው ሌሎች ኮፒ የሰነድ ማስረጃዎች ከዋናው ጋር እንዲገናዘቡ ከቅሬታ ማመልከቻው ጋር በአባሪነት ማቅረብ ይኖርበታል፡፡ V.  የታክስ ውሳኔ ቅሬታ አቅራቢው የሚያቀርበው ቅሬታ ባልተስማማበት የታክስ ስሌት ማስታወቂያ ላይ እንጅ በተስማማበት የታክስ ስሌት ላይ ስላልሆነ በታመነበት ላይ መከፈል ካለበት ሊከፈል ይገባል፡፡

የተጨማሪ እሴት ታክስ የተጨማሪ እሴት ታክስ ምንነት የተጨማሪ እሴት ታክስ ቀጥተኛ ካልሆኑ የታክስ ዓይነቶች አንዱ ሲሆን ታክሱ በእቃዎችና በአገልግሎቶች አቅርቦት ላይ የሚጣል “የፍጆታ ታክስ” ተብሎ ይታወቃል፡፡ ታክሱ በእቃዎች የማምረትና ስርጭት ሂደት በየደረጃው በሚፈጠረው ተጨማሪ እሴት /Value added/ ላይ የሚጣልና የታክስ መሠረቱን በማሥፋት ለመንግሥት ተጨማሪ ገቢ የማስገኘት ዓላማ ያለው ነው፡፡ ለተጨማሪ እሴት ታክስ ከፋይነት ስለመመዝገብ በማንኛውም የ12 ወራት ጊዜ ውስጥ ያከናወነው ታክስ የሚከፈልበት ግብይት ከብር 1 ሚሊዮን በላይ ከሆነ የመመዝገብ ግዴታ አለበት፡፡ ለተጨማሪ እሴት ታክስ የመመዝገብ ግዴታ የሌለበት የንግድ ስራ የሚያካሂድ ሰው ቢያንስ 75% ዕቃ/አገልግሎት የመስጠት እንቅስቃሴው በፈቃደኝነት ለታክሱ ከተመዘገቡ ሰዎች ጋር ከሆነ በፍቃደኝነት መመዝገብ ይችላል፡፡ ይህ የሚወሰነው በታክስ ባለሥልጣኑ ሲሆን ፍቃደኛ ተመዝጋቢ ግብር ከፋይ የሚከተሉትን ሊያሟላ ይገባል፡፡ • ቋሚ የመኖሪያ /ማሪፊያ/ ቦታ ወይም የንግድ ሥራ ያለው፣ • ተገቢ የሂሳብ መዛግብት መያዝ ይኖርበታል ፣ በበኃይሉ ሺመልስ

ስለተመላሽ ኢትዮጵያውያን ኢትዮጵያውያን ከውጪ ሀገር ጠቅልለው ሲመለሱ ይዘው መግባት ስለሚፈቀድላቸው እቃዎች! በሰለሞን ወርቁ

የንግድ ዘርፍ፣ የተጣራ ትርፍ፣ ያልተጣራ ትርፍ እና አማካይ የስራ ቀናት (10)

የታክስ ስሌት እንዲሻሻል ስለሚቀርብ ማመልከቻ * የራሱን ታክስ ስሌት ያዘጋጀ ታክስ ከፋይ ያቀረበውን በራስ የተዘጋጀ የታክስ ማስታወቂያ ባለስልጣኑ እንዲያሻሽልለት ለባለስልጣኑ ሊያመለክት ይችላል፡፡ * የሚቀርበው የታክስ ማመልከቻ ታክስ ከፋዩ ራሱ አዘጋጅቶ ባቀረበው የታክስ ማስታወቂያ ላይ ሊደረጉ ይገባል ብሎ የሚያምንባቸውን ማሻሻያዎችን እና ማሻሻያዎቹን ማድረግ አስፈላጊ የሆነበትን ምክንያቶች መግለጽ እና በተመለከተው ጊዜ ውስጥ መቅረብ ይኖርበታል፡፡ * ባለስልጣኑ በቀረበለት 120 ቀናት ውስጥ በታክስ ከፋዩ ተዘጋጅቶ የቀረበው የታክስ ስሌት እንዲሻሻል መወሰን ወይም ማመልከቻውን ውድቅ ማድረግ አለበት፡፡

በገደብ ከገቢ ግብር ነፃ የተደረጉ ገቢዎች #ክፍል_ሁለት ☑️የስራ ሁኔታ አስቸጋሪነት የሚከፈል አበል፡- • ሥራው ሁኔታ ለጨረር፣ ለበሽታ፣ለኬሚካል፣ ወዘተ በጤና ደህንነት ላይ ጉዳት ማካካሻ የሚከፈል፤-         o በሥራ ሁኔታው አስቸጋሪነት ምክንያት ለሠራተኛው የሚከፈል አበል፤ (ዝቅተኛው 25%፣ ለመካከለኛ 40%፣ ለከፍተኛ 60%)፤ ሲሆን የጉዳት ደረጃውን መለካት የማይቻል ከሆነ ከተቀጣሪው የወር ደመወዝ ከ25% (ሃያ በአምስት መቶ) ባልበለጠ መጠን ከገቢ ግብር ነፃ ይደረጋል፡፡        o    በስራ ሁኔታ አስቸጋሪነት ምክንያት ለሰራተኛ የሚከፈል አበል የስራው ሁኔታ ስለሚያደርሰው ችግር ከሚመለከተው አካል ማስረጃ መቅረብ ይኖርበታል፡፡ ☑️የውሎ አበል፡- • አንድ ተቀጣሪ የተቀጠረበትን ሥራ ለማከናወን መበደኛ የሥራ ቦታ ከሚገኝበት ከተማ ውጪ ከ25 ኪ.ሜ. በላይ ርቆ ሲሄድ  ለመኝታ፣ምግብ እና መጠጥ እና ተዛማጅ ወጪ የሚከፈል ነው፤ • ለማንኛውም ድርጅት ሥራ አስኪያጅ ወይም ምክትል ሥራ አስኪያጅ የሚከፈለው የውሎ አበል ከግብር ነፃ የሚደረገው 1000 ብር ወይም የደሞዙ 5% ከሁለቱ ከፍተኛ ባልበለጠ ብቻ ሲሆን የአልጋ አበል በደረሰኝ የሚወራረድለት ከሆነ ለቁርስ፣ ለምሳ፣ ለእራት እና ለመሳሰሉት የሚሰጠው የውሎ አበል ከግብር ነፃ የሚደረገው ከብር 600 ወይም የደሞዙ 3% ከሁለቱ ከፍተኛ ባልበለጠ ብቻ ነው፡፡ • አንድ ተቀጣሪ የሚከፈለው የቀን ውሎ አበል ከገቢ ግብር ነፃ የሚደረገው ከብር 500 ወይም ከደሞዙ 4% ካልበለጠ ብቻ ነው፡፡ •  አንድ ተቀጣሪ የአልጋ አበል በደረሰኝ የሚወራረድለት ከሆነ ከግብር ነፃ ሲሆን፤ ለቁርስ፣ ለምሳ፣ ለእራትና ለመሳሰሉት 300 ብር ወይም ከደሞዙ 2.5% ሆኖ ከሁለቱ ከፍተኛ ባልበለጠ ብቻ ነው፡፡ • የማንኛውም ድርጅት ሥራ አስኪያጅ  ወይም ም/ሥራ አስኪያጅ ከድርጅቱ  ስራ ጋር በተገናኘ  ወደ ውጭ ለሚያደርገው ጉዞ የሚከፈለው የውሎ አበል ለሌሎች ሰራተኞች /ተቀጣሪዎች በወሰነው ልክ ላይ 20 በመቶ ተጨምሮበት  ነው፤ • አንድ ተቀጣሪ የተቀጠረበትን ስራ ለማከናወን ወደ ውጭ አገር ለሚደረገው ጉዞ የሚከፈለው የውሎ አበል ከገቢ ግበር ነፃ የሚሆነው መንግስት ከተሻሚዎች ውጪ ለሌሎች  ተቀጣሪዎች በወሰነው የውሎ አበል ልክ ባልበለጠ ብቻ ይሆናል

ከ500 ኪ.ግ በላይ ጫት ተያዘ ሕዳር 02፣ 2016 ዓ.ም. ( የገቢዎች ሚኒስቴር ) በሕገ-ወጥ መንገድ ከሀገር ሊወጣ የነበረ ከ500 ኪ.ግ በላይ ጫት መያዙን የብሔራዊ መረጃና ደህንነት አገልግሎት አሥታውቋል፡፡ አገልግሎቱ ከጉሙሩክ ኮሚሽን ጋር በመተባበር ነው በህገ-ወጥ መንገድ ወደ ውጭ ሊወጣ የነበረውን ጫት የያዙት፡፡ በክትትሉም የአገልግሎቱ የአቪየሽን ደኅንነት ዋና መምሪያ ኦፊሰሮች እና የቦሌ ዓየር መንገድ ቅርንጫፍ ባለሙያዎች ተቀናጅተው ክትትልና ፍተሻ በማድረግ በጥምረት መሥራታቸው ተገልጿል፡፡ ክብደቱ 509 ነጥብ 32 ኪ.ግ የሚመዝነው እርጥብ ጫት በ16 ሻንጣዎች ታሽጎ መነሻውን አዲስ አበባ አድርጎ በቦሌ ዓለም አቀፍ ዓየር ማረፊያ ወደ እንግሊዝ ለንደን ሊዘዋወር የነበረ መሆኑም ተጠቁሟል፡፡ ከኮንትሮባንድ የጫት ምርቱ ጋር በቁጥጥር ሥር የዋሉት ሥምንት የውጭ ሀገር ዜጎችም ጉዳያቸው በኢትዮጵያ ፌደራል ፖሊስ ወንጀል ምርመራ ቢሮ እየተጣራ እንደሚገኝ የአገልግሎቱ መግለጫ ያሳያል፡፡

According to Article 28 of the Ethiopian Proclamation No. 979/2016, losses incurred by a business can be carried forward for up to five consecutive years from the year in which the loss was incurred. The carried forward loss can be offset against the taxable income of the business in subsequent years .If your company has not had any transactions for more than 2 years, it will not have any taxable income and will not be required to pay corporate income tax (CIT) However, if your company continues to remain inactive for the next 5 years, it is possible that the Ethiopian government may consider it as a dormant company and may take action accordingly.but external audit must take before forward the loss.

እንኩዋን ለጥቅም ሰላሳ አደረሰን በስራ መክነያት ጠፍተን ነበር ተመልሰናል እንደኛ በስራ የቆያቹ ድካሙ ይታወቃል 🙏🙏🙏

If seller not vat refund the purchase vat it's totally with vat expense at year end according to 05/2011 #የሂሳብ_መዝገብ_አያያዝ #ታክስ_አስትዳደር #Daily_Tips