Ethiopian Press Agency/ Afaan Oromoo/

Daaw’annaa hojiilee misoomaa #Baatuutti **** Gaazexaa Bariisaa Hojiilee misoomaa baay’ee Magaalaa Baatuutti hojjetamaa jiran keessaa muraasni kanneen akka gamoo waajjira kantiibaa, wiirtuulee furdisa loonii, kiliniika beeladaa, horsiisa qurxummii, gamoo IMX, bakka gurgurtaa kuduraafi muduraa, warshaa nyaanni beeladaa ittiqindeeffamu, inisheetivii misooma timaatimii, manneen qulqullinaafi baga nagaan dhuftanii seensa magaalaa garee Kantiibaa Magaalattii Obbo Ahmad Ismaa’eliin durfamuun Jimaata darbe daaw’atameera. Kantiibichi xumurarrattis dargaggoota magaalattii daaw'annicharratti hirmaatan wajjin dhimmoota nageenya waaraa, gurmaa'anii hojjechuufi kkf irratti mari'ataniiru.

#Buufata Xayyaaraa Guddinaa Tumsaa- Naqamtee ** Gaazexaa Bariisaa Biyya keenyatti fayyadamumaan haqa qabeessa, facaatiifi raawwiin pirojektoota misoomaa dhimmoota komiifi gaaffii uummataa gurguddoo turan keessaa tokkodha. Hojiiwwan ummanni qabeenya biyyattiin qabdurraa walqixa fayyadamaa ta'uu qaba. Fayyadamummaa ummataa mirkaneessaniifi gaaffiifi fedhii ummanni misoomuuf qabu deebisan keessaa ammoo bu'uuraaleen misoomaa isa tokkodha. Gaaffiifi raawwiin bu'uuraalee misoomaa biyya keenyatti yeroo dheeraaf ummata komachiisuun sababoota waldhabdeef galtee ta'aa tureera. Sirni duraan ture fedhii ummanni misoomuuf qabu deebisuurra dhagaa bu'uuraa kaa'uun bara filannoo lakkaa'uu, pirojektota eegalanii jidduutti dhiisuufi qulqullina baay'ee gadaanaan xumuruun rakkoo guddaa qabeenya biyyaallee balaarra buusaa turedha. Waggoottan jijjiiramaa jahan darban keessatti mootummaan badhaadhinaa fedhii ummanni misoomuuf qabu hundeerraa hubachuun akkasumas gaaffii fayyadamummaa haqa qabeessaa deebisuuf pirojektoota gurguddoo rakkoo hawaasaa furan, hawaasa walqunnamsiisan, dinagdee biyya keenyaa si'eessuun badhaadhina milkeessan yeroo gabaabaafi qulqullina olaanaan hojjetaa jira. Kunis, seenaa dhagaa bu'uuraa kaa'anii baduu qabatamaan hambisuun fayyadamummaa ummataa mirkaneessuu bira darbee imalli badhaadhinaa biyyi keenya eegalte yeroo gabaabaa keessatti milkaa'uu akka danda'u agarsiiftuu guddaa ta'aa jira. Misoomni bu'uuraalee misoomaa babal'achuun sochii hawaasaa ni salphisa; oomishni gara gabaatti akka dhufu taasiss; investimentiin akka babal'atu jajjabeessa; badhaadhina biyyaa milkeessa. Gaaffii bu'uuraalee misoomaa yeroo dheeraaf gaafatamaa turan keessaa tokko babal'ina buufata xiyyaaraa biyya keessaati. Buufanni xiyyaaraa biyya keessaa kan dur turaniyyuu cufamuun jijjiiramaan dura ummata rakkoof saaxilaa turaniiru. Kanaafis fakeenya gaariin buufata xiyyaaraa Baalee Roobeefi Dambi Doollooti. Mootummaan jijjiiramaa gaaffiin ummataa sirrii ta'uu hubachuufi kanaafis deebii kennuun waggoota darban keessatti buufanni xiyyaaraa kunneen akka hojjetaman taasisee jira. Buufanni Xiyyaaraa Dambi Doolloo bu'aa kanaati. Qaamuma kanaa kan ta'e buufanni xiyyaaraa Naqamtees xumuramuun har'a bakka hoggantoonni olaanoo naannoofi federaalaa argamanitti eebbifamuun hojii kan eegalu ta'a. Buufanni xiyyaaraa kunis "Buufata Xiyyaaraa Guddinaa Tumsaa International Naqamtee (Gudina Tumsa  International Airport Nekemte) jedhamuun moggaafameera. Luba Guddina Tumsaan nama beekaafi abbaa amantaa qabsoo ummata Oromoo akkasumas guddina afaanii keessatti shoora olaanaa taphatanidha. Buufanni xiyyaaraa kun sochii ummataa salphisuun hawaasa kan walqunnamsiisu ta'uu bira darbee qabeenya bal'aa Godinoota Oromiyaa lixaa jiru gara gabaatti akka dhufu, investimentiin gara godinoota kanneenii akka deemu haala mijataa kan uumuudha. Hojiileen misoomaa waggoottan jahan darban keessatti mootummaan badhaadhinaa hojjetaa jiru qormaata hedduu keessaafi alaa damdamachuufi hawaasa bal'aa hirmaachisuun kan hojjetaman ta'uun isaa adda isa taasisa. Ummanni Godinoota Wallaggaas rakkoo nageenyaa sababa finxaaleyyiitiin rakkachaa ture keessaa bahuun fuula isaa gara misoomaatti deebifachuun hojiileen misoomaa hedduun hojjetamaa jiru. Badhaadhinni Itoophiyaa ni dhugooma! Biiroo Kominikeeshinii Oromiyaa

Gaazexaa Bariisaa maxxansa har'aa!! Gaazexaa Bariisaa Waxabajji 8 bara 2016 maxxanfame https://press.et/oromifa/2024/06/15/bariisaa-sanbataa-waxabajjii-8-bara-2016/ - Telegram Ethiopian Press Agency/Afaan Oromoo ykn liinkii https://t.me/EthiopianPressAgency_AfaanOromoo - Marsariitii https://www.press.et/afanoromo/

‹‹Ayyaanni Iid Al Adahaa ayyaana walgargaarsaafi waldeeggarsaati›› -Haajii Xohaa Haaruun (Imaama Masgiida Anuwaar) **** Gaazexaa Bariisaa Ayyaanni Iid Al Adahaa (Arafaa) waggaa 1445ffaan bor haala ho’aan hordoftoota amantii Islaamaa biratti kabajama. Hordoftoonni amantichaa ayyaanicha horii qaluudhaan kan kabajan yoo ta’u, barsiifni amantichaa horii qalatan keessaa nuusa ofii fudhachuun kan hafe ammoo firootaafi namoota harka qalleeyyiif qooduu akka qaban qajeelfama amantichaa ta’uu dubbatu Imaamni Mazgiida Anuwaar Haajii Xohaa Haaruun. Haajii Xohaa Haaruun Ayyaana Iid Al Adahaa bor kabajamu ilaachisuun ibsa Dhaabbata Pireesii Itoophiyaaf kaleessa kennaniin akka jedhanitti, namoonni humna qaban ayyaanicharratti hoolaafi sangaa bitanii qalanii harka qalleeyyiif qooduufi waliin nyaachuufi dhuguudhaan..... https://press.et/oromifa/2024/06/15/ayyaanni-iid-al-adahaa-ayyaana-walgargaarsaafi-waldeeggarsaati-haajii-xohaa-haaruun-imaama-masgiida-anuwaar/

“Qellem Wallaggaa qabatamaan dachee nagaafi misoomaa ta’eera” - Obbo Gammachuu Gurmeessaa ** Gaazexaa Bariisaa Hojii qindoomina bulchiinsa godinichaa, qaamolee nageenyaafi ummataan hojjetameen Qellem Wallaggaa dachee nagaafi misoomaa ta’uu bulchaan godinichaa Obbo Gammachuu Gurmeessaa ibsan. Obbo Gammachuun tibba darbe Gaazeexaa Bariisaaf akka ibsanitti, godinni kun bara 2008 irraa eegalee rakkoo hamaafi ulfaataa keessummeessaa as ga’e. Bakka tokko tokkotti caasaan mootummaa diigameera. Ummatni nagaan lubbuu badeera, qaamaas hir’ateera. Kan jiraatti gubateefi qaamnisaa murame manni lakkaa’ee hin fixu. Hoggansi caasaa mootummaa 160 ol ta’u lubbuusaa dhabeera. Jiraattonni godinichaa hedduun lubbuusaanii oolfachuuf...... https://press.et/oromifa/2024/06/15/qellem-wallaggaa-qabatamaan-dachee-nagaafi-misoomaa-taee-jira-obbo-gammachuu-gurmeessaa/

“Misooma koriidarii guddummaa Itoophiyaa mul’isuuf qajeelummaadhaan eegalle” -Ministira Muummee Abiyyi Ahimad (PhD) *** Gaazexaa Bariisaa Hojii Misooma Koridarii Magaalaa Finfinnee guddummaa Itoophiyaa mul’isuuf qajeelummaadhaan akka eegalan Ministeerri Muummee Doktar Abiyyi Ahmad ibsan. Daawwannaa raawwii hojii Misooma Koriidarii Finfinnee naannawa Piyaassaa (Birbirsa Gooroo)tti Dilbata darbe wayita taasisan akka jedhanitti, hojiin koriidarichaa hojii Itoophiyaa hanga maqaashee geessu ijaaruuf qajeelummaadhaan eegalamedha. Akka isaan ibsanitti, ji’oota sadii keessatti naannawaa piyaassaa jijjiiruuf misoomni kuni karoorfamee hojiitti kan galamee yommuu ta’u, yaadamni misoomichaas waadaa ummataaf galame gochaan....... https://press.et/oromifa/2024/06/15/misooma-kooriidarii-guddummaa-itoophiyaa-mulisuuf-qajeelummaadhaan-eegalle-ministira-muummee-abiyyi-ahimad-phd/

Seenessa walirraafagaate gara giddugaleessaatti fiduu keessatti hirmaannaan namoota dhiibbaa uumanii murteessaadha ***** Gaazexaa Bariisaa Seenessa walirraafagaate gara giddugaleessaatti fiduu keessatti hirmaannaan namoota dhiibbaa uumanii murteessaa ta’uu himu qooda fudhattootni marii ajandaa walittiqabuu dhiyeenya kana Finfinneetti adeemsifamerratti hirmaatan. Marii ajandaa walittiqabuu Komishiniin Marii Biyyaalessaa dhiyeenya kana Finfinneetti adeemsiserratti kan hirmaatan Obbo Ibsaa Nagawoo akka jedhanitti, seenessa walirraafagaate gara giddugaleessaatti fiduu keessatti hirmaannaan namoota dhiibbaa uumanii shoora olaanaa qaba. Kanaaf namoonni dhiibbaa uumuu danda’an amanamummaan maricharratti hirmaachuun yaada furmaataa maddisiisuu....... https://press.et/oromifa/2024/06/15/seenessa-walirraafagaate-gara-giddugaleessaatti-fiduu-keessatti-hirmaannaan-namoota-dhiibbaa-uumanii-murteessaadha/