Башҡорт донъяһы

❄️Иң яҡшы теләк!

Был теләкте йыл да ҡабатлайбыҙ, уңайы сыҡҡан һайын иҫегеҙгә төшөрәбеҙ.

"Вечерняя Уфа" гәзитенең баш мөхәррире Вячеслав Голов һүҙҙәренә ҡолаҡ һалығыҙ. Видео: Башҡорт телен һаҡлау һәм үҫтереү ойошмаһы.

Иҫке йылға йомғаҡтар, яңыһына теләктәр - Марсель Мөхәмәтйәновтан 🔥

С Новым годом! Яңы йыл менән!

Йылҡы йылында Башҡортостан йылҡыһы 🔥 Видео: интернеттан.

🎄Салауаттар Яңы йыл менән ҡотлаған 🎄 Салауат Юлаев исемендәге Башҡорт батальоны яугирҙары етеп килгән Яңы йыл менән ҡотлаған. Уларҙың ихлас теләктәренә беҙ ҙә ҡушылабыҙ һәм имен-аман еңеү менән ҡайтыуҙарын көтәбеҙ. Аяҙ күк йөҙө 🕊️

📌Планетарийға барығыҙ!

Яңы йыл каникулдарында бөтә ғаилә менән файҙалы һәм күңелле ял итергә теләһәгеҙ, Өфө ҡалаһындағы планетарийҙың программаһына иғтибар итегеҙ.

Бында 1-5 ғинуар көндәрендә ойошторолған саралар теҙмәһе бирелгән. Әммә планетарий 11 ғинуарға тиклем мауыҡтырғыс программа әҙерләгән. ✅ Урындар һаны сикле: сайттан ufaplanetarium.ru/ һәм +7 987-10-24-888, +7 (347) 235 70 23 телефон һандарына шылтыратып алдан белешегеҙ. 📍 Адресы: Өфө ҡалаһы, Октябрь проспекты, 79/2

2025 йыл йомғаҡтарына байҡау Йыл тамамланыр алдынан төбәктәрҙә алып барылған сәйәсәткә анализ тәҡдим ителде. Топ-20 губернатор исемлегенә Башҡортостан Башлығы Радий Хәбиров инде – тотороҡландырыу номинацияһында. Ысынлап та, Башҡортостан өсөн йыл сәйәси йәһәттән тотороҡло үтте. Уғаса экология темаһын милли мәсьәләләргә бәйләп төбәктә болғаныштар ойоштороусылар бар ине (исемдәрен атап тороу урынһыҙ тип иҫәпләйбеҙ). Һатыулашыуҙың ошондай ысулын һайлап, нисәмә йылдар дауамында шул алым менән етәкселәрҙе шантажларға күнеккән бер төркөм «экоактивистар» менән иҫәпләшеү юлынан республикала тулыһынса баш тартылды. Мәғлүм, был хәл уларға оҡшаманы, 2019 йылдан алып башҡорт «экоактивистары» төбәктәге тотороҡлолоҡто ҡаҡшатыу өсөн туҡтауһыҙ эш алып барҙы. Уларҙың бары үҙ мәнфәғәтен хәстәрләүен Баймаҡ ваҡиғалары асыҡтан-асыҡ дәлилләне. Үҙҙәрен үҙҙәре «милли герой» кимәленә күтәргәндәр алдағына ҡапҡан бер ҡатлы һәм бер ғәйепһеҙ кешеләр ҡазаға осрағас ҡына күптәрҙең күҙҙәре асылды. Республика етәкселегенең үҙ принцибына тоғро ҡалыуы аныҡ һөҙөмтә бирҙе – ул тотороҡлоҡ.  2025 йыл тап шуныһы менән хәтерҙә ҡалды.Ниндәйҙер һорауҙар килеп тыуғанда конструктив фекер алышыу, аңлатыу һәм аңлашыу юлы булыуын киң йәмәғәтселек аңланы. Сөнки власть асыҡтан-асыҡ диалог юлын беренсе урынға ҡуйҙы. Социаль-иҡтисади тотороҡлолоҡто ла иғтибарҙан ситтә ҡалдырмайбыҙ. Был йыл бик күп мөһим проекттарҙы тамамлау осоро булды – көтөлгән социаль объекттар сафҡа инде, күпер, юлдар тапшырылды, халыҡ-ара кимәлдә яңы бәйләнештәр барлыҡҡа килде. Социаль-иҡтисади һәм сәйәси йомғаҡтар буйынса төҙөлгән федераль рейтингка ярашлы Башҡортостан Топ-5 төбәк исемлегенә индерелде. Бында үрҙә билдәләнгән сәйәси ҡаҙаныштар ҙа, инвестициялар йәлеп итеү йәһәтенән алып барылған эштәр ҙә, төбәк иҡтисадын нығытыу буйынса үҙләштерелгән яңы йүнәлештәр ҙә күҙ уңында тотолған. Тағы ла республика етәкселеге эшмәкәрлеге федераль үҙәк тарафынан әүҙем хуплана, айырыуса 2025 йылда төбәккә ҙур иғтибар бүленде. Башҡортостан мәҙәни һәм гуманитар йүнәлештәр буйынса Рәсәйҙе халыҡ-ара кимәлдә танытыусы республика тип танылды. Шулай тигәндә әлеге геополитик шарттарҙа беҙҙең республиканың ЮНЕСКО менән һөҙөмтәле хеҙмәттәшлеге юғары баһаланыуын билдәләйбеҙ.Беларусь, Ҡаҙағстан, Үзбәкстандан тыш Тажикстан менән бәйләнештәр нығына. Улай ғына түгел, Башҡортостан Рәсәй яғынан төп партнер булараҡ сығыш яһай. Шулай итеп, эске һәм тышҡы сәйәсәт күрһәткестәре буйынса Башҡортостан 2025 йылды уңыштар менән тамамлай, һәр йәһәттән әүҙем эшмәкәрлектең 2026 йылда ла ошондай уҡ темпта дауам итеүен теләйбеҙ.

Һаумы, яңы йылым! Йылҡы йылым! Елберләтеп ҡойроҡ-ялдарын Ергә елеп килә еңеү йылым, Еңеү ҡышым, еңеү яҙҙарым! Йылҡы кеүек тырыш, күндәм булһаң, Тормош һынауҙары еңелер, Ялҡаулыҡ һәм ҡурҡаҡлыҡты еңһәң, Үрҙәр үрләү ауыр түгелдер. Йылҡы йылым, үрҙәр үрләр өсөн Үҙеңдеке кеүек һаулыҡ бир, Ләүкелдәгән сәүек кеүектәрҙе Тибеп осорорлоҡ көс тә бир! Һаумы, яңы йылым! Балҡышлы бул, Алҡышлы бул, көс-дәрт артырлыҡ, Һаулыҡ, байлыҡ, бәхет-шатлыҡтар бир, Оҙатҡанда рәхмәт әйтерлек! Фирүзә АБДУЛЛИНА.

🎄Етеп килгән Яңы йыл менән, төркөмдәштәр! Иң изге теләктәребеҙҙе юллайбыҙ💝

Дәртлекәйҙәр🔥🔥🔥 Видео: Нургизә.

🔥ЯНҒЫНҒА ҠАРШЫ МАХСУС РЕЖИМ ИНДЕРЕЛӘ 2025 йылдың 31 декабренән 2026 йылдың 11 ғинуарына тиклем Башҡортостанда янғынға ҡаршы махсус режим индерелә.

💯 Фейерферктарҙы һәм башҡа пиротехниканы бының өсөн махсус тәғәйенләнгән урындарҙа ғына арттырырға мөмкин.

Хәүефһеҙлекте тәьмин иткән ведомстволар көнө-төнө эшләйәсәк. Республика етәксеһе Радий Хәбиров уларға эш өҫтәмәҫкә, ҡағиҙәләрҙе боҙмаҫҡа, Яңы йылды имен-аман үткәрергә өндәне. 📍 Һүрәттә: Өфө ҡалаһында пиротехника өсөн тәғәйенләнгән урындар исемлеге.

Ысынын ҡуяһығыҙмы, әллә яһалмаһынмы?

Шыршыны әйтәбеҙ. Ниндәйенә өҫтөнлөк бирәһегеҙ? Өфөләге Яңы йыл баҙарынан күренештәр🔥 Видео: Тимур Шәрипҡолов.

Ә һеҙ? Шыршы ҡуйҙығыҙмы һәм йортоғоҙҙо, ҡапҡа алдын биҙәнегеҙме? Фотолар менән бүлешегеҙ 🥰

Быйылғы йылдың һуңғы эш көнө уңышлы үтһен!

Видео: Гөлнара Вәхитова.

🔥Беренсе тапҡыр телевидениела - йылдың төп проекты - AY YOLA төркөмө концерты! 📍Күрмәй ҡалмағыҙ, 31 декабрь сәғәт 21:30-ҙа БСТ каналында.

❓Башҡорт сәнғәте тарихында тәүге музыкаль клипты кем төшөргән? Был хаҡта БСТ каналының "Башҡорттар" тапшырыуында сыҡҡан "Йылъяҙма" сығарылышын ҡарағыҙ.

👋 Бесәй табаны - башҡорт биҙәге

Башҡорт милли кейемдәрендә хисаплап сигелгән биҙәктәр ҙә бар.

Айырыуса был Ҡурған башҡорттарында киң таралған. ХХ быуатта әҙер туҡымалар күбәйеп, кейемде нағышлау осраҡтары һирәгәйгән саҡта ла Ҡурған өлкәһендә хисаплап сигеү үҫешкән. 💯Сигеү ысулдарының да, орнаменттарҙың да үҙ атамалары булған. 👋"Бесәй табаны" - фотола күрһәтелгән орнамент тап шулай атала. Яҡтары сығыңҡырап торған ҡыя шаҡмаҡ был. 👋"Бесәй табаны"н ашъяулыҡ, күлдәк, ҡушаҡтарға сиккәндәр. 👋2-3-сө фотоларҙа алъяпкыс һәм ҡушъяулыҡ сите күрһәтелгән. Унда ла был нағышты күҙәтәбеҙ. Әйберҙәр Ҡурған өлкәһе, Сафакүл районы ауылдарында йәшәгән башҡорттарҙыҡы. Ҡыҙыҡ булһа, ❤️ ҡуй.

Ат егеп, Ҡыш бабай килгән! 🎅 Мәләүез районда Ҡыш бабай менән Ҡарһылыу ат егеп, ауылдар буйлап балаларҙы етеп килгән Яңы йыл менән ҡотлап, тәмлекәстәр таратып йөрөгән. Исламғол, Яҡтыкүл, Яңауыл ауылдары урамдары буйлап үткән ти улар. Ҡайһы бер балалар алдан уҡ ҡапҡа төбөнә сығып көтөп торған, нимәгә маһир булыуҙарын күрһәткәндәр, Ҡыш бабайҙың санаһына менеп ултырыусылар ҙа булған.

Балаларҙы шатландырғандарҙың үҙҙәрен дә һөйөндөрһөн, Яңы йыл бәхет-шатлыҡ менән килһен!

❓ Нимә эшләргә? ✅Театрға барырға, әлбиттә! Ата-әсәгә 12 көн ял, балаларҙың ҡышҡы каникулы булғанда ғаилә менән театрға барыу өсөн иң уңай осор. Республиканың төп театрҙарының афишаһын ҡарағыҙ😉

Бер көндән!

Был аҙна мөғжизәләргә, яҡшылыҡҡа ышанысҡа, ҡыуаныс-шатлыҡтарға тулы булһын! ✨ Фото: Елена Перминова.

📌Белоретта Көрәш йорто төҙөләсәк. Был хаҡта Башҡортостан Республикаһы Башлығы Радий Хәбиров хәбәр иткән. Кисә спорт комплексы урынлашасаҡ урынды барып күргәндәр.

Был мәсьәлә Хөкүмәттең күсмә ултырышы сиктәрендә ҡаралған.

Шулай уҡ Белорет ҡалаһында коммуналь инфраструктура иҫкергән - ул нигеҙ тораҡ пункттарҙы үҫтереү буйынса федераль программа сиктәрендә хәл ителәсәк. Белорет ҡалаһы һәм Инйәрҙә бөтәһе 36 сара ҡаралған, шул иҫәптән торлаҡ-коммуналь хужалыҡ буйынса - 15.

"Райондың тағы бер ауыртҡан урыны - юлдар. Халыҡты, атап әйткәндә, Аҙнағол ауылы эргәһендә Ағиҙел аша күпер яҙмышы борсой, бында беҙ аҡса бүлеү мәсьәләһен хәл итәбеҙ. Ауыл юл-транспорт ваҡиғалары булып торған Өфө - Инйәр - Белорет трассаһы айырым контролдә. Беҙҙең бурыс - уңайлы һәм хәүефһеҙ юл йөрөүҙе тәьмин итеү. Башҡа һорауҙар ҙа күп, яйлап уларҙы ла хәл итербеҙ",

- тип яҙған был турала республика етәксеһе. Белорет районының яңыртылған юл картаһы 15,7 миллиард һумлыҡ 102 сараны үҙ эсенә алған.

Мөғжизәләр мәле етә...

Видео: Наил Юлгилдин.