Devendra Fadnavis

CMO Maharashtra Tweets: ह्युंदाईच्या तळेगाव प्रकल्पातून 18 हजार रोजगारांच्या संधी! मुख्यमंत्री देवेंद्र फडणवीस यांनी आज तळेगाव, पुणे येथे भारतातील ह्युंदाई मोटर्सच्या 30 वर्षांच्या पूर्ततेनिमित्त तयार करण्यात आलेल्या लोगोचे आणि ह्युंदाई मोटर इंडियाच्या पुणे मॅन्युफॅक्चरिंग प्लांटच्या उदघाटन फलकाचे अनावरण केले. मुख्यमंत्री फडणवीस म्हणाले, ह्युंदाईसारख्या जागतिक दर्जाच्या ऑटोमोबाईल कंपनीने पुणे जिल्ह्यातील तळेगाव येथे अत्याधुनिक वाहननिर्मिती प्रकल्प सुरू केल्यामुळे महाराष्ट्राच्या औद्योगिक विकासाला नवी गती मिळणार आहे. या प्रकल्पातील गुंतवणूक ₹7000 कोटींवरून ₹11,000 कोटींपर्यंत वाढविण्याचा निर्णय आणि वार्षिक वाहननिर्मिती क्षमता 1,70,000 वरून 3,20,000 वाहनांपर्यंत नेण्याचे नियोजन हे महाराष्ट्रातील उद्योगपूरक वातावरणाचे उत्तम उदाहरण आहे. ह्युंदाईच्या भारतातील यशस्वी 30 वर्षांच्या प्रवासाबद्दल कंपनीचे अभिनंदन करत मुख्यमंत्री फडणवीस म्हणाले, प्रकल्प हस्तांतरण आणि कामगारांशी संबंधित प्रश्न सोडविण्यासाठी राज्य सरकार व प्रशासनाने कंपनीला आवश्यक ते सहकार्य केले. राज्यातील उद्योगपूरक परिसंस्था, सक्षम प्रशासन आणि गुंतवणूकदारांना मिळणारे सहकार्य यामुळे महाराष्ट्रात मोठ्या प्रमाणावर गुंतवणूक आकर्षित होत आहे. स्थानिक उद्योगांना मोठ्या संधी ह्युंदाईच्या प्रकल्पामुळे वाहननिर्मितीशी संबंधित लघु व मध्यम उद्योगांना (एसएमई) मोठ्या संधी उपलब्ध होत आहेत. प्रकल्पाच्या 50 किलोमीटरच्या परिसरातून सुमारे 50% सुट्या भागांचे सोर्सिंग होत असून, देशांतर्गत सोर्सिंगचे प्रमाण 80% वरून 90% पर्यंत नेण्याचे कंपनीचे उद्दिष्ट आहे. भविष्यात वाहनांचे सुटे भाग आणि वाहननिर्मितीचे काम मोठ्या प्रमाणावर भारतात, विशेषतः महाराष्ट्रात व्हावे, अशी अपेक्षा मुख्यमंत्री फडणवीस यांनी व्यक्त केली. या प्रकल्पाच्या संपूर्ण पुरवठा साखळीमुळे विक्रेता उद्योगांच्या माध्यमातून सुमारे 18,000 रोजगारांच्या संधी निर्माण झाल्याचेही मुख्यमंत्री फडणवीस यांनी नमूद केले. ऑटोमोबाईल क्षेत्रात महाराष्ट्राचे भरीव योगदान भारताच्या वाहननिर्मिती क्षेत्रात महाराष्ट्राचा वाटा 23%, तर वाहन निर्यातीत राज्याचा वाटा 27% आहे. राज्यात विकसित होत असलेली औद्योगिक परिसंस्था देशांतर्गत तसेच जागतिक गुंतवणूकदारांना आकर्षित करत आहे. तंत्रज्ञान, ऑटोमेशन आणि इंडस्ट्री 4.0 यांचा वापर केल्यामुळे वाहननिर्मिती प्रक्रिया अधिक गुणवत्तापूर्ण आणि कार्यक्षम होत आहे. ह्युंदाईच्या तळेगाव प्रकल्पात सुमारे 250 रोबोंच्या साहाय्याने अत्याधुनिक उत्पादन प्रक्रिया राबविण्यात येत आहे. इलेक्ट्रिक वाहने, हायब्रीड तंत्रज्ञान आणि सॉफ्टवेअरवर आधारित वाहननिर्मिती ही ऑटोमोबाईल उद्योगाची भविष्यातील दिशा आहे. आधुनिक तंत्रज्ञानाचा स्वीकार करताना भारतासारख्या देशात रोजगार निर्मितीस प्राधान्य दिले पाहिजे, असे प्रतिपादन मुख्यमंत्री फडणवीस यांनी केले. कोरियन उद्योगांना महाराष्ट्रात गुंतवणुकीचे आवाहन दक्षिण कोरिया हा भारताचा विश्वासू भागीदार असून, तंत्रज्ञान आणि पायाभूत सुविधा क्षेत्रांत कोरियन कंपन्यांनी दिलेल्या योगदानाची महाराष्ट्राला जाणीव आहे. कोरियाचे राजदूत आणि उद्योजकांना महाराष्ट्रात अधिकाधिक गुंतवणूक करण्याचे आवाहन करताना, राज्य सरकारकडून त्यांना आवश्यक ते सर्व सहकार्य केले जाईल, असे मुख्यमंत्री फडणवीस यांनी सांगितले. 'इन्व्हेस्ट महाराष्ट्र' या व्यासपीठाच्या माध्यमातून गुंतवणूकदारांना आवश्यक सुविधा एकाच ठिकाणी उपलब्ध करून देण्यात येणार आहेत. गुंतवणूकदारांसाठी सिंगल विंडो प्रणाली अधिक सक्षम करण्यात येत असल्याचेही मुख्यमंत्री फडणवीस यांनी नमूद केले. पुण्यात डिझाइन करा, पुण्यात तयार करा आणि संपूर्ण जगाला पुरवठा करा ह्युंदाईच्या भारतातील पुढील 30 वर्षांच्या प्रवासात तळेगाव येथील प्रकल्प महत्त्वाची भूमिका बजावेल. कंपनीने भविष्यात आपली उत्पादन क्षमता आणखी वाढवावी. 'पुण्यात डिझाइन करा, पुण्यात तयार करा आणि संपूर्ण जगाला पुरवठा करा', हे ह्युंदाईचे पुण्यातील धोरण असायला हवे. या प्रवासात महाराष्ट्र सरकार कंपनीच्या पाठीशी खंबीरपणे उभे राहील, असे प्रतिपादन मुख्यमंत्री फडणवीस यांनी केले. यावेळी ह्युंदाई मोटर ग्रुपचे कार्यकारी अध्यक्ष यूइसुन चुंग, उपमुख्यमंत्री सुनेत्रा अजित पवार, मंत्री उदय सामंत, खासदार श्रीरंग आप्पा बारणे, आमदार सुनिल शेळके, भारतातील कोरिया प्रजासत्ताकाचे राजदूत ली सॉन्ग-हो व इतर मान्यवर उपस्थित होते. #Maharashtra #DevendraFadnavis #Hyundai

CM Shri Devendra Fadnavis Tweets: Hyundai to invest ₹11,000 crore and manufacture 3,20,000 cars at its Talegaon facility. ह्युंदाईच्या तळेगाव येथील प्रकल्पात ₹11,000 कोटींची गुंतवणूक करणार असून, या प्रकल्पातून 3,20,000 वाहनांचे उत्पादन होणार आहे. ( Hyundai Motor India’s Pune Manufacturing Plant । Pune । 14-10-2026) #Maharashtra #Pune

CM Shri Devendra Fadnavis Tweets: Maharashtra welcomes Hyundai’s state-of-the-art automobile manufacturing plant in Talegaon, Pune, strengthening the state’s automotive sector. महाराष्ट्राच्या वाहन उद्योग क्षेत्राला अधिक बळ देणाऱ्या ह्युंदाईच्या तळेगाव, पुणे येथील अत्याधुनिक वाहननिर्मिती प्रकल्पाचे महाराष्ट्रात स्वागत! ( Hyundai Motor India’s Pune Manufacturing Plant । Pune । 14-10-2026) #Maharashtra #Pune

मुख्यमंत्री श्री देवेंद्र फडणवीस: चाऱ्याची लागवड केल्यास राज्य सरकार सर्व चारा हमीभावाने खरेदी करणार. चारे (पशु आहार) की खेती करने पर राज्य सरकार पूरा चारा सुनिश्चित मूल्य पर खरीदेगी। (मुंबई | 14-10-2026) #Maharashtra

मुख्यमंत्री श्री देवेंद्र फडणवीस: जिल्हा बँकांना व सोसायट्यांना शेतकऱ्यांकडे कर्जवसुलीसाठी तगादा न लावण्याचे कडक निर्देश… जिला बैंकों और सोसाइटियों को किसानों से कर्ज वसूली के लिए दबाव न बनाने के सख्त निर्देश... (मुंबई | 14-10-2026) #Maharashtra #FarmerWelfare