ادبیات سئونلر

هرنه اکریک اونو دریریک...

روزبه صمدی" نیراوغلو" واردی بیر کس آلا یازدیخلاریمی بیر لاواشا؟ عؤمرومو شعر و غزل چالدی داشا چیخدی باشا لوح تقدیر ایله تندیسلری ارزان ائله دیم چوخ اوجوز هر بیری دؤرد بئش قوروشا، بیر لاواشا شاعیرین پارتی اگر اولماسا وئل معطل دی سیندیغی یئردن اینان قویمیاجاخلار قوراشا شعر و صنعتده چکیر سون نفسین هاممی بیلیر قورخورام اؤلدو دئسم چوخلاری منلن ساواشا ایندی شعر اهلی فقط بیر بیرینه شعر اوخویور دیل داماخ یوخدو جماعت هنره چوخ یاناشا هر زامان ارشادیدا دیندیریسن بودجه‌سی یوخ بو جهتدن یئری واردیر کی کتاب خیردالاشا بسدی سانسورچی داداش سؤزلریمی قئیچی لمه یاراماز شاعیره بیر کس بئله ناحق دولاشا بابا والله هنری سالدی سیاست گؤزدن پیسلرین قایداسی دیر یاخشینی گؤرسه ساتاشا هنرین ذاتی بولاخلار کیمی چوخ دوپ دورودو بو رسالتدی قلم ظلم ایله دایم دالاشا شاعیرین شعری گرک ظلمتی گون میثلی یارا نه کی شاعیر پارا پول گؤرجگی موم تک سولاشا یوخسا گول بولبولی تعریف ائلینلر نه کی چوخ سؤز گرک گون کیمی پارداخلانا، گؤزلر قاماشا بسدی دای چوخلو اوزون بوللا گئدیرسن شاعیر قورخورام گئت گئده دای قافیه لر ساختالاشا ایستسه شاعیر اگر یازدیغی دیللرده گزه هم گرک ساده یازا، همده گرک اوستالاشا آروادا قوربان اولوم گونده بو جور تکلیف ائدیر یا منیم دؤرمه خط چک، یادا گئت شعری بوشا وئردی تک بیر خالا حافظ نئچه شهرین کلیدین منده وئررم نیری اؤز دلبریمه گر یاراشا ۲۲مهز۱۴۰۳ https://t.me/Adabiyyatsevanlar

علی رشتبر قاییب سسیمیز جینقیریمیز چیخمایاجاقدیر دؤیه لر ده، گؤز اؤنونده آتامیز قبرینی  تئز تئز سؤیه لر ده، داها کؤینک غمی یوخدور بیزیم اربابین الهی سؤزوموز یوخ دریمیزدن نئچه کؤینک گئیه‌ لر ده. او قدر کی‌ باشیمیز دانلاق ایچینده کئیه‌لیبدیر، بیزی توتماز نه ده قارقیش ائده لر یا اؤیه لرده. او قدر خدمت ائدیبلر کی قارین یاللی قوشوبدور نئچه جور قاخ  یئدیریبلر قاداسی یومییه‌لرده. نه نوخود واردی چوبان تیلتا پیشیرسین شامی اؤترو نه ده آرپا کی یئیه بوز قویونو یاش په‌یه‌لرده چکیبلب جان شیره‌میز،هئی سوزولوب شرم اوزوموزدن، نه گزیرسن داها یوخدور شیره بو بامیه‌لرده. او‌ غرور سرویمیز اولموش قارا مفتول کیمی اینجه، نه قیریللیق نه ده‌سیننیق ایکی اوچ قات ایه‌لر ده. ائله اؤیرندیک عزیزیم بیزه «یوخ»کلمه‌سی یاددیر، چکه‌ریک بوینوموزا فیل‌‌ یوکونو یوکله‌یه‌لر ده. دئسه مدّاح ،حسین جانی قاییب احوالیمیزدان، مسجیدین دام دیواریندان قان آخار مرثیه‌لرده. https://t.me/Adabiyyatsevanlar

زرین رزندی(طناز) پاییز گونوتک تئز باتانام،آزجا دا قال گئت سوُز وئر گئدلی،قوللارینی بوینوما سال گئت گلدین گله لی،دای هولا قوشدون نکیواره یابیر کره اوُخشا بوُیوما،یا دیلی لال گئت لعنت کوُنه زه،هئی باریشیب ،هئی ده کوسورسن گئتمک سه آماج،باشقا سایاق دوت گیلن حال گئت سئوگیله شیرین گونلریمی زهره چئویردین گل قوی مزارا،حالوامی یئ،آغزیدا بال گئت اهدا ائدیرم اعضالاری کیمسه یه لازیم هدیه م سنه قلبیم،گل آغا سهمینی آل گئت ایسترسن اوره ک آرخایین اولسون ایزال اولدوم سال اوُز الیویله لَشیمه بیرقارا شال گئت دای قبره نه لازیم چالاسان داش-تاتاتاخ تاخ وار آدرسیم الده،قاپیما چاخ چاخا چال گئت. https://t.me/Adabiyyatsevanlar

یالقیز غزل مني بو حاليده دينديرمه پريشاندير چوخ افكاريم يامان آشفته دير فكريم پوزولموش سانكي پرگاريم ياتير قلبيم چيخير جانيم كشاكشدير وجودومدا دولوب غمله وجوديم يوخدور اما بيرجه غمخواريم سيخينتي آز قالير بوغسون اوره ك چيرپينمادان دوشمور بو جان مولكونده وور – هاي دير، كي الدن گئتدي دلداريم يوروش ائتدي سپاه غم آليبدير دؤوره مي محنت امان وئر مير تاپام فرصت توكندي صبريم اينجاريم يئنه بوندان بئله جانا اوميديم وار يئتم وصله نه قدري جاندا جانيم وار سنيله واردير ايلقاريم بو دوزدور بؤرجلويام يارب سنه بو جاني مهلت وئر منيم ده واردير انصاف سيز مروت سيز بدهكاريم منه گونده اؤلوم ايستير بوگون ناكس بدهكارلار فقط ساغليق – سلامتليك منه ايستر طلبكاريم https://t.me/Adabiyyatsevanlar

صیاد_زیادپور سحر-سحر دؤی قاپیمی آچیم یوخولو-یوخولو عزیزله‌ییب اربابیمی قوجوم یوخولو-یوخولو قولاغیما اینجه سسین آخیب آدیمی سسله‌سین گلمیشم باریشاق دئسین اوچوم یوخولو-یوخولو ائنی بوْیو قدر یوْل دؤی ائویمین هر کۆنجۆنه دَی قاباغینجا هئی سۆزۆم هئی_ قاچیم یوخولو-یوخولو بارینیب نوروندان اوْردا اؤز روْلومو تاپیم نوردا اؤزۆندن اؤزۆنه، نور دا- ساچیم یوخولو-یوخولو آی یؤنۆ اوراغا دوْغروم هر گئجه قان اوْلور باغریم دؤنمه‌سن اۆزه‌جک آغریم- آجیم یوخولو-یوخولو https://t.me/Adabiyyatsevanlar

فاطمه_عبدی_کؤنول تبریز قوینوندا نننی قور، یاتیم دینجه لیم سن منه لایلا چال من سنه تبریز اوخشا تئللریمی بیر آنا کیمین سن منه لایلا چال، من سنه تبریز کؤنلومده سئوگینی دوزوم، دوزومه گؤیندن اولدوزلار یاغسین اوزومه سئوگین یوخو کیمی دولسون گؤزومه سن منه لایلا چال، من سنه تبریز گولومسه ، اوزوندن چکیلسین دومان بورون آی شالینا ،  ایشیغا بویان بورون آی شالینا ،  ایشیغا بویان سن منه لایلا چال، من سنه تبریز آنا تک (کؤنوله) ناغیللار اوخو اوشورسم، سئوگیندن بورونجک توخو بیر سن اول، بیرده من، بیر شیرین یوخو سن منه لایلا چال، من سنه تبریز https://t.me/Adabiyyatsevanlar

وحید سولطان اوغلو سؤدان کؤسن بالیق کیمین .. کؤسوم گئدیم؟ باشارمیرام.. آیازدا یئل اسن کیمین ؟ اسیم گئدیم ؟ باشارمیرام.. یانیم دئسم؛ کؤزوم قالار.. گئدیم دئسم؛ ایزیم قالار.. بو دونیادا گؤزوم قالار... کسیم گئدیم ؟ باشارمیرام .. داغ اؤسته گؤرجه یین چنی .. پاییز یؤلور بنوشه نی .. دؤروم ییغیشدریم “منی” آسیم گئدیم ؟ باشارمیرام ... https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی مازاراق https://t.me/Adabiyyatsevanlar

اوشاق ادبیاتی گولون اوشاقلاری https://t.me/Adabiyyatsevanlar

اوشاق ادبیاتی کیتاب تانیتیمی https://t.me/Adabiyyatsevanlar

اوشاق ادبیاتی او اولماسین، بو اولسون ائلمیر داوودی/  ارسان فتحی گنجه‌لی پیانو: گولناره اسداووا آکادمی موسیقی دکتر علی داوودی https://t.me/Adabiyyatsevanlar

آغ پيشيك قورولداندي، آياغا قالخيب باغيردي: ـ ميياوو!.. من آغزيمدان چيخان سؤزو ياخشي بيليرم. سن كؤنز بير پيشيك‌سن. من کلله‌پز حسن‌ين ائوينه گئتمه‌لييم. اورادا کلله‌پاچا اييسي بورنوما دَييب. ايندي ايشيمين نه قدر واجب اولدوغونو آنلادين؟ قارا پيشيك قوْرولداندي: ـ ميياوو!... سن، منيم خالقين ديوارلاريندا دولانديغيمي وئللنمك سانيرسان؟ من ده او بيري طرفدن قووورما ايييسيني آلديم، يامان دا آجام. يئنه ده يولومون اوستونو كسكن، ائله وورارام کي يئره دوشرسن، بئينين داغيلار! آغ پيشيك اؤزونو ساخلايا بيلمه‌ييب باغيردي: ـ ميياوو!.. آنلامازين  بيري، چکيل قيراغا!.. پيف‌ف!... آلا با!.. بيردن‌ـ‌ بيره قارا پيشيگين باش توكلريني چيرماقلادي. توكلر هاوادا داغيلدي. ايکيسي ده‌ «پيف‌ف، پيف‌ف» دئمگه باشلاييب، ياخالاشاركن بيرـ‌ بيرينه يامان‌ـ‌ يووز ياغديريرديلار. پيشيكلر داواـ دالاش ائدرکن ديوار ديبيندن بيري اوستلرينه سوغوق سو سپدي. ايکيسي ده ال‌ـ آياقلاريني ايتيرديلر. هيزلي قاييديب قاچديلار. هر بيري آرخاسينا باخمادان، گلديگي يولدان قاييديب قاچدی. قايناق: بهرنگ ناغيل‌لاري، چئورين احد فرهمندي، انتشارات قالان يورد، چاپ اول 1398 https://t.me/Adabiyyatsevanlar