ru
Feedback

Не попадитесь на канал ботавода! Telemetrio находит и помечает такие каналы 👉 Хотите видеть метку — оформите подписку

ادبیات سئونلر

ادبیات سئونلر

Открыть в Telegram

بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.

Больше
3 139
Подписчики
Нет данных24 часа
-47 дней
+1730 дней
Архив постов
photo content
14 февр. 2025, 05:17

بعضی موضولاردان کئچمک اولمور،بعضن موضونون دانیشیق دیلیندن،بعضن محتواسیندان ،بعضن موضونون گوزلیگیندن،بعضن سنده اینسانی دویغولاری اویاتدیغیندان ... بعضن اسکی بیر سوز شیرین دیل ،تزه دون گئیردیمک دن ...بو کلیپ اولارداندی.
14 февр. 2025, 04:17

کیان خیاو قیش دوغوملولارینی سئویرم. قیش منیم اوچون اؤزل بیر فصیلدیر و اؤزللیکلرین ائستئتییینه وارماق گئرچکدن دادوئریجی. ایلباشی قیش باشلانان گوندن اوره‌ییم جیویل- جیویل آتیر. گئنللیکله قیش باشقا فصیللردن سسسیز و تر- تمیز اولور. من سئوسم سسسیز سئوه‌رم. هایقیرماز، گیزلی سئوه‌رم. تر- تمیز سئوه‌رم. بو اوزدن هر زامان بیر قیش فصلی وار ایچیمده. بو فصیل بیر ایچ دونیا‌دیر منیم اوچون. اورقانیک یوخسا آنورقانیک بیر دونیا؛ فرق ائتمز. نه اینانج، نه گله‌نک، نه ده باشقا دوزن- موزن منی بو ایچ دونیامدان آییرابیلمز. بو دونیایا چوخ خیاللار سیغدیرمیشام. چوخ سئوگی یازیلاریمی بو فصیلده یازمیشام. پامبیق آغ یازیلار بوتونلوکله بو سئوگیلر اوزوندندیر. بیر اؤیره‌نسک اوخوماغی آرتیق! بیر دینله‌سک سئوگینین سسسیزلییینی! سؤزسوز قیش فصلیندن چوخ ایستکلریم اولوب، آنجاق بوتون ایسته‌مکلر، الده ائتمک دئییلدیر. آماجلار وار. اینسان اوچون اینسانجا سئومک وار. یاشاماق وار. اورییمده گئت- گئده بؤیویوب یئر ائدیر خیاللار. تر- تمیز ساعاتلار، گونلر، گئجه‌لر. و قیش اوزاندیقجا اوزاناییر. باشقا فصیللرده بئله من قیشدان ال چکمیرم، قیش دا مندن. من بو دونیانین یاخشی بیر یوردداشییام. آنجاق زامان دایانمیر کی، سورونور یاشام. عؤمور بیر دقیقه یولدور، بیر باخارسان سونونداسان. و یاشام بیر یولچولوقدورسا، من بو یوللارین سونوندا یئتیشمک ایسته‌دیییم یالنیز اؤزومم، بیر ده اولارسا قیش دوغوملوسو اولان ان ایچدن سئودیکلریم. چوخ سئویرم قیش دوغوملولارینی. قیشدا چیچک آچیر منیم بوداقلاریم. بوداقلاریمین ساچلاری، گؤزلری، دوداقلاری. و گؤیوسلری آغ- آپباق آغارچین گؤی بولودلاری؛ گؤم- گؤی گؤیرچین یئر بنؤوشه‌لری. اونلار منیم اوچون کسیندیرلر. بیلینمه‌ین، شکیلسیز سئوگیلیلر. من بیلینمه‌ین، شکیلسیز بیر ایستکله اونلارین عاشیقییم. ایلباشی اونلارین دوغوم گونلرینده، ایم- ایستی آدلارینی سویوق- سویوق قار یئییرم اووجومدا. اونلار قیش آیلاری آغلیغیندا‌دیرلار. آدلاری سانکی قارین آغ کاغیذیندا، سئوگی، گؤزللیک، تمیزلیک و یاخشیلیق الیفباسیدیر. من منیم اوچون یاشامی یاشانیلیر قیلان بو سئوگیلی آدلاری ایددیعا‌لیجا های- کویله باغیرمیرام، قوش کیمی جیویلداییرام. جیویل- جیویل اؤتورم بو آدلاری، و بیلیرم؛ هئچ بیر بوداغین یئر وئردییی قوش و هئچ بیر قوشون اؤتدویو بوداق اؤزونونکو دئییل. نه‌یسه!... قیش دوغوملوسو ان ایچدن سئودیکلریمه، دوغوم گونونوز قوتلو اولسون دئییرم. موتلو اولون ایللرجه. آنجاق لوطفن موتلو اولون؛ موتسوزلاری قبول ائتمیر بو دونیا!... سونسوز سئوگیلریمله!... https://t.me/Adabiyyatsevanlar
14 февр. 2025, 00:34

photo content
14 февр. 2025, 00:32

غسان كنفانی کاش کودکان نمی‌مردند ای کاش موقتاً به آسمان‌ها برده می‌شدند تا جنگ تمام شود، سپس با خیال راحت به خانه‌شان برمی‌گشتند، و وقتی والدین با حیرت از آنها بپرسند کجا بودید؟ با خوشحالی بگویند: «داشتیم با ستاره‌ها بازی می‌کردیم!» https://t.me/Adabiyyatsevanlar
14 февр. 2025, 00:21
14 февр. 2025, ~00:21

photo content
14 февр. 2025, 00:20

photo content
14 февр. 2025, 00:02

photo content
13 февр. 2025, 23:44

میرزا علیخان لعلی حکیم ابرو کج و نگاه کج و زلف یار کج دوران کج و زمانه کج و روزگار کج رامم نشد به هیچ فسون پیچ زلف یار پیچیده ام به خود من از این شاهمار کج زنجیر گردن دل دیوانه را دهد هر دم به دست کج کلهی روزگار کج دلها به چین طره پر پیچ و تاب تو رفتند و گم شدند در این رهگذار کج با راستان کجی، همه خود راست گویمت ای چرخ کجمدار امان زین مدار کج لعلی نمی رسد به تو زین ره که می رود راهی ست همچو زلف تو باریک و تار کج https://t.me/Adabiyyatsevanlar
13 февр. 2025, 23:43

مجید تیموری فر (م.صفا) گوللر سولوب... کؤنلومون گؤزونده سن، دورمادین سؤزونده سن. گئدیب سن سه، قارمونومون؛ سیزلایان سؤزونده سن...         اوره ک دولوب، گوللر سولوب، گؤز یاشلاریم عوممان اولوب.         البت دئدین گئتمک ایله، اؤلکه نی ترک ائتمک ایله، سئوگیلینی درده سالیب، اوزگه یه سوز وئرمک ایله، عاشیقینین آهی توتماز؟ تانری سانماز؟! رقیب ائوی اوددا یانماز؟                                             ☆☆☆    آمان کؤنول چاشما، اویان. کیمدور گئده نلری سایان؟! "صفا" اؤیره ن او کسلردن، وفاسین ائیله ییر عیان...     تبریز-1380  https://t.me/Adabiyyatsevanlar
13 февр. 2025, 23:42

photo content
13 февр. 2025, 15:58

اوشاق ادبیاتی کارتون تپه گوزون ناغیلی https://t.me/Adabiyyatsevanlar
12 февр. 2025, 22:37

اوشاق ادبیاتی هاشیم ترلان یئنه کوًرپه بالا دوغدو، آنا وطن آذربایجان داشلاری لعل داغلاری سیخ تورپاغی شن آذربایجان. وجده گلديم گليشينله، قوی اوجالسین باشین سنين, قیزیل‎باشلار سایاغیندا هاوالانسین مارشین سنين. سن بوی آتـیب اوجالسان دا گوًبه‎یينده بو دوٍنیانین یاساق اولوب قووما دوًندوٍن کله‎یينده بو دوٍنیانین. گل! بو یوردون شفق ساچان، داغلار چاپان، فرهادی اول! سوسوز قالان داغ- داشیمین سئللنديرن گوٍرشادی اول! آرزوم بودور شعله ساچیب شاهه قالخسین شوخ قامتين دامغالاسین دار گوًزلري، قدرتين‎له سوًز حيکمتين. آمان‎سیز اول! دوًیوٍشلرده، یوٍروٍشوٍنه وئرمه آرا, من‎ليیينه بوًهتان دئیَن، گوًزدن سوٍرمه قاپانلارا. اوجال، بوی آت، قدملرين، قانادلارین قوی برکيسين، سن اوچدوقجا خار اویناسین گوًزلرينده هر ناکسين. قیغیلجیملار قان یئرينه، داماریندا آخسین گره‎ک، اينامینی زيروه‎لرين یاخاسینا تاخسین گره‎ک. سن بابکين حاققام دئیَن آند ايچديیي ايلغاری‎سان, عنوان سئچيب، مطلب یازان اوًنجوٍل‌‌‎لرين سرداری‎سان. ايلهامینی ائلدن آلان، مصلحتی قلميندن، ديليمدن یاز! یارا سالار قوی تيتره‎سين تمليندن. بئل باغلاما اوًز قینیندان آیریلمایان قیلینجا سن، آییردینسا، هنرله باخ دان یئرينه دویونجاسن. سن یوردومون گوًیلرينده نغمه‎لشن سحری‎سن، ديليميزين اوجاغینی گوٍر یاندیران «آذری»سن. https://t.me/Adabiyyatsevanlar
12 февр. 2025, 22:29

اوشاق ادبیاتی آلما آغاجی‌نین احوالی يازان: رشید بَی افندیئو كؤچورن: احد فرهمندی مئشه‌ده زوربا بیر جیر آلما آغاجی بیتمیش ایدی. پاییز فصلینده بو آغاجدان بیر آلما دوشوب یئرده قالمیش ایدی. قورد-قوش بو آلمانی دیمدیکله‌ییب هم اؤزونو و هم توخومونو یئمیش ایدیلر. آلما توخوموندان بیر دهنه‌سی سیچراییب یئرین جادارینا دوشموش و اورادا قالمیش ایدی. قیش اؤتدو، یاز آچیلان زامان گونون حرارتی یئره تأثیر ائله‌مگه باشلادی، بو توخوم دا او واخت گؤیرمگه باشلادی؛ تورپاغین ایچینه ساری کؤک آتدی، هاوایا ایکی یارپاق آچیب باش چیخارتدی. بو دئدیگیمیز اوّلينجي ایکی یارپاغین تن اورتاسیندان بیر زوغ گؤیرمگه باشلادی. بو زوغ اوزونو خیردا-خیردا دویمه‌لر دوزولموش ایدی و بونلاردان دا  تزه یارپاقلار و زوغلار چیخماغا باشلامیش ایدی. بو مینوال ایله زوغ آتا-آتا توخوم گیزله‌نمیش یئرده بیر گؤزل آلما آغاجی عمله گلمیش ایدی. بیر نفر باغبان الینده دمیر بئل مشه‌ده گزرکن بو شومال اونون گؤزونه ساتاشدی و درحآل بو آغاجی قازیب یئردن چیخارماغا باشلادی. آلما آغاجی بو حالی گؤروب دئدی: — وای، وای. عؤمروم بورادا تامام اولدو، داها یاشاماق منه ممکن اولماز، تلف اولدوم گئتدی. اما باغبان کمال-احتیاط ایله اطرافینی قازیب، ریشه‌لرینه خلل یئتیرمه‌یرک، بو جاوان آلما آغاجینی مشه‌دن چیخاریب باغینا کؤچوردو و راحات یئره باسدیردی. تزه باسدیریلمیش آغاج اطرافینا باخیب گؤردو کی، قونشولوغوندا گؤدک-گؤدک گؤیرتیلر یئره باسدیریلیب، باشلاری کسیلیب و كسیک یئرلره جیریق-جین‌دیر باغلانیب‌دیر. اؤزونه اولان حؤرمتی گؤروب خیلی مغرورلاشدی. آنجاق یازیق بیلمیردی کی، کؤک توتاندان سونرا باغبان اونو دا اطرافینداکیلارین حالینا سالاجاق‌دیر. او بیری ایل باغبان الینده ایتی دهره گلیب بو آغاجین بوغازیندان کسیب آتدی، قالدی بیرجه کؤتویو. بو دفعه آلما آغاجی اؤزو-اؤزوندن ال گؤتوردو و دئدی کی، لاپ هلاک اولدوم. من بیر داها عمله گلمه‌رم. باغبان الینده‌کی دهره ایله گؤتویون تپه‌سیندن ووروب باشی آشاغی جیردی. همین یاریغا باشقا بیر جینس آلما آغاجی‌نین زوغونو سالیب ووردوغو یارانی ملحم ایله باغلادی. آلما آغاجی جاوان اولدوغو و قوووتلی یئرده بیتدیگیندن، گؤتوردویو یاراسی تئزلیکله ساغالیب باشقا جینس آغاجین بوداغی ایله قاینادی. بو جالاق اوچ ایل عرضینده قول-بوداق آتیب میوه گتیرمگه باشلادی. میوه، نئجه میوه. اؤزو ایری، رنگی آل-قیرمیزی، عطری خوش، دادی تورشا شیرین، اؤزو یوپ‌یوموشاق. خلاصه، بو آلما آغاجی ائله بیر شهرت قازاندی کی، هر یئردن گلیب اوندان قلم آپاریب جالاق جالاییردیلار. https://t.me/Adabiyyatsevanlar
12 февр. 2025, 22:25

اوشاق ادبیاتی https://t.me/Adabiyyatsevanlar
12 февр. 2025, 22:24

اوشاق ادبیاتی نورالدین_مقدم (آیدین دومان) آجالمێشام آی آنا! گۆن اوْرتا مدرسـه‌دن تر – تله‌سیک چاتێرام سوْیونمامێش ایستیرم بیر یئر تاپام اوْتورام آنام دئیینیر آنجــاق اوْغلان گئت اوْتاغینا سؤزۆن کسیرم... نئیلیم آجالمێـــشام آی آنا! آنا نه بیشـــیریرسن؟ بیر آز وئر دادێم گئدیم ائله چاش باش اوْلموشام هئچ بیلمیرم نه ائدیم آنام گۆلور یاواشجــا ائله جانێندان... دئییر بیشیردیڲی کۆفته‌دن قاشێقدا بیر آز وئریر دادلانێــر دوْداقلارێم گۆل دۆشور  یاناغێما بیر گؤز ووروب،گۆلورم قاچێــــرام اوْتاغێما https://t.me/Adabiyyatsevanlar
12 февр. 2025, 22:14

اوشاق ادبیاتی یولو دوز اویرتسک نتیجه لر یاخشی اولار
12 февр. 2025, 22:11

اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . h
اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar
12 февр. 2025, 22:06

photo content
12 февр. 2025, 14:11

photo content
12 февр. 2025, 13:57