ادبیات سئونلر

اوشاق ادبیاتی کارتون اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

اوشاق ادبیاتی یازان:اومای خانیم پارکدا اوتورموشدوق، اوچ آنا و من. آنار آندانین دوستلارینین آنالاری. او اوچوده فقط اوشاق باغچاسیندا بیربیرلرینی گؤرموشدولر، اوشاقلاری عئینی کلاسدا دئییل. بیرینین اوشاغی بو ایل مدرسه‌یه گئدیب، آندانین بیلدیرکی دوستودور. بیرینین اوشاغی ایندی آندانین کلاسیندا، و بیرینین اوشاغی ایندی آنارین کلاسیندادیر، یانی من اوچ آنانی دا ایللردیر تانییرام، آما اونلار ایلک دفه بیر یئرده اوتوروب گؤروشوب دانیشیردیلار. اوشاقلار اویناییردی و بیز دانیشیردیق، اوردان بوردان، ایش دونیاسیندان. اوچوده معلم‌دیرلر و مدرسه‌لردن دانیشیردیلار، بیریسینین سابقه‌سی داها چوخویدو او تجربه‌لرینی پایلاشیردی،‌ منده ایران و آلمان مدرسه و اؤیره‌تیم سیستم فرقلریندن دئییردیم. «کلارا» گلدی قاچا قاچا، دئدی «فرئد»، «کارلو»نو ووردو، «کارلو» آغلاییر. نه فرئدین آناسی، نه‌ده کارلونون آناسی دوردو. کلارانین آناسی دوردو دئدی من باخارام. بوردا چوخ نادیر اوشاقلار بیربیرینی وورار. کلارانین آناسی گئتدی گلدی و صحبت قالدیغی یئردن دوام ائتدی. بلی صحبت قالدیغی یئردن دوام ائتدی و من آلاجاغیم درسی آلدیم. من اولسایدیم نئینردیم: ۱. من اولسایدیم آنار یا آندا باشقا اوشاغی وورسایدی، من گئدردیم اورا، و منیم بالام حاقلی اولماسایدی، دئیردیم کی عوذر ایسته‌سین ووردوغو اوشاق‌دان. ۲. من اولسایدیم آنار یا آندانی باشقا اوشاق وورسایدی، من گئدردیم و اؤز اوشاغیمی آووندوراردیم و اویون لارینین دوام ائتمه‌سی‌نه الیمدن گلنی ائدردیم. ۳. من اولسایدیم  و منیم بالام باشقا اوشاغی وورسایدی و باشقا آنا گئتسه‌ایدی، من او آغلایان اوشاغین آناسیندان عوذر ایستردیم. و اوگون او ایکی آنا (ووران اوشاغین آناسی و آغلایان اوشاغین آناسی) هئچ بیرشئی اولمامیش کیمی صحبت‌لرینه دوام ائتدیلر و من درسیمی آلدیم: «بیز بؤیوک‌لر، اوشاقلاریمیزین ائتدیغی هر اشتباه‌ ایشینین مسئولو دئییلیک» البته کی بؤیوک اشتباه‌لاریندا ایلگیلنمه‌غیمیز گرکیر، البته‌کی باشقالارینا جدی ضرر وئرسه‌لر ایلگیلنمه‌غیمیز گرکیر. آما اوشاغیمیزا اوشاقلیغیندان اؤرگتمه‌لییک: ایشلرینین مسئولیتی اؤز بوینونادیر. و اوشاق سؤزنن اؤرگشمیر، رفتارنان اؤرگشیر. منیم اوشاغیم گؤرسه‌کی او باشقا اوشاغی ووراندا، من اونون یئرینه اوشاقدان یا آناسیندان عوذر ایسته‌ییرم، سیزجه نه درس آلار بوندان؟ سیز بوباره‌ده نئجه دوشونورسوز؟ https://t.me/Adabiyyatsevanlar

اوشاق ادبیاتی یازان:اومای خانیم

اوشاق ادبیاتی ویروس   شاعیر :مرتضی مجدفر قارا، کیفیر اللری ایله بیزیم ائوده یاتدی ویروس. اوز - گؤزومو یالادی او سونرا ایتیب باتدی ویروس. صاباح بیزه قوناق گلدی لاپ آرانی قاتدی ویروس. ساغ‌اوللاشما زامانیندا ناخوشلوغو ساتدی ویروس. ال وئرنده اؤپوشنده اؤز اوخونو آتدی ویروس. هامی گئجه اؤسکوروردو آرزیسنا چاتدی ویروس. https://t.me/Adabiyyatsevanlar

دگرلرین بیر-بیرینه قاریشان دؤورونده بوشلوقلاری هارادان آختارماق و اونلاری نه ایله دولدورماق مومکوندور؟ فیکریمیزجه بو یؤنوم‌ده یئنه ده اساس یوک، یازیچی‌نین، شاعیرین عمومیّت‌له اوشاق متنلری یارادان ایمضالارین بوینونا دوشور. اوشاق ادبییاتی اصلینده ادبییاتین ان چتین ساحه‌سی حساب اولونور. اوشاقلارلا دیل تاپماق، اوشاغین اوره‌یینه  نفوذ ائتمک، اونون اینامینی و اعتبارینی قازانماق، یادداشیندا گؤزل ایزلر بوراخماق، گله‌جک حیاتیندا هئچ زامان یاددان چیخمایاجاق ایزلر قویماق هر مؤلّفه نصیب اولمور. بالاجا قارا بالیق، کارل سونو، بوراتین‌اونو، آلیسانی، اوزون‌ جوراب پئپ‌یینی، بالاجا شاهزاده، قاوروشو کیم خاطیرلارمی؟ هر بیری اؤز یئرینی توتموش، زامانین سیناغیندان کئچمیش، نمونه‌یه چئوریلمیش اوبرازلاریدیر. بو باخیمدان معاصر آذربایجان اوشاق یازارینی سوال قارشی‌سیندا قالماسی طبیعی‌دیر. اصلینده ایندی قلوبال‌لاشان دونیادا تکجه جغرافییالار و اراضی‌لر دئیل، همچینین میللی دگرلر حتی دوشونجه‌لر بئله گیزلی ساواش گئدیر. کیم داها گوجلو تاثیرلی واسطه‌لر یارادا بیلیرسه، اونونلا دا دیگرلری‌نین کؤکلو دوشونجه‌سینی، عادت-عنعنه‌سینی تاثیر آلتینا سالیر. بو باخیمدان اوشاق پیس خولوقییاسی داها حسّاس مقام کیمی دیقّت‌ده ساخلانیر. اونا گؤره ده دا یاد دیلده دانیشان، یاد عنعنه‌دن گلن یاد محیط‌دن خبر وئرن اوبرازلارین یئرینه اورتایا چیخان و یا فولکلوروموزدان فایدالانماقلا یارادیلان اوشاق اثر قهرمانلاری اونون الیندن توتاجاق اعتبارلی دوست اولان بیلمکله یاناشی اؤلکه‌میزین، همچینین ادبی متنلریمیزین خارجی اؤلکه‌لرده تانیتدیرماسی باخیمیندان خصوصی اهمیّت داشییا بیلیر. اوشاق ادبییاتی‌نین یارادیلماسیندا بو مسئله دیقّت‌ده ساخلانمالی، گؤزل متینلر یارادیلمالی و دونیا اوخوجوسو بیزی هم ده بو گؤزل اوبرازلارلا تانیمالی و تانیتمالیدیر. اگر ۲۰-جی عصره باخساق اونون ایلک یاریسیندا ادبییاتدا آذربایجانی یازیچیلار و شاعیرلر طرفیندن داها چوخ میللی کاراکتئرلی اوبرازلارین یارادیلدیغینی مشاهده ائتمک او قدر ده چتین دئیل. اوشاقلار بیزیم گله‌جه‌ییمیزدیر. دفعه‌لرله قارشیلاشساق دا حیات داوام ائتدیی مدّت‌جه بو سؤزلر اوز اهمیّتینی ایتیرمه‌یه‌جک. بیزلر، بؤیوکلر والیدین، پئداقوقلار، کوتله‌وی اینفورماسییا واسطه‌لری نماینده‌لری، اولاراق بو مسئله‌نین مسئولیّتین هئچ زامان اونوتمامالی، تمل‌لرین موحکم آتیلماسی جمعیّتین سن ساغلام اساسلار اوزه‌رینده دایانماسی اوچون بو ساحه‌نی دیقّتدن قاچیرمامالیییق. https://t.me/Adabiyyatsevanlar

اوشاق ادبیاتی یازان: هدییه شفقت کؤچورون: رقیه اسماعیلی آذر قارشیندا دوران ان عمده مسئله‌لردن بیریدیر. هامیمیزین اوشاق واختی کیتابلا تانیش اولدوغو بیر مقام وار. چوخوموز ایلک کیتابیمیزی بو گونده خاطیرلاییریق بعضاً، شکیللی کیتابلارلا باشلایان تانیشلیق گئت-گلده دوستلوغا چئوریلیر، همین کیتابلار واسطه‌سی ایله تانیدیغیمیز قهرمانلار بیزی حیاتیمیز بویونجا مشایعت ائدیر، یول گوسته‌ریر، عؤمروموزون بیر چوخ مقاملاریندا کؤورک حس‌ّلرین یارانماسینا سبب اولدو. حاضیردا اینکیشاف ائتمیش تئکنولوژی بیر چوخ مسئله‌لرین آسانلاشدیریلماسی، یئنیلیکلر گتیرمک‌له یاناشی اوشاقلارین حیاتیندا دا معیّن  تاثیرلرین یارانماسینا سبب اولماغا باشلایب. متخصص‌لرین پئداقوق و پیس‌خولوقلار هیجان طبیلی چالیرلار. آددیم‌ باشی قارشیلاشدیغیمیز بیزه یاد اولان اوشاق قهرمانلاری‌نین تصویرلری شعورا هوپماقلا حاضیردا دونیانین اساس تبلیغات و تاثیر واسطه‌لریندن بیرینه چئویریلیر. اویونجاقلار، گئیملر، حتی مکتب لوازیماتلاری‌نین اوزه‌رینده بیزه کیملر باخیر؟ هانسی مئساژلار اؤتورورلر؟ تام و جئری، ماداقاسکار قهره‌مانلاری، کایونو-سئدریکی، ماشا-میشانی تانیمایان اوشاق وارمی؟ بس همین اوشاقلارین حیاتیندا داخیل اولموش بو اوبرازلاری اؤزوموزدن گلن هانسی اوبرازلارلا اوزله‌مک ایمکانینا صاحبیک؟ بو سوالین اؤزو بئله تأسسوف دوغورور. نه قدر عادی  یاناشیلسا دا بو مسئله‌لرین آلت قاتینا بؤیوک بیر قئیری-تارازلیق دایانیر. دوشونملی و تانینمیش اوبرازلاردان هر بیری‌نین ایلک نؤبه‌ده بیر قلم محصولو اولدوغونو اونوتمامالی‌ییق. آخی اصلینده هر شئی متیندن باشلایر. معاصر اوشاقلیغین بو تاثیرلرله اوز-اوزه قالماسی فورمالاشاجاق جمعیّتین بیر چوخ ساحه‌لرینده بؤیوک چتین‌لیک‌لره گتیریب چیخاردا بیلر. کیتاب اوخونماسی خیال قورماق، فانتازییا، تصوّر ائتمه باجاریقلاری‌نین یارانماسی، دیلین قورونماسی، اؤتورولمه‌سی باخیمیندان واجیب اولدوغو کیمی اوخونان کیتابلارین باخیلان فیلیم‌لرین دینله‌نیلن موسیقی‌لرین یاراتدیغی تاثیرده. اوینانان اویونلارین یاراتدیغی تاثیر ده گؤزدن قاچمامالیدیر. ایندی ادبیاتین قارشی‌سیندا دوران ان موهوم مسئله‌لردن بیری اوشاق متن ذووقونون قورونوب ساخلانماسی، اوشاق حیکایه‌لری‌نین، اوشاق شعرلری‌نین یازیلماسیدیر. ایندی اؤزونو بوتونلوکله اوشاق متنلری‌نین یارادیلماسینا حصر ائتمیش مؤلف‌لرین آدینی سادالاماق بئله چتیندیر. منصوب اولدوغو خالقین ایزلری‌نین داشینماسی، همچینین دونیوی دگرلرین تانیدیلماسی، اوشاقلارین وطن‌پرورلیک، هومانیزم، هامییا حؤرمت دوست‌لوق، یولداشلیق و دیگر مسئله‌لرله باغلی کیچیک یاشلاریندان چاتیشمازلیق حسّ ائتمه‌مه‌سی اوچون هر بیر اؤلکه‌نین وطنداشلاری‌نین قارشی‌سیندا دوران وظیفه‌لر اوشاق ادبیاتی‌نین یارانماسینا خصوصی دقّت طلب ائدیر. معاصر دونیا اوشاغین حیاتیندان ادبییاتین اهمیّتینی سیخیشدیریب چیخارتمیش کیمی گؤرونور. اصلینده ایسه بیر چوخ دگرلرین قورونماسی اوچون اساساً ده مؤلف‌لرین بو مسئله‌یه دقّت آییرماسی واجب مسئله‌لردن بیریدیر. بیر چوخ اؤلکه‌لرین فولکولوروندان، عنعنه‌سیندن ادبییاتیندان، همچینین فیلم و جیزگی فیلیم‌لردن گلن یاد قهره‌مانلار اوشاقلارین یادداشیندا اوزون مؤحکم یئر توتدوقجا اونون منصوب اولدوغو جمعیّته، محیطه یادلاشماسی باش وئریر. بونون قارشی‌سینی آلماق اولارمی؟ البته اولار. یوز ایل‌لیکلرین سیناغیندان چیخمیش مودریک بابالار، ننه‌لر، آغیللی ناغیل قهره‌مانلاری، ایگیدلرین اوبرازلارین قورونوب اؤتورمک‌له یاناشی معاصر یازیچی هم‌ ده اؤز خالقینا خاص اوبرازلار یاراتمالی، نئجه دئیرلر قهرمانلار دوغورمالی، اونلاری برئنده چئویرمه‌لی‌دیر. اوشاقلارین شعورونا گونده‌لیک حیاتینا، دیگر اوشاقلارلا، بؤیوکلرله مناسبت‌لرینه، یاشادیغی اؤلکه‌یه منصوب اولدوغو خالقا دوغما حسّ‌لرله بؤیومه‌سینده بو اوبرازلار عوض‌سیز رول اوینایا بیلر. سرعت‌لنمیش و اینفورماسیا بوللوغون‌دا اولان دونیا عاییله‌ده والدین‌دن، تحصیل مؤسسه‌لرینده پئداقوقلاردان بو یؤنده چتین‌لیکلرین آرادان قالدیریلماسیندان خصوصی دیقّت طلب ائدیر. بو معنادا کیتابخانالارین دا تاثیرینی اونونماق اولماز. اوشاقلارین کیچیک یاشلاردان باشلایاراق کیتابخانالارا جلب ائدیلمه‌سی، معیّن تدبیرلرین حیاتینا گئچیریلمه‌سی فونوندا دوغما اوبرازلارین عهده‌سیندن گلمک ده عوضسیز کؤمکچی‌دیر. بیزیم اوشاقلیغیمیز بیر آز دا جیرتدان، گؤیچک فاطما، ملیک‌ممد، تنبل احمد، تیق-تیق خانیم، دلی-دومرول، همچینین جیزگی فیلیم‌لریمیزدن گلن مئهریبان کیرپی، مئشه‌نین قورونماسینا چالیشان دووشان، مودریک موللانصرالدّین و دیگر اوبرازلارلا چوخونون فولکلوردان گلدییی گؤز قاباغیندادیر. بس ادبییاتدان گلن اوبرازلاری هارادا تاپمالیییق؟

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

اؤلدو، آمما… بؤیوک‌آغا افندی حئکایه تانیشلیغیمیزدان بیر او قده‌ر ده کئچمیر. دؤرد گون اولا یا اولمایا! من گؤرن گوندن سیگار داماغیندان دوشمه‌میشدی؛ بیر آن دا دوداقلاری بوش قالمیردی. ناهارا یاخین دؤردونجو قاتدا سوتونلری جوش لاماغینی گؤردوم. ایشله‌یه ایشله‌یه ده، شیرین- شیرین سیگارتی سومورور، توستوسونو ریه‌لرینین لاپ درینلیینده گزدیریب، سونرا بورنون دئشیکلریندن چؤله بوراخیردی. بیردن، آیاغی‌نین التینداکی دمیر اوینادی. دوداغینداکی سیگارلا برابر اوزو آشاغی آخدی. باغریم چاتلادی. شانس گتیردی نردوانین اوستونه دوشدو. نردواندان ایسه سوروشوب، گؤتو اوسته اوچونجو قاتین دامیندا یئره سریلدی. آنجاق بو حالدا دا سیگار دوداغیندان قوپمامیشدی و توستولمه‌سینه داوام ائدیردی. اوجورکی دوشدو، دئدیم بئینی پارتلادی. قورخو ایچینده هامیمیز ایشدن ال چکیب، دوشدویو یئره طرف قاچدیق. هریانی سییریلمیشدی. بدنی بوتون گؤم- گؤی ایدی. آنلی پارچالانمیش، قیزیل قان صیفتینه آخیردی. آمما بئله بیر وضعیتده ده سیگاری آغارمیش دوداقلارینین آراسیندا هله ده توستوله‌ییردی. یئردن قالخیزدیق. زاریلدایا -زاریلدایا ال آتیب، جئبیندن سیگار پاکاتینی چیخاریب، کؤهنه سیگارین اودو ایله تازا سیگارینی آلیشدیردی. درین بیر نفس ووروب، توستونو کره‌نی کیمی بورنونون دئشیگیندن چؤله فیسقیردی. زنگ ووردوق اورژانس گلدی. دؤرد یاندان قویدوق برانکاردین اوستونه. هله آمبولانسدا دوز- عمللی یئرین آلمامیشدی، آل آتیب دوستو «مش اکبر»ین کؤینک جئبینده‌کی سیگار پاکاتینی گؤتوردو. یاریم ساعاتدان سونرا خسته‌خانایا چاتدیق. آمبولانسین ایچی تولامبارا اوخشاییردی. قاپینی آچار- آچماز توستو باسدی ائشییه. بیردن سیزیلدایا- سیزیلدایا دئدی: «بیرینیز قاچین اوچ دؤرد پاکات منه سیگارآلین. بلکه گئجه بوردا قالمالی اولدوم.» برانکاردین اوستونده اورژانسا یئتیرنده، سیگاری داماغیندا هوشدان گئتدی. اوچ دؤرد دوکتور، پرستار دوشدولر جانینا. شووک وئرن کیم، یوموروق – شاپالاق ووران کیم! آنجاق فایدا ائله‌مه‌دی کی ائله‌مه‌دی. هر نه ائله‌دیلر نفسی قاییتمادی کی قاییتمادی. اومودلاری کسیلدی. چالیشدیلار هئچ اولماسا سیگاری اؤلوم توزو قونموش دوداغینین آراسیندان قوپارتسینلار. اودا قوپولمادی. سیگار دوداغیندا، اؤلوم ورقه‌سی حاضیرلاندی. چوخ چکمه‌دی اورژانسین تختیندن آییریب، تخته بیر تابوتا قویدولار. خسته‌خانادان چیخدیق. آمبولانس قبریستانا طرف یولا دوشدو. هله شهردن چیخمامیشدیق، بیردن گؤردوک تابوتدان توستو قالخیر. توستو ایله برابر ده تابوت ایچیندن عجیب غریب سسلر گلیر. سن دئمه، خسته‌خانادا ایکی دقیقه سیگار چکمک امکانی اولمایان یارالی‌نین اؤلومونه سبب اونون آلدیغی مختلف بدن خسارتلری یوخ، قانی‌نین توستوسونون آزالماسی ایمیش. تابوتون یانما توستوسو مرحومون بورنونا ده‌یجک، یئنی‌دن نفسه گلیب، دیریلمیشدی. اونو تابوتدان چیخارانا کیمی، قول- قیچی، بئلی- بالدیری یانمیشدی. یئنی‌دن اورژانسا قایتارماق فیکرینده ایدیک کی، یانیق – یانیق الیمیزدن قورتولوب، بیر توکانا گیردی. اؤزوموزو یئتیرینجه، دوداغیندا فیسقیران سیگاری ایله آخسییا- آخسییا، اؤسگوره- اؤسگوره بیزه طرف گلیردی … پاییز ۱۴۰۳ قایناق: ایشیق سایتی https://t.me/Adabiyyatsevanlar

رحیم گوزل سوت قوخولو کورپه لرین قانینی شربت کیمی ایچنلره اینسان دئسک، بس، قارینجا یوواسیندان بارماق اوسته کئچنلره نه دئیه ک؟ اینسانلار دا، ایکی یئره بولونوب، اهلی اینسان، وحشی اینسان عونوانینی آلسین گرک!.. 2 ایندی صولح آدینا گویرچین اوچورتماق اولماز هاوایا؛ راکت دَیَر؛ گویلر گووه نسیزدیر هله... آغ قانادلی لار دا بئله اونله ینمیر اوشاقلاری بومبالایان اوچاقلاری!..

مهر ورزی  ( محبت بدون چشم داشت یک دلال سهام لندنی به‌نام نیکلاس وینتون که چند ماه قبل از شروع جنگ جهانی دوم، بیش از ۶۰۰ کودک را از چکسلواکی اشغال‌شده توسط ارتش نازی نجات داد...

صبا علیزاده اسلحه ها را “زنده به گور “کنید و “گندم ” بکارید   “دیکتاتور”ها را خلع درجه و بر سینه ی “کشاورزان ” “مدال” حک کنید   چوبه های دار را بتراشید مجسمه ی “آزادی”بسازید و در “میدان”شهر بگمارید ،،  انبار “مهمات”را بسوزانید و “کتابخانه”بسازید   “فشنگ” هارا خفه کنید و قلم ها را “مسلح”   “موشک”هارا در قفس کنید و “پرندگان”را “آزاد”   “مرز” هارا به هم بدوزید و “پرچم “ها را در قلب نهان کنید “انسانیت”را قاب کنید  بر “سینه”ی دیوار بکوبید .   “مدارس”و “دانشگاه” را آذین ببندید . “مطربان”بنوازند “خدا”را دعوت کنید تا با کودکان “برقصد” https://t.me/Adabiyyatsevanlar

اوستاد "رحیم رئیس نیا "ایله اوزه ل دانیشیق. ادبیات سئونلر کانالیندا موضوع "نهنگ ها به خاک برمی گردند "کیتابینین حاقیندا زمان:سه شنبه1403,8,1 ساعات:9

محرّم پریزاد (سورگون) تك‌ آغاج‌ اوجا‌ داغ  دؤشونده‌  بيتَن‌ تك‌آغاج          يئن‌ دوزه‌ گل بيزه‌، بيزيم‌ ائوده‌ بيت‌ شاختايا‌- شاخلووا‌،‌ دؤزَن‌  تك‌آغاج       يئن‌ دوزه‌ گل بيزه‌، بيزيم ‌‌ائوده بيت‌ آياغين‌ ديرَشميش‌، هوندور‌ داغلارا‌            دؤزوبسن‌،  ياد‌‌ ألي‌ ووران‌ داغلارا‌ دولورسان‌،  باخاندا‌  قارا‌ باغلار‌ا             يئن‌ دوزه‌، گل بيزه‌، بيزيم‌ ائوده‌ بيت‌ يول‌‌چكن گؤزلرين‌، هاردان‌  آرالي‌؟          چيچك‌دن‌  آرالي‌،  باردان‌   آرالي‌ ‌؟ هيجران‌ گؤزه‌ليندن، ياردان‌ آرالي‌؟            يئنن‌ دوزه‌، گل بيزه‌، بيزيم‌ ائوده‌ بيت‌ وئريبسن‌  تالانا‌،  يارپاغي‌،  باري‌           سندن‌ آيري‌ سالميش‌، يولداشي‌، ياري‌ گؤروم‌  تالان‌  وئرسين‌، ظاليمه‌  تاري‌       يئن‌ دوزه‌، گل بيزه‌، بيزيم‌ ائوده‌ بيت‌ نه يئلدن‌  باكين‌ وار‌، نه‌ده   بوران‌دان        قاراقو‌لاق‌لاردان، قاراسوران‌دان سندن‌  اوز‌ گؤروبن‌، اوزه‌  دوران‌دان        يئن‌ دوزه‌،  گل بيزه‌،  بيزيم‌  ائوده‌ ‌ بيت‌ سنده  كؤلگه‌‌لَنَن،  تكه‌- توك‌  قوشلار‌     قايغي‌سيز، قورخوسوز‌، يئريني‌ خوشلار‌ اوخويار‌، دؤش‌وئرر، كهليك‌ دوروشلار‌!      يئن‌ دوزه‌،  گل بيزه‌،  بيزيم‌  ائوده‌  ‌بيت گئجه‌  يولچولارا‌،  بير‌ نيشان‌،  بير‌  ايز‌          قان‌لاري‌  اووجوندا‌  گزَنله‌،  بيريز‌ سنين‌ سنگرينده‌، كؤچمه‌سين‌، بیر‌   ديز‌!      يئن‌ دوزه‌، گل بيزه‌،  بيزيم‌ ائوده‌  بيت‌ من‌ده  سنه  بنزر‌،  دؤزومده‌،  تكم‌             عمل ساحه‌سينده،  سؤزومده‌،  تكم‌ سامان يوللاريندا‌، اؤزومده‌،  تكم‌             يئن‌ دوزه‌،  گل بيزه‌،  بيزيم‌ ائوده‌ بيت‌‌‌‌ (سور‌گون) بير‌ نئچه‌ گون‌، سنه مئهمان‌دير      سالديغين‌  مفرشين‌  بوياسي‌، قان‌‌دير بيزي‌ سارسيتمايان‌،  قانلي‌ پيمان‌‌دير          يئن‌ دوزه‌،  گل بيزه‌،  بيزيم‌ ائوده‌ ‌ بيت‌. 20/12/1383 https://t.me/Adabiyyatsevanlar