ادبیات سئونلر
Відкрити в Telegram
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.
Показати більше3 139
Підписники
Немає даних24 години
-47 днів
+1730 днів
Архів дописів
3 139
خبر
درخششی دیگر در پهنه ی فرهنگی میانه
به همت سرکارخانم فاطمه محمودی ، "قیچا گلین"عروسک محلی میانه، نشان ملی فیروزه را از وزیر فرهنگ و ارشاد اسلامی دریافت کرد.
این هنرمند نام آشنا که افتخارات فرهنگی و هنری کمنظیری را در سطح کشور به دست آورده،اینبار در جشنواره ی ملی فیروزه مقام نخست را از آن خود کرد .
همچنین ایشان در سال گذشته، عروسک محلی میانه را در فهرست میراث ناملموس کشور، به ثبت ملی رسانده است.
24 лют 2025, 23:46
3 139
علی رشتبر قاییب
یئنه ده خالچاسین دؤشه دی پاییز،
اوشاقلار مکتبه گئدیرلر یاواش.
یئنه ده آنامین دیلی سیزلاییر:
- من ده او مکتبده اولایدیم ای کاش!
منیم وارلیغیمین منیم جانیمین،
اوزولور هر یئردن اتگی الی.
یئنهده مکتبین دام دیواریندان،
ایچری بویلانیر آنامین دیلی.
مین حسرت ایچینده، مین غم ایچینده،
بو گوندن کؤرپه لر اونو آتاجاق.
گؤره سن آی الله بو درد، بو کدر،
بو تورپاقدا هاواخت سونا چاتاجاق.
23 лют 2025, 23:49
3 139
یانیس ریتسوس
تورکجه یه چئویرن: رحیم گوزل
اوزون بیر یول ایدی بورا قدر آنا
چوخ اوزون
او قدر کی
گئییملریمیزین دویمه لر ی بئله
اَینیمیزه آغیرلیق ائدیردی
2
داشی، داش اوستونه قویدو
ائو دیکمک اوچون یوخ،
بیر شئعیر قوشماق اوچون
یوخ!
ساده جه
یالنیزلیغینی
اولچوردو
3
قادین پنجره نی آچدی، یئل
هوجومونان، ایکی قوش کیمی،
چیینینه قوندوردو ساچلارینی، پنجره نی باغلادی.
ماسانین اوزَرینده ایکی قوش وار ایدی.
اونا ماریتمیشدیلار، باشینی ائندیریب
آرالاریندا سسسیزجه سینه آغلادی.
23 лют 2025, 23:45
3 139
مریم_قربان_زاده
ساچلاریمدان
باغلاما تئلی یارادین
گله جک عاشیقلر ماهنی سیز قالماسین بلکه.
تاریخ دن سونرایا یازدی بونو قادین
یانی:
"من"
۱.
یازدیم عشق
اوخودونوز داش قالاق
گؤزلریمین یاشینا باخمایانلارین
آناسی کیم ایدی کیم؟
۲.
ائوین آدرئسی منم
دونیا اته ییمدیر
داش لارینی آتدیم
بیر
بیر
آیریلدینیز سونرا
ساواش دان سونرا کی باریشن یولو منیم باغریمدی
آچدیم سیزه باغریمی
گؤزلریمده باغلادینیز آغریلاریمی
۳.
قیریلمیش آینادا قاناد آچدیم یالقیزلیغا
گؤزله دیم گله جه یی گلمه دن
سن هایانداسان اؤغلوم!
بیر
گولله آچیلدی باغریندا قارانلیق گیزله نن دونیادا
۴.
اللریم
قیریلمیش تئللری دیر باغلامانین
اوی گؤزه لیم حوزنومون قانادسیزلیغی اوی
۵.
آغارمیش ساچلاریما
قوناق چاغیردینیز قیشی
یاز
گله جک آلین یازیمدیر منیم
ایجازه وئرسه نیز:
چیچک قوندارا بیلره م دوداقلارینیزا
۶.
سورگون گئدن قیزجیغازلارین باخیشیندا
یئره تؤکولدو روحوم
ساواشدان قالان حیاتین یؤکونو
چییینلریمده دولاندیریرام
اویسا
سیز
خریطه لرین اوزونو قارالاییرسینیز
۷.
دونیانین دردینی
کؤکسومده یئرقالاییرام
سود وئریرم
لای لای اوخویورام
آما حئییف
آما حئییف
اللرینیزده توفنگ تومورجوقلانیر یئنه
هانسی آنانین باغریندا
ساورولاجاقسینیز؟
هانسی آنانین؟
هانسی؟
https://t.me/Adabiyyatsevanlar
23 лют 2025, 23:12
3 139
ایکی آفتاها یاغیش یاغییب صباح مملکت ده یالنیز کویر لوت ایله هرمزگاندا دنیز تعطیل دییل.
بونا دئییر مدیریت،اویرندیز؟!
https://t.me/Adabiyyatsevanlar
23 лют 2025, 15:36
3 139
بهمن_وطناوغلو
اوتانماسام اوشاق کيمی آغلارام،
يامانجا دوشوبدو ياديما داغلار.
ايسته ييرم بير آه چکم اورکدن،
قورخورام آليشا اودوما داغلار.
قوينوندا اولاندا چکمه ميشم قم،
آيريلاندا گليب گؤزلريمه نم.
بختيمه يار اولوب، کؤنلومه همدم،
دار گونده يئتيشيب داديما داغلار.
شيرين لايلام اولوب بولاغی، چايی،
اونودا بيلمرم بو حاقی-سایی.
منيم سئوگيم يوخدور اوندان ساوايی،
بهمنم يازيليب آديما داغلار.
https://t.me/Adabiyyatsevanlar
23 лют 2025, 11:06
3 139
"رامیز روشن"
اللریم ساچینا چاتا بیلمه دی
اومودسوز داراغیم کوسولو گئتدی
بیرشیرین اؤپوشله باشلار سئوگی لر
آجیان دوداغیم کوسولو گئتدی
توتدون اللریمدن دونیا دایاندی
-من سنی سئویرم – دیلده یاراندی
بیلمه دیم نه اولدو!نه دن اوساندی
باغیشلا قوجاغیم کوسولو گئتدی
باخیشلار قاباقجا اوتاغا گلدی
قیزاردی بُوزاردی یاناغا گلدی
سئومک سوزجوک لری قاباغا گلدی
قیزاران یاناغیم کوسولو گئتدی
بیر سویوق گئجه ده قار اوستونده قار
گلمه میش گئدیردین –گئتمه نه اولار؟
لامپالار دالینجا گؤز ووروردولار
بیر یاغ سیز چیراغیم کوسولو گئتدی
باریشماق ایسته دی منده قوشمالار
سن ایله یازیلا ،سنده قوشمالار
بیردن دومان دوشدو!چن ده قوشمالار...
نئیله ییم واراغیم کوسولو گئتدی
https://t.me/Adabiyyatsevanlar
23 лют 2025, 00:45
3 139
استاد بهزاد بهزادی ادبیات سئونلر گوزگوسونده
زمان سه شنبه :1403,12,13
ساعات :9
دانیشانلار:
حسن ریاضی
مهندس علیرضا صرافی
نریمان ناظیم
ائلدار موغانلی
صدیاروظیفه :ائل اوغلو
حسین ریاضی
آپاریجی : کریم قربانزاده
22 лют 2025, 23:48
3 139
زرین رزندی(طناز)
کعبه ی آمالیمی ییخدی پنیر
شام وسحر قلبیمی سیخدی پنیر
آخ کی گوُروم پوتدوغونا قورد دوشه
دنگ ائله ییب،عوُمره سیریخ دی پنیر.
اوُلمک همن گوُر قویاجاخدیر شورا
سن ده سیخارسان،شورا اوسته قورا
لعنت اولا هم اوُلویه،هم گوُرا
اوقتی تلخ،سانکی چوبوخدی پنیر.
قووزادی باش،حددن آشیب قیمتی
بال کره دن،چوخ یوخاری سرعتی
قایماغا وار شدت ایله ذللتی
گلدی بیزه،سانکی کیریخدی پنیر.
ایندی کی قووزاندی شرف،عزتین
اوچ یوز اونا،قالخدی کیلو قیمتین
قوُزدا قصور ائتمه یه جک خدمتین
شور طام ایله،شیرینه چیخدی پنیر.
یوخ پولوشون،آخ نه گوُزل اتلی سن
آغ دونیله،سن نه ملاحتلی سن
قارلی سهندیم کیمی هئیبتلی سن
وارلی دا صبحانه یه تیخدی پنیر.
سن گیره لی زروراغا،آی پنیر
یوخسول ائوینده وئریلیر پای پنیر
من نه دئییم توصیفینه دای پنیر؟
لال قالا دیل،سوُیله دی خیخدی پنیر.
22 лют 2025, 02:42
