بۆ هاوسەرەکان

خوشکان و برایانی بەڕێز.. لەم ڕۆژانەدا تۆڕە کۆمەڵایەتییەکان پڕ بوون لە قسەوقسەڵۆك و دەنگۆ لەسەر ئابڕوو و کەرامەتی کەسەکان، پێویستە وەك کەسانێکی تێگەیشتوو و خاوەن باوەڕ، هەڵوێستێکی ڕوون و دروستمان هەبێت. پاراستنی ئابڕووی خەڵك یەکێکە لە گەورەترین بنەماکانی ئاینەکەمان. کاتێك قسەیەك یان دەنگۆیەك لەسەر ئابڕووی کەسێك بڵاودەبێتەوە، پێش ئەوەی بڕوای پێ بکەین یان قسەی لەسەر بکەین، با ئەم سێ خاڵە گرنگە بێنینە پێش چاومان: ١. ئابڕووی مرۆڤ لای خوا زۆر گەورەیە: ئیسلام بۆ سەلماندنی هەر بابەتێك پەیوەندی بە ئابڕوو و شەرەفەوە هەبێت، مەرجی زۆر قورسی داناوە ئەویش بینینی ڕووداوەکەیە بە چاو لەلایەن چوار شایەتحاڵەوە. ئەگەر ئەو مەرجە نەبوو، خوای گەورە حوکمێکی زۆر قورسی داوە و دەفەرمووت: ﴿فَإِذْ لَمْ يَأْتُوا بِالشُّهَدَاءِ فَأُولَئِكَ عِندَ اللَّهِ هُمُ الْكَاذِبُونَ﴾ [النور: ١٣] ٢. مەترسی بەشداریکردن لەم سەردەمەدا: ئەمڕۆ غەیبەت و بوختان تەنها بە زمان ناکرێت! یەك لایك (Like)، یەك کۆمێنت، یان ناردنی پۆستێك (Share) بۆ هاوڕێیەك، بەسە بۆ ئەوەی بتباتە ڕیزی ئەو کەسانەی کە ئابڕووی خەڵك دەبەن. با زۆر ئاگاداربین نەکەوینە بەر ئەم هەڕەشە توندەی خوای گەورە: ﴿إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ﴾ [النور: ١٩] ٣. بگەڕێوە بۆ ڕەوشتی قورئانی: کاتێك دەنگۆیەك دەبیستیت، با یەکەم کاردانەوەت وەك ئەوە بێت کە خوای گەورە داوای دەکات: ﴿لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَذَا إِفْكٌ مُّبِينٌ﴾ [النور: ١٢] پەیامی کۆتایی: با سندوقی نامەکانمان و مۆبایلەکانمان بکەینە گۆڕستانی دەنگۆکان. هەر شتێك هاتە لات کە پەیوەندی بە ئابڕووی خەڵکەوە هەبوو، لای خۆتەوە بیسڕەوە و مەبە بە پردێك بۆ گواستنەوەی تاوان. ئەمڕۆ تۆ پەردەپۆشی عەیبی خەڵك بکە، تا سبەی خوای گەورە لەو ڕۆژە سەختەدا پەردەپۆشی عەیبەکانی تۆ بکات. خوای گەورە زمان و دڵمان بپارێزێت. #ئینتەرنێت